Month: October 2024

အောက်တိုဘာ ၂၃ – ၂ဝ၂၄ KKO(VOM) နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ဟာ လာမယ့် နို၀င်ဘာလအတွင်းမှာ တရုတ်နိုင်ငံသို့ချစ်ကြည် ရေးခရီးစဉ်သွားရောက်မယ်ဆိုတဲ့ သတင်းတွေဟာ အခုလပိုင်းအတွင်းမှာကျယ်ပြန့်စွာထွက်ပေါ်လာခဲ့ပါတယ် ။အဲအပြင်ဗိုလ်ချူပ်မှူးကြီးရဲ့တရုတ်ပြည်ခရီးစဉ်မတိုင်မီမှာဖြစ်ပေါ်ခဲ့တဲ့အခြေအနေတွေအပေါ်ကိုကျယ်ပြန့်စွာသုံးသပ်မှု‌တွေလည်းစတင်ထွက်ပေါ်လို့လာခဲ့တာပါ။ ဒီနှစ်ဩဂုတ်လအတွင်းမှာ နစက ဥက္ကဌ ဗိုလ်ချုပ်မှူးကြီး မင်းအောင်လှိုင်နဲ့ တရုတ်နိုင်ငံခြားရေးဝန်ကြီး ဝမ်ယိတို့ နေပြည်တော် တွေ့ဆုံပွဲအပြီးမှာ အခုလို သတင်းတွေထွက်ပေါ်လာခဲ့တာလည်းဖြစ်ပါတယ်။ အခုဗိုလ်ချူပ်မှုးကြီးမင်းအောင်လှိုင်သွားရောက်မယ်ဆိုတဲ့ တရုတ်ပြည်ချစ်ကြည်ရေးခရီးစဉ်ဟာ ခေတ်သစ် တရုတ်- မြန်မာဆက်ဆံရေးကိုစတင်တော့မယ့်အချိန်အခါလို့ နိုင်ငံရေးလေ့လာသုံးသပ်သူတွေက တွေးထင်ယူဆထားကြပါတယ်။ “ဒါကတရုတ်နိုင်ငံခြားရေး၀န်ကြီးရဲ့မြန်မာပြည်ခရီးစဉ်အပြီးမှာစတင်ခဲ့တဲ့နွေးထွေးတဲ့ဆက်ဆံရေးကိုအသစ်တဖန်ပြန်လည်စတင်လိုက်တယ်လို့ပဲ ယူဆရပါတယ်။ခေတ်သစ်တရုတ်-မြန်မာဆက်ဆံရေးကိုစတင်တော့မယ့် အချိန်အခါမှာ ဒီအချက်ကိုလည်းအဓိကထားပြီးဆွေးနွေးရမှာပါ။မြန်မာနဲ့ တရုတ်နှစ်နိုင်ငံလုံးက ကမ္ဘာကြီးရဲ့အရေးကြီးတဲ့အာရှ-ပစိဖိတ်ရပ်၀န်းဒေသမှာယှဉ်တွဲနေထိုင်ကြတဲ့နိုင်ငံတွေဖြစ်ပါတယ်။ဟိုးယခင်ကတည်းက ပြင်ပဖိအားတွေကိုလည်းအတူတူရင်ဆိုင်ခဲ့ရတာဖြစ်တယ်။Win Win Theory အရအတူတူလက်တွဲလုပ်ကိုင်ကြနိုင်မှသာအာရှတိုက်ကြီးဟာငြိမ်းချမ်းစွာနဲ့တည်ရှိမှာဖြစ်ပါတယ်။ဒါမှတရုတ်-မြန်မာချစ်ကြည်ရင်းနှီးစွာဆက်ဆံရေးဟာလည်းအောင်မြင်လာမှာဖြစ်ပါတယ်” လို့ နိုင်ငံရေးလေ့လာသုံးသပ်သူတယောက်က သူရဲ့သဘောထားအမြင်ကို