Year: 2024

  ကဘူးလ်၊ ဇွန်-၂၉-၂၀၂၄ မျိုးဆက်(VOM) အာဖဂန်နစ္စတန်အခြေအနေနဲ့ပတ်သက်ပြီး ကုလသမဂ္ဂဦးဆောင်တဲ့ ဆွေးနွေးပွဲကို တာလီဘန်အဖွဲ့က ပထမဆုံးအကြိမ် တက်ရောက်မယ်လို့ အဖွဲ့ပြောရေးဆိုခွင့်ရှိသူက အတည်ပြုပြောဆိုပါတယ်။ ဒီဆွေးနွေးပွဲကို ကာတာနိုင်ငံ ဒိုဟာမြို့မှာ မနက်ဖြန်စတင်ကျင်းပမှာဖြစ်ပြီး အာဖဂန်အရေးနဲ့ သုံးကြိမ်မြာက်နိုင်ငံတကာဆွေးနွေးပွဲဖြစ်ပါတယ်။ ကုလသမဂ္ဂလက်ထောက်အတွင်းရေးမှူးချုပ် ရို့မေရီဒီကာလိုက သဘာပတိအဖြစ် ဆောင်ရွက်မှာဖြစ်ပြီး အာဖဂန်နစ္စတန်ပြသနာများကို အမေရိကန်၊ ဂျပန်၊ ဥရောပနိုင်ငံတွေနဲ့အတူ ဆွေးနွေးသွားမှာဖြစ်ပါတယ်။ နှစ်ရက်ကြာကျင်းပမယ့် အဲဒီဆွေးနွေးပွဲကို တာလီဘန်ပြောရေးဆိုခွင့်ရှိသူ ဇာဘီဟူလာမူဂျာဟစ်အပါအဝင် ထိပ်တန်း တာဝန်ရှိသူတွေ တက်ရောက်မယ်လို့ တာလီဘန်အဖွဲ့ကပြောပါတယ်။ အာဖဂန်နစ္စတန်မှာ အမျိုးသမီးတွေကို မူလတန်းကျောင်းသာ တက်ရောက်ခွင့်ပေးခြင်းအပါအဝင် လူ့အခွင့်အရေးအခြေအနေတွေ ဆက်လက်ဆိုးရွားနေတဲ့အပေါ် နိုင်ငံတကာက ဝေဖန်ပြစ်တင်မှုများလည်း ပြင်းပြင်းထန်ထန်ထွက်ပေါ်နေပါတယ်။ ဒါပေမယ့် အခုဆွေးနွေးပွဲမှတော့ အာဖဂန်အမျိုးသမီးများအရေး ပါဝင်နိုင်ဖွယ်မရှိကြောင်း သံတမန်သတင်းရင်းမြစ်တွေက ပြောပါတယ်။ အာဖဂန်မှာ တာလီဘန်တို့ရဲ့ လူ့အခွင့်အရေးချိုးဖောက်မှုဒဏ်ကို အပြင်းထန်ဆုံးခံရတ့ အမျိုးသမီးအခွင့်အရေးတွေနဲ့ပတ်သက်ပြီး အခုဆွေးနွေးပွဲမှာ ဖယ်ထုတ်ခံရတယ်လို့ လူ့အခွင့်အရေးစောင့်ကြည့်အဖွဲ့က ပြောပါတယ်။ Ref:…

