Month: June 2024

  လန်ဒန်၊ ဇွန်-၂၃-၂၀၂၄ မျိုးဆက်(VOM) ဂျပန်ဧကရာဇ် နာရူဟီတိုနဲ့ ကြင်ယာတော် မာဆာကိုတို့ဟာ ဗြိတိန်ုနိုင်ငံကို ချစ်ကြည်ရေးအလည်အပတ် ခရီးရောက်ရှိနေပြီး ဒါဟာ ၂၀၁၉ ခုနှစ်မှာ နန်းတက်ပြီးနောက် ဒုတိယမြောက် ဗြိတိန်ခရီးစဉ်ဖြစ်ပါတယ်။ တော်ဝင်ဇနီးမောင်နှံလိုက်ပါလာတဲ့ ဂျပန်အစိုးရလေယာဉ်ဟာ ဒေသစံတော်ချိန် ညနေ ၅ နာရီ ၃၀ မိနစ်ဝန်းကျင်မှာ လန်ဒန်အနီးလေဆိပ်ကို ဆိုက်ရောက်ခဲ့ပါတယ်။ ဂျပန်ဧကရာဇ်တို့ ဇနီးမှောင်နှံဟာ အဲလိဇဘတ်-၂ ဘုရင်မကြီး ကွယ်လွန်ချိန်က ဗြိတိန်ကို နောက်ဆုံးသွားရောက်ခဲ့ပါတယ်။ ဒီတကြိမ်မှာတော့ ဗြိတိန်ရဲ့ ချားလ်ဘုရင်ရဲ့ ဖိတ်ကြားမှုအရ သွားရောက်ခဲ့တာဖြစ်ပြီး မနက်ဖြန်မှာတော့ ဧကရာဇ်တို့ ဇနီးမောင်နှံဟာ လန်ဒန်ရှိ ဂျပန်ယဉ်ကျေးမှု စင်တာကို သွားရောက်မှာဖြစ်တယ်လို့ တာဝန်ရှိသူတွေက ပြောပါတယ်။ ဇွန် ၂၅ ရက်မှာတော့ ဘက်ကင်ဟမ်နန်းတော်မှာ ချားလ်ဘုရင်က အခမ်းအနားနဲ့ ကြိုဆိုပြီး ဧည့်ခံပွဲတက်ရောက်မှာဖြစ်ကာ ဇွန် ၂၇ ရက်မှာတော့ ဗြိတိန်တော်ဝင်မိသားစု…

  တဲလ်အဗစ်၊ ဇွန်-၂၃-၂၀၂၄ မျိုးဆက်(VOM) အစ္စရေးစစ်တပ်ဟာ အိမ်နီးချင်း လက်ဘနွန်အခြေစိုက် ဟဇ်ဘိုလာအဖွဲ့ရဲ့ စစ်ရေးပစ်မှတ်တွေကို ပြီးခဲ့တဲ့နေက လေကြောင်းကနေ တိုက်ခိုက်ခဲ့ပြီး နှစ်ဘက်အကြား တင်းမာမှုတွေ ဆက်လက်မြင့်တက်နေပါတယ်။ လက်ဘနွန်တောင်ပိုင်းက ဟဇ်ဘိုလာပစ်မှတ်တွေကို အစ္စရေးက လေကြောင်းတိုက်ခိုက်မှုအပြီးမှာတော့ ဟဇ်ဘိုလာတွေကလည်း အစ္စရေးကို မောင်းသူမဲ့လေယာဉ်တွေနဲ့အပြင် အခြားတိုက်ခိုက်မှုတွေပါ တုံ့ပြန်လုပ်ဆောင်ခဲ့ပါတယ်။ နှစ်ဘက်တင်းမာမှုတွေကြောင့် အရှေ့အလယ်ပိုင်းဒေသမှာ ပဋိပက္ခတွေ ပိုမိုကျယ်ပြန့်လာမှာကို ကမ္ဘာ့နိုင်ငံတွေက စိုးရိမ်ပူပန်နေကြပါတယ်။ အခြေအနေတွေကို ထိန်းထိန်းသိမ်းသိမ်း လုပ်ဆောင်ကြဖို့ ကုလသမဂ္ဂအတွင်းရေးမှူးချုပ် ဂူတာရက်စ်က နှစ်ဘက်စလုံးကို တိုက်တွန်းထားပါတယ်။ ပြီးခဲ့တဲ့ သီတင်းပတ်တွေအတွင်းက ဟဇ်ဘိုလာအဖွဲ့ဟာ အစ္စရေးကို ဒုံးကျည်ရာနဲ့ချီ တိုက်ခိုက်ခဲ့ပြီး နှစ်ဘက် တင်းမာမှုတွေ ပိုမိုမြင့်တက်လာကာ အစ္စရေးကလည်း ဟဇ်ဘိုလာအဖွဲ့အပေါ် စစ်ဆင်ရေးတွေလုပ်ဖို့ ဆုံးဖြတ်ချက်တရပ်ကို ယခုသီတင်းပတ်မှာ ချမှတ်ခဲ့ပါတယ်။ လက်ဘနွန်အခြေစိုက် ဟဇ်ဘိုလာအဖွဲ့ဟာ ပြီးခဲ့တဲ့အောက်တိုဘာလက ဂါဇာစစ်ပွဲစတင်ပြီးနောက် ဂါဇာအခြေစိုက် ဟားမတ်စ်တို့ကို ထောက်ခံကြောင်း ပြသနတဲ့အနေနဲ့…

