Month: September 2023

မျိုးဆက်(VOM) စက်တင်ဘာ-၂၁-၂၀၂၃ ကမ္ဘာ့စစ်အင်အားကြီးနိုင်ငံတွေထဲက တနိုင်ငံဖြစ်တဲ့ တရုတ်နိုင်ငံဟာ သူ့ရဲ့ စစ်အင်အားကိုတိုးချဲ့နေသလို ခေတ်မီစစ်လက်နက်ကိရိယာတွေကို လျှို့ဝှက်စွာ အဆင့်မြှင့်တင်နေကြောင်း သတင်းတွေ မကြာခဏဆိုသလို ထွက်ပေါ်လာနေပါတယ်။ ဒါဟာ ဒေသတွင်းအပြင် နိုင်ငံတကာ တည်ငြိမ်ရေးကို ထိခိုက်စေကြောင်း အမေရိကန်က စွပ်စွဲမှုတွေရှိနေခဲ့ပြီး စစ်ရေးနဲ့လုံခြုံရေးကိစ္စတွေမှာ ပွင့်လင်းမြင်သာမှုမရှိခြင်းက နားလည်မှုလွဲတာနဲ့ အတွက်အချက်မှားယွင်းနိုင်တဲ့ အန္တရာယ်တွေရှိလာနိုင်ကြောင်း အမေရိကန်က ကြိမ်ဖန်များစွာ သတိပေးထားပါတယ်။ လက်ရှိချိန်ထိ တရုတ်နိုင်ငံဟာ ကမ္ဘာပေါ်မှာ စစ်ရေးအင်အားကြီး အဆင့်သုံးနေရာမှာ ရပ်တည်နေပြီး ၂၀၂၂ ခုနှစ်အတွင်းမှာ စစ်အသုံးစရိတ် ဒေါ်လာ ၂၀၉ ဒသမ ၄ ဘီလီယံထိ သုံးစွဲခဲ့တဲ့ နိုင်ငံဖြစ်ကာ လက်ရှိချိန်မှာ နျူကလီးယားလက်နက် ၃၅၀ ထိရှိကြောင်း သတင်းတွေ ထွက်ပေါ်နေပါတယ်။ ကြည်းတပ်မှာ တင့်ကားအစီးရေ ၅၀၀၀ ကျော်၊ သံချပ်ကာယာဉ် ၃၅၀၀ ကျော်၊ လေတပ်မှာတော့ စစ်လေယာဉ် ၃၂၀၀…

ကရာကတ်စ်၊ စက်တင်ဘာ-၂၁-၂၀၂၃ မျိုးဆက်(VOM) ဗင်နီဇွဲလားနိုင်ငံမှာ သြဇာကြီးရာဇဝတ်ဂိုဏ်းရဲ့ သိမ်းပိုက်ခြင်းခံထားရတဲ့ အကြီးဆုံးအကျဉ်းထောင်တွေထဲကတခုကို ပြန်လည်ထိန်းချုပ်ဖို့ အတွက် ဗင်နီဇွဲလားတပ်ဖွဲ့ဝင် တသောင်းတစ်ထောင်ကျော်ကို စေလွှတ်ခဲ့ရပါတယ်။ ဗင်နီဇွဲလားနိုင်ငံ နိုင်ငံမြောက်ပိုင်း တိုကိုရွန်အကျဉ်းထောင်ဟာ ထရန်ဒီအာရာဂွါဂိုဏ်းရဲ့ ထိန်ချုပ်မှုအောက်မှာ နှစ်အတော်ကြာ ရှိနေခဲ့ကြောင်း တာဝန်ရှိသူတွေကပြောပါတယ်။ အဲဒီဂိုဏ်းသားတွေဟာ ရေကူးကန်၊ နိုက်ကလပ်နဲ့ တိရိစ္ဆာန်ရုံအသေးစားတွေအပါအဝင် ဟိုတယ်လိုမျိုုဒ အဆောက်အအုံတွေပါရှိတဲ့ အကျဥ်းထောင်ဝန်းကျင်းမှာ လွတ်လပ်စွာ သွားလာနိုင်ခဲ့ကြောင်း ဒေသတွင်း သတင်းဌာနတွေက ဖော်ပြထားပါတယ်။ လွတ်လပ်စွာသွားလာနေထိုင်သူအများအပြားဟာ အခြားပြစ်ဒဏ်ကျအကျဉ်းသားတွေနဲ့ ပြစ်ဒဏ်အသီးသီးကျခံနေရသူတွေဖြစ်ပါတယ်။ အဲဒီအကျဉ်းထောင်ကနေ အကျဉ်းသား ၆၀၀၀ ကျော်ကို အခြားထောင်တွေဆီ ရွှေ့ပြောင်းပေးမယ်လို့ အာဏာပိုင်တွေကဆိုပါတယ်။ လက်ရှိမှာတော့ အကျဥ်းထောင်ကို ပြန်လည်ထိန်းချုပ်နိုင်ခဲ့ပြီး ရာဇဝတ်မှုဗဟိုချက်ကို ဖြိုခွင်းနိုင်ခဲ့ပြီဖြစ်ကြောင်း ဗင်နီဇွဲလား ပြည်ထဲရေးဝန်ကြီးဌာနက ထုတ်ပြန်ထားပါတယ်။ Ref:BBC #voiceofmyanmar #VOM #Venezuela #Battles #police #gangs

