Month: February 2023

ဖေဖော်ဝါရီ ၊ ၁၅ ၊ ၂၀၂၃ SP (VOM) စစ်ကိုင်းတိုင်း ၊ မုံရွာခရိုင် ၊ အရာတော်မြို့ ၊ ခြေတော်ရာ ဘုရားနားမှာ ဒီကနေ့ နေ့လယ် ၁ နာရီဝန်းကျင်က ကျောင်းကြို /ပို့ကား မိုင်းထိပြီး ကားပေါ်ပါလာတဲ့ ကျောင်းသား/ကျောင်းသူတွေ သေဆုံး ထိခိုက်ဒဏ်ရာရတာ ရှိခဲ့တယ်လို့ အရာတော်မြို့ခံ လူမှုကူညီရေးအဖွဲ့တွေဆီက သိရပါတယ်။ ” အရာတော်မြို့နဲ့ ဝါးတောမကျေးရွာသွားတဲ့ ကားလမ်းမှာ ပေါက်ကွဲမှုဖြစ်တာပါ ၊ အဲ့ဒီ ပေါက်ကွဲမှုကြောင့် ကျောင်းကြို / ပို့ကားပေါ်က ကျောင်းသား ၃ ယောက် ၊ ကျောင်းသူ ၈ ယောက် မိုင်းစထိမှန် ဒဏ်ရာရတယ် ၊ အဲ့ဒီ လူနာကလေးတွေ အားလုံး ဆေးရုံမှာ ဆေးကုသမှုခံယူနေရင်း ဒီညနေမှာ တယောက်သေဆုံးတယ်လို့ ကနဦး ကြားရတယ်…

ဖေဖော်ဝါရီ၊ ၁၅-၂၀၂၃ MM(VOM) မွန်ပြည်နယ်၊ ပေါင်မြို့နယ်၊ ရင်းငြိမ်(တောင်)ကျေးရွာက စစ်မှုထမ်းဟောင်း၊ပြည်သူ့စစ်တယောက် ဒီကနေ့ ဖေဖော်ဝါရီ ၁၅ မနက်ပိုင်းက သေနတ်နဲ့ ပစ်သတ်ခံရတယ်လို့ သိရပါတယ်။ သေနတ်နဲ့ ပစ်သတ်ခံရသူဟာ ပေါင်မြို့နယ်၊ တပ်မ ၄၄ က စစ်မှူထမ်းဟောင်းလည်းဖြစ် ပြည်သူ့စစ်ခေါင်းဆောင် ဦးမြင့်ရီ (ခ)ပေါပီဖြစ်ပြီး မနက် ၇နာရီ ၁၅မိနစ်လောက်က ပေါင်မြို့နယ် ရင်းငြိမ် ကျေးရွာ တောင်ဘက်ခြမ်း ငွေလျံ လက်ဖက်ရည်ဆိုင်အတွင်းမှာ ပစ်သတ်ခံခဲ့ရတာလို့ သိရပါတယ်။ ”သူက ပြည်သူ့စစ်ခေါင်းဆောင်ဖြစ်နေတာကြာပြီ အသက် ၅၇ နှစ်အရွယ်ပါ ၊ နာမည်က ဦးမြင့်ရီပါ ၊ ငွေလျံ လက်ဖက်ရည်ဆိုင်ရှေ့မှာ ဆိုင်ကယ်နဲ့လာတဲ့ လူ ၃ယောက်က သေနတ်နဲ့ ၄ ချက်လောက်ပစ်ခဲ့တာ၊ ဦးခေါင်းဒဏ်ရာ ၁ ချက်၊ ရင်ဘတ်ဒဏ်ရာ ၂ ချက်နဲ့ ဆီးခုံဒဏ်ရာ ၁ချက်ရပြီး…

