Day: July 4, 2020

ကမ္ဘာတစ်ဝန်းမှာ ကိုရိုနာဗိုင်းရပ်စ် ကူးစက်ခံရသူ (၁၁) သန်းကျော်ရှိလာ ဝါရှင်တန်၊ ဇူလိုင်-၄-၂၀၂၀ မျိုးဆက် (VOM) ကမ္ဘာတစ်ဝန်းမှာ ကိုရိုနာဗိုင်းရပ်စ်ကူးစက်ခံရသူဟာ ဇွန် ၃ ရက်နေ့အထိ ၁၁ သန်းကျော်ရှိသွားပြီဖြစ်ပြီး (၇)လအတွင်းမှာ သေဆုံးသူ သန်းတစ်ဝက်ကျော်ရှိနေပါတယ်။ ဒီအရေအတွက်ဟာ နှစ်စဉ်နှစ်တိုင်း ပြင်းထန်းတုပ်ကွေးရောဂါဖြစ်ပွားမှုထက် နှစ်ဆပိုများနေတယ်လို့ ကမ္ဘာ့ကျန်းမာရေးအဖွဲ့က ပြောပါတယ်။ ဗိုင်းရပ်စ်ကာကွယ်ဆေးရရှိဖို့ တစ်နှစ်ကျော်ကြာမှာဖြစ်တဲ့အတွက် လုပ်ငန်းခွင်နဲ့ လူမှုဆိုင်ရာ အပြောင်းအလဲ တွေပြုလုပ်နေစဉ်မှာ ကိုရိုနာဗိုင်းရပ်စ်ကူးစက်မှု နည်းပါးသွားတဲ့နေရာတွေမှာ ဖြေလျှော့မှုတွေကို နိုင်ငံအများပြားက လုပ်ဆောင်နေကြပါတယ်။ အမေရိကန်နိုင်ငံမှာတော့ ဇူလိုင် ၂ ရက်နေ့မှာ ကူးစက်ခံရသူ ၅၅၄၀၀ ဦးအထိ စံချိန်တင်ခဲ့ပြီး ကူးစက်မှုတွေ မြင့်တင်လာတာကြောင့် စီးပွားရေးလုပ်ငန်းတွေပြန်ဖွင့်ဖို့ စီစဉ်ထားတာတွေကို ပြည်နယ်အစိုးရအချို့က ဆိုင်းငံ့လိုက်ပါတယ်။ ကမ္ဘာတစ်ဝန်းမှာ ဗိုင်းရပ်စ်ကြောင့် သေဆုံးမှု လေးပုံတစ်ပုံဟာ အမေရိကန်မှာဖြစ်ပြီး သေဆုံး ၁၂၉၀၀၀ ဦးထိရှိနေပါတယ်။ လက်တင်အမေရိကနိုင်ငံဖြစ်တဲ့ ဘရာဇီးနိုင်ငံမှာတော့…

ပါကစ္စတန်မှာ မီးရထားနဲ့ကားတိုက်မိမှုကြောင့် လူ ၂၁ ဦးသေဆုံး အစ္စလာမ္မာဘတ်၊ ဇူလိုင်-၄-၂၀၂၀ မျိုးဆက် (VOM) ပါကစ္စတန်နိုင်ငံ အရှေ့မြောက်ပိုင်းမှာ ဆစ်ခ်ဘုရားဖူးတွေကိုတင်ဆောင်လာတဲ့ ဗင်ကားတစ်စီးနဲ့ ရထားတိုက်မိပြီး လူ ၂၁ ဦးထက်မနည်း သေဆုံးသွားပါတယ်။ ဗင်ကားကိုတိုက်မိခဲ့တဲ့ရထားဟာ ကာရချိ-လာဟိုးကို ပြေးဆွဲနေတာဖြစ်ပြီး ပန်ချပ်ပြည်နယ်ရှိ ရှိတ်ဟူပူရာလမ်းပိုင်းမှာ မတော်တဆမှုဖြစ်ပွားခဲ့တာဖြစ်ပါတယ်။ သေဆုံးသူအများစုဟာ မိသားစုတစ်ခုတည်းကဖြစ်ပြီး ဘာသာရေးအထင်ကရနေရာတစ်ခုဖြစ်တဲ့ နန်ကာနာကနေ နေအိမ်ကိုပြန်တဲ့လမ်းမှာ မတော်တဆမှုဖြစ်ပွားခဲ့တာဖြစ်ကာ အခြားလူ ၁၀ ဦးလည်း ဒါဏ်ရာရရှိခဲ့ပါတယ်။ သေဆုံးဒါဏ်ရာရသူတွေထဲမှာ မီးရထားပေါ်မှ ခရီးသည်တွေ မပါဝင်ပါဘူး။ ဒီဖြစ်စဉ်ဟာ လူသေဆုံးမှုတွေဖြစ်ပေါ်ခဲ့တဲ့ နောက်ဆုံးမတော်တဆမှုတစ်ခုဖြစ်ပါတယ်။ လွန်ခဲ့တဲ့နှစ် နိုဝင်ဘာလအတွင်းမှာလည်း ကရာချိ-ရာဝယ်ပင်ဒီကိုပြေးဆွဲနေတဲ့ ရထားတစ်စင်း မီးလောင်တာကြောင့် လူ ၇၀ ကျော်သေဆုံးခဲ့ပါတယ်။ပါကစ္စတန်နိုင်ငံမှာ လွန်ခဲ့တဲ့နှစ်အတွင်း မီးရထားမတော်တဆမှု ၁၀၀ ကျော်ထိ ဖြစ်ပွားခဲ့ပါတယ်။ Ref : BBC Photo:AFP #voiceofmyanmar #VOM…