မှတ်ချက်ပြု ပြောပြခဲ့ပါတယ်။ တရုတ်-မြန်မာဆက်ဆံရေးကိုပြန်လည်သုံး သပ်ရရင် ၁၉၈၈ ခုနှစ်၊စက်တင်ဘာလ ၁၈ ရက်နေ့လောက်ကစပြီးအကြမ်းဖျင်းသုံးသပ်ကြည့်သင့်တယ်လို့ ဆိုပါတယ်။ ၁၉၈၈ ခုနှစ်ပြည်တွင်းမှာ သပိတ်မှောက်မှုပေါင်းစုံနဲ့အတူ ထိုစဉ်ကအုပ်ချူပ်နေတဲ့…

သတင်း-ZY+Shy V (VOM) အောက်တိုဘာ ၂၃၊ ၂၀၂၄ ကိုးကန့်တပ် MNDAAထိန်းချုပ်ထားတဲ့ ရှမ်းပြည်နယ်မြောက်ပိုင်း၊ လားရှိုးမြို့ကို နစကေလတပ်က ဒီကနေ့ အောက်တိုဘာလ ၂၃ရက်မှ လေကြောင်းကနေ ၄ကြိမ်တိုင်တိုင် ဗုံးကြဲတိုက်ခိုက်ခဲ့ပြီး လားရှိုးအကျဉ်းထောင်ရှိ စစ်သုံ့ပန်း ၁၀ဦး လွတ်မြောက်သွားသလို သေဆုံးမှုတွေရှိတယ်လို့ ဒေသတွင်းသတင်းရင်းမြစ်တွေထံနေ သိရပါတယ်။ ဒီကနေ့ မနက် ၈နာရီခွဲဝန်းကျင်မှာ လားရှိုးမြို့အဝင်ရှိ ရိုးရာ ဆန်အရက်ချက်စက်ရုံကို ၂ကြိမ် လာရောက်ဗုံးကြဲ တိုက်ခိုက်ခဲ့သလို နံနက် ၁၀နာရီဝန်းကျင်မှာ ရပ်ကွက် ၁၂ဖက်နဲ့ လားရှိုးမြို့ပြင်ရှိ ဟက်ကာရွာဖက်ကို ဗုံးကြဲတိုက်ခိုက်ခဲ့ပြီး ညနေ ၃နာရီ ၅မိနစ်ဝန်းကျင်မှာ လားရှိုးရဲစခန်းနဲ့ အကျဉ်းထောင်ဖက်ကို ထပ်မံဗုံးကြဲ တိုက်ခိုက်ခဲ့တယ်လို့ သိရပါတယ်။ “ထောင်ကို ဗုံးထိပြီး ထောင်က စစ်သုံ့ပန်း ၁၀ယောက် ထွက်ပြေးလွတ်မြောက်သွားတယ်။ အရက်ချက်စက်ရုံကိုတော့ ၂ကြိမ်လာကြဲတာ။ ညနေကတော့ ထောင်ကိုလာကြဲတာဆိုတော့ စစ်သုံ့ပန်းတွေ ထွက်ပြေးဖို့…

အောက်တိုဘာ ၂၃ – ၂၀၂၄ SS (VOM) စစ်ကိုင်းတိုင်း၊ ဘုတလင်မြို့နယ်အတွင်း စစ်ရေးအခြေအနေ တင်းမာနေတဲ့အတွက် ဒေသခံပြည်သူ ငါးသောင်းဝန်းကျင် စစ်ဘေးတိမ်းရှောင်နေရတယ်လို့ အကူအညီပေးနေသူတွေဆီက သိရပါတယ်။ အောက်တိုဘာ ၁၁ ရက်နေ့မှ စတင်ကာ ဘုတလင်မြို့နယ်အတွင်း နစကတပ်နဲ့ ဒေသတွင်း လက်နက်ကိုင်တပ်တွေအကြား စစ်ရေးအခြေအနေ တင်းမာမှုတွေကြောင့် ဒေသခံပြည်သူတွေ စစ်ရှောင်နေရတာဖြစ်ပြီး