Day: June 13, 2024

  ဝါရှင်တန်၊ ဇွန်-၁၃-၂၀၂၄ မျိုးဆက်(VOM) ယူကရိန်းနဲ့ အမေရိကန်တို့အကြား နှစ်နိုင်ငံ လုံခြုံရေးသဘောတူညီချက်ကို သမ္မတနှစ်ယောက်တွေ့ဆုံချိန်တွင် လက်မှတ်ရေးထိုးသွားမှာဖြစ်ကြောင်း အိမ်ဖြူတော်ထိပ်တန်းတာဝန်ရှိသူတယောက် ပြောပါတယ်။ အမေရိကန်သမ္မတ ဂျိုးဘိုင်ဒင်နဲ့ ယူကရိန်းသမ္မတ ဇီလန်စကီးတို့ဟာ ဂျီ-၇ ထိပ်သီးဆွေးနွေးပွဲတက်ရောက်ဖို့ အီတလီနိုင်ငံကို ရောက်ရှိနေကြပြီး သူတို့နှစ်ယောက်ဟာ ဒီကနေ့မှာ တွေ့ဆုံဖို့ စီစဉ်ထားတယ်လို့ အိမ်ဖြူတော်အမျိုးသားလုံခြုံရေးအကြံပေး ဂျိတ်ဆူလီဗန်က ပြောပါတယ်။ ယူကရိန်းရဲ့ ယုံကြည်စိတ်ချရတဲ့ ကာကွယ်ရေးနဲ့ဟန့်တားနိုင်စွမ်းကို ဆက်လက်ကာကွယ်ဖို့အတွက် အမေရိကန်ဟာ ယူကရိန်းရဲ့ မဟာမိတ်တွေ မိတ်ဖက်တွေနဲ့ လက်တွဲလုပ်ဆောင်ဖို့ ရှင်းလင်းပြတ်သားတဲ့ သတင်းစကားဖြစ်တယ်လို့ သူကဆိုပါတယ်။ သဘောတူညီချက်မှာ ယူကရိန်းကို ရန်လိုမှုတွေကနေ တိုက်ဖျက်ဖို့အတွက် အမေရိကန်ရဲ့ ရေရှည်ပံ့ပိုးမှု ကတိကဝတ်လို့ ဆိုပါတယ်။ ဒါပေမယ့်လည်း ယူကရိန်းကိုကာကွယ်ဖို့အတွက် အမေရိကန်တပ်ဖွဲ့ဝင်တွေ အသုံးပြုဖို့ ဘယ်လိုကတိကဝတ်မှ မပါဘူးလို့ ဂျိတ်ဆူလီဗန်က ပြောပါတယ်။ ဗြိတိန်၊ ပြင်သစ်တို့အပါအဝင် နိုင်ငံပေါင်း ၁၅ နိုင်ငံဟာ…

