Day: November 23, 2023

  ပေကျင်း၊ နိုဝင်ဘာ-၂၃-၂၀၂၃ မျိုးဆက်(VOM) တရုတ်နိုင်ငံမြောက်ပိုင်းမှာ ကလေးငယ်တွေကြားပျံ့နှံ့နေတဲ့ အမည်မသိအဆုတ်ရောင်ရောဂါ အစုလိုက်အပြုံလိုက် ကူးစက်နေတာနဲ့ပတ်သက်ပြီး နောက်ထပ်အချက်အလက်တွေ ပိုမိုပေးအပ်ဖို့ ကမ္ဘာ့ကျန်းမာရေးအဖွဲ့ (WHO)က တရုတ်နိုင်ငံကို တောင်းဆိုလိုက်ပါတယ်။ တရုတ်နိုင်ငံတဝန်းရှိ ကလေးဆေးရုံတွေမှာ ဖျားနာနေတဲ့ ကလေးငယ်တွေနဲ့ ပြည့်နှက်နေကြောင်း အစိုးရမဟုတ်တဲ့ သတင်းဌာနတွေက ရေးသားဖော်ပြထားပါတယ်။ ယခုဆောင်းရာသီမှာ တုပ်ကွေးလိုမျိုး အဖျားအနာတွေတိုးလာတာဟာ ကိုဗစ်အစီအမံတွေကို ရုပ်သိမ်းလိုက်တာကြောင့်လို့ တရုတ်အာဏာပိုင်တွေက သတ်မှတ်ထားပါတယ်။ လက်ရှိဖြစ်ပွားနေတဲ့ အဖျားရောဂါနဲ့ပတ်သက်ပြီး လူတွေကို ကူးစက်မှုလျှော့ချနိုင်ရေး အစီအမံတွေ ဆောင်ရွက်ဖို့ ကမ္ဘာ့ကျန်းမာရေးအဖွဲ့က တရုတ်နိုင်ငံကို တိုက်တွန်းထားပါတယ်။ အောက်တိုဘာလမှစပြီး တရုတ်နိုင်ငံမြောက်ပိုင်းမှာ လွန်ခဲ့တဲ့သုံးနှစ် အလားတူကာလနဲ့နှိုင်းယှဉ်မယ်ဆိုရင် တုပ်ကွေးရောဂါလို ဖျားနာမှုတွေ တိုးလာကြောင်း ကမ္ဘာလုံးဆိုင်ရာ ကူးစက်ရောဂါဖြစ်ပွားမှု စောင့်ကြည့်ရေးအဖွဲ့က ProMed ကထုတ်ပြန်တဲ့အစီရင်ခံစာမှာ ဖော်ပြထားပါတယ်။ သတင်းမီဒီယာတွေနဲ့ ထုတ်ပြန်ထားတဲ့ တရုတ်နိုင်ငံမြောက်ပိုင်းမှာ ရောဂါအမည်မသိသေးတဲ့ အဆုတ်ရောင်ရောဂါ အစုလိုက်အပြုံလိုက် ကူးစက်မှုဖြစ်ပွားနေတာနဲ့ပတ်သက်ပြီး တရုတ်နိုင်ငံဆီက…

