ပုဏ္ဏားကျွန်း၊ ဖေဖော်ဝါရီ ၁၁-၂၀၁၉
ခိုင်လင်းစံ(VOM)
ဖေဖော်ဝါရီ ၁၀ ရက်နေ့နေ့လည် ၂ နာရီခန့်အချိန်မှာ ကျောက်တော်မြို့နယ်အတွင်း မြန်မာ့တပ်မတော်နဲ့ AA တို့ တိုက်ပွဲတွေဖြစ်ပွားခဲ့ပြီး ချောင်းတူကျေးရွာသားတွေဟာ ဘေးလွတ်ရာကိုထွက်ပြေးခဲ့ကြရတာဖြစ်ပါတယ်။
အဲဒီတိုက်ပွဲဟာ ချောင်းတူကျေးရွာနဲ့ ၆ ဖာလုံလောက်အကွာမှာ ဖြစ်ပွားခဲ့တာဖြစ်ပြီး လက်နက်ကြီးတွေနဲ့ပစ်ခတ်မှုတွေကြောင့် ကျေးရွာသားတွေဟာ တိုက်ပွဲစတင်ဖြစ်ပွားတဲ့အချိန်ကနေ ထွက်ပြေးလာခဲ့ကြတာဖြစ်ပါတယ်။
“ကျွန်တော်တို့ကရွာမှာခါတိုင်းနေသလိုပါပဲ။ လွတ်လွတ်လပ်လပ် သွားလာနေကြတာလေ။ မနေ့က ၂ နာရီလောက်မှာ တိုက်ပွဲဖြစ်တော့ ကြောက်ပြီး ထွက်ပြေးခဲ့ကြတာပေါ့။ ပစ်ခတ်သံတွေက ဆက်တိုက်ကြားလာတယ်။ ရတဲ့ဟာဆွဲပြီး တစ်ရွာလုံးပြေးလာခဲ့တာပါ။”လို့ ယိုးတရုတ်ကျေးရွာသို့ ထွက်ပြေးရောက်ရှိနေတဲ့ ဦးမြင့်မောင်က ပြောပါတယ်။
အဲဒီကျေးရွာသားတွေဟာ ရွာနဲ့ ၈ မိုင်ဝန်းကျင်လောက်ကွာဝေးတဲ့ ခရီးကိုထွက်ပြေးလာခဲ့ကြတာဖြစ်ပြီး ညနေ ၃ နာရီကျော်လောက်မှာ ယိုးတရုတ်ကျေးရွာကိုရောက်ရှိလာခဲ့ကြတဲ့အတွက် ယိုးတရုတ်ကျေးရွာကနေ နေရေးထိုင်ရေးနဲ့ စားရေးသောက်ရေးအတွက် ယာယီအကူအညီပေးထားတယ်လို့ ပြောပါတယ်။
“ကျွန်တော်တို့ ရွာသူရွာသားတွေနဲ့ အလှူရှင်တွေနဲ့ပူးပေါင်းပြီးတော့ စားရေးသောက်ရေးအတွက် စီစဉ်ပေးထားပါတယ်။ ဒီမနက်ထိ လူဦးရေက ၂၇၆ ယောက်ပါ။ အိမ်ထောင်စုကတော့ ၇၄ စုထိရှိလာနေပါပြီ။ သူတို့အတွက် လိုအပ်တာတွေကိုတော့ မြို့နယ်ကိုတင်ပြထားပါတယ်။”လို့ ကျေးရွာအုပ်ချုပ်ရေးမှူး ဦးစံအောင်သိန်းကပြောပါတယ်။
ဒါ့အပြင် ကျေးရွာသားတွေအနေနဲ့ လတ်တလောမှာ တိုက်ပွဲအခြေအနေတွေကြောင့် ကြောက်ရွံ့နေကြပြီး နောက်ဆက်တွဲ ပြဿနာတွေဖြစ်ပွားလာမှာကို စိုးရိမ်နေကြတဲ့အတွက် နေရပ်ပြန်ဖို့အခက်အခဲတွေရှိနေသေးတာဖြစ်ပါတယ်။
ဒေသတည်ငြိမ်မှုတွေရှိလာရင်တော့ မူလကျေးရွာတွေဆီကို ချက်ချင်းပြန်လည်သွားရောက်ကြမှာဖြစ်သလို အခုလိုမျိုးစစ်ပွဲတွေဖြစ်ပွားနေတာကို မလိုလားဘူးလို့ကျေးရွာသားတွေက ပြောပါတယ်။