ဖေဖော်ဝါရီ ၁၅ – ၂၀၂၃ GG(VOM) ပြည်တွင်းထွက် ရွှေ၊လက်ဝတ်ရတနာတွေကို ဂျပန်နိုင်ငံကို ​ပြန်လည်တင်ပို့ဖို့အတွက် ဂျပန်ဘက်ကတာဝန်ရှိသူတွေနဲ့ ဆွေးနွေးတာတွေလုပ်နေပြီလို့ ရန်ကုန်တိုင်းရွှေလုပ်ငန်းရှင်များအသင်းYGEA ကနေ သိရပါတယ်။ ဂျပန် အပါအဝင်ပြည်ပနိုင်ငံအချို့ကို ရွှေတင်ပို့ခြင်းကို ကိုဗစ်ရောဂါကူးစက်မှုတွေကြောင့် ရပ်နားခဲ့ရာကနေ လက်ရှိမှာ ပြန်လည်တင်ပို့ဖို့လုပ်ဆောင်နေတာဖြစ်ပြီး ဒီနှစ် ၂၀၂၃ခုနှစ်ထဲမှာပဲ ရွှေတင်ပို့မှုလုပ်နိုင်မှာဖြစ်တယ်လို့ သိရပါတယ်။ “ကိုဗစ်မတိုင်ခင်က ရပ်နားခဲ့ရတယ်၊ အခုပြန်ပို့ဖို့လုပ်တာ၊ ဒီနေ့ ဂျပန်ဘက်ကလူတွေနဲ့ဆွေးနွေးတယ်၊စျေးနူန်းတွေ၊အခွန်တွေ၊ကုန်သွယ်မှုတွေပေါ့။၃ ကြိမ်လောက်ဆွေးနွေးမှုလုပ်ရမယ်၊အဲ့ဒါတွေပြီးရင် ရွှေတင်ပို့မှုလုပ်နိုင်ပြီ၊ အခုနှစ်ထဲပို့နိုင်မှာပါ။အရင်ကဂျပန်နဲ့ကိုရီးယားက အများဆုံးတင်ပို့ရတာပါ။”လို့ YGEA ဥက္ကဋ္ဌဦးမျိုးမြင့်က ပြောပါတယ်။ ဂျပန်ကို ရွှေနဲ့လက်ဝတ်ရတနာတွေ တင်ပို့နိုင်ဖို့ ဒီနေ့ဖေဖော်ဝါရီလ ၁၅ ရက်နေ့မှာ ရန်ကုန်ကYGEA အသင်းရုံးမှာ ဂျပန်ဘက်ကတာဝန်ရှိသူတွေနဲ့ ဆွေးနွေးခဲ့တယ်လို့ သိရပါတယ်။ ပြည်ပကို ရွှေတင်ပို့တဲ့အခါမှာ ရွှေတုံး အကြမ်းထည်တင်ပို့မှုက နည်းပြီး အချောထည်တွေဖြစ်တဲ့ လက်ဝတ်ရတနာတွေကိုသာ အများဆုံးတင်ပို့ရတာဖြစ်တယ်လို့သိရပါတယ်။ ဒီနေ့ ဖေဖော်ဝါရီလ ၁၅ ရက်နေ့…