  တဲလ်အဗစ်၊ နိုဝင်ဘာ-၂၃-၂၀၂၃ မျိုးဆက်(VOM) ဂါဇာမှာဖမ်းဆီးထားတဲ့ အစ္စရေးဓါးစာခံတွေကို သောကြာနေ့မတိုင်ခင်ထိ ဟားမတ်စ်တို့က လွှတ်ပေးမှာမဟုတ်ကြောင်း အစ္စရေးအစိုးရတာဝန်ရှိသူတယောက် ပြောပါတယ်။ နိုဝင်ဘာ ၂၃ ရက် ကြာသပတေးနေ့ကစပြီး တိုက်ပွဲတွေကို ခေတ္တရပ်နားဖို့ မျှော်လင့်ထားပေမယ့် အစ္စရေးအစိုးရ သတင်းရင်းမြစ်တယောက်ကတော့ ဒီကိစ္စနှောင့်နှေးနေသေးတယ်လို့ ဆိုပါတယ်။ ကြာသပတေးနေ့မှာ ပထမဆုံသော ဓါးစာခံတွေ လွတ်မြောက်လာဖို့မျှော်လင့်ထားတယ်လို့ အစ္စရေးဝန်ကြီးချုပ် နေတန်ယာဟုက အစောပိုင်းမှာ ထုတ်ဖော်ပြောဆိုထားပါတယ်။ နှစ်ဘက်အကြား သဘောတူညီချက်အရ ဟားမတ်စ်တွေဟာ ဖမ်းဆီးထားတဲ့ အစ္စရေးဓါးစာခံတွေထဲက အယောက် ၅၀ ကိုပြန်လွှတ်ပေးမှာဖြစ်ပြီး အပြန်အလှန်အားဖြင့် အစ္စရေးအကျဉ်းထောင်တွေမှာ ထိန်းသိမ်းထားတဲ့ ပါလက်စတိုင်း ၁၅၀ ကိုလည်း အစ္စရေးက ပြန်လွှတ်ပေးမှာဖြစ်ပါတယ်။ ဒါပေမယ့်လည်း အစ္စရေးဟာ ဂါဇာကမ်းမြှောင်ဒေသမှာ မြေပြင်နဲ့ ဝေဟင်ထိုးစစ်တွေကို ဆက်လက်လုပ်ဆောင်နေပြီး ဟားမတ်စ်တွေကို အလုံးစုံချေမှုန်းမယ်လို့ အစ္စရေးဝန်ကြီးချုပ် နေတန်ယာဟုက ကတိပြုပြောဆိုထားပါတယ်။ အစ္စရေး-ဟားမတ်စ ပဋိပက္ခစတင်ချိန်ကစပြီး အစ္စရေးမှာ…

  ပြုံးယမ်း၊ နိုဝင်ဘာ-၂၃-၂၀၂၃ မျိုးဆက်(VOM) မြောက်ကိုရီးယားနဲ့ တောင်ကိုရီးယားတို့အကြား စစ်ရေးတင်းမာမှုတွေကို လျှော့ချဖို့ရည်ရွယ်ထားတဲ့ ငါးနှစ်သက်တမ်းရှိ စစ်ရေးသဘောတူစာချုပ်ကို မြောက်ကိုရီးယားက အပြည့်အဝရုပ်သိမ်းလိုက်ပြီး နှစ်နိုင်ငံအကြား တင်းမာမှုတွေမြင့်တက်နေပါတယ်။ မြောက်ကိုရီးယားဟာ နိုဝင်ဘာ ၂၁ ရက်မှာ အာကာသထဲကို စစ်ထောက်လှမ်းရေးဂြိုဟ်တုကို အောင်မြင်စွာ လွှတ်တင်နိုင်ခဲ့ပြီးနောက် တောင်ကိုရီးယားက နယ်စပ်တလျှောက်မှာ ထောက်လှမ်းရေးလေယာဉ်တွေကို ဖြန့်ကြက်မှုတွေကိုပြန်လည်စတင်မယ်လို့ ပြောကြားခဲ့ဲပြီး နှစ်နိုင်ငံကြား စစ်ရေးသဘောတူညီချက်ကို ဆိုင်းငံ့ထားခဲ့သည်။ အဲဒီနောက်မှာတော့ မြောက်ကိုရီးယားဟာ စစ်ရေးသဘောတူညီချက်ကို အပြည့်အဝရပ်ဆိုင်းလိုက်ပြီး နယ်စပ်ကို တပ်ဖွဲ့ဝင်အများပြားနဲ့ လက်နက်တွေ ဖြန့်ကြက်မယ်လို့ ကတိပြုပြောဆိုလိုက်ပါတယ်။ လက်ရှိမှာတော့ မြောက်ကိုရီးယားစစ်တပ်ဟာ စက်တင်ဘာ ၁၉ တောင်-မြောက်စစ်ရေးသဘောတူညီချက်အရ ဘယ်လိုစည်းနှောင်မှုမျိုးမှ မရှိတော့ကြောင်း မြောက်ကိုရီးယားက ထုတ်ပြန်ထားပါတယ်။ မြေပြင် ဝေဟင် နဲ့ ရေပြင် အပါဝင် နယ်ပယ်အားလုံးမှာ စစ်ရေးပဋိပက္ခတွေကို တားဆီးဖို့လုပ်ဆောင်တဲ့ အစီအမံတွေအားလုံးကို ရုပ်သိမ်းပြီး နယ်စပ်ဒေသမှာ ပိုမိုအားကောင်းတဲ့…