ဇူလိုင် ၆ – ၂၀၂၄
GG (VOM)
စစ်ကိုင်းတိုင်း၊မော်လိုက်မြို့မှာ ချင်းတွင်းမြစ်ရေဆက်တိုက်တိုးနေပြီး ဒီနေ့ဇူလိုင်လ ၆ ရက်နေ့မှာ စိုးရိမ်ရေမှတ်ထက် ၂ ပေခွဲခန့် ( ၇၄ စင်တီမီတာ) ကျော်လွန်နေပြီဖြစ်တယ်လို့သိရပါတယ်။
ဒါကြောင့် လက်ရှိမော်လိုက်မြို့ပေါ် အနိမ့်ပိုင်းရပ်ကွက်တွေအပြင် ချင်းတွင်းမြစ်ကမ်းတလျှောက်မှာရှိတဲ့ ကျေးရွာပေါင်း၁၀ ရွာထက်မနည်း ရေကြီးနစ်မြုပ်နေပြီး အရေးပေါ်ကူညီရေးလုပ်ငန်းတွေလုပ်ဆောင်ဖို့ လိုအပ်နေတယ်လို့သိရပါတယ်။
” မြို့ပေါ်မှာဆို အောင်မင်္ဂလာရပ်ကွတေနဲ့အောင်ချမ်းသာရပ်ကွက်တွေ ရေကျော်နေပြီ။မြစ်ရေကလည်းထပ်တက်ဦးမယ်လို့မိုးဇလကထုတ်တာတွေ့တယ်။ရွာတွေဘက်မှာတော့ ရွာတော်တော်များများရေနစ်မြုပ်နေပြီ၊ရွာဘက်တွေကတော့ ကယ်ဆယ်ရေးလုပ်ငန်းတွေလုပ်ဖို့ လိုအပ်နေတယ်။ တပ်ကုန်း၊ ရေခါတွန်၊ ဝဲကသာ ဘက်ကအခြေအနေပိုဆိုးနေတာ သိရတယ်၊ ရေဝင်တော့ ချက်ပြုတ်စားမရအလုပ်ကမလုပ်ရတဲ့ စားစရာအခက်အခဲဖြစ်နေတာပိုများတယ်
” လို့ မော်လိုက်ဒေသခံတယောက်ကပြောပါတယ်။
လက်ရှိ ချင်းတွင်းမြစ်ရေ မြင့်တက်လာမှုကြောင့် မော်လိုက်မြို့နယ်ထဲက ဝဲကသာ၊
ရေခါတွန်၊ တပ်ကုန်း၊သဝန်၊ ဆွတ်နန်း၊ ယူးဝ၊ ရွှေလင်းတ၊ လက်ပန် အပါအဝင် ရွာပေါင်း ၁၀ရွာခက်မနည်း ရေကြီးနစ်မြုပ်နေတာဖြစ်တယ်လို့ ကနဦးသိရပါတယ်။
လတ်တလော မြို့ပေါ်မှာတော့
ရေဘေးသင့်ပြည်သူတွေအတွက် ယာယီကယ်ဆယ်ရေးစခန်းကို တံတားဦးရပ်၊ ဓမ္မာရာမကျောင်းတိုက်မှာ ဖွင့်ထား ကူညီမှုတွေလုပ်ပေးနေပေမယ့်ရွာဘက်တွေမှာ ကူညီမှုတွေလိုအပ်နေတာဖြစ်တယ်လို့သိရပါတယ်။
ချင်းတွင်းမြစ်ရေက ကျဆင်းဖို့မရှိသေးဘဲ နောက်တရက်အတွင်းမှာပင် စိုးရိမ်ရေအမှတ်ထက်ကျော်ပြီး ၂ ပေခွဲထပ်မံမြင့်တက်လာနိုင်တာကြောင့် မြေနိပ်ရပ်ကွက်နဲ့ကျေးရွာတွေ၊ မြစ်ကမ်းနီးနေထိုင်သူတွေ သတိပြုနေထိူင်ကြဖို့၊ ဘေးလွတ်ရာကိုရွှေ့ပြောင်းနေထိုင်ဖို့ မိုးလေဝသနှင့်ဇလဗေဒညွှန်ကြားမှုဦးစီးဌာနကသတိပေးထားပါတယ်။
#Voiceofmyanmar #vom #မော်လိုက် #ရေကြီးနစ်မြုပ်နေ
