Month: July 2024

  ဝါရှင်တန်၊ ဇူလိုင်-၁၄-၂၀၂၄ မျိုးဆက်(VOM) သေနတ်နဲ့ လုပ်ကြံသတ်ဖြတ်ဖို့ ကြိုးပမ်းမှုကနေ လွတ်မြောက်လာခဲ့တဲ့ အမေရိကန်သမ္မတဟောင်း ဒေါ်နယ်ထရန့်ဟာ အခြေအနေကောင်းမွန်ပြီး မီလ်ဝါကီးမှာ ကျင်းပမယ့် ရီပတ်ဘလီကန်အစည်းအဝေးကို တက်ရောက်ဖွယ်ရှိနေတယ်လို့ ရီပတ်ဘလီကန်အမျိုးသားကော်မတီနဲ့ ထရန့်ရဲ့မဲဆွယ်စည်းရုံးရေးအဖွဲ့က ပြောပါတယ်။ သမ္မတဟောင်းထရန့်ဟာ ပန်ဆယ်ဗေးနီးယားမှာ ကျင်းပတဲ့ လူထုစုဝေးပွဲတခုမှာ သေနတ်နဲ့ ပစ်ခတ်ခံခဲ့ရတာဖြစ်ပြီး နားမှာဒဏ်ရာရရှိခဲ့ပြီး လက်ရှိမှာတော့ ဆေးရုံကနေ ဆင်းသွားပြီဖြစ်ပါတယ်။ “ကျည်ဆန်က ဝီကနဲမြည်ပြီး ညာဘက်နားရွက်အရေပြားကို ဖောက်ထွက်သွားတယ်။ အော်ဟစ်သံ ပစ်ခတ်သံတွေကြားရပြီး သွေးတွေအများကြီး ထွက်လာတာကို ချက်ချင်းခံစားလိုက်ရပြီးနောက် ဘာဖြစ်တယ်ဆိုတာကို သဘောပေါက်လိုက်တယ်” လို့ ဒေါ်နယ်ထရန့်က ပြောပါတယ်။ ဒီနောက်မှာတော့ ထရန့်ဟာ လူမှုကွန်ရက်ကနေ ကြေညာချက်တစောင် ထုတ်ပြန်ခဲ့ပြီး အမေရိကန်လျှို့ဝှက်ထောက်လှမ်းရေးအဖွဲ့နဲ့ တာဝန်ရှိသူတွေကို ကျေးဇူးတင်ကြောင်းနဲ့ သေဆုံး ဒဏ်ရာရသူတွေအတွက် လွန်စွာဝမ်းနည်းကြောင်း ပြောပါတယ်။ “ ကျွန်တော်တို့ နိုင်ငံမှာ ဒီလိုလုပ်ရပ်မျိုး ဖြစ်ပေါ်လာတယ်ဆိုတာ မယုံနိုင်စရာပါ။…

