Day: January 9, 2024

  ပေကျင်း၊ ဇန်နဝါရီ-၉-၂၀၂၄ မျိုးဆက်(VOM) ဗြိတိန်ရဲ့ နိုင်ငံခြားထောက်လှမ်းရေးဌာန MI6 သူလျှိုလို့ စွပ်စွဲခံရတဲ့တယောက်ကို တရုတ်အာဏာပိုင်တွေက ဖမ်းဆီးထိန်းသိမ်းလိုက်ပါတယ်။ သူဟာ နိုင်ငံခြားသားတယောက်ဖြစ်ပြီး တရုတ်နိုင်ငံမှာ သတင်းအချက်အလက်တွေ ရယူစုဆောင်းဖို့ ထောက်လှမ်းနေကြောင်း တရုတ်နိုင်ငံ နိုင်ငံတော်လုံခြုံရေးဝန်ကြီးဌာနက(အမ်အက်စ်အက်စ်) က ပြောပါတယ်။ ဒီလိုဖမ်းဆီးမှုဟာ နိုင်ငံခြားသူလျှိုတွေကို နှိမ်နှင်းတဲ့ တရုတ်နိုင်ငံရဲ့ စစ်ဆင်ရေးတခုအတွင်းမှာ နောက်ဆုံးဖမ်းဆီးခဲ့တဲ့ ပြည်ပထောက်လှမ်းရေးတယောက်ဖြစ်ပြီး ဗြိတိန်အစိုးရကတော့ စွပ်စွဲချက်တွေနဲ့ပတ်သက်ပြီး မှတ်ချက်ပြုပြောဆိုတာမျိုးမရှိသေးပါဘူး။ သူလျှိုလို့ စွပ်စွဲခံရသူဟာ ဟွမ်လို့ အမည်ရပြီး တတိယနိုင်ငံမှ လာရောက်သူဖြစ်ကာ ဖမ်းဆီးခံခဲ့ပေမယ့် ဘယ်နိုင်ငံသားလည်းဆိုတာကို တရုတ်အာဏာပိုင်တွေက ထုတ်ဖော်ပြောကြားခြင်းမရှိသေးပါဘူး။ တရုတ်နိုင်ငံဟာ နိုင်ငံခြားသူလျှိုလုပ်မှုတွေနဲ့ပတ်သက်ပြီး သတိပြုမိစေဖို့ လူထုလှုပ်ရှားမှုတွေကိုလည်းလုပ်ဆောင်ခဲ့ပြီး မသင်္ကာဖွယ်ရာတွေတွေ့ရှိပါက သတင်းပေးကြဖို့ ပြည်သူတွေကို တိုက်တွန်းနှိုးဆော်ထားပါတယ်။ Ref:BBC Photo:Getty Images

  ဆိုးလ်၊ ဇန်နဝါရီ-၉-၂၀၂၄ မျိုးဆက်(VOM) တောင်ကိုရီးယားနိုင်ငံမှာ ခွေးသားအတွက် ခွေးတွေကိုသတ်ဖြတ်ရောင်းချတာကို ၂၀၂၇ ခုနှစ်မှာ အဆုံးသတ်မယ့် ဥပဒေတရပ်ကို ဇန်နဝါရီ ၉ ရက်မှာ အတည်ပြုလိုက်ပါတယ်။ အဲဒီဥပဒေဟာ နိုင်ငံတွင်းမှာ ရာစုနှစ်များစွာကြာ ခွေးသားစားတဲ့ အလေ့အထကို အဆုံးသတ်ဖို့ ရည်ရွယ်တာဖြစ်ပါတယ်။ ခွေးသားစားတဲ့ အလေ့အထဟာ ပြီးခဲ့တဲ့ ဆယ်စုနှစ်အနည်းငယ်အတွင်း ကျဆင်းသွားခဲ့ပြီး အထူးသဖြင့် လူငယ်တွေက ရှောင်ရှားလာကြပါတယ်။ လက်ရှိပြဌာန်းလိုက်တဲ့ ဥပဒေအရ ခွေးသားဖြန့်ဖြူးရောင်းချတာလိုမျိုး ခွေးသားအတွက် ခွေးတွေကို မွေးမြူတာနဲ့ သတ်ဖြတ်တာတွေကို တားမြစ်ထားပြီး ကျူးလွန်သူတွေကို ထောင်ချအပြစ်ပေးနိုင်ပါတယ်။ အသားအလို့ငှာ ခွေးသတ်သူတွေအနေနဲ့ ထောင်သုံးနှစ်ထိ ကျခံရနိုင်ပြီး ရောင်းချသူတွေကတော့ ထောင်နှစ်နှစ်ကျခံရနိုင်ပါတယ်။ ခွေးမွေးတဲ့ လယ်သမားတွေနဲ့ စားသောက်ဆိုင်ပိုင်ရှင်တွေရဲ့ အလုပ်အကိုင်နဲ့ ဝင်ငွေအတွက် အခြားရွေးချယ်မှုတွေပြုလုပ်ဖို့ ပြင်ဆင်ချိန်အတွက် ဥပဒေဟာ လာမယ့် သုံးနှစ်ကစပြီး သက်ဝင်မှာဖြစ်ပါတယ်။ အစိုးရအနေနဲ့ ခွေးသတ်ပြီးရောင်းချသူတွေနဲ့ ခွေးသားရောင်းတဲ့…

