Day: August 31, 2021

ရန်ကုန်၊သြဂုတ် ၃၁၊၂၀၂၁ KK(VOM)   ရန်ကုန်မြို့၊ မှော်ဘီမြို့နယ် လျှပ်စစ်မန်နေဂျာရုံးအနီး မနေ့ဩဂုတ်လ ၃၀ရက်က ဗုံးပေါက်ကွဲခဲ့ရာ ကလေးငယ်တစ်ဦး လက်ဖြတ်လိုက်ရတဲ့အတွက် အကူအညီလိုအ ပ်နေတယ်လို့ ရွှေပြည်တော်သို့ ဆုံမှတ်ပရဟိတအသင်းကနေ သိရပါတယ်။   ” မနေ့ မနက်ပိုင်းက လျှပ်စစ်ရုံးအနီးမှာ အထုပ်တစ်ထုပ်ကို အမှိုက်ကောက်တဲ့ အသက် ၁၃ နှစ်အရွယ် ကလေးငယ်ကတွေ့ရှိပြီး ကောက်ကိုင်ရာကနေ ပေါက်ကွဲခဲ့တယ်၊ မြောက်ဥက္ကလာပဆေးရုံ အရိုးကုသဌာနမှာ ဗုံးပေါက်ပြီး ယမ်းစတွေဝင်တာကြောင့် ညာဘက်လက်ကောက်ဝတ်ကနေပြီး ဖြတ်လိုက်ရတယ်၊ ခြေထောက်လည်းနည်းနည်းထိထားတယ်၊ ကျနော်တို့လည်း ကူညီပေးနေတယ်၊ ဝိုင်းကူညီရင်တော့ ပိုကောင်းတာပေါ့”လို့ ရွှေပြည်တော်သို့ဆုံမှတ်အသင်းက တိုင်းတာဝန်ခံ ကိုညဏ်မင်းထွန်းက VOMကိုပြောပါတယ်။   လက်လုပ်မိုင်းထိမှန်တဲ့ ကလေးငယ်ဟာ အသက် ၁၃နှစ်သာရှိပြီး အမေဖြစ်သူမှာ နောက်အိမ်ထောင်ပြုထားလို့ ဦးလေးဖြစ်သူနဲ့နေကာ မိမိဝမ်းရေးအတွက် ရေသန့်ဗူးပလစ်စတစ်ကောက်နေရတာဖြစ်တယ်လို့ ကိုညဏ်မင်းထွန်းက ရှင်းပြပါတယ်။   လက်တလောမှာ ကလေးကို…

သြဂုတ် ၃၁-၂၀၂၁ CKC(VOM)   ရန်ကုန်တိုင်း၊ လှည်းကူးမြို့နယ်၊ ပြည်တော်သာရပ်ကွက်မှာ စစ်ကားတစ်စီးရပ်ထားချိန် ဗုံးပေါက်ကွဲမှုဖြစ်ခဲ့ပြီး အဲ့ဒီပေါက်ကွဲမှုဖြစ်စဉ်ကြောင့် စစ်သားတစ်ဦးဒဏ်ရာရခဲ့တယ်လို့ ဒေသခံတွေဆီကသိရပါတယ်။   ” စစ်ကားက ရပ်ထားတာ.။ အဲ့ဒီနေရာမှာထပေါက်တာ ။ ကားထဲပစ်ခဲ့တာလား ၊ကားအနီးပေါက်သလားတော့ သေချာမသိဘူး။ တစ်ယောက်ဒဏ်ရာရတယ်တော့ကြားတယ်။ ပေါက်ကွဲမှုအနားလည်း ဘယ်သူမှမသွားရဲဘူးလေ ။ ပေါက်ကွဲမှူပြီးထဲက အဲ့ဒီနားအကုန်စစ်ဆေးနေတယ် ။ကားကတော့ ဟိုက်လတ်ကားပဲ ။စစ်သားကတော့ ၅ ယောက်လောက်ပါတယ် သိရတယ်။ ” လို့ မြို့ခံတစ်ဦးကပြောပါတယ်။   ဗုံးပေါက်ကွဲမှုဖြစ်ပြီးနောက်မှာတော့ အဲ့ဒီပြည်တော်သာရပ်ကွက် လမ်းမတလျှောက်မှာ စစ်ဆေးမှုတွေကို လုပ်ဆောင်နေတယ်လို့ သိရပါတယ် ။   ဒီကနေ့ မနက်ပိုင်းကကမာရွတ်မြို့နယ်၊ လှည်းတန်း ကမ္ဘောဇဘဏ်အနီးမှာလည်း ဗုံးပေါက်ကွဲမှုဖြစ်ခဲ့တယ်လို့ သိရပါတယ်။   Photo-CJ #voiceofmyanmar #VOM #လှည်းကူး