  ဟာဗားနား၊ ဇွန်-၁၃-၂၀၂၄ မျိုးဆက်(VOM) နျူကလီးယားစွမ်းအင်သုံး ရေငုပ်သင်္ဘောနဲ့ ဖရီးဂိတ်စစ်သင်္ဘောအပါအဝင် ရုရှားစစ်သင်္ဘောလေးစင်းဟာ ကျူးဘားကို ရောက်ရှိနေပါတယ်။ ရုရှားစစ်သင်္ဘောတွေဟာ အမေရိကန်နိုင်ငံ ဖလော်ရီဒါပြည်နယ်ကနေ မိုင် ၉၀ အကွာလောက်မှာရှိတဲ့ ဟာဗားနား ပင်လယ်အော်မှာ ကျောက်ချရပ်နားထားပြီး ဒါဟာ ယူကရိန်းအရေးနဲ့ပတ်သက်ပြီး အနောက်အုပ်စုနဲ့တင်းမာမှုတွေ မြင့်တက်နေချိန်မှာ ရုရှားက အင်အားပြတာလို့ အကဲခတ်တွေက ယူဆနေပါတယ်။ နျူကလီးယား စွမ်းအင်သုံး Kazan ရေငုပ်သင်္ဘောနဲ့ Admiral Gorshkov ဖရီးဂိတ်သင်္ဘောတို့ နှစ်စင်းစလုံးမှာ အသံထက်မြန်တဲ့ Zircon ဟိုက်ပါဆိုးနစ် ဒုံးကျည်တွေနဲ့ အဆင့်မြင့်လက်နက်တွေ တပ်ဆင်ထားတယ်လို့ ရုရှားရေတပ်က ထုတ်ပြန်ပါတယ်။ ဒီသင်္ဘောအုပ်စုဟာ အစောပိုင်းက အတ္တလန်တိတ်ဒေသမှာ ဒုံးကျည်စစ်ရေးလေ့ကျင့်မှုတွေ ပြုလုပ်ခဲ့တာဖြစ်ပါတယ်။ ကျူးဘားနိုင်ငံခြားရေးဝန်ကြီးဌာနကတော့ ရုရှားစစ်သင်္ဘောတွေပေါ်မှာ နျူကလီးယားလက်နက်တွေ မပါဝင်ကြောင်းနဲ့ ခရီးစဉ်ဟာဒေသတွင်းကို ခြိမ်းခြောက်မရှိဘူးလို့ ဆိုပါတယ်။ ရုရှားရဲ့ စစ်သင်္ဘောတွေလာရောက်မှုနဲ့ ပတ်သက်ပြီး အနီးကပ်စောင့်ကြည့်နေပြီး ပင်လယ်ပြင်ဒရုန်းတွေပါ…

  ဗျူနိုအေရိစ်၊ ဇွန်-၁၃-၂၀၂၄ မျိုးဆက်(VOM) အာဂျင်တီးနားနိုင်ငံ မြိုတော်ဗျူနိုအေရိစ်ရှိ ကွန်ဂရက်လွှတ်တော်ပြင်ပမှာ ဆန္ဒပြနေတဲ့ လူအုပ်ကြီးကို အာဂျင်တီးနားရဲတပ်ဖွဲ့က မျက်ရည်ယိုဗုံးတွေနဲ့ အင်အားသုံးဖြိုခွင်းခဲ့ပါတယ်။ လွှတ်တော်မှာ အသုံးစရိတ်လျှော့ချခြင်းဆိုင်ရာ ပြုပြင်ပြောင်းလဲဖို့ ဆွေးနွေးနေမှုအပေါ် ပြည်သူတွေက ဆန္ဒပြကန့်ကွက်နေကြတာဖြစ်ပြီး အဒီပြုပြင်ပြောင်းလဲမှုတွေဟာ အာဂျင်တီးနားပြည်သူ သန်းပေါင်းများစွာကို ထိခိုက်စေတယ်လို့ ဆန္ဒပြသူတွေက ပြောပါတယ်။ ဆန္ဒပြသူတွေဟာ ဓါတ်ဆီဗုံး၊ ကျောက်ခဲတွေနဲ့ ပစ်ပေါက်မှုတွေ ပြုလုပ်ခဲ့ပြီး ကားတစီးကိုလည်း မီးတင်ရှို့ခဲ့ကြကာ ဆန္ဒပြပွဲအတွင်း လူအများအပြား ဒဏ်ရာရရှိခဲ့ကြောင်း ဒေသတွင်း သတင်းဌာနတွေက ဖော်ပြထားပါတယ်။ လက်ယာယိမ်းသမ္မတ ဂျာဗီယာမိုင်လေ အဆိုပြုတဲ့ စီးပွားရေးပြုပြင်ပြောင်းလဲမှုတွေမှာ စီးပွားရေးအရေးပေါ်အခြေအနေကြေညာခြင်း၊ ပင်စာလစာဖြတ်တောက်ခြင်းနဲ့ အလုပ်သမားအခွင့်အရေး ယုတ်လျော့လာမှာတွေ ပါဝင်ကြောင်း ဆန္ဒပြသူတွေက ပြောပါတယ်။ သမ္မတအဆိုပြုခဲ့တဲ့ ပြုပြင်ပြောင်းလဲမှုများအပေါ် လက်ဝဲနိုင်ငံရေးပါတီများ၊ အလုပ်သမားသမဂ္ဂများနဲ့ လူမှုရေးအဖွဲ့အစည်းတွေကလည်း ကန့်ကွက်မှုတွေ ပြုလုပ်နေကြကြောင်း သိရပါတယ်။ Ref:BBC Photo:AP/Reuters

