စည်ပင်၀န်ထမ်းတန်းလျား မီးလောင်၊ အသက်(၅)နှစ်အရွယ် မိန်းကလေးတစ်ဦးသေဆုံး မန္တလေး ၊ဖေဖော်ဝါရီ ၁၃-၂၀၂၀ လင်းခိုင်(VOM) မန္တလေးမြို့၊ မဟာအောင်မြေမြို့နယ်၊ ၃၅လမ်းနဲ့ ကမ်းနားလမ်းဒေါင့်ရှိ စည်ပင်သန့်ရှင်းရေး ယာယီ၀န်ထမ်းတွေနေတဲ့ တန်းလျားမှာ ဒီကနေ့မနက်ပိုင်း မီးလောင်ကျွမ်းမှုဖြစ်ပွားခဲ့ပြီး အသက်(၅)နှစ်အရွယ်မိန်းကလေးတစ်ဦး မီးလောင်သေဆုံးခဲ့ပါတယ်။ အဲ့ဒီတန်းလျားမှာ မိဘတွေမရှိချိန်အသက်(၉)နှစ်အရွယ် ယောင်္ကျားလေးနဲ့ အသက်(၅)နှစ်အရွယ် မိန်းကလေးတစ်ဦးကျန်နေခဲ့ရာ အသက်(၉)အရွယ် ယောင်္ကျားလေးက ထင်းမီးနဲ့ ထမင်းအိုးတည်ရာကနေ အနီးရှိ ထရံကိုမီးစွဲကာ မီးစတင်လောင်ကျွမ်းခဲ့တယ်လို့ မဟာအောင်မြေမြို့နယ် မီးသတ်ဦးစီးဌာနကနေ အတည်ပြုပြောပါတယ်။ မီးလောင်မှုကို Level_2အဆင့်သက်မှတ်ကာ မီးငြိမ်းသတ်ယာဉ်နဲ့ ရေသယ်ယာဉ် အစီး(၃၀)ဖြင့် မီးငြိမ်းသတ်ခဲ့ကြပြီး မီးလောင်မှုကြောင့် ၀န်ထမ်းတန်းလျား ၁၀ခန်းမီးလောင်ပျက်စီးကာ တန်ဖိုးငွေ(၃)သိန်းဆုံးရှုံးခဲ့တယ်လို့ သိရပါတယ်။ မီးလောင်မှုစတင်ဖြစ်ပွားတဲ့ နေအိမ်ကို မီးပေါ့ဆစွာသုံးစွဲမှုနဲ့ သက်ဆိုင်ရာနယ်မြေရဲစခန်းက အရေးယူဖို့ ဆောင်ရွက်နေတယ်လို့လည်း သိရပါတယ်။ #VOM #voiceofmyanmar #မန္တလေး #စည်ပင်တန်လျားမီးလောင် #ကလေးတစ်ဦးသေဆုံး Zawgyi စည္ပင္၀န္ထမ္းတန္းလ်ား မီးေလာင္၊…
Read Moreစည်ပင်၀န်ထမ်းတန်းလျား မီးလောင်၊ အသက်(၅)နှစ်အရွယ် မိန်းကလေးတစ်ဦးသေဆုံး
