Month: May 2023

မော်စကို၊ မေ-၂၃-၂၀၂၃ မျိုးဆက်(VOM) ယူကရိန်းနိုင်ငံ ဘက်မွတ်ခ်မြို့ကို ရုရှားစစ်တပ်ထံ ဇွန် ၁ ရက်နေ့နောက်ဆုံးထားပြီး လွှဲပြောင်းမှာဖြစ်ကြောင်း ရုရှားကြေးစားစစ်သားအဖွဲ့ ၀က်ဂနာအကြီးအကဲက ကတိပြုပြောဆိုလိုက်ပါတယ်။ ဘတ်မွတ်ခ်မြို့ကို ပြီးခဲ့တဲ့စနေနေ့က သိမ်းပိုက်နိုင်ခဲ့ကြောင်း ၀က်ဂနာကြေးစစ်သားအဖွဲ့ တည်ထောင်သူ ယက်ဂျန်နီကရီဂိုဟင်က ထုတ်ဖော်ပြောဆိုထားပေမယ့်လည်း ယူကရိန်းစစ်သားတွေဟာ မြို့ရဲ့ အစိတ်အပိုင်အချို့ကို ထိန်းချုပ်ထားနိုင်ဆဲဖြစ်ကြောင်း ယူကရိန်းက အခိုင်အမာဆိုပါတယ်။ ယူကရိန်းတပ်တွေဟာ မြို့ရဲ့ဆင်ခြေဖုံးတွေမှာ ဆက်လက်ချီတက်တိုက်ခိုက်နေဆဲလို့ သူကပြောပါတယ်။ ဒါပေမယ့်လည်း ၀က်ဂနာအဖွဲ့အကြီးအကဲကတော့ ဘက်မွတ်ခ်မြို့ကို လာမယ့် ကြာသပတေးနေ့ကစပြီး ရုရှားစစ်တပ်ကို လွှဲပြောင်းပေးသွားမယ်လို့ ဆိုပါတယ်။ ၀က်ဂနာအဖွဲ့အနေနဲ့ ဘက်မွတ်ခ်မြို့ကနေ မေ ၂၅ ရက်နဲ့ ဇွန် ၁ ရက်အကြားမှာ ထွက်ခွာမယ်လို့ ဆိုပါတယ်။ ဒီလိုအပြောင်းအရွှေ့မတိုင်မီမြို့အနောက်ဘက်မှာ ခံစစ်စည်းတွေ ထူထောင်ခဲ့တယ်လို့ ပြောပါတယ်။ ယူကရိန်းလက်ထောက်ကာကွယ်ရေး၀န်ကြီး ဟန်နာမာလီယာကတော့ ဘက်မွတ်ခ်မြို့မှာ ယူကရိန်းတပ်တွေရဲ့ ခြေကုပ်အနည်းငယ်ကျန်ရှိနေသေးပြီး မြို့စွန်ဘက်ကို ချီတက်နေကြကာ ရန်သူတွေရဲ့…

မေ ၂၃ -၂၀၂၃ Voice Of Myanmar (VOM) Burma Act ကို အကောင်အထည် ဖော်လာမှုဟာ ြမန်မာ ထိုင်း နယ်စပ်အရေးသည် နှစ်နိုင်ငံစလုံး အတွက် နယ်စပ်ရေးရာ အခက်အခဲများနှင့် ဒုက္ခသည်အရေး ပိုမို တိုးမြှင့်လာဖွယ်ရာရှိပြီး ဘူးလေးရာ ဖရုံဆင့် စေလာနိုင်ပါတယ်။ စကာတင် ဝန် ကြီးချုပ်နေရာကို ဘယ်ပါတီက ရယူနိုင်မှာပါလဲ ။အနိုင်ရပါတီနှင့် အာဏာရပါတီ ထပ်တူ ကျ မကျ ဆိုတာ တော်တော် စိတ်ဝင်စားဖို့ ကောင်းလှပါတယ်။ ထိုင်းနိုင်ငံရွေးကောက်ပွဲမှာအနိုင်ရခဲ့တဲ့ Move Forward Party ခေါင်းဆောင် Pita Limjaroenrat ပီတ လင်မ် ဂျရိုရတ် က မြန်မာနိုင်ငံအရေးကို အပြည်ပြည်ဆိုင်ရာနဲ့ ဝိုင်းဝန်းဆောင်ရွက်သွားမှာဖြစ်သလို အမေရိကန်နဲ့လက်တွဲပြီး အမေရိကန်ကထုတ်ပြန်တဲ့ Burma Act ကို အကောင်အထည်ဖော်သွားမယ်လို့ ဆိုပါတယ်။…

