Year: 2021

တိုကျို၊ နို၀င်ဘာ-၁၇-၂၀၂၁ မျိုးဆက်(VOM)   တောင်တရုတ်ပင်လယ်မှာ အမေရိကန်ရေတပ်နဲ့အတူ ပူးတွဲစစ်ရေးလေ့ကျင့်မှုကို နို၀င်ဘာ ၁၆ ရက်တွင်ပြုလုပ်ခဲ့ပြီး စစ်ရေးလေ့ကျင့်မှုအတွက် ရေငုပ်သင်္ဘောတစ်စင်းကိုလည်း စေလွှတ်ခဲ့ကြောင်း ဂျပန်ရေတပ်ကထုတ်ပြန်ပါတယ်။   အဲဒီစစ်ရေးလေ့ကျင့်မှုမှာ ရေငုပ်သင်္ဘောအပြင် ဖျက်သင်္ဘောတွေနဲ့ ကင်းလှည့်လေယာဉ်တွေ လည်းပါ၀င်ကြောင်း ဂျပန်ရေတပ်ရဲ့ ထုတ်ပြန်ချက်မှာ ဖော်ပြထားပြီး တောင်တရုတ်ပင်လယ်မှာ နှစ်နိုင်ငံပူးတွဲစစ်ရေးလေ့ကျင့်မှု ပထမဆုံးအကြိမ် ပြုလုပ်တာလည်းဖြစ်ပါတယ်။   စစ်ရေးလေ့ကျင့်မှုဟာ အမေရိကန်-ဂျပန် မိတ်ဖက်ဆက်ဆံရေး၊ လွတ်လပ်ပွင့်လင်းသော အင်ဒို-ပစိဖိတ်ဒေသကို အကောင်အထည်ဖော်နဲ့ တရုတ်နိုင်ငံရဲ့စစ်ရေးလှုပ်ရှားမှုတွေကိုလည်း ထိန်းချုပ်ဖို့ ရည်ရွယ်ပုံရကြောင်း စောင့်ကြည့်လေ့လာသူတွေက သုံးသပ်ပြောဆိုပါတယ်။   တရုတ်နိုင်ငံဟာ တောင်တရုတ်ပင်လယ်အတွင်း စစ်အခြစိုက်စခန်းတွေ ထူထောင်ဖို့အတွက် ကျွန်းတုများတည်ဆောက်ခြင်းကဲ့သို့သောနည်းလမ်းနဲ့ သူ့ရဲ့တည်ရှိမှုကို မြှင့်တင်နေပါတယ်။   အမေရိကန်ကလည်း တောင်တရုတ်ပင်လယ်ကိုလွှမ်းခြုံထားတဲ့ အင်ဒို-ပစိဖိတ်ဒေသမှာ လုံခြုံရေးဆိုင်ရာ မူဘောင်သစ်တစ်ခုဖန်တီးပြီး တရုတ်နိုင်ငံရဲ့လှုပ်ရှားမှုတွေကို တန်ပြန်ဖို့ကြိုးစားနေပါတယ်။   Ref: NHK Photo: US…