  အဘူဂျာ၊ ဇူလိုင်-၁၄-၂၀၂၄ မျိုးဆက်(VOM) နိုင်ဂျီးရီးယားနိုင်ငံ အလယ်ပိုင်း ပလာတူပြည်နယ်မှာ စာသင်ကျောင်းပြိုကျမှုကြောင့် ကျောင်းသား ၂၂ ယောက် သေဆုံးပြီး ၁၃၀ ကျော်ဒဏ်ရာရရှိကြောင်း တာဝန်ရှိသူတွေက အတည်ပြုပြောဆိုပါတယ်။ ပြည်နယ်မြို့တော် ဂျို့စ်ရှိ စိန့်အကယ်ဒီမီ စာသင်ကျောင်းမှာ ကျောင်းသားများ အတန်းတက်နေစဉ်အတွင်း စာသင်ကျောင်းပြိုမှုဖြစ်ပွားခဲ့ခြင်းဖြစ်ပြီး ကျောင်းသား ရာချီပြီး အပျက်အစီးများအောက်မှာ ပိတ်မိနေခဲ့တယ်လို့ မျက်မြင်သက်သေတွေက ပြောပါတယ်။ ဒီမတော်တဆမှုကြောင့် ကနဦးမှာ ကျောင်းသား ၁၇ ယောက် ထက်မနည်း သေဆုံးခဲ့ပြီး ၄၀ ကျော်ဆေးရုံပို့ထားကြောင်း ဒေသတွင်း သတင်းဌာနများက ရေးသားဖော်ပြထားပြီး နောက်ပိုင်းမှာတော့ သေဆုံးသူ ဆက်လက်မြင့်တက်လာတာဖြစ်ပါတယ်။ အခင်းဖြစ်ပွားချိန်မှာ စာသင်ကျောင်းမှာ ကျောင်းသား ၁၀၀၀ ကျော် တက်ရောက်သင်ကြားနေတယ်လို့ ကျောင်းတာဝန်ရှိသူတွေနဲ့ ကြက်ခြေနီအဖွဲ့ကို ကိုးကားပြီး အေအက်ဖ်ပီ သတင်းဌာနက ရေးသေားဖော်ပြထားပါတယ်။ ကျောင်းပြိုကျတဲ့ အကြောင်းရင်းကို အသေးစိတ်မသိရသေးသော်လည်း အဆောက်အအုံတည်ရှိရာ…

  ဂါဇာစီးတီး၊ ဇူလိုင်-၁၄-၂၀၂၄ မျိုးဆက်(VOM) ဂါဇာရှိ လူသားချင်းစာနာမှုဆိုင်ရာ သတ်မှတ်ဧရိယာကို အစ္စရေးရဲ့ လေကြောင်းတိုက်ခိုက်မှုအတွင်း လူ ၉၀ ကျော်သေဆုံးခဲ့တယ်လို့ ဂါဇာကျန်းမာရေးတာဝန်ရှိသူတွေက ပြောပါတယ်။ ဒီတိုက်ခို်ကမှုဟာ ဟားမတ်စ် စစ်ရေးထိပ်တန်းခေါင်းဆောင် မိုဟာမက်ဒီယက်ဖ်နဲ့ သူ့ရဲ့လက်ထောက် ရာဖာဆာလာမာတို့ကို ပစ်မတ်ထားတိုက်ခိုက်ခဲ့တာလို့ အစ္စရေးက ပြောဆိုထားပြီး လူ ၃၀၀ ကျော်လည်း ဒဏ်ရာရရှိခဲ့ပါတယ်။ ဒါပေမယ့် ဒီတိုက်ခိုက်မှုအတွင်းမှာ သူတို့နှစ်ယောက် သေမသေတော့ အတည်ပြုလို့မရသေးဘူးလို့ အစ္စရေးဝန်ကြီးချုပ် နေတန်ယာဟုက ပြီးခဲ့တဲ့ညကပြုလုပ်တဲ့သတင်းစာရှင်းလင်းပွဲမှာ ပြောပါတယ်။ ဟားမတ်စ်ခေါင်းဆောင်တွေအားလုံးကို ရှင်းလင်းဖယ်ရှားပစ်မယ်လို့ နေတန်ယာဟုက ဆိုပါတယ်။ အစ္စရေးစစ်တပ်ဟာ လူသားချင်းစာနာမှုဆိုင်ရာဇုန်အဖြစ် သတ်မှတ်ထားတဲပ ခန်းယွန်နစ်အနီးရှိ အယ်လ်မာဝါဆီ ဒေသကို တိုက်ခိုက်ခဲ့တာဖြစ်ပါတယ်။ ဟားမတ်စ်ခေါင်းဆောင် အစ္စမေးဟာနီယာ့ကတော့ နေတန်ယာဟုဟာ ဂါဇာမှာ အစုလိုက်အပြုံလိုက်သတ်ဖြတ်မှုတွေကို လုပ်ဆောင်ပြီး ဂါဇာစစ်ပွဲ အဆုံးသတ်ရေးကို ပိတ်ပင်တားဆီးနေတယ်လို့ ဝေဖန်ပြောဆိုထားပါတယ်။ Ref:BBC Photo:Reuters #Voiceofmyanmar…

