ရန်ကုန်၊ ဧပြီ ၂၆ – ၂၀၂၄
GG (VOM)
ကရင်ပြည်နယ်၊ မြဝတီမြို့ပြင် လက်ခတ်တောင် နဲ့ လေးကေ့ကော်ဘက်မှာ တိုက်ပွဲ ပြန်ဖြစ်နေပြီး လက်နက်ကြီးပစ်ခတ်မှု၊လေကြောင်းပစ်ကူမှုတွေရှိနေတယ်လို့ ဒေသခံတွေဆီက သိရပါတယ်။
” ညကတည်း ကပစ်ခတ်သံတွေကြားရတယ်။မြဝတီနဲ့က ဝေးတယ်ဆိုပေမယ့် ညကလူခြေတိတ်တော့ကြားရတယ်။ခုမနက်ပိုင်းတော့ အသံတွေသိပ်မကြားရဘူး။မြဝတီကတော့ငြိမ်နေပါတယ်။ခုကလေးကေ့ကော်ဘက်ဖြစ်နေတာပါ ” လို့ မြဝတီဒေသခံကပြောပါတယ်။
မနေ့က ဧပြီလ ၂၅ ရက်နေ့ ညပိုင်းမှာ နစကဘက်က လေကြောင်း ပစ်ခတ်မှုရှိပြီး လက်နက်ကြီး ပစ်ခတ်ပေါက်ကွဲသံတွေ ကြားခဲ့ရတာဖြစ်ကြောင်း ဒီကနေ့ဧပြီ ၂၆ ရက်မှာတော့ ပစ်ခတ်တာမျိုးမရှိဘဲ ငြိမ်နေတယ်လို့သိရပါတယ်။
” ညက လေကြောင်းပစ်ခတ်မှုတွေရှိခဲ့တယ်။ ခုမနက်တော့ ငြိမ်နေတယ်၊ ပစ်ခတ်သံတွေမကြားရဘူး။ဒီဘက်မှာတိုက်ပွဲတွေမဖြစ်တာတော့ကြာပြီ၊အခုပြန်ပြီး ပစ်ခတ်တာဖြစ်တယ်ပြောရမယ် ” လို့ လေးကေ့ကော်တိုက်ပွဲတွေကြောင့် နှစ်ချီကြာစစ်ရှောင်နေရသူတယောက် ကပြောပါတယ်။
လေးကေ့ကော်ဒေသမှာ နစက တပ်တွေနဲ့ KNU တိုင်းရင်းသားလက်နက်ကိုင်တွေအကြား တိုက်ပွဲတွေက ပြီးခဲ့တဲ့ ၂၀၂၁ ထဲက စတင်ဖြစ်ပွားခဲ့တာဖြစ်ပြီး ကြားထဲမှာ တိုက်ပွဲဖြစ်လိုက် ရပ်သွားလိုက်ရှိပေမယ့် လေးကေ့ကော်နဲ့ မယ်ဝါးခီးကနေ စစ်ရှောင်လာရတဲ့ ဒေသခံတွေကတော့ နှစ်နှစ်ကျော်ကြာတဲ့အထိ နေရပ်ကိုမပြနိုင်ဘဲ စစ်ရှောင်နေကြရဆဲဖြစ်တယ်လို့ သူကဆိုပါတယ်။
ခုချိန်ထိ လေးကေ့ကော်နဲ့ မယ်ဝါးခီးက ဒေသခံပြည်သူ ၃၀၀၀ ကျော်လောက်ဟာ နေရပ်ပြန်လို့မရတာကြောင့် မယ်ထော့်သလေးစစ်ရှောင်စခန်းအပါအဝင် စစ်ရှောင်စခန်း၁၀ခုလောက်မှာ မြေကွက်ငှားရမ်းကာ ကိုယ်တိုင်အလုပ်လုပ်ပြီး ဝင်ငွေရှာကာစစ်ရှောင်ပြီးနေထိုင် နေကြရတာဖြစ်တယ်လို့သိရပါတယ်။
Photo:CJ
Related posts
-
တရုတ်နဲ့တင်းမာနေစဉ် တောင်တရုတ်ပင်လယ်ကမ်းရိုးတန်းမှာ အမေရိကန်နဲ့ဖိလစ်ပိုင် ကျည်အစစ်တွေနဲ့ စစ်ရေးလေ့ကျင့်
မနီလာ၊ မေ-၆-၂၀၂၄ မျိုးဆက်(VOM) အမေရိကန်နဲ့ ဖိလစ်ပိုင်စစ်တပ်တို့ဟာ ပင်လယ်ပြင်မှ ကျူးကျော်ဝင်ရောက်လာမှုကို ချေမှုန်းတဲ့ စစ်ရေးလေ့ကျင့်မှုကို... -
ယနေ့ ရွှေဈေး (မေ – ၆ ရက်၊ ညနေ ၄ နာရီ)
Voice of Myanmar -ကမ္ဘာ့ရွှေဈေး တအောင်စ ၂၃၁၃ ဒေါ်လာ -အခေါက်ရွှေ တကျပ်သား... -
အစ္စရေး-ဟားမတ်စ် ငြိမ်းချမ်းရေးသဘောတူညီချက်ရဖို့ ဖိအားပေးရန် စီအိုင်အေ အကြီးအကဲ ကာတာကို သွားရောက်
ဒိုဟာ ၊ မေ-၆-၂၀၂၄မျိုးဆက်(VOM)ဂါဇာကမ်းမြှောင်ဒေသမှာ တိုက်ပွဲတွေရပ်ပြီး ဓါးစာခံတွေ ပြန်လည်လွတ်မြောက်ရေးနဲ့ပတ်သက်ပြီး အစ္စရေးနဲ့ ဟားမတ်စ်တို့အကြား ဆွေးနွေးပွဲတွေမှာ...