Month: December 2025

ဒီဇင်ဘာ ၉ ၊ ၂၀၂၅ Shy V (VOM) မန္တလေး – မြစ်ကြီးနား ကုန်ကားတွေ တိုင်းဖြတ်ကျော်ခွင့် လျှောက်တာမှာ ခွင့်ပြုချက်ကျဖို့ ကြန့်ကြာလို့ အခက်ကြုံနေရကြောင်း လုပ်ငန်းရှင်တွေဆီက သိရပါတယ်။ “မနေ့က တိုင်း Pass ကျမယ် ဆိုပြီးတော့ မကျလာဘူး။ စောင့်နေတာ ၆ ရက်လောက်ရှိပြီ။ တရက် တရက် ကား တစီးကို စားစရိတ် ငါးသောင်း လောက်ကုန်တယ်” လို့ လုပ်ငန်းရှင် တယောက်က ပြောပါတယ်။ ခါတိုင်း တိုင်းဖြတ်သန်းခွင့် စာရွက် စာတမ်း မလိုပေမယ့် ဒီတခေါက်က ပြည်တွင်းထွက်ကုန်ဖြစ်တဲ့ ဘိလပ်မြေကိုလည်း နယ်လုံ ထောက်ခံချက်နဲ့ တိုင်း/ပြည်နယ် ဖြတ်သန်းခွင့် တင်ခိုင်းတယ်လို့ သူက ပြောပါတယ်။ နယ်လုံ ထောက်ခံစာကို မြစ်ကြီးနား နယ်လုံ ဝန်ကြီးဆီက ယူရပြီး တိုင်း/ပြည်နယ်…

ဒီဇင်ဘာ၊ ၈- ၂၀၂၅ VOICE OF MYANMAR မြန်မာအမျိုးသမီးအသင်းဟာ အုပ်စု ဒုတိယပွဲစဥ်အဖြစ် မလေးရှားအသင်းနဲ့ ထိုင်းနိုင်ငံ၊ ချွန်ဘူရီမြို့က၊ ချွန်ဘူရီအားကစားကွင်းမှာ ဒီကနေ့ ဒီဇင်ဘာ ၈ ရက် ညနေ ၃ နာရီ ၃၀ မိနစ် မှာ ယှဥ်ပြိုင်ကစားခဲ့တာဖြစ်ပြီး မလေးရှားအသင်းကို ၃ ဂိုးပြတ် အနိုင်ရရှိခဲ့တာပါ။ ပထမဂိုးကိုတော့ ပွဲကစားချိန် ၂၆ မိနစ်မှာ ကျောနံပါတ် ၁၉ ရွှေရည်ထွန်းရဲ့ ပေးပို့မှုကို ကျေနံပါတ် ၈ စမ်းသော်သော်က သွင်းယူခဲ့တာဖြစ်ပါတယ်။ အဲ့ဒီနောက် ပွဲကစားချိန် ၃၅ မိနစ်မှာ မြန်မာအမျိုးသမီး ဘောလုံးအသင်းအတွက် ဒုတိယမြောက်ဂိုးကို ကျောနံပါတ် ၁၃ မေထက်လူ က သွင်းယူပေးခဲ့တာဖြစ်ပါတယ်။ တတိယဂိုးအတွက် ပွဲကစားချိန် ၆၄ မိနစ်မှာ ဝင်းသင်္ဂီထွန်းက သွင်းယူခဲ့တာဖြစ်ပါတယ်။ ၃၃ ကြိမ်မြောက်…