  တဲလ်အဗစ်၊ ဇွန်-၂၉-၂၀၂၄ မျိုးဆက်(VOM) ဟဇ်ဘိုလာအဖွဲ့နဲ့ အပြန်အလှန်ပစ်ခတ်ပြီး တင်းမာမှုတွေမြင့်တက်နေတဲ့ လက်လနွန်နယ်စပ်ကို နောက်ထပ် အစ္စရေးတပ်ဖွဲ့တွေ ထပ်မံစေလွှတ်ထားကြောင်း အစ္စရေးအခြေစိုက် သတင်းဌာနတွေကဆိုပါတယ်။ လက်ဘနွန်အခြေစိုက် ဟဇ်ဘိုလာတို့အပေါ် စစ်ဆင်ရေးရဲ့ တစိတ်တပိုင်းအဖြစ် လက်ဘနွန်တောင်ပိုင်းရှိ ဟဇ်ဘိုလာတို့ရဲ့ အဆောက်အအုံတခုကို ပြီးခဲ့တဲ့နေ့က ပစ်မှတ်ထားတိုက်ခိုက်ခဲ့ကြောင်း အစ္စရေးစစ်တပ်က အတည်ပြုပြောဆိုပါတယ်။ ဂါဇာစစ်ပွဲအပါအဝင် အရှေ့အလယ်ပိုင်းမှာ ပဋိပက္ခများ ပိုမိုကျယ်ပြန့်လာမှာကို စိုးရိမ်မှုတွေ မြင့်တက်နေချိန်မှာ လက်ဘနွန်နယ်စပ်ကို အစ္စရေးတပ်တွေ ထပ်မံစေလွှတ်ဖြန့်ကြက်နေတာဖြစ်ပါတယ်။ လက်ဘနွန်အခြေစိုက် ဟဇ်ဘိုလာတို့ဟာ ဂါဇာစစ်ပွဲမှာ ဟားမတ်စ်တို့ကို ထောက်ခံကြောင်းပြတဲ့အနေနဲ့ အစ္စရေးနယ်စပ်မှာ တိုက်ခို်ကမှုတွေ လုပ်ဆောင်နေပါတယ်။ ပြီးခဲ့တဲ့သီတင်းပတ်မှာတော့ အစ္စရေးစစ်တပ်ဟာ ဟဇ်ဘိုလာတို့အပေါ် စစ်ဆင်ရေးလုပ်မယ့် ဆုံးဖြတ်ချက်ကို ချမှတ်ခဲ့ပါတယ်။ ဂျိုးဘိုင်ဒင်ရဲ့ အမေရိကန်အစိုးရကလည်း ပေးပို့မှုရပ်ဆိုင်းထားတဲ့ ဗုံးတွေကို အစ္စရေးအတွက် ပြန်လည်ပေးပို့နိုင်တယ်လို့ အမေရိကန်သတင်းဌာနတွေက ဆိုပါတယ်။ တိုက်ပွဲများပြင်းထန်လာနိုင်တဲ့ ဖြစ်နိုင်ခြေအတွက် ပြင်ဆင်ထားဖို့ လက်နက်များလိုအပ်ကြောင်း အစ္စရေးတာဝန်ရှိသူတွေကလည်း…

  ဆိုးလ်၊ ဇွန်-၂၉-၂၀၂၄ မျိုးဆက်(VOM) မြောက်ကိုရီးယားမှာ တောင်ကိုရီးယားရုပ်ရှင်နဲ့ တေးဂီတတွေမျှဝေသူတယောက်ကို အာဏာပိုင်တွေက လူသိရှင်ကြား ကွပ်မျက်လိုက်တယ်လို့ မြောက်ကိုရီးယားက ထွက်ပြေးလာသူတွေကို ကိုးကားပြီး တောင်ကိုရီးယားအစိုးရရဲ့ အစီရင်ခံစာတရပ်မှာ ဖော်ပြထားပါတယ်။ မြောက်ကိုရီးယားကနေ ဘက်ပြောင်းခိုလှုံလာသူ ၆၀၀ ကျော်ဆီကရတဲ့ သက်သေခံချက်တွေကို အခြေခံပြီး မြောက်ကိုရီးယားရဲ့ လူ့အခွင့်အရေး အခြေအနေတွေနဲ့ပတ်သက်တဲ့ အစီရင်ခံစာကို တောင်ကိုရီးယား ပြန်လည်ပေါင်းစည်းရေးဝန်ကြီးဌာနက ထုတ်ပြန်ရာမှာ အခုလိုဖော်ပြထားတာဖြစ်ပါတယ်။ ထွက်ပြေးလာသူတယောက်ရဲ့အဆိုအရ ၂၀၂၂ ခုနှစ်အတွင်းမှာ မြောက်ကိုရီးယားနိုင်ငံ အနောက်ပိုင်း တောင်ဟွမ်ဟေးပြည်နယ်မှာနေထိုင်တဲ့ အသက် ၂၂ နှစ်အရွယ်လူတယောက်ကို ကွပ်မျက်ခဲ့တာကို တွေ့ရှိခဲ့ရတယ်လို့ ဆိုပါတယ်။ ဒီလိုပြစ်ဒဏ်ပေးမှုဟာ ပြီးခဲ့တဲ့လေးနှစ်က ချမှတ်ခဲ့တဲ့ ဖောက်ပြန်တဲ့အတွေးအခေါ်နဲ့ ယဉ်ကျေးမှုကို အမြစ်ပြတ်ချေမှုန်းဖိုရည်ရွယ်ထားတဲ့ ဥပေဒအပေါ် အခြေခံလုပ်ဆောင်ခဲ့တာလို့ ဆိုပါတယ်။ အသတ်ခံရသူဟာ တောင်ကိုရီးယားသီချင်း အပုဒ် ၇၀ နဲ့ရုပ်ရှင်ဇာတ်ကား သုံးကားကိုကြည့်ရှုခဲ့ပြီး အခြားသူတွေကို မျှဝေခဲ့ကြောင်း ကွပ်မျက်ရာမှာပါဝင်တဲ့…

