Month: August 2024

  ဩဂုတ် ၁၀ – ၂၀၂၄ SS (VOM) စီမံကိန်းနှင့် ဘဏ္ဍာရေးဝန်ကြီးဌာနက လက်ရှိ တိုးမြှင့် ခံစားခွင့်ပြုထားတဲ့ နေ့စားလုပ်အားခ ၆၈၀၀ ကျပ်ဟာ ခေတ်ကာလနဲ့ကိုက်ညီတဲ့ လုပ်ခလစာ မဟုတ်သေးဘူးလို့ အလုပ်သမားအရေး ဆောင်ရွက်သူတွေက ပြောပါတယ်။ အစိုးရဌာနတွေနဲ့ စက်ရုံ၊ အလုပ်ရုံတွေက နေ့စားဝန်ထမ်းတွေ၊ အလုပ်သမားတွေရဲ့ အလုပ်ချိန် ၈ နာရီအတွက် နေ့စဉ်လုပ်ခကို ၆၈၀၀ ကျပ်အဖြစ် တိုးမြှင့် သတ်မှတ်လိုက်တယ်လို့ အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသားကော်မတီက ထုတ်ပြန်လာပါတယ်။ ဒီသတ်မှတ်ချက်ကို စီမံကိန်းနှင့် ဘဏ္ဍာရေးဝန်ကြီးဌာနက ပြီးခဲ့တဲ့ ဇူလိုင်လ ၂၆ ရက်နေ့မှာ ထုတ်ပြန်ခဲ့တာဖြစ်ပြီး အခု သြဂုတ်လ ၁ ရက်နေ့မှာ စတင် ခံစားခွင့်ရှိမယ်လို့ အမျိုးသားကော်မတီက အသိပေးထားပါတယ်။ လက်ရှိ ခေတ်ကာလ အခြေအနေအရ နေ့စဉ်ဆိုသလို မြင့်တက်လာတဲ့ ကုန်ဈေးနှုန်း၊…

  ဩဂုတ် ၁၀ – ၂၀၂၄ SN (VOM) ရခိုင်ပြည်နယ်၊ မြောက်ဦးမြို့မှာ ဒီကနေ့ ဩဂုတ် ၁၀ ရက်၊ နေ့လယ်ပိုင်းက လက်နက်ကြီး ကျရောက်ခဲ့တာကြောင့် ကလေးတယောက်အပါအဝင် ခြောက်ယောက် သေဆုံးခဲ့ပြီး ခုနစ်ယောက် ဒဏ်ရာရရှိခဲ့တယ်လို့ ဒေသခံတွေက ပြောပါတယ်။ ဒီကနေ့ နေ့လယ် ၁၂ နာရီခွဲဝန်းကျင်မှာ မြောက်ဦးမြို့က လူစည်းကားရာ နေရာတခုဖြစ်တဲ့ ရှစ်သောင်းသွားလမ်း၊ မြောက်ဦးဟိုတယ်နဲ့ ဦးဥတ္တမပန်းခြံအနီးတဝိုက်ကို  လက်နက်ကြီး ကျရောက်ခဲ့တာဖြစ်ပြီး အမျိုးသား ခြောက်ယောက် နေရာမှာတင် ပွဲချင်းပြီး သေဆုံးခဲ့တာဖြစ်တယ်လို့ သိရပါတယ်။ “လက်နက်ကြီးက ခရီးသည်တင်ပြီး လမ်းပေါ်မှာသွားနေတဲ့ တုတ်တုတ်ပေါ်ကို ကျသွားတာ။ တုတ်တုတ်ပေါ်က လူတွေ အကုန်ထိတာပဲ။ နေရာမှာတင် ပွဲချင်းပြီး သေကုန်တယ်။ ဒဏ်ရာ ရတဲ့သူတွေလည်း တော်တော်ကို ထိသွားတယ်။ အဲဒီနေရာက ခရီးသွားကားတွေ၊ ခရီးသည်တွေ၊ စျေးဆိုင်ခန်းတွေနဲ့…