သြဂုတ် ၃၁-၂၀၂၁ CKC(VOM)   မကွေးတိုင်း၊ ပေါက်မြို့နယ်၊ ဝန်ခြုံးရွာထဲကို ဒီကနေ့ မနက်ပိုင်းက လက်နက်ကြီးတွေ ကျရောက်နေတာကြောင့် ကျေးရွာတွင်းနေထိုင်သူတွေ ထွက်ပြေးတိမ်းရှောင်နေရတယ်လို့ အဲ့ဒီကျေးရွာအနီးရှိ ဒေသခံတွေဆီက သိရပါတယ် ။   ” လက်နက်ကြီးနဲ့ပစ်နေတာတွေကြားနေရတယ်။ ရွာသားတွေလည်း ထွက်ပြေးနေကြတယ်။ ဘာကြောင့်ပစ်နေလဲဆိုတာတော့ သေချာမသိဘူး” လို့ ဒေသခံတစ်ဦးက ပြောပါတယ်။   ဒိနေ့ သြဂုတ်လ ၃၁ ရက်နေ့ မနက်ပိုင်း ၉ နာရီခန်ကတည်းက လက်နက်ကြီးပစ်ခတ်သံတွေကြားနေရကြောင်း နဲ့ နေ့လယ် ၁၂ နာရီကျော်တဲ့အထိလည်း ပစ်ခတ်သံတွေကြားနေရတယ်လို့ ပြောပါတယ်။   လက်နက်ကြီးကျရောက်ပြီး ပစ်ခတ်သံတွေကြားနေရတာဟာ ဘယ်အဖွဲ့က ပစ်နေလဲဆိုတာကိုတော့ VOMအနေနဲ့ သီးခြားအတည်ပြုဖို့ စုံစမ်းနေစဲဖြစ်ပ်တယ်။   ပေါက်မြို့နယ်တောင်ပိုင်း ဝန်ခြုံးကျေးရွာပတ်ဝန်းကျင်မှာ အရင်ကလည်း တိုက်ပွဲဖြစ်ပွားတာမျိုး ရှိခဲ့တယ်လို့သိရပါတယ်။   #voiceofmyanmar #VOM #ပေါက်

သြဂုတ် ၊ ၃၁ -၂၀၂၁ ရွှေဘုန်းမြတ်စံ (VOM)   စစ်ကိုင်းတိုင်း၊ ရွှေဘိုမြို့နယ်၊ သီးလုံးကျေးရွာမှာ အမျိုးသမီး ၁ ဦးရဲ့ဖုန်းကို စစ်သားနဲ့ရဲတွေက ဖွင့်ကြည့်စစ်ဆေးတဲ့အခါ facebook ပရိုဖိုင်မှာ NUG လိုဂိုစာတမ်းတွေ့ရတဲ့အတွက် ဖမ်းဆီးခံခဲ့ရတယ်လို့ ရွှေဘိုမြို့ခံတွေရဲ့ ပြောပြချက်အရ သိရပါတယ်။   သီးလုံးကျေးရွာက အသက် ၂၅ နှစ်အရွယ် အမျိုးသမီး ၁ ဦးရဲ့ နေအိမ်ကို စစ်သားနဲ့ ရဲတွေက ဝင်ရောက်ရှာဖွေခဲ့ပြီး အိမ်ရှင်အမျိုးသမီးရဲ့ VIVO လက်ကိုင်ဖုန်းကို ဖွင့်ကြည့်စစ်ဆေးတဲ့အခါ အဲ့ဒီ အမျိုးသမီး အသုံးပြုနေတဲ့ facebook Account Profile မှာ NUG လိုဂိုစာတမ်းအသုံးပြုထားတာကြောင့် အဖမ်းခံရတာ ဖြစ်တယ်လို့ အဖမ်းခံရတဲ့ အမျိုးသမီးနဲ့ မိတ်ဆွေဖြစ်သူတွေ ပြောပြချက်အရ သိရပါတယ်။   ” သူနဲ့ ကျနော်က facebook…