  နယူးယောက်၊ ဇွန်-၂၃-၂၀၂၄ မျိုးဆက်(VOM) ရုရှားနဲ့ မြောက်ကိုရီးယားတို့အကြား နှစ်နိုင်ငံစစ်ဘက်ဆိုင်ရာ ပူးပေါင်းဆောင်ရွက်မှုကို အားကောင်းစေမယ့် သဘောတူညီချက်သစ်နဲ့ပတ်သက်ပြီး လာမယ့် ဇွန် ၂၈ ရက်မှာ လုံခြုံရေးကောင်စီအစည်းအဝေး ကျင်းပဖို့ စီစဉ်ထားကြောင်း သံတမန်သတင်းရင်းမြစ်တွေက ပြောပါတယ်။ အစည်းအဝေးကျင်းပဖို့ အခြားနိုင်ငံတွေနဲ့အတူ ဂျပန်နဲ့ အမေရိကန်တို့က တောင်းဆိုခဲ့ကြကြောင်း သတင်းရင်းမြစ်တွေကပြောပါတယ်။ ရုရှားနဲ့ မြောက်ကိုရီးယားတို့ရဲ့ သဘောတူညီချက်သစ်မှာ စစ်မက်ဖြစ်ပွားပါက တနိုင်ငံက တနိုင်ငံကို စစ်ရေးနဲ့ အခြားအကူအညီတွေ ပေးအပ်ရမယ်လို့ ပါဝင်ပါတယ်။ အမေရိကန်၊ ဂျပန်နဲ့ တောင်ကိုရီးယားတို့က အဆိုပါစာချုပ်နဲ့ ပတ်သက်၍ စိုးရိမ်ပူပန်ကြောင်းနဲ့ အင်ဒို-ပစိဖိတ်ဒေသရဲ့ လုံခြုံရေးနဲ့ တည်ငြိမ်ရေးအတွက် ခြိမ်းခြောက်မှုဖြစ်ကြောင်း ထုတ်ဖော်ပြောဆိုထားပါတယ်။ ဒီ သဘောတူညီချက်ဟာ အမျိုးသားလုံခြုံရေးကို ခြိမ်းခြောက်မှုအဖြစ် တောင်ကိုရီးယားက ရှုတ်ချခဲ့ပြီး တောင်ကိုရီးယားအနေနဲ့ နိုင်ငံတစ်နိုင်ငံ ရန်စကျူးကျော်ခံနေရပါက အလားတူလက်နက်တွေ ထောက်ပံ့ပေးမယ့် ဖြစ်နိုင်ခြေကို ပြန်လည်သုံးသပ်စဉ်းစားမယ်လို့ ထုတ်ဖော်ပြောဆိုထားပါတယ်။…

