စက်တင်ဘာ ၁၈-၂၀၂၂
VOM (GG)
ပြင်ဦးလွင်မြို့နယ် ၊စည်းကားရွာကကြက်မွေးမြူရေးခြံတခုမှာ ဒီနေ့ စက်တင်ဘာလ ၁၈ ရက်နေ့မှာ ၅ လောင်းပြိုင်လူသတ်မှု ဖြစ်ပွားခဲ့တယ်လို့သိရပါတယ်။
အသတ်ခံရသူတွေက မိန်းကလေး ၃ ယောက်နဲ့ ယောကျ်ားလေး ၂ ယောက်ဖြစ်ပြီး ကြက်ခြံထဲမှာ အသတ်ခံထားရတာဖြစ်ကြောင်း၊ အသတ်ခံရသူတွေထဲမှာ အသက် ၁၂ နှစ်အရွယ်ကလေးလည်းပါဝင်တယ်လို့ ကူညီကယ်ဆယ်ရေးလုပ်ခဲ့တဲ့ ပြင်ဦးလွင် နာရေးကူညီမှုအသင်းကနေ သိရပါတယ်။
“၁၁ နာရီလောက်သိရတယ်၊ကြက်ခြံထဲမှာဖြစ်တာပါ။အသတ်ခံရတာက မိသားစုတွေလို့တော့ပြောတယ်။ တယောက်က အသက်ရှိသေးတယ် ဆေးရုံရောက်မှဆုံးတာ။အသတ်ခံထားရတာက ဒီနေ့ မနက်အစောကြီးတို့၊ ညပိုင်းတို့ လူမရှိချိန်အသတ်ခံရတယ်လို့ထင်တယ်။ “လို့ ပြင်ဦးလွင် နာရေးကူညီမှုအသင်းအဖွဲ့ဝင်တဦးကပြောပါတယ်။
အသတ်ခံရ သူ၅ယောက်လုံးဟာ ကြက်ခြံမှာအလုပ်လုပ်ကိုင်နေသူတွေဖြစ်ပြီး အားလုံးမှာ ဓားခုတ်ဒဏ်ရာတွေ တွေ့ရှိရတယ်လို့သိရပါတယ်။
လက်ရှိမှာ သေဆုံးသူရုပ်အလောင်း ၅ လောင်းကို ပြင်ဦးလွင် ပြည်သူ့ဆေးရုံကိုပို့ဆောင်ထားပြီး သက်ဆိုင်ရာ ရဲတပ်ဖွဲ့ကတော့ လောလောဆယ်မှာ တရားခံကိုဖမ်းဆီးရမိရေး အမှုဖွင့်ဆောင်ရွက်နေတယ်လို့်သိရပါတယ်။
#voiceofmyanmar #VOM #ပြင်ဦးလွင် #၅လောင်းပြိုင်လူသတ်မှု