ဘန်ကောက်၊ မေ-၂၃-၂၀၂၃ မျိုးဆက်(VOM) ထိုင်းအတိုက်အခံပါတီရှစ်ခုဟာ ညွှန့်ပေါင်းအစိုးရဖွဲ့ရေး မျှော်လင့်ချက်နဲ့အတူ ပူးတွဲသဘောတူညီချက်တရပ် ကို မေ ၂၂ ရက်မှာ လက်မှတ်ရေးထိုးလိုက်ကြပါတယ်။ ရွေးကောက်ပွဲမှာ အမတ်နေရာအများဆုံးအနိုင်ရရှိခဲ့တဲ့ ရှေ့သို့ပါတီက မဟာမိတ်အဖွဲ့ကို ဦးဆောင်နေပြီး ပါတီဟာ အမတ်နေရာအများဆုံးအနိုင်ရရှိခဲ့ပေမယ့် လွှတ်တော်ကို လွှမ်းမိုးနိုင်လောက်တဲ့ထိ အမတ်နေရာ မရရှိခဲ့ပါဘူး။ အတိုက်အခံပါတီရှစ်ခု မေ ၂၂ ရက်မှာ လက်မှတ်ထိုးခဲ့တဲ့ သဘောတူညီချက်တွေထဲမှာ ဖွဲ့စည်းပုံအခြေခံဥပဒေပြင်ဆင်ရေးနဲ့ စစ်မှုထမ်းခြင်းကို ဖျက်သိမ်းဖို့ ပါ၀င်ပါတယ်။ ဒါပေမယ့်လည်း သဘောတူညီချက်တွေထဲမှာ ဘုရင်စနစ်ကိုစော်ကားခြင်းကိုတားမြစ်ထားတဲ့ ဥပဒေကို ပြန်လည်ပြင်ဆင်ရေးမပါ၀င်ပါဘူး။ ဒါဟာ ရှေ့သို့ပါပါတီရဲ့ ရွေးကောက်ပွဲ ကတိက၀တ်တွေထဲက တစ်ခုဖြစ်ပါတယ်။ ၀န်ကြီးချုပ်ဟောင်းသက်ဆင်နဲ့ ဆက်နွယ်နေတဲ့ ဖြူထိုင်းပါတီဟာလည်း အတိုက်အခံမဟာမိတ်အဖွဲ့မှာ ပါ၀င်နေပြီး ရွေးကောက်ပွဲမှာ ဒုတိယအများအဆုံးအနိုင်ရရှိခဲ့ပါတယ်။ ပါတီရှစ်ခု မဟာမိတ်ဖွဲ့ထားကြပေမယ့်လည်း ၀န်ကြီးချုပ် ရွေးချယ်ခန့်အပ်နိုင်လောက်တဲ့ထိ အမတ်နေရာအများစု မရရှိသေးကြောင်း သိရပါတယ်။ Ref: BBC Photo:AP…

ခါတွမ်၊ မေ-၂၂-၂၀၂၃ မျိုးဆက်(VOM) ဆူဒန်နိုင်ငံ မြို့တော်ခါတွမ်အနီးမှာရှိတဲ စစ်တပ်ရဲ့ အဓိကလေတပ်အခြေစိုက်စခန်းကို ပြည်သူ့စစ်တွေက ချီတက်တိုက်ခိုက်နေကြောင်း ဒေသခံတွေကပြောပါတယ်။ အဲဒီလေတပ်စခန်းဟာ ပြည်သူ့စစ်တွေကို လေကြောင်းကနေတိုက်ခိုက်ဖို့ ဆူဒန်စစ်တပ်က အသုံးပြုခဲ့ပြီး ပြည်ပနိုင်ငံသားတွေကို သူ့အစိုးရတွေက ကယ်ထုတ်ရေးအစီအစဉ်မှာလည်း အသုံးပြုခဲ့တဲ့ နေရာဖြစ်ပါတယ်။ စစ်တပ်နဲ့ ပြည်သူ့စစ်တို့အကြား မကြာသေးမီက ခုနှစ်ရက်ကြာ အပစ်အခတ်ရပ်စဲရေးကို ကြေညာထားသော်လည်း တိုက်ပွဲတွေဆက်လက်ဖြစ်ပွားနေပါတယ်။ ယခင်အပစ်အခတ်ရပ်စဲရေးတွေလည်း အောင်မြင်ခဲ့ခြင်းမရှိပါဘူး။ နောက်ဆုံးရရှိခဲ့တဲ့ အပစ်အခတ်ရပ်စဲရေးဟာ မေ ၂၂ ရက်ညမှာ စတင်သက်၀င်မှာ နှစ်ဘက်အကြား ပဋိပက္ခတွေကို အဆုံးသတ်ရေးအတွက် လွန်ခဲ့တဲ့သီတင်းပတ်အတွင်း ဆော်ဒီအာရေဗျမှာ ဆွေးနွေးပွဲတွေ ပြုလုပ်ခဲ့ပါတယ်။ ဒါပေမယ့် ကုလသမဂ္ဂငြိမ်းချမ်းရေးတပ်ဖွဲ့တွေ ကျောထောက်နောက်ခံပြုထားတဲ့ နိုင်ငံတကာစောင့်ကြည့်သူတွေ ဖြန့်ကြက်ထားမှသာ အပစ်အခတ်ရပ်စဲရေး အောင်မြင်နိုင်ကြောင်း စောင့်ကြည့်လေ့လာသူတွေက သုံးသပ်ပြောဆိုပါတယ်။ Ref: BBC #VOM #voiceofmyanmar #ခါတွမ်