အကူအညီများစွာ လိုအပ်နေတယ်လို့ သိရပါတယ်။ “စစ်ရှောင်နေရတာက မီးဘေးသင့် ဒေသခံတွေလည်း ရှိတယ်။ စစ်ဘေးကြောင့် ရှောင်နေရတာလည်း ရှိတယ်။ စစ်ရှောင်နေရတဲ့ ကျေးရွာပေါင်းကတော့ ၂၅ ရွာထက်မနည်း ရှိနိုင်တယ်။ စစ်ရှောင်ရတဲ့ရက် ကြာလာတာနဲ့အမျှ သူတို့အတွက်က နေရေးထိုင်ရေး၊ စားရေးသောက်ရေး အခက်အခဲ ရှိလာတယ်။ စားနပ်ရိက္ခာတွေလည်း လိုသလို ဆေးဝါး၊ အမိုးအကာ၊ အဝတ်အထည်နဲ့ အသုံးအဆောင်ပစ္စည်းတွေလည်း အရေးပေါ် လိုအပ်နေတယ်” လို့ အကူအညီပေးနေသူက ပြောပါတယ်။…

အောက်တိုဘာ၂၃ ၊၂၀၂၄Ms(VOM)ရန်ကုန်တိုင်း၊ ဗဟန်းမြို့နယ်၊ တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည်နေထိုင်ခဲ့တဲ့ ခြံအမှတ် (၅၄) နဲ့ နေအိမ်ကို ငွေကျပ်ဘီလီယံ၂၉၀ နဲ့ ဈေးလျော့လေလံပစ်ဖို့ကို မနေ့က အောက်တိုဘာ၂၂ရက်နေ့ မှာ တရားရုံးကို ဦးအောင်ဆန်းဦး ရဲ့ရှေ့နေကတင်ပြ လျှောက်ထားလိုက်တယ်လို့ တရားရုံးနဲ့နီးစပ်သူတွေထံကသိရပါတယ်။ခြံအမှတ် (၅၄) တက္ကသိုလ်ရိပ်သာလမ်းနေအိမ်ကို လေလံတင် ရောင်းချနိုင်ဖို့ အရေး ဒုတိယအကြိမ်ဈေးခေါ်ထားခဲ့တုန်းက လေလံကြမ်းခင်းဈေး ကျပ်ငွေ ၃၀၀ ဘီလီယံတန်ဖိုးကနေ ကျပ် ၁၀ဘီလီယံ လျော့ချပေးပြီး ကျပ်၂၉၀ ဘီလီယံနဲ့ လေလံတင်ဖို့ ရန်ကုန်တိုင်း ကမာရွတ်ခရိုင် တရားရုံး ရဲ့ရုံးချိန်းမှာ တင်ပြ ခဲ့တာဖြစ်ပြီး အဲဒီလို တင်ပြမှုအပေါ် လာမယ့်ရုံးချိန်းမှာ ဒေါ်အောင်ဆန်းစုကြည်ရဲ့ရှေ့နေတွေက ပြန်လည်တင်ပြဖို့ရှိနေပြီး နှစ်ဖက်စလုံးကို တင်ပြချက်တွေကို ကြားနာပြီးမှသာ တရားရုံးက ဆုံးဖြတ်မှာ ဖြစ်တယ်လို့ဆိုပါတယ်။” ပထမအကြိမ်နဲ့ဒုတိယအကြိမ် လေလံမအောင်တော့ နောက်ထပ် မရမခြင်း အကြိမ်ကြိမ်လေလံတင်ဖို့လုပ်မယ့်ပုံပေါ်တယ်။ လာမယ့်ရုံးချိန်းက နိုဝင်ဘာ၁၃ဆိုတော့…