  Voice of Myanmar ဗီယက်နမ်စစ်ပွဲအတွင်း အမေရိကန်ဗုံးကြဲလေယာဉ်များသည် မြောက်ဗီယက်နမ်၏ လူဦးရေအများဆုံးဖြစ်သော ဟနွိုင်းနှင့် ဟိုင်ဖန်မြို့မှာကို ၁၉၆၆ ခုနှစ် ဇွန် ၂၉ ရကွင် လေကြောင်းမှ ပထမဆုံးအကြိမ် ဗုံးကြဲတိုက်ခိုက်ခဲ့သည်။ #Voiceofmyanmar #VOM #ThisDayinHistory #June29

  ဇွန် ၂၉ – ၂၀၂၄ SN (VOM) ရခိုင်ပြည်အခြေစိုက် Development Media Group (DMG) သတင်းဌာနက သတင်းထောက် ကိုထက်အောင်နဲ့ ရုံးဝန်ထမ်း ကိုစိုးဝင်းအောင်တို့ကို နစက က အလုပ်နဲ့ ထောင်ဒဏ် ငါးနှစ်စီ ချမှတ်လိုက်တယ်လို့ အဲဒီသတင်းဌာနက မနေ့ ဇွန် ၂၈ ရက်မှာ သတင်းထုတ်ပြန်လိုက်ပါတယ်။ သတင်းထောက် ကိုထက်အောင်နဲ့ ရုံးဝန်ထမ်း ကိုစိုးဝင်းအောင်တို့ကို စစ်တွေမြို့၊ အမှတ် (၁) ရဲစခန်းမှ ရဲအုပ် ဗိုလ်ဗိုလ်ကျော်က တရားလိုလုပ်ကာ အကြမ်းဖက်မှုတိုက်ဖျက်ရေး ဥပဒေပုဒ်မ ၅၂ (က) နဲ့ ပြီးခဲ့တဲ့ ၂၀၂၃ ခုနှစ်အတွင်းက တရားစွဲဆိုထားတာဖြစ်ပြီး အခု ၂၀၂၄ ခုနှစ်၊ ဇွန် ၂၈ ရက်မှာတော့ စစ်တွေမြို့နယ်တရားရုံးကနေ အမိန့် ချမှတ်ခဲ့တာ ဖြစ်တယ်လို့ ထုတ်ပြန်ချက်မှာ…

  နိုင်ရိုဘီ၊ ဇွန်-၂၈-၂၀၂၄ မျိုးဆက်(VOM) ကင်ညာနိုင်ငံမှာ ဖြစ်ပွားနေတဲ့ အခွန်တိုးမြင့်ကောက်ခံမယ့် ဥပဒေအပေါ် ကန့်ကွက်ဆန္ဒပြပွဲတွေကို ထိန်းချုပ်ဖို့ စစ်တပ်ကို အသုံးပြုမယ်လို့ ကင်ညာတရားရုံးချုပ်က အတည်ပြုလိုက်ပါတယ်။ အစိုးရဲ့ အခွန်တိုးမြှင့်ကောက်ခံမယ့် ဥပဒေနဲ့ပတ်သက်ပြီး လူငယ်တွေဦးဆောင်တဲ့ နိုင်ငံတဝန်းဆန္ဒ္ဒပြပွဲတွေအတွင်း လူ ၂၀ ကျော်ထိ သေဆုံးခဲ့ပြီဖြစ်ပါတယ်။ သမ္မတနန်းတော်ကိုပါ ဝင်ရောက်စီးနင်းမယ်လို့ ခြိမ်းခြောက်ထားတဲ့ ဆန္ဒပြသူတွေကို ရဲတွေက မျက်ရည်ယိုဗုံးတွေနဲ့ ဖြိုခွဲပြီးနောက်မှာတော့ မြိုတော်နိုင်ရိုဘီမှာ စစ်သားတွေနဲ့ သံချပ်ကာယာဉ်တွေ ကင်းလှည့်နေကြပါတယ်။ အစိုးရအဆောက်အအုံတွေကို ကာကွယ်ဖို့အရေးကြီးတာကြောင့် စစ်တပ်ကိုဖြန့်ကြက်ချထားဖို့ လိုကြောင်း ကင်ညာတရားရုံးချုပ်က ထုတ်ပြန်ထားပါတယ်။ ဒါပေမယ့် စစ်တပ်က စစ်တန်းလျားကိုပြန်ဖို့ တောင်းဆိုထားတဲ့ ကင်ညာဥပဒေပြုအဖွဲ့က တရားရုံးချုပ် ဆုံးဖြတ်ချက်ကို လေးစားပေမယ့် ဒါကို သဘောမတူဘူးလို့ ပြောပါတယ်။ နိုင်ငံတကာငွေကြေးရန်ပုံငွေအဖွဲ့အပါအဝင် ကင်ညာရဲ့ငွေချေးသူတွေတောင်းဆိုထားတဲ့အတိုင်း နိုင်ငံကြွေးမြီဝန်ထုတ်တွေကို လျှော့ချဖို့ ဘဏ္ဍာရေးဆိုင်ရာ ဥပဒေကိုပြင်ဆင်ပြီး ကင်ညာအစိုးရက အခွန်တိုးကောက်ဖို့ စီစဉ်နေတာဖြစ်ပါတယ်။…

