Month: May 2023

ကိယက်ဗ်၊ မေ-၁၆-၂၀၂၃ မျိုးဆက်(VOM) ယူကရိန်းနိုင်ငံ မြို့တော်ကိယက်ဗ်ကို ရုရှားက မေ ၁၅ ရက်မှာ လေကြောင်းတိုက်ခိုက်မှုတွေပြုလုပ်ခဲ့ကြောင်း ယူကရိန်းတာ၀န်ရှိသူတွေက ပြောပါတယ်။ ရုရှားဟာ ဒုံးကျည်တွေ၊ ဒရုန်းတွေနဲ့ လေကြောင်းကနေ အပြင်းအထန်တိုက်ခိုက်ခဲ့ပြီး လူသုံးဦးသေဆုံးခဲ့ပါတယ်။ ယူကရိန်းရဲ့ လေကြောင်းရန်ကာကွယ်ရေးစနစ်ဟာ မြို့ကိုဖြတ်လာတဲ့ ရုရှားဒုံးကျည်တွေကို ကြားဖြတ်ပစ်ချနေတဲ့ရုပ်သံမှတ်တမ်းတွေ လူမှုကွန်ရက်မှာ ပျံ့နှံ့နေပါတယ်။ ရုရှားဟာ ယူကရိန်းတောင်ပိုင်းမှာ ထိုးစစ်ဆင်ခြင်းမပြုမီ မကြာသေးမီရက်သတ္တပတ်တွေအတွင်း လေကြောင်းတိုက်ခိုက်မှုတွေကို အရှိန်မြှင့်လုပ်ဆောင်နေပါတယ်။ ရုရှားဟာ ဝေဟင်၊ မြေပြင်နဲ့ ရေပြင်တို့ကနေ ဒုံးကျည် ၁၈ စင်းနဲ့ မြောက်ဘက်၊ တောင်ဘက်နဲ့ အရှေ့ဘက်တို့ကနေ မြို့တော်ကိယက်ဗ်ကို တိုက်ခိုက်ခဲ့တာဖြစ်ပြီး ဒုံးကျည်တွေကို ပစ်ချနိုင်ခဲ့တယ်လို့ ယူကရိန်းစစ်တပ်ကပြောပါတယ်။ မကြာသေးမီကာလတွေအတွင်း ယူကရိန်းသမ္မတ ဇီလန်စကီးယား ဥရောပခရီးစဉ်သွားရောက်ခဲ့ပြီး ယူကရိန်းအတွက် ကူညီထောက်ပံ့မှုတွေအတွက် ကတိက၀တ်တွေရရှိခဲ့ပါတယ်။ ပြီးခဲ့တဲ့နေ့ကလည်း ဇီလန်စကီးယား ဗြိတိန်ကိုသွားရောက်ခဲ့ပြီး ၀န်ကြီးချုပ် ရီရှီဆူနက်ခ်နဲ့ တွေ့ဆုံဆွေးနွေးခဲ့ပါတယ်။ Ref:…

မျိုးဆက်(VOM) ထိုင်းနိုင်ငံတွင် ဆယ်စုနှစ်တခုနီးပါးကြာ စစ်တပ်ကျောထောက်နောက်ခံပြုထားသည့် ၀န်ကြီးချုပ်နှင့် အစိုးရအဖွဲ့ အဆုံးသတ်ရန်အချိန်ကား ရွေးကောက်ပွဲတွင် အတိုက်အခံ Move Forward(ရှေ့သို့) ပါတီနှင့် အတိုက်အခံပါတီများ၏ အနိုင်ရလဒ်နှင့်အတူ အချိန်များစွာမကျန်တော့ချေ။ အာဏာသိမ်းမှုကိုဦးဆောင်ခဲ့သည့် လက်ရှိ၀န်ကြီးချုပ် ပရာယွတ်ချန်အိုချာကဲ့သို့ စစ်တပ်မဟာမိတ် ပါတီများမှာလည်း ရွေးကောက်ပွဲတွင် ခွက်ခွက်လန်အောင်ရှုံးနိမ့်ခဲ့ပြီး