  ဩဂုတ် ၁၀ GG (VOM) မန္တလေးတိုင်း ၊ နွားထိုးကြီး မြို့ပေါ်အထိတိုက်ပွဲတွေဖြစ်ပွားလာနေပြီး နွားထိုးကြီး – မြင်းခြံလမ်းကိုပါ သွားလာခွင့်ပိတ်ထားတယ်လို့သိရပါတယ်။ နှစ်ဖက်ထိတွေ့တိုက်ပွဲကနွားထိုးကြီးမြို့ ရဲစခန်းနဲ့ မြို့အရှေ့ဘက်ရှိ ဓာတ်ငွေ့ပိုက်လိုင်းဘက်တွေမှာ ဖြစ်ပွားနေတာဖြစ်လို့ မြို့ခံတွေအနေနဲ့ စစ်ရှောင်ဖို့အတွက် မြို့ထဲကနေမြို့ပြင်ကိုထွက်ခွင့်မရတဲ့အခြေအနေဖြစ်တယ်လို့သိရပါတယ်။ ” မြို့ထဲကရဲစခန်းတွေ ထွေအုပ်ဖက်တွေမှာပစ်ခတ်မှုတွေရှိတယ်။လေကြောင်းလည်းလာတယ်ဆိုတော့အပြင်မထွက်ရဲဘူး။တချို့လည်း မြို့ပြင်စစ်ရှောင်ဖို့လုပ်ကြပေမယ့် ထွက်မရတဲ့အခြေအနေပါ။မြို့ထဲမှာ စစ်တပ်ရော PDF တွေရှိနေတယ် ။ ” လို့ ဒေသခံတယောက်ကပြောပါတယ်။ နွားထိုးကြီးမြို့ပေါ်မှာ နှစ်ဖက်ထိတွေ့တိုက်ပွဲက မနေ့ကဩဂုတ်လ၉ ရက်နေ့ညပိုင်းကစပြီး ဖြစ်ပွားခဲ့တာဖြစ်ကြောင်း၊ နစကဘက်မှလည်းလေကြောင်းပစ်ကူတိုက်ခတ်မှုရှိနေပြီး မြိူ့ထဲလည်းလက်နက်ကြီးကျရောက်မှုတွေရှိနေတယ်လို့သိရပါတယ်။ နွားထိုးကြီး – မြင်းခြံလမ်းကိုတော့ PDF တွေဘက် ယာယီပိတ်ထားတာလို့ ထုတ်ပြန်ချက်အရ သိရပါတယ်။ အရင်ကလည်း နွားထိုးကြီး မြို့နယ်ထဲကရွာဘက်တွေမှာ pdf တပ်ဖွဲ့တွေနဲ့နစကတပ်ဖွဲ့တွေအကြား မကြာခဏပစ်ခတ်မှုတွေဖြစ်ပွားလေ့ရှိပြီး အရပ်သားသေဆုံးမှုရှိခဲ့ကြောင်း၊ လက်ရှိကတော့မြို့ပေါ်တပ်စခန်းတွေအထိ တိုက်ပွဲဖြစ်ပွားနေတာဖြစ်ပါတယ်။ Photo:CJ #Voiceofmyanmar #vom…

  ဩဂုတ် ၁၀ – ၂၀၂၄ SS (VOM) ပြင်ဦးလွင် – ရန်ကုန် အဝေးပြေးကားလက်မှတ် ဩဂုတ်လ ၁၂ ရက်နေ့အထိ လက်မှတ်ကုန်နေပြီ ဖြစ်တယ်လို့ အဝေးပြေးယာဉ်လိုင်းတွေဆီက သိရပါတယ်။ ဩဂုတ်လ ၁၂ ရက်နေ့အထိ ရောင်းထားတဲ့ လက်မှတ်တွေကိုလည်း ပုံမှန်ဈေးနှုန်းအတိုင်းသာ ရောင်းချပေးထားပြီး ဈေးတက်တာမျိုး မရှိသေးဘူးလို့လည်း သိရပါတယ်။ “ပြင်ဦးလွင် – ရန်ကုန် အတက်ရော၊ အဆင်းရော ကားတွေရှိပါတယ်။ အခု လိုင်းပေါ်မှာ ပျံ့နှံ့နေတဲ့သတင်းက ကားလိုင်းတချို့မထွက်ဘူး၊ လက်မှတ်ဈေးတွေလည်းတက်တယ် ပြောနေကြတယ်။ ယာဉ်လိုင်းတွေလည်း အကုန် ထွက်ပါတယ်။ ကားလက်မှတ်ခလည်း ပုံမှန်ပါပဲ။ အထူးကား ကျပ် သုံးသောင်းကိုးထောင်၊ ရိုးရိုးကား ကျပ် နှစ်သောင်းခုနစ်ထောင်။ ဈေးတောင်မပြောင်းပါဘူး။ ဒါပေမယ့် ကြိုတင်လက်မှတ်တွေ ဖြတ်ထားကြတာမို့ ဩဂုတ် ၁၂ ရက်နေ့ထိတော့ လက်မှတ်ဝယ်မရတော့ပါဘူး” လို့…