ဒီဇင်ဘာ ၈ – ၂ဝ၂၅ KKO(VOM) ထိုင်းက မြန်မာအကြောင်းကို အနီးစပ်ဆုံးသိနေလို့ မြန်မာ့ရွေးကောက်ပွဲကို ထောက်ခံခြင်းဖြစ်နိုင်ပြီး ထိုင်းကမြန်မာအပေါ်သဘောထားပြောင်းလာခြင်းဖြစ်နိုင်တယ်လို့ နိုင်ငံရေးလေ့လာသုံးသပ်သူတွေက VOM ကို ပြောပါတယ်။ အခုရက်ပိုင်းမှာ မြန်မာနိုင်ငံကိုလာရောက်ခဲ့တဲ့ ထိုင်းနိုင်ငံခြားရေးဝန်ကြီး H.E. Mr. Sihasak Phuangketkeow ရဲ့နေပြည်တော်ခရီးစဉ်အပြီးမှာ လေ့လာသုံးသပ်သူတွေက ခုလို ထုတ်ဖော်ပြောကြားလာခဲ့တာပါ။ “ယိုးဒယားအနေနဲ့က မြန်မာနဲ့ အိမ်နီးချင်းလည်းဖြစ်တယ်။မြန်မာနိုင်ငံရေးဖြစ်စဉ်တွေဟာ ယိုးဒယားအ‌ပေါ်မှာ သက်ရောက်မှုရှိတယ်ပေါ့။ဥပမာအနေနဲ့ ပြောရရင်မြန်မာ့နိုင်ငံရေး မတည်မငြိမ်မှုဖြစ်တဲ့အခါ ထိုင်းဘက်ကို မြန်မာကနေ ရွှေ့ပြောင်းသွားလာနေထိုင်သူတွေရှိတယ်။မည်သို့ပင်ဆိုစေကာမူ ရွေးကောက်ပွဲကို ယိုးဒယားက ထောက်ခံမှာပါပဲ။ မြန်မာမှာပါတီနိုင်ငံရေးကိုပြန်လက်ခံမှသာ သူတို့ရဲ့ဝန်ထုပ်ဝန်ပိုးသက်သာမယ်။ မြန်မာအ‌ကြောင်းအနီးစပ်ဆုံးသိနေတဲ့အတွက် ထိုင်းက မြန်မာရွေးကောက်ပွဲကိုထောက်ခံတာပါ” လို့ ပြည်တွင်းရှိ ပါတီနိုင်ငံရေးသမားတယောက်က VOM ကို ပြောပါတယ်။ ဒါအပြင် ယိုးဒယား(ထိုင်းနိုင်ငံ)ဟာ ယနေ့အချိန်မှာ လမ်းဆုံလမ်းခွတခုကိုရောက်နေတယ်လို့ ပြည်တွင်းက ဝါရင့်သတင်းစာဆရာတယောက်က အခုလို ထပ်မံသုံးသပ်ပြောပြပါတယ်။ “ထိုင်းနိုင်ငံရဲ့အဓိကပြသနာကတော့ ထိုင်းနိုင်ငံဟာ…

ဒီဇင်ဘာ ၇ ၊ ၂၀၂၅ GG (VOM) ကရင်ပြည်နယ် ၊ မြဝတီမြို့နယ် ၊ မင်းလက်ပံဘက်မှာ တိုက်ပွဲတွေ ပြင်းထန်လာနေပြီး ထိုင်း နဲ့ မြန်မာ နယ်စပ်က ပြည်သူတွေအတွက် အလွန်စိုးရိမ်ရတဲ့ အခြေအနေကို ရောက်ရှိလာနေတယ်လို့ KNU က ဒီဇင်ဘာ ၆ ရက်မှာ စာထုတ် အသိပေးထားပါတယ်။ မင်းလက်ပံဒေသ တိုက်ပွဲ အခြေအနေကြောင့် ထိုင်းအာဏာပိုင်တွေက လတ်တလောမှာ သောင်ရင်းမြစ် ကမ်းကူးဂိတ်တွေကို ယာယီ ပိတ်ထားသလို မြဝတီ – မင်းလက်ပံ လမ်းကြောလည်း ပိတ်ထားတဲ့အတွက် မင်းလက်ပံဘက်က ကျားဖြန့်နဲ့ ဒေသခံ အချို့ အခက်ကြုံနေကြရတယ်လို့ သိရပါတယ်။ ဒီဇင်ဘာ ၆ ရက်နေ့ ည ၁၀ နာရီလောက်ကလည်း မြဝတီမြို့၊ အမှတ်(၁)ရပ်ကွက်၊ ချစ်ကြည်ရေးတံတားထိပ် (သိန်းသန်းစတိုးအနီး) ဘုရင့်နောင်လမ်း နဲ့…