  ဝါရှင်တန်၊ ဇွန်-၂၈-၂၀၂၄ မျိုးဆက်(VOM) အမေရိကန်သမ္မတရွေးကောက်ပွဲ မတိုင်ခင်မှာ လက်ရှိသမ္မတဂျိုးဘိုင်ဒင်နဲ့ သမ္မတဝင်ပြိုင်ဦးမယ့် သမ္မတဟောင်း ဒေါ်နယ်ထရန့်တို့ဟာ ရုပ်မြင်သံကြားကနေ မိနစ် ၉၀ ကြာ စကားစစ်ထိုးပွဲပြုလုပ်ခဲ့ကြပါတယ်။ ဒီစကားစစ်ထိုးပွဲတော့ ဒေါ်နယ်ထရန့်ဟာ သမ္မတဂျိုးဘိုင်ဒင်ရဲ့ စီးပွားရေးနဲ့ နိုင်ငံခြားရေးမူဝါဒတွေကို ကြိမ်ဖန်များစွာ ဝေဖန်ပြောဆိုတိုက်ခိုက်ခဲ့ပြီး ဂျိုးဘိုင်ဒင်ကတော့ ဒေါ်နယ်ထရန့် ရင်ဆို်ငနေရတဲ့ ရာဇဝတ်မှုတွေနဲ့ ၂၀၂၀ ရွေးကောက်ပွဲကို လွှမ်းမိုးဖို့ကြိုးစားတာတွေကို ဝေဖန်ပြောဆိုခဲ့ပါတယ်။ လူဝင်မှုကြီးကြပ်ရေးပြသနာမှာ ဂျိုးဘိုင်ဒင်လက်ထက်မှာ နယ်စပ်တွေဖွင့်ပေးလိုက်တဲ့အတွက် ရာဇဝတ်မှုတွေ ပိုမိုထူပြောလာတယ်။ ထရန့်ကတော့ သူသမ္မတဖြစ်လာရင် တရားမဝင်နေထိုင်သူတွေကိုနှင်ထုတ်မယ်လို့ ပြောဆိုထားသူဖြစ်ပါတယ်။ ဘိုင်ဒင်က ထရန့်ကို အရှုံးသမားလို့ ခေါ်ဝေါ်ခဲ့ပြီး လမ်းဘေးကြောင်စရိုက်မျိုးလို့ ဆိုခဲ့ပါတယ်။ ထရန့်ကလည် ဒီစာကြောင်းရဲ့အဆုံးမှာ သူဘာပြောသွားလဲဆိုတာ ကျွန်တော်တကယ်မသိပါဘူး။ သူဒီလိုမျိုးလုပ်ခဲ့ဖူးတာမျိုးလို့ မထင်ခဲ့ဘူးလို့ ပြန်လည်ချေပခဲ့ပါတယ်။ ဒီမိုကရက်တစ်တွေကတော့ သမ္မတဂျိုးဘိုင်ဒင်ရဲ့ စကားစစ်ထိုးပွဲစွမ်းဆောင်ရည်အပေါ် စိုးရိမ်ကြောင်းနဲ့ အစောပိုင်းပြောဆိုချက်တွေဟာ ထိတ်လန့်စရာတွေဖြစ်ပြီး အဓိကအချက်တွေပေးအောင်မပြောနိုင်ဘူးလို့ ဆိုပါတယ်။…