ဖေဖော်ဝါရီ ၁၅ – ၂၀၂၃ SN (VOM) ရန်ကုန်တိုင်း၊ မင်္ဂလာဒုံမြို့နယ်ရှိ အမှတ် (၃)လမ်းမကြီးပေါ် မှာ မနေ့ ဖေဖော်ဝါရီ ၁၄ ရက် ည ၁၀ နာရီဝန်းကျင်က ကား(၃)စီးဆင့်တိုက်မှု ဖြစ်ပွားခဲ့ပြီး လူ(၂ )ဦးသေဆုံး၊ (၁)ဦး ဒဏ်ရာရခဲ့တယ်လို့ ပုလဲအရန်မီးသတ်တပ်ဖွဲ့ကနေ သိရပါတယ်။ အမှတ် (၃) လမ်းမကြီးပေါ်ရှိ ညောင်ပင်မှတ်တိုင်အနီးမှာ တက္ကစီ၊ ဟိုက်ဂျက်နဲ့ ဖယ်ရီကားတို့ ၃ စီး ဆင့်တိုက်ခဲ့တာဖြစ်ပါတယ်။ “တက္ကစီနဲ့ ဟိုက်ဂျက်နဲ့ တိုက်မှုဖြစ်ပွားတယ်။ ဟိုက်ဂျက်က အတိုက်ခံရပြီးတဲ့အချိန်မှာ လမ်းဘေးကိုထိုးကျသွားပြီးတော့ လမ်းဘေးမှာ ညအိပ်ရပ်နားထားတဲ့ ဖယ်ရီကားကိုတိုက်မိတာပါ။ ဟိုက်ဂျက်ပေါ်မှာ နောက်ကလိုက်ပါလာတဲ့ အမျိုးသား ၂ ဦး လွင့်စင်ထွက်ကျတယ်။ သူတို့နှစ်ယောက်က ဆေးရုံပို့နေစဉ်မှာပဲ လမ်းမှာသေဆုံးသွားတယ်။ အဲ့ဒီကားက ယာဉ်မောင်းကတော့ ဒဏ်ရာရသွားတယ်“ လို့ ပုလဲအရန်မီးသတ်တပ်ဖွဲ့မှ တာဝန်ရှိသူတဦးက…

ဖေဖော်ဝါရီ ၁၄-၂၀၂၃ Voice OfMyanmar(VOM) မန္တလေးမြို့၊ ပုသိမ်ကြီးမြို့နယ်၊ ရေလောင်ကျေးရွာ၊ ဆည်မြောင်းဘောင်ရှိ (၁)ထပ်နေအိမ်မှာ ဘထ္ထရီပန့်နဲ့ ဖွင့်ထားတဲ့ စက်သုံးဆီဆိုင် မီးလောင်ကျွမ်းမှုကြောင့် နေအိမ်(၁၁)လုံးမီးလောင်ခဲ့မှု မနေ့ ဖေဖော်ဝါရီ ၁၃ရက် ညနေပိုင်းက ဖြစ်ပွါးခဲ့တယ်လို့ မန္တလေးတိုင်းမီးသတ်ဦးစီးဌာနကနေ သိရပါတယ်။ ” သွပ်မိုး၊ ထရံကာ၊ မြေစိုက် (၁)ထပ်နေအိမ်မှာ တရားမဝင် စက်သုံးဆီဆိုင်ဖွင့်ထားတယ်၊ ဘထ္ထရီပန့်အတွင်း ဆီထည့်ရာကနေ တည်ငြိမ်လျှပ်စစ်ဖြစ်ပြီး မီးစတင်လောင်ကျွမ်းခဲ့တယ်၊ နေအိမ်(၁၁)လုံး မီးလောင်ခဲ့ပါတယ်”လို့ မီးသတ်တပ်ဖွဲ့နဲ့နီးစပ်သူတဦးကပြောပါတယ်။ မီးလောင်မှုကြောင့် ၁၅ပေ ၁၀ပေခန့်ရှိ သွပ်မိုး၊ ထရံကာ၊ တထပ်အိမ် (၁၁)လုံး၊ ဆိုင်ကယ်(၂)စီး၊ ဘထ္ထရီ ဆီပန့်စက် (၂)လုံး ၊ နေအိမ်တွေရဲ့ အတွင်းပစ္စည်း စုစုပေါင်း မီးသတ်တွက်ချက် ခန့်မှန်းတန်ဖိုး ၇၁သိန်း ၇သောင်း ၅ထောင်ခန့် မီးလောင်ဆုံးရှုံးခဲ့တယ်လို့ သိရပါတယ်။ မီးလောင်မှုကို မန္တလေးခရိုင်မီးသတ်ဦးစီးမှူး လက်ထောက်ညွှန်ကြားရေးမှူး…