ဝါဆော၊ စက်တင်ဘာ-၂၁-၂၀၂၃ မျိုးဆက်(VOM) ယူကရိန်းအတွက် လက်နက်တွေထောက်ပံ့ပေးတော့မှာမဟုတ်ကြောင်း ယူကရိန်းမဟာမိတ်မိတ်ဖြစ်တဲ့ ပိုလန်က စက်တင်ဘာ ၂၁ ရက်မှာ ထုတ်ပြန်ကြေညာလိုက်ပါတယ်။ ယူကရိန်းကောက်ပဲသီးနှံတွေ တင်ပို့ရေးနဲ့ပတ်သက်ပြီး နှစ်နိုင်ငံအကြား တင်းမာမှုတွေ မြင့်တက်နေချိန်မှာ ပိုလန်ဝန်ကြီးချုပ် Mateusz Morawiecki က အခုလိုကြေညာလိုက်တာဖြစ်ပါတယ်။ အဲဒီလို ယူကရိန်းကို ထောက်ပံ့မယ့်အစား ပိုမိုခေတ်မီတဲ့လက်နက်တွေနဲ့ ကိုယ့်ကိုကိုယ်ခုခံကာကွယ်ဖို့ အာရုံစိုက်လုပ်ဆောင်သွားမှာဖြစ်ပြီး ပိုလန်ကိုခေတ်မီလက်နက်တွေ တပ်ဆင်နေတာကြောင့် ယူကရိန်းအတွက် ထောက်ပံ့နိုင်ခြင်းမရှိတော့ကြောင်း ပိုလန်ဝန်ကြီးချုပ်က ပြောပါတယ်။ ကုလသမဂ္ဂအထွေထွေညီလာခံမှာ ယူကရိန်းသမ္မတဇီလန်စကီး ပြောဆိုခဲ့တဲ့ ကောက်ပဲသီးနှံတင်ပို့ရေး မှတ်ချက်နဲ့ပတ်သက်ပြီး ပိုလန်ဟာ ယူကရိန်းသံအမတ်ကို အင်္ဂါနေ့က ဆင့်ခေါ်ခဲ့ပါတယ်။ ယူကရိန်းကို ရုရှားကကျူးကျော်ပြီးနောက် ယူကရိန်းရဲ့ ပို့ကုန်တွေဟာ ပင်လယ်နက်လမ်းကြောင်းတွေအားလုံး ပိတ်ဆို့ခံခဲ့ရတာကြောင့် အခြားကုန်းတွင်းလမ်းကြောင်းတွေကိုသာ ယူကရိန်းက ရှာဖွေနေရပါတယ်။ ဒါကြောင့် ယူကရိန်းကောက်ပဲသီးနှံဈေးကျမှာကို စိုးရိမ်နေတဲ့ ဒေသခံလယ်သမားတွေကို ကာကွယ်ဖို့အတွက် ဥရောပသမဂ္ဂဟာ ဘူလ်ဂေးရီးယား၊ ဟန်ဂေရီ၊ ပိုလန်၊…