ဒေလီ၊ နို၀င်ဘာ-၁၇-၂၀၂၁ မျိုးဆက်(VOM)   အိန္ဒိယနိုင်ငံ မြို့တော်ဒေလီမှာ လေထုညစ်ညမ်းမှု ပိုမိုဆိုးရွားလာတာကြောင့် စာသင်ကျောင်းနဲ့ ကောလိပ်တွေအကုန်လုံးကို ရက်အကန့်အသတ်မရှိပိတ်ဆို့ အာဏာပိုင်တွေကအမိန့်ထုတ်လိုက်ပါတယ်။   ဆောက်လုပ်ရေးလုပ်ငန်းတွေကိုလည်း နို၀င်ဘာ ၂၁ ရက်ထိပိတ်ပင်ထားပြီး သယ်ယူပို့ဆောင်ရေးနဲ့ ကာကွယ်ရေးဆိုင်ရာ စီမံကိန်းတွေကိုတော့ခြွင်းချက်အဖြစ် ဆက်လက်လည်ပတ်လုပ်ကိုင်ခွင့်ပြုထားပါတယ်။   ဒါ့အပြင် ဒေလီမြို့ရှိ ကျောက်မီးသွေးစွမ်းအင်သုံး ဓါတ်အားပေးစက်ရုံ ၁၁ ရုံအနက် ငါးရုံကိုသာ လည်ပတ်ခွင့်ပြုထားပါတယ်။ ဒေလီမြို့မှာ ဒီပါ၀လီပွဲတော်ပြီးနောက်ပိုင်းကစလို့ လေထုညစ်ညမ်းမှု ဖြစ်ပေါ်နေခဲ့တာဖြစ်ပါတယ်။   လေထုညစ်ညမ်းမှုကြောင့် ဖြစ်ပေါ်လာတဲ့ အမှုန်အမွှားတွေဟာ လူတွေရဲ့အဆုတ်ကို ပိတ်ဆို့စေနိုင်တယ်လို့ ကမ္ဘာ့ကျန်းမာရေးအဖွဲ့က သတ်မှတ်ထားသော ပမာဏထက် လက်ရှိမှာကျော်လွန်နေပါတယ်။   အိန္ဒိယနိုင်ငံမှာ ယခုနှစ်အတွင်း လေထုညစ်ညမ်းမှုမှာ အလွန်ဆိုးရွားနေတာကြောင့် ဒီပြသနာကို ကိုင်တွယ်ဖြေရှင်းဖို့ အရေးပေါ်အစီအမံတွေကို ပြည်နယ်နဲ့ဖက်ဒရယ်အစိုးရတွေကို အိန္ဒိယအထူးတရားရုံးက ညွှန်ကြားထားပါတယ်။   Ref: BBC Photo:Getty Images…

ဘန်ကောက်၊ နို၀င်ဘာ-၁၅-၂၀၂၁ မျိုးဆက်(VOM)   ထိုင်းဘုရင်စနစ်ကို ပြုပြင်ပြောင်းလဲရေးအတွက် တောင်းဆိုချက်တွေဟာ ဖွဲ့စည်းပုံအခြေခံဥပဒေနဲ့ မကိုက်ညီကြောင်း တရားရုံးရဲ့ ဆုံးဖြတ်ချက်ကို ကန့်ကွက်သူတွေဟာ မြို့တော်ဘန်ကောက်တွင် ဆန္ဒပြတာတွေ ပြုလုပ်နေပါတယ်။   နို၀င်ဘာ ၁၄ ရက်က ပြုလုပ်တဲ့ အဲဒီဆန္ဒပြပွဲမှာ လူတစ်ထောင်ကျော်ပါ၀င်ခဲ့တယ်လို့ ရဲတပ်ဖွဲ့က ပြောဆိုထားပြီး ဆန္ဒပြပွဲမှာ လူသုံးဦးဒဏ်ရာရှိခဲ့တယ်လို့ အာဏာပိုင်တွေက အတည်ပြုပြောဆိုပါတယ်။   ဘုရင်စနစ်ကို ပြုပြင်ပြောင်းလဲရေးတောင်းဆိုမှုတွေဟာ ဖွဲ့စည်းပုံအခြေခံဥပဒေနဲ့ မကိုက်ညီဘဲ တော်၀င်အဖွဲ့အစည်းကို ဖြုတ်ချရန်ကြိုးပမ်းမှုဖြစ်တယ်လို့ ထိုင်းတရားရုံးက နို၀င်ဘာ ၁၀ ရက်မှာ ဆုံးဖြတ်ခဲ့ပါတယ်။   ဘုရင်စနစ်ပြုပြင်ပြောင်းလဲရေးအတွက် တောင်းဆိုမှုတွေဟာ လွန်ခဲ့တဲ့နှစ်မှစပြီး ဆက်လက်ဖြစ်ပေါ်နေတဲ့ အစိုးရဆန့်ကျင်ရေးဆန္ဒပြပွဲတွေမှာ ပိုမိုကြီးထွားလာခဲ့ပါတယ်။   တော်၀င်မိသားစုရဲ့ အသုံးစရိတ်ကို လျှော့ချရန်ဖို့နဲ့ တော်၀င်မိသားစုအပေါ် ဝေဖန်တာတွေကို တားမြစ်ပိတ်ပင်ထားတဲ့ အသရေဖျက်မှုဆိုင်ရာ ဥပဒေကို ဖျက်သိမ်းပေးရဖို့ ဆန္ဒပြသူတွေက တောင်းဆိုနေကြပါတယ်။  …