Month: September 2023

ဒေလီ၊ စက်တင်ဘာ-၂၂-၂၀၂၃ မျိုးဆက်(VOM) ကနေဒါနိုင်ငံမှာ ဆစ်ခ်ခွဲထွက်ရေးခေါင်းဆောင်တစ်ဦး အသတ်ခံရမှုနဲ့ ပတ်သက်ပြီး တင်းမာမှုတွေမြင့်တက်နေစဉ်မှာ ကနေဒါနိုင်ငံသားတွေအတွက် ဗီဇာထုတ်ပေးခြင်းကို အိန္ဒိယက စက်တင်ဘာ ၂၁ ရက်မှာ ရပ်ဆိုင်းလိုက်ပါတယ်။ အခုလို ဗီဇာထုတ်ပေးခြင်း ယာယီရပ်ဆိုင်းရတာဟာ ကနေဒါရှိ အိန္ဒိယသံရုံးရဲ့ လုပ်ငန်းဆောင်တာတွေကို လုံခြုံရေးဆိုင်ရာ ခြိမ်းခြောက်မှုတွေကြောင့်ဖြစ်ကြောင်း အိန္ဒိယဘက်က ထုတ်ပြန်ထားပါတယ်။ ဇွန် ၁၈ ရက်က ဖြစ်ပွားခဲ့တဲ့ ဆစ်ခ်ခေါင်းဆောင်သေဆုံးမှုမှာ နောက်ကွယ်ကနေ အိန္ဒိယနိုင်ငံ ပါဝင်ပတ်သက်နေနိုင်ကြောင်း ကနေဒါဝန်ကြီးချုပ် ထရူးဒိုးက ပြောဆိုပြီးနောက် နှစ်နိုင်ငံအကြား တင်းမာမှုများ မြင့်တက်နေခဲ့တာဖြစ်ပါတယ်။ အဲဒီစွပ်စွဲချက်ဟာ အိန္ဒိယနဲ့ ပြသနာဖြစ်ဖို့ မရည်ရွယ်ကြောင်း ၊ ဒါပေမယ့် တရားဥပဒေစိုးမိုးရေးနနဲ့ ကနေဒါနိုင်ငံသားတွေကို ကာကွယ်ပေးသွားမှာဖြစ်ကြောင်း ကနေဒါဝန်ကြီးချုပ်က စက်တင်ဘာ ၂၁ ရက်ှာ ပြောပါတယ်။ အိန္ဒိယနိုင်ငံကတော့ အဲဒီစွပ်စွဲချက်တွေဟာ အခြေအမြစ်မရှိဘူး ဒေါသတကြီး တုံ့ပြန်ခဲ့ပါတယ်။ အမေရိကန်ရဲ့ ကုန်သွယ်ရေးနဲ့…

မနီလာ ၊ စက်တင်ဘာ-၂၂-၂၀၂၃ မျိုးဆက်(VOM) ဖိလစ်ပိုင်နိုင်ငံ မြို့တော်မနီလာအနီး မီးတောင်တခု အသေးစားပေါက်ကွဲပြီး ဆာလဖာဒိုင်အောက်ဆိုက်နဲ့ မီးခိုးတွေထွက်ရှိနေတာကြောင့် မြို့ကြီးငါးမြို့ရှိ စာသင်ကျောင်းတွေကို ပိတ်ထားပြီး မြို့ငယ်ဒါဇင်များစွာ က ဒေသခံတွေကို အိမ်ထဲမှာနေကြဖို့ အမိန့်ထုတ်ထားပါတယ်။ တားလ်မီးတောင်မှ ချော်ရည်ပူတွေနဲ့ မီးခိုးတွေထွက်ရှိမှုအခြေအနေတွေကို ဆက်လက်စောင့်ကြည့်နေကြောင်း ပြည်နယ် မီးတောင်းနဲ့ မြေငလျင်စောင့်ကြည့်လေ့လာရေးဌာနက ထုတ်ပြန်ထားပါတယ်။ အဲဒီမီးတောင်ဟာ ဘာတန်ဂက်ပြည်နယ်မှာရှိပြီး ပေ ၁၀၂၀ အမြင့်ရှိကာ ဖိလစ်ပိုင်ရှိ မီးတောင် ၂၄ ခုအနက် လှုပ်ရှားမှုအရှိဆုံးမီးတောင်းထဲမှာ ပါဝင်နေပါတယ်။ ၂၀၂၀ ခုနှစ် ဇန်နဝါရီလကလည်း ပြာတွေနဲ့ မီးခိုးတွေတွေ ၉ ဒသမ ၃၂ မိုင်ထိ မှုတ်ထုတ်ခဲ့ပြီး လူတသိန်းကျော်ကို ဘေးလွတ်ရာသို့ ရေ့ွှ့ပြောင်းပေးခဲ့ရကာ မြို့တော်မနီလာထိ ပြာတွေကျရောက်မှုကြောင့် လေယာဉ်ခရီးစဉ် ဒါဇင်ပေါင်းများစွာကို ဖျက်သိမ်းခဲ့ရပါတယ်။ မီးတောင်းက ထွက်ရှိလာတဲ့ မီးခိုးမြူတွေကြောင့် ဘာတန်ဂက်ပြည်နယ်က ဒေသခံတွေမှာ…

