ကျောက်ဆည်၊ ဧပြီ – ၂၆- ၂၀၂၄
SA(VOM)
မန္တလေးတိုင်း၊ ကျောက်ဆည်မြို့၊ ကျောက်ဆည်ပြည်သူ့ဆေးရုံကြီးရှေ့မှာ ဂိတ်ထိုးတဲ့ အိုးဝေယာဥ်မောင်းတဦး ဧပြီ လ ၁၉ ရက်နေ့က ယာဥ်အငှားလိုက်သွားရင်းကနေ ဒီကနေ့အချိန်ထိ အဆက်သွယ်မရ ပျောက်ဆုံးနေတယ်လို့ သိရပါတယ်။
ပျောက်ဆုံးနေသူ ကိုအောင်ကိုကို ဟာ ဧပြီလ ၁၉ ရက်နေ့က ကျောက်ဆည်ဆေးရုံရှေ့မှာရှိတဲ့ အိုးဝေဂိတ်မှာ စစ်ကိုင်းမြို့ကို အောက်စီဂျင်အိုးပို့ချင်တယ်ဆိုပြီး အမျိုး သားနှစ်ယောက်က အိုးဝေလာငှားလို့ လိုက်သွားပြီးကတည်းက အဆက်အသွယ်မရတော့တာလို့ အိုးဝေဂိတ်က ယာဥ်မောင်တဦးက ပြောပါတယ်။
” စဥ့်ကိုင်တိုးဂိတ်အထွက်မှာတော့ CCTV မှတ်တမ်းအရ သူ့ဘေးကနေ ညှပ်ပြီးထိုင်လိုက်သွားတဲ့ အနေအ ထားတွေ့ရတယ်၊ အနောက်မှာတော့ အောက်စီဂျင်အိုးတင်ထားတာ မတွေ့ရဘူး” လို့ ကိုအောင်ကိုကို ရဲ့ မိတ်ဆွေတဦးက ပြောပါတယ်။
အိုးဝေယာဥ်အမှတ် MDY 12 U/4403 ယာဥ်တစီးနဲ့အတူ အသက် ၃၅ နှစ်အရွယ်ဝန်းကျင်ရှိတဲ့ ကိုအောင်ကိုကို ကို ဒီကနေ့အချိန်ထိ အဆက်အသွယ်မရသေးဘူးလို့ သူ့ရဲ့ မိတ်ဆွေတွေက ပြောပါတယ်။
၂၀၂၂ ခုနှစ်နောက်ပိုင်း မန္တလေးတိုင်းမှာ ဆိုင်ကယ်၊ ကား၊ အိုးဝေတွေကို ပစ်မှတ်ထား လုယက်သတ်ဖြတ်ခံရတဲ့ အရေအတွက် များပြားလာပါတယ်။
ပြီးခဲ့တဲ့ ဧပြီ ၁၀ ရက်နေ့ကလည်း မန္တလေးမြို့၊ ပုသိမ်ကြီးမြို့နယ်၊ မန္တလေး – မတ္တရာကားလမ်းအရှေ့ဘက် အင်ကျယ်ရွာနဲ့ မင်းကန်ရွာကြား အိမ်ရှေ့ မင်းထန်းတောအနီးမှာ အိုးဝေမောင်းတဲ့သူကို သတ်ပြီး TVS ယာဥ်အမျိုးစား အိုးဝေတစီး လုယူခံရမှု ဖြစ်ခဲ့ပါတယ်။
ဇန်နဂါရီ ၁၈ ရက်နေ့ကလည်း ပြင်ဦးလွင်ကို ကားအဌားလိုက်သွားတဲ့ အမျိုးသားတဦး သတ်ဖြတ်ခံရပြီး Suzuki ကားလုခံရသလို ပြီးခဲ့တဲ့ မတ်လအတွင်းမှာလည်း ရွှေစာရံဘုရားဖူးလိုက်ပို့တဲ့ မီနီအိုးဝေ တစီး ခိုးခံရပြီး ဒီကနေ့အချိန်ထိ ပြန်မတွေ့သေးဘူးလို့သိရပါတယ်။
ဓာတ်ပုံ – လူမှုကွန်ယက်
Related posts
-
တရုတ်နဲ့တင်းမာနေစဉ် တောင်တရုတ်ပင်လယ်ကမ်းရိုးတန်းမှာ အမေရိကန်နဲ့ဖိလစ်ပိုင် ကျည်အစစ်တွေနဲ့ စစ်ရေးလေ့ကျင့်
မနီလာ၊ မေ-၆-၂၀၂၄ မျိုးဆက်(VOM) အမေရိကန်နဲ့ ဖိလစ်ပိုင်စစ်တပ်တို့ဟာ ပင်လယ်ပြင်မှ ကျူးကျော်ဝင်ရောက်လာမှုကို ချေမှုန်းတဲ့ စစ်ရေးလေ့ကျင့်မှုကို... -
ယနေ့ ရွှေဈေး (မေ – ၆ ရက်၊ ညနေ ၄ နာရီ)
Voice of Myanmar -ကမ္ဘာ့ရွှေဈေး တအောင်စ ၂၃၁၃ ဒေါ်လာ -အခေါက်ရွှေ တကျပ်သား... -
အစ္စရေး-ဟားမတ်စ် ငြိမ်းချမ်းရေးသဘောတူညီချက်ရဖို့ ဖိအားပေးရန် စီအိုင်အေ အကြီးအကဲ ကာတာကို သွားရောက်
ဒိုဟာ ၊ မေ-၆-၂၀၂၄မျိုးဆက်(VOM)ဂါဇာကမ်းမြှောင်ဒေသမှာ တိုက်ပွဲတွေရပ်ပြီး ဓါးစာခံတွေ ပြန်လည်လွတ်မြောက်ရေးနဲ့ပတ်သက်ပြီး အစ္စရေးနဲ့ ဟားမတ်စ်တို့အကြား ဆွေးနွေးပွဲတွေမှာ...