Day: March 3, 2026

မတ် ၂ – ၂၀၂၆ SS (VOM) မကွေးတိုင်း၊ အောင်လံမြို့နယ်က ဒါးစမ်းကျေးရွာ အပါအဝင် ကျေးရွာတချို့မှာ မနေ့ မတ် ၁ ရက်၊ မနက်ပိုင်းကပြီး လက်နက်ကြီး ပစ်ခတ်မှုတွေ ဖြစ်ပွားခဲ့တာကြောင့် ဒေသခံတွေ ရွာလုံးကျွတ် တိမ်းရှောင်နေရတယ်လို့ သတင်းရင်းမြစ်တွေက ပြောပါတယ်။ မနေ့ မနက် ၁၀ နာရီဝန်းကျင်ကစပြီး နေ့လယ် ၁ နာရီဝန်းကျင်အထိ လက်နက်ကြီး ပစ်ခတ်မှုတွေ ဖြစ်ပွားခဲ့တာလို့ သိရပြီး ဒါးစမ်းကျေးရွာအတွင်းက ဘုန်းကြီးကျောင်း၊ ဆွမ်းစားဆောင်အပါအဝင် နေအိမ် ၂၇ လုံးထက်မနည်း ပျက်စီးသွားခဲ့တယ်လို့ သိရပါတယ်။ “လက်နက်ကြီး ပစ်တာက အချက် ၂၀ လောက်ရှိမယ်။ လက်နက်ကြီး မပစ်ခင် ဒရုန်းတွေနဲ့အရင် ကင်းထောက်ခဲ့တာ။ ရွာထဲကို လက်နက်ကြီးနှစ်လုံး ကျတယ်။ လူသေဆုံး၊ ဒဏ်ရာ အခြေအနေကိုတော့ အတည်ပြုဖို့ ကြိုးစားနေပါတယ်”…

မတ် ၂ ၊ ၂၀၂၆ CC (VOM) အစိုးရရဲ့ ပြစ်ဒဏ်လွတ်ငြိမ်းခွင့်နဲ့ ဒီကနေ့ မတ်လ ၂ ရက်နေ့မှာ အကြမ်းဖက်မှုတိုက်ဖျက်ရေးဥပဒေပုဒ်မ ၅ဝ(ည)နှင့် ပုဒ်မ ၅၂(က) အရ ပြစ်ဒဏ်ကျခံနေသူတွေကို အကျဥ်းထောင်တွေကနေ လွှတ်ပေးနေပြီ ဖြစ်တယ်လို့ စုံစမ်းသိရှိရပါတယ်။ လက်ရှိမှာ ပဲခူးတိုင်းရှိ သာယာဝတီထောင်က နိုင်ငံရေးအကျဉ်းသား ၈၆ ယောက် ၊ ပေါင်းတည်အကျဥ်းထောင်က ၂၂ ယောက် ၊ ပြည်အကျဥ်းထောင်က ၄၈ ယောက် ၊ ဒိုက်ဦးအကျဥ်းထောင်က ၂၆ ယောက် ပြန်လွတ်လာတယ်လို့ ကနဦးသိရပါတယ်။ မိတ္ထီလာ အကျဥ်းထောက်ကနေလည်း နိုင်/ကျဥ်း ၂၉ ယောက် လွတ်လာတယ်လို့ သိရပါတယ် ။ နိုင်ငံရေးအကျဉ်းသားတွေကို လွတ်ငြိမ်းချမ်းသာခွင့်ပေးတဲ့အပေါ် နိုင်/ ကျဥ်း​ဟောင်း တယောက်ဖြစ်သူ ကိုသန့်ဇင်ထက်က ” ပေါင်းတည်ထောင်က ၂၂ ယောက်လွတ်လာပြီ…