  ဂါဇာစီးတီး၊ ဇွန်-၂၃-၂၀၂၄ မျိုးဆက်(VOM) ဂါဇာကမ်းမြှောင်ဒေသ ဂါဇာစီးတီးကို အစ္စရေးရဲ့ လေကြောင်းတိုက်ခိုက်မှု နှစ်ကြိမ်အတွင်း လူ ၃၈ ယောက်သေဆုံးပြီး အများအပြားဒဏ်ရာရရှိခဲ့ပါတယ်။ အစ္စရေးစစ်တပ်ကတော့ ဒါဟာ ဟားမတ်စ်တို့ရဲ့ စစ်ဘက်ဆိုင်ရာ အခြေခံအဆောက်အအုံတွေကို တိုက်ခိုက်ခဲ့တာဖြစ်ပြီး ဒီလေကြောင်းတိုက်ခိုက်မှုနဲ့ ပတ်သက်တဲ့ အသေးစိတ်အချက်အလက်တွေကို ထုတ်ပြန်သွားမယ်လို့ ဆိုပါတယ်။ ဂါဇာရှိ သမိုင်းဝင်ဒုက္ခသည်စခန်းတခုဖြစ်တဲ့ အယ်လ်ရှာတီအရပ်ရှိ လူနေရပ်ကွက်တခုကိုလည်း ဒုံးကျည်အကြိမ်ပေါင်းများစွာ ထိမှန်ခဲ့ပြီး အခြားတိုက်ခိုက်မှုတခုမှာတော့ အယ်လ်တူဖက်ခရိုင်ရှိ နေအီမ်များကို ပစ်မှတ်ထားတိုက်ခိုက်ခဲ့တာလို့ ဟားမတ်စ်တာဝန်ရှိသူတွေက ဆိုပါတယ်။ အစောပိုင်းသတင်းတွေအရ လူ ၄၂ ယောက်သေဆုံးတယ်လို့ ခန့်မှန်းကြပါတယ်။ ဒီလေကြောင်းတိုက်ခိုက်မှုဟာ ဟားမတ်စ်ထိပ်တန်းတာဝန်ရှိသူတယောက်ကို ပစ်မှတ်ထားတိုက်ခိုက်ခဲ့တာလို့ အစ္စရေး သတင်းမီဒီယာတွေက ဖော်ပြပါတယ်။ “မြင်တဲ့အတိုင်းပါပဲ။ တိုက်ခိုက်မှုရဲ့ သက်ရောက်မှုက ငလျင်တခုလိုပဲ။ ဒီဒေသကို ပစ်မှတ်ထားပြီး နေအိမ်တွေ ဖျက်ဆီးခံခဲ့ရတယ်။ အပျက်အစီးတွေအောက်မှာ မိသားစုတွေရှိနေတုန်းပဲ ”လို့ ဂါဇာအရပ်ဘက်ကာကွယ်ရေး တာဝန်ရှိသူတယောက်က…

  Voice of Myanmar ဗြိတိန်သည် ဥရောပသမဂ္ဂမှ နုတ်ထွက်ရန် ပြည်လုံးကျွတ်ဆန္ဒခံယူပွဲကို ၂၀၁၆ ခုနှစ် ဇွန် ၂၃ ရက်တွင် ပြုလုပ်ခဲ့ပြီး နှုတ်ထွက်ခြင်းကို ပြည်သူ ၅၁ ဒသမ ၉ ရာခိုင်နှုန်းက ထောက်ခံခဲ့ပြီးနောက် ဥရောပသမဂ္ဂမှ နှုတ်ထွက်ခဲ့သည့် ပထမဆုံးနိုင်ငံ ဖြစ်လာသည်။ #Voiceofmyanmar #VOM #ThisDayinHistory #June23