Month: May 2024

    ကိယက်ဗ် ၊ မေ-၁၄-၂၀၂၄ မျိုးဆက်(VOM)   အမေရိကန်နိုင်ငံခြားရေးဝန်ကြီး ဘလင်ကင်ဟာ ရုရှားရဲ့ကျူးကျော်တိုက်ခိုက်မှုကိုခံနေရတဲ့ ယူကရိန်းကို ဆက်လက်ထောက်ခံကြောင်း ပြသတဲ့အနေနဲ့ ယူကရိန်းနိုင်ငံ မြို့တော်ကိယက်ဗ်ကို ရောက်ရှိနေပါတယ်။   ယူကရိန်းအရှေ့မြောက်ပိုင်း ခါကိဗ်ဒေသကို ရုရှားက မြေပြင်ထိုးစစ်ဆင်နေချိန်မှာ ယူကရိန်းကို ဘလင်ကင် ရောက်ရှိလာတာဖြစ်ပြီး ယူကရိန်းသမ္မတ ဇီလန်စကီး ၊ ယူကရိန်းနိုင်ငံခြားရေးဝန်ကြီးအပါအဝင် ယူကရိန်းအစိုးရခေါင်းဆောင်တွေနဲ့ တွေ့ဆုံးသွားမယ်လို့ အမေရိကန်နိုင်ငံခြားရေးဝန်ကြီးဌာနက ပြောပါတယ်။   နှစ်ဘက်တာဝန်ရှိသူတွေအကြား ယူကရိန်းစစ်မြေပြင် အဆင့်မြှင့်တင်မှုတွေ၊ အမေရိကန်လုံခြုံရေးနဲ့စီးပွားရေး အကူအညီသစ်တွေရဲ့ အကျိုးသက်ရောက်မှုနဲ့ ယူကရိန်းစီးပွားရေး ပြန်လည်နာလန်ထူဖို့ လုပ်ဆောင်နေတာတွေကို ဆွေးနွေးဖွယ်ရှိပါတယ်။   ယူကရိန်းအတွက် အကူအညီပေးရေးတွေအပါအဝင် အမေရိကန်ရဲ့ ကာလရှည်ကြာနှောင့်နှေးခဲ့ရတဲ့ ပြည်ပအကူအညီအစီအစဉ်ကို ကွန်ဂရက်ကခွင့်ပြုပြီးနောက်မှာတော့ ယူကရိန်းအတွက် အမေရိကန်ရဲ့စစ်ရေးအထောက်အပံ့တွေ ပြန်လည်ပေးပို့နေပါတယ်။   ယူကရိန်းအတွက် ပက်ထရီးယော့ လေကြောင်းရန်ကာကွယ်ရေးစနစ်တွေ၊ အမြောက်ကျည်တွေနဲ့ သံချပ်ကာယာဉ်တွေအပါအဝင် ဒေါ်လာသန်း…

အစ္စလာမ္မာဘတ်၊ မေ-၁၄-၂၀၂၄မျိုးဆက်(VOM)ပါကစ္စတန် ထိန်းချုပ်ထားတဲ့ ကက်ရှ်မီးယားဒေသမှာ ကုန်စျေးနှုန်းကြီးမြင့်မှုအပေါ် ဆူပူဆန္ဒပြမှုတွေအတွင်း လူသုံးယောက် သေဆုံးပြီး ၁၀၀ ကျော်ဒဏ်ရာရရှိခဲ့တယ်လို့ အာဏာပိုင်တွေက ပြောပါတယ်။ဂျုံမှုန့် နဲ့ လျှပ်စစ်ဓါတ်အားခနှုန်းထားတွေအပါအဝင် ကုန်စျေးနှုန်းကြီးမြင့်မှုတွေကြောင့် ထောင်ပေါင်းများစွာသော ဒေသခံတွေဟာ ပြီးခဲ့တဲ့ သောကြာနေ့ကတည်းက လမ်းပေါ်ထွက်ဆန္ဒပြနေကြတာဖြစ်ပြီး ငါးရက်မြောက်ရှိလာပြီဖြစ်ပါတယ်။ဒီလို ကုန်စျေးနှုန်းကြီးမြင့်တာနဲ့ပတ်သက်ပြီး ထောက်ပံ့ငွေ ဒေါ်လာ ၈၃ သန်းအသုံးပြုမယ်လို့ ပါကစ္စတန်ဝန်ကြီးချုပ် ရှာရစ်ဖ်က ကမ်းလှမ်းခဲ့ပေမယ့် ဆူပူဆန္ဒပြမှုတွေကတော့ ဆက်လက်ဖြစ်ပွားလို့ နေပါတယ်။အာဏာပိုင်တွေဟာ မိုလ်ဘိုင်းဆက်သွယ်ရေးတွေကို ဖြတ်တောက်ဖို့ကြိုးပမ်းခဲ့တဲ့ သီတင်းပတ်ကုန်ပိုင်းကစပြီး ဆန္ဒပြမှုတွေ ပိုမိုပြင်းထန်ခဲ့ပြီး စာသင်ကျောင်းတွေ၊ အများပြည်သူ သယ်ယူပို့ဆောင်ရေးလုပ်ငန်းတွေနဲ့ စီးပွားရေးလုပ်ငန်းတွေ ပိတ်ထားရပါတယ်။မနေ့ကတော့ အာဏာပိုင်တွေဟာ ရိန်းဂျားတပ်လို့လူသိများတဲ့ အရံတပ်တွေကို မြို့ထဲစေလွှတ်ဖြန့်ကြက်ခဲ့ပြီး ဆန္ဒပြသူတွေကို မျက်ရည်ယိုဗုံးတွေနဲ့ ဖြိုခွင်းခဲ့ပါတယ်။ သေဆုံးသူ သုံးယောက်ထဲက တယောက်ကတော့ ရဲအရာရှိဖြစ်တယ်လို့ တာဝန်ရှိသူတွေက ပြောပါတယ်။ကက်ရှ်မီးယားဟာ ပါကစ္စတန်ထိန်းချုပ်ခွင့်ရထားတဲ့ ဒေသရဲ့ တစိတ်တပိုင်းဖြစ်ပြီး ကိုယ်ပိုင်အုပ်ချုပ်ခွင့်ရဒေသဖြစ်ကာ အိနိ္ဒယကလည်း…