ဒီဇင်ဘာ ၇ – ၂၀၂၅ SS (VOM) ရွေးကောက်ပွဲ ကျင်းပနိုင်ဖို့အတွက် ကယားပြည်နယ်က မြို့နယ် ငါးခုမှာ အစိုးရတပ်က နယ်မြေရှင်းလင်းရေး ပြုလုပ်နေတာကြောင့် တိုက်ပွဲ ပြင်းထန်နေတယ်လို့ စစ်ရေး သတင်းရင်းမြစ်တွေက ပြောပါတယ်။ အစိုးရတပ်က ဖယ်ခုံ၊ လွိုင်ကော်၊ ဘောလခဲ၊ ဖရူဆို၊ ဒီးမော့ဆိုတို့မှာ မြို့နယ် တမြို့နယ်ကို အနည်းဆုံး စစ်ကြောင်း သုံးကြောင်းလောက်နဲ့ နယ်မြေရှင်းလင်းရေး လုပ်ဆောင်နေပြီး လေကြောင်း၊ လက်နက်ကြီး၊ ဒရုန်း ပစ်ခတ်မှုတွေလည်း ရှိနေတယ်လို့ သိရပါတယ်။ “အဓိက ကတော့ ရွေးကောက်ပွဲအတွက် ပြင်ဆင်နေကြတာပေါ့။ ဒီဘက်က နယ်မြေတွေကို ပြန်ပြီး စိုးမိုးနိုင်ဖို့ အစိုးရတပ်က စစ်မျက်နှာ ငါးခုဖွင့်ပြီး ထိုးစစ်ဆင်လာကြတာ။ ဒေသတွင်း လက်နက်ကိုင် ပူးပေါင်းတပ်တွေ ရှိမယ်ထင်တဲ့ နေရာတွေကို လက်နက်ကြီးတွေနဲ့ရော၊ ဒရုန်းတွေနဲ့ရော နေ့တိုင်းလိုလို ဆက်တိုက် ပစ်နေတယ်။…

ဒီဇင်ဘာ ၅ – ၂၀၂၅ SS (VOM) မကွေးတိုင်း၊ မင်းဘူးခရိုင်၊ မင်းဘူး (စကု) မြို့နယ်ရှိ မန်းရွှေစက်တော် ဘုရားကြီးရဲ့ ဗုဒ္ဓပူဇနိယ ဘုရားပွဲတော်ကြီးကို ၈၆ ရက်ကြာ စည်ကားသိုက်မြိုက်စွာ ကျင်းပသွားမှာ ဖြစ်တယ်လို့ ဘုရားပွဲတော် ကျင်းပရေး ဦးစီးကော်မတီက သိရပါတယ်။ အဲဒီ ဘုရားပွဲတော်ကို လာမယ့် ၂၀၂၆ ခုနှစ်၊ ဇန်နဝါရီလ ၂၂ ရက်နေ့ကနေ ဧပြီလ ၁၇ ရက်နေ့အထိ (တပို့တွဲလဆန်း ၅ ရက်မှ မြန်မာနှစ်ဆန်း ၁ ရက်နေ့အထိ) ကျင်းပသွားမှာဖြစ်ပြီး လက်ရှိမှာ ခရိုင်အဆင့် လုပ်ငန်းညှိနှိုင်း ဆွေးနွေးမှုတွေ လုပ်ဆောင်နေတယ်လို့ သိရပါတယ်။ ဒါနဲ့ပတ်သက်လို့ ဘုရားပွဲတော် ကျင်းပရေး ဦးစီးကော်မတီနဲ့ နီးစပ်သူတယောက်က “တဲကျောင်း လေလံ‌ဆွဲတာ၊ တင်ဒါ၊ နောက် လုံခြုံရေးပိုင်းတွေရောပေါ့၊ အစစအရာရာ အကုန်လုံးက…