Month: September 2021

စက်တင်ဘာ ၁၇-၂၀၂၁ GH ( VOM )   ကချင်ပြည်နယ်၊ မြစ်ကြီးနားမြို့ ၊ နောင်နန်းတိုက်နယ် အုပ်ချုပ်ရေးမှူးဟာ ဒီကနေ့ မနက်ပိုင်းက သေနတ်နဲ့ပစ်ခံရပြီး သေဆုံးခဲ့သလို သားဖြစ်သူပါ ဒဏ်ရာရရှိခဲ့တယ်လို့ နယ်ခံတွေဆီက သိရပါတယ် ။   ” သူက ညဘက်ကင်းစောင့်ပြီး သူ့သားနဲ့ဆိုင်ကယ်စီးပြန်လာတာမှာ ပစ်ခံရတယ်လို့ကြားတယ်။ သူ့သားလည်း ထိတယ်ကြားတယ်။ သတင်းပေးလို့ ပစ်တာလို့တော့ကြားပေမယ့် ကျနော်လည်း သေချာတော့မသိဘူး “လို့မြစ်ကြီးနားမြို့ဒေသခံတစ်ဦးက ပြောပါတယ် ။   သေဆုံးသွားတဲ့ အုပ်ချုပ်ရေးမှူးဟာ ဦးလှမြင့် ဆိုသူဖြစ်ပြီး စစ်မှုထမ်းဟောင်းတစ်ဦးဖြစ်တယ်လို့လည်းသိရတယ်။   ပစ်ခတ်မှုတွေအပြီးမှာ စစ်သားနဲ့ ရဲတွေ ရောက်လာပြီး စစ်ဆေးမှုတွေလုပ်ခဲ့သလို့ ပစ်ခတ်သွားတဲ့သူတွေကိုတော့ ဖမ်းဆီးရမိခြင်းမရှိသေးဘူးလို့ သိရပါတယ်။   စက်တင်ဘာလ ၆ ရက်နေ့ကလည်း မြစ်ကြီးနားမြို့ အမှတ် ၂ ရဲစခန်းအနီးမှာ အသံမိုင်းပေါက်ကွဲမှုရှိခဲ့ပြီး…

စက်တင်ဘာ ၊ ၁၇ ၊ ၂၀၂၁ ရွှေဘုန်းမြတ်စံ (VOM)   စစ်ကိုင်းတိုင်း ကလေးခရိုင် မင်းကင်းမြို့ ၊ မင်းကင်းပြည်သူ့ဆေးရုံက အရေးပေါ်လူနာဌာနမှာ မှုခင်းနဲ့ဆက်စပ်သူတယောက် လည်ပင်း ဓားဒဏ်ရာနဲ့ ဆေးကုခံဖို့ ရောက်လာတယ်လို့ ကျန်းမာရေး အသိုင်းအဝိုင်းက လူတွေရဲ့ ပြောပြချက်အရ သိရပါတယ်။   ” လူနာက အဖမ်းခံထားရသူ အသက် ၄၇ နှစ်အရွယ် အမျိုးသားတစ်ယောက်ဖြစ်တယ် ၊ လည်ပင်း ဘယ်ဘက်ခြမ်းမှာ ထိုသွင်း ဓားဒဏ်ရာ ၁ ချက်နဲ့ဖြစ်တယ် ၊ အသက်အန္တရာယ် အခြေအနေကတော့ စိုးရိမ်ရတဲ့ အနေအထားမှာ ရှိတယ် ” လို့ ကျန်းမာရေး ဝန်ထမ်း တစ်ဦးက ပြောပါတယ်။   အဲ့ဒီ လူနာကတော့ မင်းကင်းမြို့ ၊ အမှတ် ၃ ရပ်ကွက်က ရွှေပန်းတိမ်…