ဇူးရစ်၊ မေ-၁၄-၂၀၂၄မျိုးဆက်(VOM)ဉာဏ်ရည်တုနည်းပညာဟာ ကမ္ဘာလုံးဆိုင်ရာ အလုပ်သမားစျေးကွက်ကို ဆူနာမီလှိုင်းလို ထိပါးသက်ရောက်နေပြီလို့ နိုင်ငံတကာငွေကြေးရန်ပုံငွေအဖွဲ့ (အိုင်အမ်အက်ဖ်) က သတိပေးလိုက်ပါတယ်။လာမယ့်နှစ်အတွင်းမှာ ဉာဏ်ရည်တုနည်းပညာကြောင့် ဖွံ့ဖြိုးပြီးနိုင်ငံတွေမှာ အလုပ်အကိုင် ၆၀ ရာခိုင်နှုန်းနဲ့ ကမ္ဘာတဝန်းရှိအလုပ်အကိုင်တွေရဲ့ ၄၀ ရာခိုင်နှုန်းကို သက်ရောက်မှုရှိနိုင်တယ်လို့ ဇူးရစ်တက္ကသိုလ်က ကြီးမှူးပြုလုပ်တဲ့ အခမ်းအနားတခုမှာ အိုင်အမ်အက်ဖ် ညွှန်ကြားရေးမှူး ခရစ်တာလီနာဂျော်ဂျီဗာက ပြောပါတယ်။လူတွေက ဒါတွေအတွက် အဆင်သင့်ဖြစ်အောင်လုပ်ဖို့ အချိန်နည်းနည်းပဲရှိတော့ပေမယ့် စီးပွားရေးလုပ်ငန်းတွေဘက်တော့ ဉာဏ်ရည်တုနည်းပညာကိုသုံးဖို့ အသင့်ဖြစ်နေကြပြီ လို့ သူကဆိုပါတယ်။ဉာဏ်ရည်တုနည်းပညာကို ကောင်းစွာစီမံခန့်ခွဲပါက ကုန်ထုတ်စွမ်းအားကို သိသိသာသာ တိုးမြင့်စေလာနိုင်ပေမယ့် စီမံခန့်ခွဲမှုလွဲမှားရင်တော့ သတင်းတုသတင်းမှားတွေ ပိုမိုဖြစ်ပေါ်စေသလို မိမိတို့ လူ့အဖွဲ့အစည်းမှာလည်း မညီမျှမှုတွေ ပိုများလာနိုင်တယ် လို့ အိုင်အမ်အက်ဖ် ညွှန်ကြားရေးမှူးက ပြောပါတယ်။ဉာဏ်ရည်တုနည်းပညာရဲ့ ပတ်သက်ပြီး အန္တရာယ်တွေ လျော့ပါးရေးအတွက် အမေရိကန်နဲ့ တရုတ်တို့အကြား ဂျီနီဗာမှာ ဒီနေ့ဆွေးနွေးဖို့လည်းရှိနေပါတယ်။ ၂၀၂၀ ခုနှစ်မှာ ဖြစ်ပွားခဲ့တဲ့ ကပ်ရောဂါနဲ့…