ZY(VOM) အောက်တိုဘာ ၂၃၊ ၂၀၂၄ ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်ရှိ နားပုံကျေးရွာမှာ မိုးသည်းထန်စွာရွာသွန်းမှုတွေကြောင့် ပြီးခဲ့တဲ့ အောက်တိုဘာလ ၁၉ရက်ကနေ ဒီကနေ့ အောက်တိုဘာလ ၂၃ရက်အထိ ရွာလုံးကျွတ်ရေနစ်မြှုပ်နေလို့ စားနပ်ရိက္ခာ၊ ဆေးဝါးနဲ့ အဝတ်အထည်တွေ အရေးပေါ်လိုအပ်နေတယ်လို့ ရေဘေးကူညီနေသူတွေထံကနေ သိရပါတယ်။ ဟိုပုံးမြို့နယ်ရဲ့ မြောက်ဘက် အစွန်အဖျားရှိ နားပုံကျေးရွာမှာ ရေကြီးရေလျှံမှုဖြစ်ပွားပြီးနောက် အိမ်ခြေ ၃၀၀ခန့်ရှိတဲ့ နားပုံကျေးရွာဟာ ရွာလုံးကျွတ်နီးပါး ရေနှစ်မြုပ်နေသလို ကျေးရွာနေ လူဦးရေ ၈၀၀ခန့်ဟာ ဘေးလွတ်ရာကို တိမ်းရှောင်နေရတယ်လို့ သိရပါတယ်။ “တရွာလုံးနီးပါးမြှုပ်သွားတာ တပါတ်လောက်ရှိပြီ။ ဒီနေ့အထိပဲ။ စမြှုပ်တုန်းကထက်တော့ နည်းနည်းတော့ ပြန်ကျလာပေမယ့် အရမ်းသိသိသာသာကြီး ကျသွားတာမျိုး မဟုတ်သေးဘူး။ ဖုန်းလိုင်းကလည်း အခုမှပြန်ရတာ။ ဒါတောင် ကုန်းမြင့်တွေပေါ်မှာပဲရတာ၊ အင်တာနက်လိုင်းကတော့ အခုထိ ပြန်မရသေးဘူး”လို့ ရေဘေးကူညီနေသူတစ်ဦးက VOMကို ပြောပါတယ်။ အဲဒီလို တရွာလုံးနီးပါးရေနစ်မြှုပ်နေတာကြောင့် ဆန်၊…

အောက်တိုဘာ ၂၃၊ ၂၀၂၄ Shy V (VOM) ကိုးကန့် MNDAA ထိန်းချုပ်ထားတဲ့ လားရှိုးမှာ အောက်တိုဘာ ၂၂ ရက်နေ့မနက် အစောပိုင်းနဲ့ အောက်တိုဘာ ၂၃ ရက်နေ့ မနက်ပိုင်းနှစ်ရက် ဆက်တိုက် နစက ဘက်က လေကြောင်း ဗုံးကြဲ တိုက်ခိုက်ခဲ့ကြောင်း ဒေသခံတွေဆီက သိရပါတယ်။ “လူ အထိအခိုက်တော့ မရှိဘူး။ ရိုးရာ အရက်ချက် စက်ရုံဘက်။ မယ်ဟန် ဘက်မှာ” လို့ဒေသခံ အမျိုးသား တယောက်က ပြောပါတယ်။ အောက်တိုဘာလ ၂၃ ရက်နေ့ မနက် ၈ နာရီ ၃၅ မိနစ်ခန့်က ကြဲသွားတာဖြစ်ပြီး ပျက်စီးမှု အတိအကျ မသိရသေးဘူးလို့ ပြောပါတယ်။ “ရိုးရာအရက်စက်ရုံ ခိုဆမ်တန်ကို လေယာဉ် ဗုံး ကြဲချသွားတယ်။ ၁၀ နာရီခွဲ ဝန်းကျင်မှာလည်း လေယာဉ်ဝဲနေဆဲပါ”…