စက်တင်ဘာ ၁၇- ၂၀၂၁ ထက်အောင်စိုင်း(VOM) ရခိုင်ပြည်နယ်အတွင်း ပြည်တွင်းစစ်ရေး ပဋိပက္ခတွေကြောင့် နေရပ်စွန့်ခွာပြီး စစ်ဘေးရှောင်စခန်းမှာ နတဲ့ စစ်ရှောင်တွေဟာ အစာအဟာရနဲ့ ဆေးဝါးတွေလိုအပ်နေတယ်လို့ သိရပါတယ်။ အဲ့ဒီထဲမှာ မြောက်ဦးမြို့နယ်၊ စင်းဘောကိုင်းစစ်ဘေးရှောင်စခန်းက စစ်ဘေးရှောင်တွေဟာ အစားအစာတွေမလုံလောက်ကြောင်းနဲ့ စစ်ဘေးရှောင်ကလေးငယ်တွေအတွက်လည်း အဟာရအပြည့်အဝမရဘဲ ကျန်းမာရေးထိခိုက်မှုတွေ ရှိနေတယ်လို့ ပြောကြပါတယ်။ လက်ရှိ ရခိုင်ပြည်နယ်ကို နစက ကောင်စီအစိုးရလက်အောက်ရှိ၊ လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာနက စစ်ဘေးရှောင်တွေအတွက် ဆန်ရိက္ခာတစ်ခုတည်းကို (၂) လတစ်ကြိမ်ထောက်ပံ့ပေးနေကြောင်းနဲ့ နိုင်ငံတကာကြက်ခြေနီကော်မတီ (ICRC) ကတော့ ဆန်၊ ဆီ၊ ဆား၊ ပဲ၊သကြားတို့ကိုသာ လစဉ်ထောက်ပံ့ပေးတယ်လို့ သိရပါတယ်။ စစ်ဘေးရှောင်စခန်းတွေမှာ စားဝတ်နေရေးနဲ့ ကျန်းမာရေးဝန်ဆောင်မှုတွေပေးဖို့လိုအပ်နေပြီး ကလေးတွေအတွက်လည်း အဟာရဖြစ်စေမယ့် အစားအသောက်တွေကို ကူညီထောက်ပံ့ပေးစေလိုတယ်လို့ စစ်ဘေးရှောင်တွေက တောင်းဆိုနေကြပါတယ်။ #voiceofmyanmar #VOM #ရခိုင် #စစ်ဘေးရှောင် Youtube Link -https://youtu.be/83W3SHfqbZU

ရန်ကုန်၊စက်တင်ဘာ ၁၆-၂၀၂၁ KK(VOM)   ရန်ကုန်မြို့၊ သိမ်ဖြူလမ်း၊ ဗိုလ်ချုပ်လမ်းထောင့်နဲ့ မရမ်းကုန်မြို့နယ်၊ ဘုရင့်နောင်နှစ်ထပ်တံတားအောက်မှာ ဒီကနေ့ နေ့လာ် ၃နာရီအချိန်က လှည့်ကင်းလှည့်နေတဲ့ စစ်ကားနဲ့ရဲကားအနီးမှာ ဗုံးပေါက်ကွဲခဲ့ရာ ရဲတစ်ဦးဒဏ်ရာရရှိခဲ့တယ်လို့ မြို့ခံတွေဆီက သိရပါတယ်။   သိမ်ဖြူလမ်းမှာ နေထိုင်သူတစ်ဦးက “စစ်တပ်နဲ့ရဲတွေ ကားနဲ့လာတဲ့ မီးပွိုင့်မိနေတုန်း ထပေါက်တာ၊ ရဲတစ်ဦး ဒဏ်ရာရတယ်လို့ ကြားတယ်”လို့ ပြောပါတယ်။   လှည့်ကင်းကားလာချိန်မှာ သိမ်ဖြူလမ်း နဲ့ ဗိုလ်ချုပ်လမ်းထောင့် ယာဉ်ထိန်းရဲရုံးမှာ ထောင်ထားခဲ့တဲ့ ဗုံးထပေါက်တာဖြစ်တယ်လို့ သူကရှင်းပြပါတယ်။   ဗိုလ်တစ်ထောင်မြို့နယ် သိမ်ဖြူလမ်းနဲ့ဗိုလ်ချုပ်လမ်းက မီးပွိုင့်မှာ ဗုံပေါက်ကွဲခဲ့တာ မှန်ပေမယ့် ရဲတစ်ဦးဒဏ်ရာရရှိခဲ့တယ်ဆိုတဲ့သတင်းကို VOMအနေနဲ့ သီခြားအတည်ပြုဖိူ့ ထပ်မံစုံစမ်းနေဆဲဖြစ်ပါတယ်။   ဗုံးပေါက်ကွဲမှုနဲ့ပတ်သက်ပြီး မြို့ပြပြောက်ကျားသက်တော်စောင့်အဖွဲ့ (Ranger Force) အမည်နဲ့ လူမူကွန်ယက်စာမျက်နှာမှာတော့ သူတို့လုပ်ဆောင်ခဲ့တယ်လို့ ထုတ်ပြန်ထားပါတယ်။   ဒါ့အပြင် မရမ်းကုန်းနဲ့လှိုင်သာယာကို…