လန်ဒန်၊ စက်တင်ဘာ-၂၂-၂၀၂၃ မျိုးဆက်(VOM) ရုရှားအတွက် စပိုင်လုပ်ကြောင်း သံသယရှိသူငါးယောက်ကို ဗြိတိန်အာဏာပိုင်တွေက တရားစွဲဆိုလိုက်ပြီး လာမယ့် အင်္ဂါနေ့မှာ ရုံးတင်စစ်ဆေးသွားမှာဖြစ်ပါတယ်။ သံသယရှိသူငါးယောက်ဟာ ဘူလ်ဂေးရီးယားနိုင်ငံသားတွေဖြစ်ကြပြီး ၂၀၂၀ ခုနှစ်သြဂုတ်လကနေ ၂၀၂၃ ခုနှစ် အတွင်း ရုရှားအတွက် အသုံးဝင်မယ့် ထောက်လှမ်းရေး သတင်းအချက်အလက်တွေကို စုဆောင်းဖို့ ပူးပေါင်းကြံစည်ခဲ့ကြောင်း စွပ်စွဲခံထားရပါတယ်။ သူတို့ငါးယောက်ဟာ ရုရှားထောက်လှမ်းအတွက် သူလျှိုဆဲလ်တခုမှာ အလုပ်လုပ်ခဲ့ကြပြီး အဲဒီလုပ်ငန်းစဉ်မှာ ပစ်မှတ်တွေကို စောင့်ကြည့်ထောက်လှမ်းခြင်းတွေပါဝင်ကြောင်း ဗြိတိန်အာဏာပိုင်တွေက စွပ်စွဲထားပါတယ်။ သံသယတရားခံတွေဟာ ဗြိတိန်နှဲ့ ဥရောပတို့မှာ စစ်ဆင်ရေးတွေကို တက်ကြွစွာလုပ်ဆောင်ခဲ့ကြပြီး ရုရှားအတွက် သတင်းအချက်အလက်တွေ စုဆောင်းခြင်းနဲ့ ပေးပို့ခြင်းများ ပြုလုပ်ခဲ့တယ်လို့ အာဏာပိုင်တွေက ဆိုပါတယ်။ သံသယရှိသူသုံးဦးနေထိုင်ရာကို ဝင်ရောက်စီးနှင်းရာမှာတော့ ဗြိတိန်၊ ဘူလ်ဂေးရီးယား၊ ပြင်သစ်၊ အီတလီ၊ စပိန်၊ခရိုအေးရှားနိုင်ငံကူးလက်မှတ်အတုတွေနဲ့ စာရွက်စာတမ်းများကိုအာဏာပိုင်များက တွေ့ရှိခဲ့ပါတယ်။ Ref: BBC Photo:Getty Images #voiceofmyanmar…

This Day in History Voice of Myanmar အငြင်းပွားဖွယ် ကက်ရှ်မီးယားအရေးနှင့်ပတ်သက်၍ အိန္ဒိယနှင့် ပါကစ္စတန်နိုင်ငံတို့အကြား ၁၉၆၅ ခုနှစ် စက်တင်ဘာ ၂၂ ရက်တွင် အပစ်အခတ်ရပ်စဲကြောင်း ကြေညာခဲ့သည်။ #voiceofmyanmar #VOM #ThisDayInHistory #September22nd

တီဟီရန်၊ စက်တင်ဘာ-၂၂-၂၀၂၃ မျိုးဆက်(VOM) အီရန်ပါလီမန်ဟာ ၀တ်စားဆင်ယင်မှုဆိုင်ရာ စည်းမျဉ်းတွေ ကိုချိုးဖောက်တဲ့ အမျိုးသမီးတွေကို ထောင်ဒဏ်နဲ့ ငွေဒဏ်တိုးမြှင့်တဲ့ အငြင်းပွားဖွယ်ဥပဒေ ဥပဒေကြမ်းတရပ်ကို အတည်ပြုလိုက်ပါတယ်။ အမျိုးသမီးတွေ မလျော်မကန်၀တ်စားဆင်ယင်မှုအတွက် ထောင်ဒဏ် ၁၀ နှစ်ကျခံရနိုင်တဲ့ ဥပဒေကို သုံးနှစ်ကြာ စမ်းသပ်ကျင့်သုံးဖို့ ပါလီမန်က သဘောတူခွင့်ပြုခဲ့ခြင်းဖြစ်ပြီး ဥပေဒအဖြစ် တရား၀င်သက်၀င်စေဖို့ အတွက် အီရန်ဥပဒေပြုကောင်စီက အတည်ပြုဖို့ လိုအပ်ပါတယ်။ လက်ရှိမှာ မလျော်မကန်၀တ်စားတဲ့ အမျိုးသမီးတွေကို ထောင်ဒဏ် ၁၀ ရက် သို့မဟုတ် နှစ်လအပြင် ဒဏ်ငွေရိုက်ခံရမှာဖြစ်ပြီး ပြစ်ဒဏ်တွေတိုးမြင့်တဲ့ ဥပဒေကြမ်းကို ပါလီမန်မှာ ထောက်ခံမဲ ၁၅၂ မဲ၊ ကန့်ကွက်မဲ ၃၄ မဲနဲ့ အတည်ပြုခဲ့တာဖြစ်ပါတယ်။ မလျော်မကန် ၀တ်ဆင်တယ်ဆိုကာ ဖမ်းဆီးထိန်းသိမ်းခံရစဉ် မာရှာအမ်မီနီ သေဆုံးမှုနဲ့ပတ်သက်ပြီး ဆန္ဒပြမှုတွေဖြစ်ပွားပြီးနောက် တနှစ်အကြာမှာ လက်ရှိ ဥပဒေပြဌာန်းချက် ထွက်ပေါ်လာခြင်းဖြစ်ပါတယ်။ အဲဒီအမျိုးသမီး သေဆုံးမကြောင့်…