Month: May 2024

ဘရာတစ်လာဗာ၊ မေ-၁၆-၂၀၂၄ မျိုးဆက်(VOM) ဆလိုဗက်ကီးယားဝန်ကြီးချုပ် ရောဘတ်ဖီကိုဟာ မြို့တော် ဘရာတစ်လာဗာရဲ့ အရှေ့မြောက်ဘက်ရှိ မြို့ငယ်တခုမှာ သေနတ်ပစ်ခံရပြီးနောက် ဆေးရုံတင်ထားရပြီး အရေးပေါ်ကုသနေရပါတယ်။ ဝန်ကြီးချုပ်ဟာ အစိုးရအစည်းအဝေးကျင်းပမယ့် ယဉ်ကျေးမှုစင်တာရှေ့မှာ လူတွေကို လက်ပြနှုတ်ဆက်နေစဉ်မှာ ဒေသစံတော်ချိန် မေ ၁၅ ရက် နေ့လယ် ၂ နာရီ မိနစ် ၃၀ ဝန်းကျင်က လုပ်ကြံပစ်ခတ်ခံခဲ့ရတာဖြစ်ပါတယ်။ ဒဏ်ရာရရှိခဲ့တဲ့ ဝန်ကြီးချုပ်ကို အခင်းဖြစ်ရာ ဟန်းလိုဗာအရှေ့ဘက်က အခြားဆေးရုံကို ရဟတ်ယာဉ်နဲ့ မပို့မီ အနီးနားက ဆေးရုံတရုံမှ ဦးစွာကုသမှုပေးခဲ့ရတယ်လို့ တာဝန်ရှိသူတွေက ပြောပါတယ်။ဝန်ကြီးချုပ်ဟာ အစာအိမ်ကို သေနတ်မှန်ခဲ့တယ်လို့ ပြည်ထဲရေးဝန်ကြီးက ပြောပါတယ်။ ဝန်ကြီးချုပ်ဟာ ဆေးရုံမှာ ခွဲစိတ်ကုသမှုခံယူနေခဲ့ရတာ သုံးနာရီကျော်ကြာမြင့်နေပြီး အခြေအနေ စိုးရိမ်ရကြောင်း ဆလိုဗက်ကီးယားဝန်ကြီးချုပ် ရောဘတ်ကာလီနက်စ်က ပြောပါတယ်။ ဒါဟာ ဒီမိုကရေစီကို တို်ကခိုက်ခြင်းဖြစ်တယ်လို့ နိုင်ငံရေးအသိုင်းအဝိုင်းက ရှုံ့ချပြောဆိုပါတယ်။ အခင်းဖြစ်ရာနေရာမှာ လူတယောက်ကို…

Voice of Myanmarတောင်ကိုရီးယားတွင် ဗိုလ်ချုပ်ကြီး ပတ်ချုံဟီးသည် ၁၉၆၁ ခုနှစ် မေ ၁၆ ရက်တွင် စစ်အာဏာသိမ်းခဲ့ပြီး အမျိုးသားလွှတ်တော်ကို ဖျက်သိမ်း၊ အစိုးရယန္တရားများကို လွှဲပြောင်းယူကာ နိုင်ငံရေးလှုပ်ရှားမှုများကို တင်းကြပ်စွာ တားမြစ်ခဲ့သည်။

