ရန်ကုန် ၊ ဇွန် ၂၁ – ၂၀၁၉
သူရိန် (VOM)
မြန်မာနိုင်ငံက စိန်တလုံးသရက်သီး ဂျာမနီနိုင်ငံကို အခုလ ၂၀ ရက်ကစတင်ပို့နေပြီလို့ စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာန၊ ဥယျာဉ်ခြံဟင်းသီးဟင်းရွက်နဲ့အပင် ဇီဝနည်းပညာဌာနခွဲက သိရပါတယ်။
ဂျာမနီကိုတင်ပို့မယ့် စိန်တလုံးသရက်တွေကို ရှမ်းပြည်နယ်(တောင်ပိုင်း) ဆီဆိုင်မြို့နယ်၊ မြတ်ရတနာခြံက စိုက်ပျိုးရေးဆိုင်ရာ အလေ့အကျင့်ကောင်း(GAP) စံချိန်စံညွှန်းနဲ့အညီ စိုက်ပျိုးထားတာဖြစ်ပြီး ဒီနှစ်အတွင်း ကီလို ၆၀ ကို နှစ်ကြိမ်ခွဲပြီး တင်ပို့သွားမှာ ဖြစ်ပါတယ်။
“ကုမ္ပဏီက ပါလာတဲ့သရက်သီးကို ကျနော်တို့ဆီမှာ အခြောက်ခံတာတွေ လုပ်တယ်။ ကုမ္ပဏီနဲ့ ဌာနက ပညာရှင်တွေ ပူးပေါင်းစစ်ဆေးပြီး ပို့တာပါ။”လို့ ဥယျာဉ်ခြံဟင်းသီးဟင်းရွက်နဲ့ အပင်ဇီဝနည်းပညာဌာနခွဲမှ လက်ထောက်ညွှန်ကြားရေးမှူး ဦးမျိုးထိုက်ကြွယ်က ပြောပါတယ်။
ဂျာမနီကို စိန်တလုံးသရက်များတင်ပို့နိုင်ဖို့ အရည်အသွေးစစ်ဆေးတာ၊ ရေနွေးစိမ်တာ၊ အခြောက်ခံတာ၊ ပြန်လည်စစ်ဆေးတာနဲ့ ပြင်ဆင်ထုပ်ပိုးတာတွေကို စိုက်ပျိုးရေးဦးစီးဌာန၊ ဥယျာဉ်ခြံဟင်းသီးဟင်းရွက်နဲ့ အပင်ဇီဝနည်းပညာဌာနခွဲ၊ မြတ်ရတနာစက်မှုကုမ္ပဏီ၊ ဂျပန်နိုင်ငံမှ စူမီတိုမိုကုမ္ပဏီတို့ ပူးပေါင်းပြီး ဇွန်လ ၂၀ ရက် နေ့လည်က နေပြည်တော်၊ ဇေယျာသီရိမြို့နယ်၊ ရေဆင်းက ရိတ်သိမ်းချိန်လွန်နည်းပညာ ပေးရေးဗဟိုဌာနမှာ ဆောင်ရွက်ခဲ့ပါတယ်။
ဂျာမနီကို စိန်တလုံးသရက် တင်ပို့ရာမှာ ပြည်တွင်းရောင်းဈေးထက် ဈေးပိုရရှိပေမယ့် စစ်ဆေးထုပ်ပိုးမှုတွေ စနစ်တကျပြုလုပ်ရပါတယ်။ ပြီးခဲ့တဲ့နှစ်ကတော့ ဂျာမနီကို ကီလို ၁၄၀ တင်ပို့နိုင်ခဲ့ပါတယ်။
#voiceofmyanmar # ဂျာမနီကို မြန်မာ့စိန်တလုံးသရက် တင်ပို့ #ရန်ကုန် #