  ဘေရွတ်၊ ဇွန်-၁၃-၂၀၂၄ မျိုးဆက်(VOM) လက်ဘနွန်အခြေစိုက် ဟဇ်ဘိုလာအဖွဲ့ဟာ သူတို့ရဲ့ ထိပ်တန်းတပ်မှူးတယောက် သေဆုံးခဲ့တဲ့ အစ္စရေးရဲ့တိုက်ခိုက်မှုကို လက်တုံ့ပြန်မှုအဖြစ် အစ္စရေးမြောက်ပိုင်းကို ဒုံးကျည်အမြောက်အများနဲ့ ပစ်ခတ်တိုက်ခိုက်ခဲ့ပါတယ်။ ဟဇ်ဘိုလာတွေဟာ အစ္စရေးဘက်ကို ဒုံးကျည်အစင်း ၂၀၀ ကျော်နဲ့ ပစ်ခတ်တိုက်ခိုက်ခဲ့ပြီး မီးလောင်မှုအချို့ဖြစ်ပွားခဲ့ပေမယ့် ထိခိုက်သေဆုံးမှုမရှိဘူးလို့ ဆိုပါတယ်။ အစ္စရေးကို တိုက်ခိုက်မှုတွေရဲ့ ပြင်းထန်မှု၊ အင်အားနဲ့ ပမာဏတို့ကို တိုးမြှင့်သွားမယ်လို့ သေဆုံးသွားတဲ့ တပ်မှူးရဲ့ဈာပနမှာ ဟဇ်ဘိုလာ ထိပ်တန်းတာဝန်ရှိသူတယောက်က ကတိပြုပြောဆိုပါတယ်။ အစ္စရေးနဲ့ ဟားမတ်စ်တို့အကြား ဂါဇာစစ်ပွဲစတင်ပြီးနောက်ပိုင်း ဟဇ်ဘိုလာအဖွဲ့နဲ့ အစ္စရေးစစ်တပ်တို့ဟာ နယ်စပ်တစ်လျှောက်မှာ နေ့စဉ်လိုအပြန်အလှန်ပစ်ခတ်မှုတွေ ဖြစ်ပွားနေခဲ့တာပါ။ ဟဇ်ဘိုလာတို့ကတော့ ဒါဟာ ပါလက်စတိုင်းလက်နက်ကိုင် ဟားမတ်စ်တို့ကို ထောက်ခံကြောင်း ပြသတာလို့ ဆိုပါတယ်။ အဲဒီအဖွဲ့နှစ်ဖွဲ့စလုံးကို အမေရိကန်၊ ဗြိတိန်နဲ့ အစ္စရေးအပါအဝင် အခြားနိုင်ငံတွေက အကြမ်းဖက်အဖွဲ့အဖြစ် သတ်မှတ်ထားတာဖြစ်ပါတယ်။ လက်ဘနွန်အာဏာပိုင်တွေနဲ့ ကုလသမဂ္ဂရဲ့ အဆိုအရ နှစ်ဘက်အကြား…

  Voice of Myanmar တောင်ကိုရီးယားနှင့် မြောက်ကိုရီးယားခေါင်းဆောင်တို့အကြား ပထမဆုံးအကြိမ်တွေ့ဆုံမှုအဖြစ် တောင်ကိုရီးယားသမ္မတ ကင်ဒေးဂျန်သည် မြောက်ကိုရီးယားခေါင်းဆောင် ကင်ဂျုံအီနှင့် ၂၀၀၀ ပြည့်နှစ် ဇွန် ၁၃ ရက်တွင် သမိုင်းဝင်တွေ့ဆုံခဲ့သည်။ #Voiceofmyanmar #VOM #ThisDayInHistory #June13