  ဝါရှင်တန်၊ ဇူလိုင်-၁၄-၂၀၂၄ မျိုးဆက်(VOM) အမေရိကန်သမ္မတဟောင်း ဒေါ်နယ်ထရန့်ဟာ ရွေးကောက်ပွဲ မဲဆွယ်စည်းရုံးရေး စုဝေးပွဲမှာ သေနတ်နဲ့ ပစ်ခတ်ခံခဲ့ရပြီး ဒဏ်ရာအနည်းငယ်ရရှိသွာပါတယ်။ ပင်ဆယ်ဗေးနီးယားပြည်နယ် ဘတ်လာမြို့မှာ ဖြစ်ပွားခဲ့ ဒီဖြစ်စဉ်အတွင်း ထရန့်ကို လုပ်ကြုံဖို့ ကြိုးပမ်းသူအမျိုးသားကို လျှို့ဝှက်ထောက်လှမ်းရေးအဖွဲ့က အသေပစ်ခတ်ခဲ့ရပါတယ်။ “ ဝီကနဲအသံနဲ့ ကျည်ဆန်က နားအရည်ပြားကို ဖောက်သွားတယ်” လို့ ဒေါ်နယ်ထရန့်က ပြောပါတယ်။ တိုက်ခိုက်မှုအတွင်း သေနတ်သမားအပြင် ပရိတ်သတ်တယောက်လည်း သေဆုံးခဲ့တယ်လို့ တာဝန်ရှိသူတွေက ပြောပါတယ်။ ပစ်ခတ်မှုမဖြစ်ခင် ရိုင်ဖယ်သေနတ်တလက်နဲ့ အမျိုးသားတယောက် ခေါင်မိုးပေါ်ကို တက်သွားတာတွေ့ရကြောင်း မျက်မြင်သက်သေတယောက်က ဘီဘီစီကို ပြောပါတယ်။ သေနတ်သံကြားရဲပြီးနောက် ထရန့်ဟာ ငုံ့ရှောင်လိုက်ပေမယ့် ပြန်ထလာချိန်မှာတော့ သူ့နားရွက်နဲ့ ပါးပြင်မှာ သွေးစတွေနဲ့ ပြန်မတ်တပ်ရပ်ပြီးနောက် ထောက်လှမ်းရေးတွေက သူ့ကိုဝိုင်းရံပြီး ဘေးကင်းလုံခြုံတဲ့နေရာခေါ်သွားခဲ့ပါတယ်။ အမေရိကန်အစိုးရနဲ့ သမ္မတဂျိုးဘိုင်ဒင်အပေါ် ဝေဖန်ပြောဆိုမှုတွေ ပြုလုပ်နေချိန်မှာ သေနတ်သံတွေ ထွက်ပေါ်လာတာလို့…

  Voice of Myanmar အိန္ဒိယနိုင်ငံပိုင် ဆက်သွယ်ရေးကုမ္ပဏီသည် ၂၀၁၃ ခုနှစ် ဇူလိုင် ၁၄ ရက်တွင် ကြေးနန်းတစောင်ပို့ပြီးနောက် ၎င်း၏ ကြေးနန်းဝန်ဆောင်မှုကို ရပ်ဆိုင်းခဲ့ပြီး အဆိုပါကြေးနန်းသည် ကမ္ဘာ့ပေါ်တွင် နောက်ဆုံးပေးပို့ခဲ့သော ကြေးနန်းလည်းဖြစ်သည်။ #Voiceofmyanmar #VOM #ThisDayInHistory #July14