This Day in Histroy Voice of Myanmar ဖိလစ်ပိုင်နိုင်ငံတွင် ဗုံးခွဲတိုက်ခိုက်မှုနှင့် အကြမ်းဖက်တိုက်ခိုက်မှုများ ဆက်တိုက်ဖြစ်ပွားပြီးနောက် သမ္မတဖာဒီနန်မားကို့စ်၏ ဖိလစ်ပိုင်အစိုးရသည် ၁၉၇၂ ခုနှစ် စက်တင်ဘာ ၂၁ ရက်တွင် စစ်အုပ်ချုပ်ရေး အမိန့် ထုတ်ပြန်ခဲ့သည်။ #voiceofmyanmar #VOM #ThisDayInHistory #September21

မော်စကို ၊ စက်တင်ဘာ-၂၁-၂၀၂၃ မျိုးဆက်(VOM) ရုရှားသမ္မတပူတင်ဟာ လာမယ့်လအတွင်း တရုတ်နိုင်ငံကို သွားရောက်မယ်လို့ တရုတ်နိုင်ငံခြားရေးဝန်ကြီး ဝမ်ယီနဲ့ ရုရှားနိုင်ငံ စိန့်ပီတာစဘတ်မြို့မှာ တွေ့ဆုံစဉ် ထုတ်ဖော်ပြောဆိုလိုက်ပါတယ်။ အောက်တိုဘာလမှာ တရုတ်နိုင်ငံကိုလာရောက်ဖို့ တရုတ်သမ္မတရှီကျင်းပင်းရဲ့ ဖိတ်ကြားချက်ကို လက်ခံကြောင်း၊ ပိုးလမ်းမသစ်စီမံကိန်းနိုင်ငံတကာ ပူးပေါင်းဆောင်ရွက်မှု ဖိုရမ်နဲ့တိုက်ဆိုင်ပြီး တရုတ်ကိုသွားမှာဖြစ်ကြောင်းပူတင်ကပြောပါတယ်။ တရုတ်သမ္မတရှီကျင်းပင်ဟာ ပြီးခဲ့တဲ့မတ်လအတွင်းက ရုရှားကိုသွားရောက်ခဲ့ပြီး ပိုးလမ်းမသစ်စီမံကိန်းဆိုင်ရာ ဖိုရမ်မှာပါဝင်ဖို့ ပူတင်ကို ဖိတ်ကြားခဲ့တာဖြစ်ပြီး နှစ်နိုင်ငံ ထိပ်သီးဆွေးနွေးပွဲကျင်းပသွားဖွယ်ရှိနေပါတယ်။ တကယ်လို့ ပူတင်ရဲ့တရုတ်ခရီးစဉ် သွားရောက်ဖြစ်ခဲ့မယ်ဆိုရင် ဒါဟာ ယူကရိန်းကို ရုရှားက ကျူးကျော်တိုက်ခိုက်ပြီးနောက် ပူတင်ရဲ့ ပထမဆုံးသော တရုတ်ခရီးစဉ်ဖြစ်ပါတယ်။ ယူကရိန်းအရေးကြောင့် အနောက်အုပ်စုနိုင်ငံတွေနဲ့ သဘောထားကွဲလွဲမှုတွေ ပြင်းထန်နေချိန်မှာ ရုရှားသမ္မတပူတင်ဟာ တရုတ်နဲ့ဆက်ဆံရေးခိုင်မာအောင်လုပ်ဖို့ ရည်ရွယ်နေကြောင်း နိုင်ငံရေးအကဲခတ်တွေက သုံးသပ်ပြောဆိုထားပါတယ်။ Ref: NHK #voiceofmyanmar #VOM #RussianPresident #Putin #visitChina #inoctoberwewearpink