စက်တင်ဘာ ၂၃ – ၂ဝ၂၅ KKO(VOM) ကိုရီးယား-မြန်မာချစ်ကြည်ရေး(ရန်ကုန်- ဒလ)တံတားသစ်ကြီးဖွင့်လှစ်ပြီးစီးသွားပါကဒလမြို့နယ်ကအ ဝေးပြေးကားဂိတ်ကို လှိုင်သာယာမြို့နယ်အတွင်းသို့ ပြောင်းရွှေ့မယ်လို့ သတင်းတွေထွက်ပေါ်နေပါတယ်။ လက်ရှိမှာရန်ကုန်-ဒလတံတားစီမံကိန်းဟာ လတ်တလောမှာ ၉၀ ရာ ခိုင်နှုန်းကျော်ခန့်ပြီးစီးနေပြီဖြစ်ကာ မကြာခင်မှာပင်ဖွင့်လှစ်တော့မှာဖြစ်လို့ပြင်ဆင်ဆောင်ရွက်မှုတွေပြု လုပ်နေတာကိုလည်းတွေ့ရပါတယ်။ “တံတားကြီးပြီးသွားလို့ရှိရင်ဒီမှာရှိနေတဲ့အဝေးပြေးကားဂိတ်ကိုလည်း လှိုင်သာယာရွှေ့မယ်လို့ကြားနေရတယ်။အဲလိုဒီသတင်း တွေထွက်နေတယ်။မအူပင်တို့ဘာတို့သွား ချင်ရင်လှိုင်သာယာကနေကားစီးရမယ်ပြောတယ်။တွံ့တေးတို့ကော့မှူးတို့ကတော့ဒီကပဲသွားလို့ရဦးမယ်ထင်ပါတယ်။ဘယ်လိုဖြစ် လာဦးမလဲတော့မသိသေးဘူးပေါ့”လို့ ဒလမြို့ခံတယောက်က VOM ကိုပြောပါတယ်။ ရန်ကုန်တိုင်း၊ဒလမြို့နယ်ကိုအခြေ ပြုပြီးဧရာဝတီတိုင်းအတွင်းက ဒေးဒရဲ၊မအူပင်၊ဖျာပုံ၊ကျိုက်လတ်၊တွံ့တေး၊ကော့မှူး၊ကွမ်းခြံကုန်းအစရှိတဲ့မြို့ကြီးတွေကိုပြေးဆွဲပေးနေတဲ့ အဝေးပြေးယာဉ်လိုင်းပေါင်း ၂၃ လိုင်းရှိပြီးလက်ရှိမှာတော့ ယာဉ်အစီးရေ ၂ဝဝ ကျော်နဲ့ နေ့စဉ်ပုံမှန်ပြေးဆွဲပေးနေတယ်လို့လည်းသိရပါတယ်။ ဒလမြို့ကအဝေးပြေးကားကွင်းပြောင်းရွှေ့ခြင်းရှိ၊မရှိနဲ့ပတ်သက်လို့ VOM သတင်းဌာနက ရန်ကုန်တိုင်းဒေသကြီးပုဂ္ဂလိကသယ်ယူပို့ ဆောင်ရေးကြီးကြပ်မှုကော်မတီ (YRTC)ကတာဝန်ရှိသူထံဆက်သွယ်မေးမြန်းခဲ့ပေမယ့်ဖုန်းလက်ခံဖြေ ကြားခြင်းမရှိခဲ့ပါ။ ဒါအပြင်ဒေသခံတွေရဲ့အရပ်ပြော စကားတွေအရယခုထွက်ပေါ်နေတဲ့ ဒလမြို့ကအဝေးပြေးကားကွင်းပြောင်းရွှေ့မယ့်သတင်းနဲ့ ပတ်သက်လို့ YRTC ဘက်က သတင်းတစုံတရာထုတ်ပြန်ထားခြင်းမျိုးလည်းမတွေ့ရသေးပါဘူး။ ရန်ကုန်မြစ်ကိုဖြတ်သန်းတည် ဆောက်ထားတဲ့ ရန်ကုန်-ဒလတံတားဟာလမ်းပန်းဆက်သွယ် ရေးအတွက်အလွန်အရေးပါတဲ့တံတားတစင်းဖြစ်ပြီးဒီတံတားကြီးကနေလူမှုစီးပွားဘဝတွေဖွံ့ဖြိုးတိုးတက်လာဖို့ဒေသခံတွေကမျှော် လင့်နေကြပါတယ်။ ဒါအပြင်တံတားကြီးပြီးစီးလို့ဖွင့်လှစ်ပြီးပါကဒလ၊တွံတေး၊ဆိပ်ကြီးခနောင်တို၊ကော့မှူးနဲ့ကွမ်းခြံကုန်းမြို့နယ်တွေအပါအဝင်ဧရာဝတီ တိုင်းကမြို့ကြီးတွေကိုရန်ကုန်မြို့ကနေလွယ် ကူလျင်မြန်စွာနဲ့သွားလာနိုင်တော့မှာလည်းဖြစ်ပါတယ်။ “တံတားကြီးပြီးသွားလို့ရှိရင်တော့တမျိုးတဖုံပြောင်းလဲလာမယ်လို့ထင်ပါတယ်”လို့ ဒလမြို့ခံတယောက်ကထပ်လောင်းပြောပြပါတယ်။…
Read More