သြဂုတ် ၃၁-၂၀၂၁ CKC(VOM)   မန္တလေးတိုင်း၊ ညောင်ဦးမြို့နယ်၊ ပုဂံရှေးဟောင်းဇုန်ထဲက ဘုရားအမှတ်(၈၀၁) သံပျင်စွာဘုရား နံရံပြိုကျမှု ဒီကနေ့မနက်ပိုင်းက ဖြစ်ပွားခဲ့တယ်လို့ ပုဂံ ရှေးဟောင်းသုတေသနဌာနခွဲက သိရပါတယ်။   မနေ့က သြဂုတ်လ ၃၀ ရက်နေ့ ညပိုင်းက ရွာခဲ့တဲ့ မိုးရွာသွန်းမှုကြောင့် သံပျင်စွာဘုရား ရဲ့ တောင်ဘက်နံရံပြိုကျပျက်စီးခဲ့ခြင်းဖြစ်ကြောင်း နဲ့ လက်ရှိမှာတော့ စစ်ဆေးမှုတွေလုပ်ဆောင်နေတယ်လို့ သိရပါတယ် ။   ဒီကိစ္စနဲ့ပတ်သက်ပြီး ရှေးဟောင်းသုတေသနနှင့်အမျိုးသားပြတိုက်ဦးစီးဌာန၊ ပုဂံဌာနခွဲမှ ညွှန်ကြားရေးမှူး ဦးသန်းထိုက်က ” ပျက်စိးသွားတာက တိုက်မကြီးရဲ့ တောင်ဘက်နံရံပေါ့ ။ အပေါ်ကရေစိမ့်ပြီး ရေဝပ်ပြီး အိပြီးတော့ ပြိုကျတာပေါ့။ တောင်ဘက် တိုက်မနံရံပေါ့။အခုကျနော်တို့ ကွင်းဆင်းပြီး တိုင်းထွာ စစ်ဆေးတာပေါ့။ ပြန်လည်တွက်ချက်ပြီးတော့ ထိနိးသိမ်းဖို့တင်ပြထားရမှာပေါ့”လို့ ပြောပါတယ်။   သြဂုတ်လ ၃၀ ရက်နေ့ညပိုင်းမှာ ရွာသွန်းခဲ့တဲ့မိုးကြောင့် ပုဂံနဲ့…

သြဂုတ် ၊ ၃၁ -၂၀၂၁ ရွှေဘုန်းမြတ်စံ (VOM)   ကချင်ပြည်နယ် ၊ တနိုင်းမြို့နယ် ၊ ရှင်ဗွေယန်မြို့နယ်ခွဲ တခက်ကျေးရွာဘက်မှာ လယ်ယာလုပ်ငန်းသုံးကျွဲတွေ ရုတ်တရက်သေဆုံးမှု မြင့်တက်လာနေပြီး နောက်ထပ် ကျွဲတွေ မသေအောင် ကာကွယ်ရေးနဲ့ ကုသရေး လုပ်ငန်းတွေ ဒီကနေ့အထိ လုပ်ဆောင်ပေးတာ မရှိသေးဘူးလို့ တခက်ကျေးရွာ တောင်သူတွေရဲ့ ဆက်သွယ်ပြောပြချက်အရ သိရပါတယ်။   လယ်ယာလုပ်ငန်းသုံး ခိုင်းကျွဲတွေ ရုတ်တရက် သေဆုံးနေတာနဲ့ ပတ်သက်ပြီး တခက်ကျေးရွာ တောင်သူ တစ်ယောက်က” ကျွဲတွေ နွားတွေမှာဖြစ်တတ်တဲ့ ရာသီပေါ် ရောဂါလက္ခဏာမျိုးနဲ့ သေဆုံးတာ မဟုတ်ဘူး ၊ ရုတ်တရက်ကြီးဖြစ်ပြီး သေဆုံးတာဆိုတော့ ဘာရောဂါဖြစ်မှန်း မသိရဘူး ” လို့ပြောပါတယ်။   ဩဂုတ်လ ၂၅ ရက်ကစပြီး အဲ့ဒီလို ကျွဲသေဆုံမှုဟာ မနေ့ သြဂုတ် ၃၀…

သြဂုတ် ၊ ၃၁ ၊ ၂၀၂၁ ရွှေဘုန်းမြတ်စံ (VOM)   စစ်ကိုင်းတိုင်း ကလေးခရိုင် ကလေးမြို့ပေါ်မှာရှိတဲ့ မသန်စွမ်း ကလေးတွေရဲ့ ကျောင်းပညာရေးစနစ် နှောင့်နှေးတာတွေ မဖြစ်စေဖို့အတွက် စက်တင်ဘာလဆန်းပိုင်းကစလို့ DDI အဖွဲ့က အိမ်တိုင်ရာရောက် ပညာသင်ကြားပေးတဲ့ စနစ်ကို စတင်တော့မှာဖြစ်တယ်လို့ မသန်စွမ်း ဖွံ့ဖြိုးရေး ရှေ့ဆောင်အဖွဲ့ (DDI) တာဝန်ရှိသူတွေရဲ့ ပြောပြချက်အရ သိရပါတယ် ။   အလယ်တန်း ကျောင်းပညာ ၈ တန်းအောက် မသန်းစွမ်း ကလေးတွေရဲ့ ပညာရေးနဲ့ ပတ်သက်လို့ အိမ်တိုင်ရာရောက် စာသင်ကြားပေမယ့် စနစ်ကို အခု လာမယ့် စတင်ဘာ လဆန်းပိုင်းကစလို့ သင်ကြားပေးနိုင်ဖို့ စီစဥ်နေတာ ဖြစ်တယ်လို့ သိရပါတယ်။   အဲ့ဒီ အစီအစဥ်တွေ ပတ်သက်ပြီး မသန်စွမ်း ဖွံဖြိုးရေး ရှေ့ဆောင်အဖွဲ့ တာဝန်ရှိသူ တစ်ယောက်ပြောတာက…