မော်စကို၊ မေ-၁၅-၂၀၂၄မျိုးဆက်(VOM)ရုရှားသမ္မတ ပူတင်ဟာ တရုတ်သမ္မတ ရှီကျင်းပင်နဲ့ တွေ့ဆုံဆွေးနွေးဖို့ မနက်ဖြန် မေ ၁၆ ရက်မှာ တရုတ်နိုင်ငံကို သွားရောက်မှာဖြစ်ကြောင်း ရုရှား သမ္မတနန်းတော်က အတည်ပြု ထုတ်ပြန်ပါတယ်။ဒါဟာ ပူတင်အနေနဲ့ ပဉ္စမမြောက် သမ္မတသက်တမ်း ကျမ်းသစ္စာကျိန်ဆိုပြီးနောက်မှာ သူ့ရဲ့ ပထမဆုံး ပြည်ပခရီးစဉ်ဖြစ်ပြီး တရုတ်နိုင်ငံမှာ နှစ်ရက်ကြာနေထိုင်မှာဖြစ်ပါတယ်။ဒီခရီးစဉ်ဟာ ၂၀၂၂ ခုနှစ်မှာ ယူကရိန်းကို ရုရှားကကျူးကျော်တိုက်ခိုက်မှုနဲ့ ပတ်သက်ပြီး အမေရိကန်ရဲ့ ဖိအားပေးမှုတွေကို ဖီဆန်ကာ ပူတင်နဲ့ ရှီကျင်းပင်တို့အကြား အကန့်အသတ်မဲ့ မိတ်ဖက်ဆက်ဆံရေးကို မီးမောင်းထိုးပြတာဖြစ်ကြောင်း အကဲခတ်တွေက ဆိုပါတယ်။တရုတ်နိုင်ငံခြားရေးဝန်ကြီးဌာနကလည်း ပူတင်ရဲ့ ခရီးစဉ်ကို အတည်ပြုပြောဆိုထားပြီး သမ္မတနှစ်ဦးဟာ နိုင်ငံတကာနဲ့ ဒေသတွင်းက စိုးရိမ်ပူပန်စရာကိစ္စတွေအပြင် စီးပွားရေး၊ စစ်ရေး၊ နှစ်နိုင်ငံဆက်ဆံရေးနဲ့ ယူကရိန်းအရေးတို့ကို အပြန်အလှန်ဆွေးနွေးသွားမှာဖြစ်တယ်လို့ ဆိုပါတယ်။“ တရုတ်က ရုရှားရဲ့ ဗျူဟာမြောက် မိတ်ဖက်ပါ။ ဒါဟာ ရုရှားသမ္မတနဲ့ တရုတ်ခေါင်းဆောင်တို့…

ဝါရှင်တန်၊ မေ-၁၅-၂၀၂၄မျိုးဆက်(VOM)ဂါဇာရှိ ရာဖာမြို့ကို အစ္စရေးရဲ့ထိုးစစ်ဆင်မှုကို ရပ်တန့်ရန် ဖိအားပေးနေပေမယ့် အစ္စရေးကို ဒေါ်လာ ၁ ဘီလီယံတန်ဖိုးရှိ လက်နက်တွေ ပေးမယ့်မယ့်ကိစ္စနဲ့ပတ်သက်ပြီး အိမ်ဖြူတော်က ကွန်ဂရက်ကို အကြောင်းကြားခဲ့ပါတယ်။ရောင်းချမယ့် အစီအစဉ်မှာ တင့်ကားကျည်တွေ၊ မော်တာတွေနဲ့ နည်းဗျူဟာသုံး သံချပ်ကာယာဉ်တွေပါဝင်မယ်လို့ ရိုက်တာသတင်းဌာနက ဖော်ပြထားပြီး ရောင်းချမှုနဲ့ပတ်သက်ပြီး လွှတ်တော်က အတည်ပြုချက်လိုအပ်ဦးမှာဖြစ်ပါတယ်။အစ္စရေးအနေနဲ့ ရာဖာမြို့ကို ထိုးစစ်အကြီးအကျယ်ဆင်မယ်ဆိုရင် လက်နက်တင်ပို့ရောင်းချမှုတွေကို ရပ်ဆိုင်းမယ်လို့ အမေရိကန်သမ္မတ ဂျိုးဘိုင်ဒင်က ပြီးခဲ့တဲ့ သီတင်းပတ်အတွင်းမှာ ပြောကြားခဲ့ပြီး လက်နက်အချို့တင်ပို့မှုကို ရပ်ဆိုင်းခဲ့ပါတယ်။ဂျိုးဘိုင်ဒင်ရဲ့ အမေရိကန်အစိုးရလက်ထက်မှာ အစ္စရေးကို လက်နက် လွှဲပြောင်းပေးမှုတွေ ခေတ္တရပ့်နားပြီးနောက် ကွန်ဂရက်ကိုပေးပို့တဲ့ လက်ရှိ အရောင်းအဝယ်ကိစ္စဟာ ပထမဆုံးလည်းဖြစ်ပါတယ်။ဒီထဲမှာ တင့်ကားခဲယမ်းမီးကျောက်တွေအတွက် ဒေါ်လာသန်း ၇၀၀ ဖိုး၊ နည်းဗျူဟာသုံးယာဉ်တွေအတွက် ဒေါ်လာ သန်း ၅၀၀ ဖိုးနဲ့ လက်နက်ကြီးကျည်တွေအတွက် ဒေါ်လာသန် ၆၀ ဖိုးပါဝင်ကြောင်း သိရပါတယ်။Ref:BBCPhoto:Getty Images