Year: 2021

နို၀င်ဘာ ၆-၂၀၂၁ GH ( VOM ) ပဲခူးတိုင်း၊ ရေတာရှည်မြို့လယ်၊ ၂ရပ်ကွက်မှာရှိတဲ့ CB Bankမှာ မနေ့ နိုဝင်ဘာ ၅ ရက်နေ့ ၊နေ့လယ်ပိုင်းက ဓားပြတိုက်မှုဖြစ်ပွားခဲ့တယ်လို့ ရေတာရှည်မြို့နယ်ဒေသခံတွေဆီကသိရပါတယ်။ ” ပိုက်ဆံကတော့ ၅၀၀ ကျော်လို့ကြားနေတယ် အသေချာတော့မသိဘူး။ ဓားပြတိုက်တာကို သိပ်မသိကြဘူး။စစ်သားတွေရဲတွေရောက်လာလို့ သိကြရတာ။ ဖြစ်ဖြစ်ချင်းတော့ အနီးအနားအကုန်စစ်တာပဲ။ ဓားပြတိုက်တာက မျက်နာတွေအုပ်ထားတယ်လို့သိရတယ်၊ ဘဏ်က မြို့လယ်ခေါင်မှာ စစ်သားတွေနဲ့စောင့်ကြည့်နေတဲ့နေရာ ။ ဆိုင်ကယ်ပါမကျန် စစ်ဆေးရေအရမ်းကြမ်းတဲ့မြို့ကို နေ့ခင်းကြောင်တောင်ကြီး ဓားပြတိုက်တယ်ဆိုတော့ စဉ်းစားစရာ”လို့ ဒေသခံတဦးကပြောပါတယ်။ ဆိုင်ကယ် ၂ စီးနဲ့ မျက်နှာဖုံးစွပ်ထားတဲ့သူ (၄)ဦးက ဓားပြတိုက်ခဲ့တာဖြစ်ကြောင်း၊ ဓားပြတိုက်မှုဖြစ်ပွားပြီးနောက် ပိတ်ဆို့စစ်ဆေးတာ ၊ ဘဏ်အနီးကိုရှာဖွေစစ်ဆေးတာရှိပေမယ့် တရားခံတွေဖမ်းဆီးရမိတာမျိုးတော့မရှိသေးဘူးလို့ သိရပါတယ်။ CB Bank ဓားပြတိုက်ခံရမှုနဲ့ပတ်သက်ပြီး အသေးစိတ်သိရှိနိုင်ဖို့ ရေတာရှည်ရဲစခန်းကို ဖုန်းဆက်သွယ်ခဲ့ပေမယ့် ဖုန်းလက်ခံဖြေကြားခြင်းမရှိခဲ့ပါဘူး။ ပြီးခဲ့တဲ့…

အောက်တိုဘာ ၂၉-၂၀၂၁ GH (VOM)   ပုသိမ်မြို့၊ မဟာဗန္ဓုလလမ်းမကြီးပေါ်မှာရှိတဲ့ မြကျွန်းသာမီးပွိုင့်က ယာဉ်ထိန်းရဲရုံး မနေ့ အောက်တိုဘာ ၂၈ရက် နေ့လယ်ပိုင်းက သေနတ်နဲ့ပစ်ခံရပြီး ယာဉ်ထိန်းရဲ ၂ ဦးသေဆုံးခဲ့တယ်လို့ ဒေသခံတွေဆီက သိရပါတယ်။ ” ဟုတ်တယ် မနေ့ကရဲကင်း ပစ်ခတ်ခံရတာပေါ့။ ၂ ယောက်သေတယ်လို့သိရတယ်။ ယာဉ်ထိန်းရဲတစ်ဦးက နေရာမှာပဲ ပွဲချင်းပြီးသေတယ်၊ ဒဏ်ရာရတဲ့ နောက်ထပ်ယာဉ်ထိန်းရဲကတော့ ဆေးရုံရောက်ပြီးမှသေဆုံးသွားတာ၊ ပစ်ခံရတဲ့ရဲကင်းက တိုင်းရဲတပ်ဖွဲ့မှူးရုံးနဲ့လည်းနီးတယ်၊ တိုင်းရဲတပ်ဖွဲ့မှူးအိမ်နဲ့လည်း နီးတယ်။ ပုသိမ်မှာ အစစ်အဆေးကတော့ မနေ့ထဲက တော်တော်ကို ကြပ်တယ်။ဒီနေ့ဆိုလည်းနေရာတိုင်းမှာ စစ်ဆေးနေတယ်။ “လို့ ဒေသခံတဦးကပြောပါတယ်။   ယာဉ်ထိန်းရဲပစ်ခတ်ခံရမှုမှာ သေဆုံးခဲ့တဲ့ ယာဉ်ထိန်းရဲ ၂ ဦးကတော့ တပ်ကြပ်ကြီး ဇော်မင်းထက် နဲ့ တပ်ကြပ် မြတ်မင်းဦးတို့ဖြစ်တယ်လို့ ဒေသခံတွေ ပြောပြချက်အရ သိရပါတယ်။   အဲ့ဒီ ပစ်ခတ်မှုကိုတော့…

အောက်တိုဘာ ၂၉-၂၀၂၁ GH ( VOM)   ပြည်မြို့နယ်၊ လွှစင်အုပ်စုက အုပ်ချုပ်ရေးမှူး ဦးအေးစိုး သေနတ်နဲ့ပစ်ခံရပြီး သေဆုံးမှု မနေ့ အောက်တိုဘာ ၂၈ရက် ညနေပိုင်းက ဖြစ်ပွားခဲ့တယ်လို့ ဒေသခံတွေဆီကသိရပါတယ်။   ” အရက်ဆိုင်ကအပြန် အသတ်ခံရတာ။ သေနတ်နဲ့ ၄ ချက်လောက်ပစ်ခံထားရပြီး ဆေးရုံတောင်မရောက်လိုက်ဘူး သေတယ်။ အခုတော့ ဝက်ထီးကန်ဆေးရုံက ရင်ခွဲရုံမှာပို့ထားတယ်။ ပြည်မှာတော့ အုပ်ကြီးတွေထဲ သူက ပထမဆုံး အပစ်ခံရပြီးသေတာ ။ အဲ့ဒါပြီးတော့ စစ်တပ်ရောက်လာတယ်၊ နောက် ရွာသား ၅ ယောက်လောက်ဖမ်းခံရတာကြားတယ် “လို့ ဒေသခံတဦးကပြောပါတယ်။   အခုလို ပြည်မြို့နယ်ထဲမှာ ရပ်ကျေးအုပ်ချုပ်ရေးမှူး သေနတ်နဲ့ပစ်ခတ်ခံရပြီးသေဆုံးမှုဟာ ပထမဆုံးအကြိမ်ဖြစ်ပွားခြင်းဖြစ်တယ်လို့ သိရပါတယ်။   အုပ်ချုပ်ရေးမှူး သေနတ်နဲ့ပစ်ခတ်မှုကို ပြည်မြို့နယ်ပြည်သူ့ကာကွယ်ရေးတပ်ဖွဲ့က သူတို့လုပ်ဆောင်ခဲ့တာဖြစ်တယ်လို့ လူမှုကွန်ရက်မှာ သတင်းထုတ်ပြန်ထားတာကို တွေ့ရပါတယ်။  …