မန္တ​လေး -မတ်လ ၂ – ၂၀၂၆ VOM အစိုးရရဲ့ ပြစ်ဒဏ်လွတ်ငြိမ်းခွင့်နဲ့ ဒီကနေ့ မတ်လ ၂ ရက်နေ့မှာ အကြမ်းဖက်မှုတိုက်ဖျက်ရေးဥပဒေပုဒ်မ ၅ဝ(ည)နှင့် ပုဒ်မ ၅၂(က) အရ ပြစ်ဒဏ်ကျခံနေသူတွေကို အကျဥ်းထောင်တွေကနေ လွှတ်ပေးနေတာမှာ မန္တ​လေးတိုင်းအတွင်း အိုးဘို၊ မြင်းခြံ၊​ ညောင်ဦး၊ရမည်းသင်း၊ မိတ္ထိလာ​ထောင်​တွေက​နေ ဒီက​နေ့မှာ အကျဥ်းသား ၃၄၁၉ ​ယောက် လွတ်​မြောက်ခဲ့ပါတယ်။ ဒီထဲကမှ မန္တ​လေး အိုး​ဘို​ထောင်မှာ ​ထောင်နှစ်ရှည်ကျခံ​နေရတဲ့ ဦးစ​​န္ဒေါဘာသ​ခေါ် ဦးဥာဏ်ထွန်း အပါအဝင် အကျဥ်းသား ၁၀၆၅၊ အကျဥ်းသူ ၃၃​ယောက် စုစု​ပေါင်း ၁၃၉၈ ​ယောက်လွတ်​မြောက်ပါတယ်။ ဦးဥာဏ်ထွန်းဟာ ပြင်ဦးလွင်မြို့နယ် ပြင်စာရွာ ဝေဇယန္တာ​ကျောင်းမှာ သီတင်းသုံးစဥ် သားဖြစ်သူ တောတွင်း PDF ​ခေါင်း​ဆောင်တ​ယောက်ဖြစ်တဲ့ ကို​ကျော်ဆန်းဦးကို ​ကျောင်းမှာ ပုန်းခိုခွင့်​ပေးတဲ့အတွက် ​ထောင်နှစ်ရှည်ချခံခဲ့ရာက ခုလို လွတ်ငြိမ်းသက်သာခွင့်နဲဲ့ လွတ်​မြောက်လာတာဖြစ်ပါတယ်။…

မတ် ၂ ၊ ၂၀၂၆ CC (VOM) စစ်ကိုင်းတိုင်း ၊ ပင်လည်ဘူးမြို့နယ် ၊ လိပ္ပုတ်ရွာမှာ လေကြောင်းတိုက်ခိုက်ခံရပြီး လူ ၁၀ ယောက်သေဆုံးကာ နောက်ထပ်လည်း ၁၀ ယောက်ထက်မနည်း ထိခိုက်ဒဏ်ရာရရှိခဲ့တယ်လို့ စုံစမ်းသိရှိရပါတယ်။ မနေ့က မတ် ၁ ရက်နေ့ ည ၁၁ နာရီကျော်လောက်မှာ လေကြောင်းတိုက်ခိုက်မှုနှစ်ကြိမ် ဖြစ်ပွားခဲ့တာ ဖြစ်ကြောင်း ၊ ဒုတိယ အကြိမ်တိုက်ခိုက်မှုမှာ သေဆုံးမှုနဲ့ ထိခိုက်မှု များပြားခဲ့တာ ဖြစ်တယ်လို့ သိရပါတယ်။ ” ရွာအပြင်ကတောစပ်ထဲကို ‌အစုလိုက် အပြုံလိုက်ထွက်ပြေးနေချိန်မှာ ဒုတိယတကြိမ် ကြဲချတော့ တော်တော်များများ ထိသွားကြတယ်။ ခေါင်းပြတ်တဲ့သူက သုံးယောက်၊ ခါးတွေလည်းပြတ်တယ်။ ရုပ်ပျက်ဆင်းပျက်တွေဖြစ်ကုန်ကြတာ ။ ဒဏ်ရာ ရတဲ့သူတွေလည်းအများကြီးပဲ ။ဒဏ်ရာရတာက ၁၀ ယောက်တော့ မကဘူး ။ သေချာတော့ မရေလိုက်ရဘူး…

မတ် ၃ – ၂၀၂၆ SS (VOM) မနေ့ မတ်လ ၂ ရက်မှာ သက်ဆိုင်ရာ အကျဉ်းထောင် အသီးသီး အကျဉ်းသားတွေကို အစိုးရက ပြစ်ဒဏ်လွတ်ငြိမ်းခွင့် ပေးနေတာမှာ လူသိများတဲ့ထဲက NLD အစိုးရလက်ထက်က ဝန်ကြီးဦးမင်းသူ၊ ဒေါက်တာမျိုးအောင်နဲ့ ဒေါ်မိုးမိုးစုကြည် အပါအဝင် နှစ်ရှည်အကျဉ်းသားတွေ ပြန်လည် လွတ်မြောက်လာပြီ ဖြစ်တယ်လို့ ပါတီနဲ့နီးစပ်တဲ့ အသိုင်းအဝိုင်းက ပြောပါတယ်။ တပေါင်းလပြည့်နေ့နဲ့ မနေ့ မတ်လ ၂ ရက်နေ့မှာ ကျရောက်တဲ့ တောင်သူလယ်သမားနေ့ အထိမ်းအမှတ်အဖြစ် အစိုးရက အကြမ်းဖက်မှု တိုက်ဖျက်ရေး ဥပဒေပုဒ်မ ၅ဝ (ည) နဲ့ ပုဒ်မ ၅၂ (က) အရ ပြစ်ဒဏ်ကျခံနေရသူ နိုင်ငံရေးအကျဉ်းသား စုစုပေါင်း ၇၃၃၇ ယောက်ကို လွတ်ငြိမ်းခွင့် ပေးလိုက်တယ်လို့ ကြေညာချက် ထုတ်ပြန်ခဲ့တာ ဖြစ်ပါတယ်။…