Month: September 2023

လန်ဒန်၊ စက်တင်ဘာ-၁၅-၂၀၂၃ မျိုးဆက်(VOM) ရုရှားအတွက် မောင်းသူမဲ့လေယာဉ်တွေနဲ့ ဒုံးကျည်တွေကို ရောင်းချဖို့ကြိုပမ်းမှုကို ဟန့်တားမှုအဖြစ် ဗြိတိန်၊ ပြင်သစ်၊ ဂျာမနီတို့ဟာ အီရန်အပေါ် အရေးယူပိတ်ဆို့မှုတွေ ဆက်လက်ထားရှိမှာဖြစ်ကြောင်း ထုတ်ပြန်ကြေညာလိုက်ပါတယ်။ ၂၀၁၅ အီရန်နျူကလီးယားသဘောတူစာချုပ်မှာ ရရှိခဲ့တဲ့ သဘောတူညီချက်တွေအရ အီရန်အပေါ်ချမှတ်ထားတဲ့ အရေးယူပိတ်ဆို့မှုအချို့ကို လာမယ့်လမှာ ဖယ်ရှားပေးရမှာဖြစ်ပါတယ်။ အရေးယူပိတ်ဆို့မှုတွေဆက်လက်ထားရှိဖို့ လုပ်ဆောင်ခြင်းဟာ တရားမဝင်ဖြစ်ပြီး ရန်စတဲ့ လုပ်ရပ်ဖြစ်ကြောင်း အီရန်က ဝေဖန်ပြောဆိုထားပါတယ်။ အချို့သော အရေးယူပိတ်ဆို့မှုတွေဟာ အီရန်ရဲ့ ပဲ့ထိန်းဒုံးကျည်တွေနဲ့ မောင်းသူမဲ့လေယာဉ်တွေ ထုတ်လုပ်တင်ပို့ရောင်းချခြင်းကို ရပ်တန့်စေမှာဖြစ်ပါတယ်။ ဒါပေမယ့် အီရန်ဟာ သန့်စင်ပြီးယူရေနီယံသိုလှောင်ခြင်းနဲ့ ၂၀၁၅ နျူကလီယားစာချုပ်ပါ သဘောတူညီချက်တွေကို ချိုးဖောက်နေကြောင်း ဥရောပနိုင်ငံတွေက ယုံကြည်နေကြပါတယ်။ ၂၀၁၅ နျူကလီးယားသဘောတူစာချုပ်အရ အီရန်ဟာသူ့ရဲ့နျူုကလီးယားအစီအစဉ်တွေကို စည်းကမ်းချက်အရ ကန့်သတ်ခံခဲ့ရပြီး အပြန်အလှန်အားဖြင့် ချမှတ်ထားတဲ့ အရေးယူပိတ်ဆို့မှုအချို့ကို ဖြေလျော့ပေးဖို့ သဘောတူခဲ့ကြပါတယ်။ Ref:BBC Photo:AP #voiceofmyanmar #VOM…

ဝါရှင်တန်၊ စက်တင်ဘာ-၁၅-၂၀၂၃ မျိုးဆက်(VOM) တရုတ်ကာကွယ်ရေးဝန်ကြီး လီရှန်ဖူဟာ ရာထုူးကနေထုတ်ပယ်ခံရပြီး စုံးစမ်းစစ်ဆေးမှုခံယူနေရတယ်လို့ အမေရိကန်က ယုံကြည်နေကြောင်း ဖိုင်နယ်ရှယ်တိုင်းမ်သတင်းစာက ရေးသားဖော်ပြထားပါတယ်။ ကာကွယ်ရေးဝန်ကြီး လီရှန်ဖူဟာ သြဂုတ် ၂၉ရက်က ပေကျင်းမှာ ကျင်းပတဲ့ တရုတ်-အာဖရိက ငြိမ်းချမ်းရေးနဲ့ လုံခြုံရေးဆွေးနွေးပွဲမှာ မိန့်ခွန်းပြောကြားပြီးနောက်ပိုင်း လူမြင်ကွင်းကနေ ပျောက်ကွယ်နေခဲ့တာဖြစ်ပါတယ်။ သူဟာ ရာထူးတာဝန်ကနေ ရုပ်သိမ်းခံရပြီး စုံစမ်းစစ်ဆေးမှုခံနေရတယ်လို့ အမေရိကန်က ကောက်ချက်ချ ခဲ့ကြောင်း အမေရိကန် တာဝန်ရှိသူတွေနဲ့ အခြားသတင်းရင်းမြစ်တွေကို ကိုးကားပြီး ဖိုင်နယ်ရှယ်တိုင်းမ်သတင်းစာကဖော်ပြထားပါတယ်။ လီဟာ မတ်လမှာ တရုတ်ကာကွယ်ရေးဝန်ကြီးအဖြစ် ခန့်အပ်ခံခဲ့ရပြီး တရုတ်နိုင်ငံရဲ့ လူလိုက်ပါတဲ့ အာကာသယာဉ်လွှတ်တင်မှု စီမံကိန်းနဲ့ တရုတ်နိုင်ငံအတွက် စစ်လက်နက်ပစ္စည်း ဝယ်ယူရေးတို့မှာ တာဝန်ယူခဲ့ပါတယ်။ တရုတ်နိုင်ငံခြားရေးဝန်ကြီးချင်ဂန်းဟာ လည်း ရာထူးခန့်အပ်ခံရပြီးနောက် ခြောက်လအကြာ ဇူလိုင်လမှာ ရာထူးမှထုတ်ပယ်ခံခဲ့ရပြီး လက်ရှိမှာတော့ သူဘယ်မှာရှိတယ်ဆိုတာနဲ့ ပတ်သက်ပြီး သတင်းထွက်ပေါ်လာခြင်းမရှိပါဘူး။ Ref: NHK Photo:AFP…

This Day in History Voice of Myanmar ကိုရီးယားစစ်ပွဲအတွင်း မြောက်ကိုရီးယား၏ ကျူးကျော်မှုခံနေရသည့် တောင်ကိုရီးယားနိုင်ငံ အင်ခွျှန်းသို့ ၁၉၅၀ ခုနှစ် စက်တင်ဘာ ၁၅ ရက်တွင် ကုလသမဂ္ဂတပ်ဖွဲ့ဝင်များ ရောက်ရှိခဲ့သည်။ #voiceofmyanmar #VOM #ThisDayInHistory #September15th