ထိုင်းပြည်သူများ၏ နိုင်ငံရေးရေချိန်ကို ပြသခဲ့သည့် ရွေးကောက်ပွဲလည်းဖြစ်ခဲ့ပါတယ်။ ရွေးကောက်ပွဲဆန္ဒမဲများကို ၉၉ ရာခိုင်နှုန်းထိ ရေတွက်ပြီးချိန်မှာ Move Forward (ရှေ့သို့)ပါတီနှင့် ဖြုတ်ချခံရတဲ့ ၀န်ကြီးချုပ်ဟောင်း သက်ဆင်ရဲ့သမီးဖြစ်သူဦးဆောင်တဲ့ ဖြူထိုင်းပါတီတို့သည် အောက်လွှတ်တော်အမတ်နေရာပေါင်း ၅၀၀ အနက် ၂၈၀ ကျော်ထိ ရရှိထားပါတယ်။ ရွေးကောက်ပွဲတွင် ပထမဆုံးအကြိမ်၀င်ရောက်ယှဉ်ပြိုင်ခဲ့သည့် ရှေ့သို့ပါတီသည် အမတ်နေရာ ၁၄၇ နေရာရရှိခဲ့ပြီး ဖြူထိုင်းပါတီက ၁၃၈ ရရှိထားကာ အစိုးရဖွဲ့ရေးအတွက် အတိုက်အခံပါတီများနှင့် ပူပေါင်းလိုက်ပါက ပါတီခေါင်းဆောင်ဖြစ်သူ ပီတလင်ဂျာရိုအန်ရက်သည် ၀န်ကြီးချုပ်သစ်ဖြစ်လာမည်ဖြစ်သည်။ ထိုင်းစစ်တပ်က အာဏာသိမ်းပြီးနောက်…

ဒေလီ၊ မေ-၁၆-၂၀၂၃ မျိုးဆက်(VOM) အိန္ဒိယနိုင်ငံအနောက်ပိုင်း မဟာရာရှာထရာပြည်နယ်မှာ ရုပ်ရှင်ဇာတ်လမ်းတခုနဲ့ပတ်သက်ပြီး ဒေသခံအသိုင်းအဝိုင်းအကြား အငြင်းပွားမှုတွေကစတဲ့ အကြမ်းဖက်ပဋိပက္ခတွေကြောင့် လူ ၁၀၀ ကျော်ကို ဖမ်းဆီးထိန်းသိမ်းလိုက်ပါတယ်။ အေကိုလာမြို့မှာဖြစ်ပွားခဲ့တဲ့ အဲဒီအကြမ်းဖက်မှုတွေဟာ The Kerala Story ဆိုတဲ့ ရုပ်ရှင်ဇာတ်လမ်းနဲ့ပတ်သက်တဲ့ ဆိုရှယ်မီဒီယာပေါ်က ပို့စ်တခုကနေ အစပြုခဲ့တာလို့ သတင်းတွေကဆိုပါတယ်။ လက်ရှိမှာတော့ ပြည်နယ်အာဏာပိုင်တွေဟာ အင်တာနက်အသုံးပြုမှုတွေကို ထိ်န်းချုပ်ထားပြီး အခြေအနေကို ထိန်းချုပ်နိုင်ဖို့ ညမထွက်ရအမိန့်ထုတ်ထားပါတယ်။ ပဋိပက္ခတွေကြောင့် လူတဦးသေဆုံးပြီး အများအပြားဒဏ်ရာရရှိခဲ့ပါတယ်။ ရုပ်ရှင်နဲ့ပတ်သက်တဲ့ အငြင်းပွားဖွယ်ပို့စ်ကို ဆန့်ကျင်ကန့်ကွက်တဲ့အနေနဲ့ အေကိုလာရဲစခန်းပြင်ပမှာ လူသူစုဝေးကြရာကနေ စနေနေ့ကစပြီး အကြမ်းဖက်မှုတွေ စတင်ခဲ့တယ်လို့ ရဲတပ်ဖွဲ့ကပြောပါတယ်။ ဒီပို့စ်ဟာ ဘာသာရေးကို ထိခိုက်စေတယ်လို့ ဝေဖန်မှုတွေရှိနေပါတယ်။ The Kerala Story ရုပ်ရှင်ဟာ ရုံတင်မပြသမီ လပိုင်းကတည်းက အငြင်းပွားမှုတွေ ဖြစ်ပေါ်ခဲ့ပြီး ဒီဇာတ်ကားဟာ အိုင်အက်စ်အဖွဲ့နဲ့ပူးပေါင်းထားတဲ့ တောင်ပိုင်းပြည်နယ်က အိန္ဒိယအမျိုးသမီးတွေရဲ့အကြောင်းကို စိတ်ကူးယဉ်ပုံဖော်ထားတာဖြစ်ပါတယ်။…

ဖနောင်ပင်၊ မေ-၁၆-၂၀၂၃ မျိုးဆက်(VOM) ကမ္ဘောဒီးယားနိုင်ငံရဲ့ အဓိကအတိုက်အခံပါတီနဲ့ ၀န်ကြီးချုပ်ဟွန်ဆန်ကို ရွေးကောက်ပွဲမှာ စိန်ခေါ်နိုင်လောက်တဲ့ပြိုင်ဘက်ပါတီကို ဇူလိုင်လမှာကျင်းပမယ့် ရွေးကောက်ပွဲမှာ ပါ၀င်ယှဉ်ပြိုင်ခွင့်ကို အာဏာပိုင်တွေက ပိတ်ပင်လိုက်ပါတယ်။ ရွေးကောက်ပွဲဆိုင်ရာ ပါတီရဲ့စာရွက်စာတမ်းတွေမှန်ကန်မှုမရှိဆိုကာ ကမ္ဘောဒီးယားအတို်က်အခံ Candlelight ပါတီကို အရည်အချင်းမပြည့်မီကြောင်း ရွေးကောက်ပွဲအာဏာပိုင်တွေက ပယ်ချခဲ့ခြင်းဖြစ်ပါတယ်။ အခုလိုပိတ်ပင်တားမြစ်မှုဟာ ရွေးကောက်ပွဲ၀င်ရောက်ယှဉ်ပြိုင်မယ့် ၀န်ကြီးချုပ်ဟွန်ဆန်က သူ့အတွက်စိန်ခေါ်မှုတွေကို ထပ်မံဖယ်ရှားရှင်းလိုက်လိုက်ခြင်းဖြစ်ကြောင်း နိုင်ငံရေးအကဲခတ်တွေက သုံးသပ်ထားပြီး အာဏာကိုဆက်လက်ကိုင်စွဲနိုင်ဖွယ်ရှိတယ်လို့ သုံးသပ်ပြောဆိုပါတယ်။ ပါတီကို ရွေးကောက်ပွဲ၀င်ရောက်ခွင့် ပိတ်ပင်ခြင်းလိုက်တဲ့ ရွေးကောက်ပွဲကော်မရှင်ရဲ့ ဆုံးဖြတ်ချက်ကို အယူခံ၀င်သွားမယ်လို့ Candlelight ပါတီက ထုတ်ပြန်ထားပါတယ်။ ရွေးကောက်ပွဲအတွက် ပါတီမှတ်ပုံတင်ခြင်းများပြုလုပ်ရာမှာ ပိတ်ဆို့ခြင်းတွေနဲ့ ကြုံနေရကြောင်း ပါတီထိပ်တန်းပုဂ္ဂိုလ်တွေက ယခုလအစောပိုင်းမှာ ထုတ်ဖော်ပြောဆိုထားပါတယ်။ Candlelight ပါတီကို ဖျက်သိမ်းခံလိုက်ရတဲ့အတိုက်အခံပါတီတွေက အင်အားစုတွေနဲ့ လွန်ခဲ့တဲ့နှစ်က စတင်ဖွဲ့စည်းခဲ့ခြင်းဖြစ်ပြီး ပြီးခဲ့တဲ့နှစ်ကကျင်းပတဲ့ ဒေသန္တရရွေးကောက်ပွဲတွေမှာ ထောက်ခံမဲ ၂၂ ရာခိုင်နှုန်းရရှိခဲ့ပါတယ်။ Ref: BBC Photo:Reuters…