  လန်ဒန်၊ ဇန်နဝါရီ-၉-၂၀၂၄ မျိုးဆက်(VOM) ပြီးခဲ့တဲ့ ၂၀၂၃ ခုနှစ်မှာ ဖောက်ခွဲရေးပစ္စည်းတွေကြောင့် အရပ်သားတွေ ထိခိုက်မှုနဲ့ သေဆုံးမှုဟာ ဆယ်စုနှစ်တခုအတွင်း အမြင့်ဆုံးဖြစ်ကြောင်း သုတေသန အစီရင်ခံစာသစ်တခုမှာ ဖော်ပြထားပါတယ်။ ဗြိတိန်အခြေစိုက် လက်နက်ကိုင်အကြမ်းဖက်မှုစောင့်ကြည့်ရေးအဖွဲ့ (AOAV) ရဲ့ အစီရင်ခံစာမှာတော့ ၂၀၂၃ ခုနှစ်အတွင်း ဖောက်ခွဲရေးပစ္စည်းတွေကြောင့် အရပ်သားသေဆုံးမှုဟာ ၁၂၂ ရာခိုင်နှုန်းထိ တိုးလာတယ်လို့ ဆိုပါတယ်။ ဒီလိုမြင့်တက်လာတဲ့ အကြောင်းရင်းတွေထဲမှာ ဂါဇာမှာဖြစ်ပွားနေတဲ့ အစ္စရေး-ဟားမတ်စ် စစ်ပွဲအပြင် ယူကရိန်း၊ ဆူဒန်၊ မြန်မာနဲ့ ဆိုမာလီယာတို့မှာဖြစ်ပွားနေတဲ့ ပဋိပက္ခတွေကြောင့်လည်း ပါဝင်ပါတယ်။ လက်နက်ကိုင်အကြမ်းဖက်မှုစောင့်ကြည့်ရေးအဖွဲ့ (AOAV)ဟာ ကမ္ဘာတဝန်းမှာ ၂၀၂၃ ခုနှစ်အတွင်း ပေါက်ကွဲမှုတွေနဲ့ပတ်သက်တဲ့ ဖြစ်ရပ်ပေါင်း ၇၃၀၇ ခုထက်မနည်းကို ဖော်ထုတ်နိုင်ခဲ့ပြီး ဒါဟာပြီးခဲ့တဲ့နှစ်က ၄၃၂၂ ဖြစ်ပွားခဲ့တာထက် ပိုမိုများပြားနေပါတယ်။ အဲလိုပေါက်ကွဲမှုတွေကြောင့် အရပ်သား ၁၅၃၀၅ ယောက်ထက်မနည်းသေဆုံးခဲ့ပြီး သောင်းနဲ့ချီဒဏ်ရာရရှိခဲ့ကာ ၂၀၂၂…

Voice of Myanmar ဂါဇာကမ်းမြှောင်ဒေသတွင် ဖြစ်ပွားနေသော အစ္စရေးနှင့် ဟားမတ်စ်တို့အကြား တိုက်ပွဲများကို ချက်ချင်းအပစ်အခတ်ရပ်စဲရန် တိုက်တွန်းသည့် ဆုံးဖြတ်ချက်တရပ်ကို ကုလသမဂ္ဂလုံခြုံရေးကောင်စီက ၂၀၀၉ ခုနှစ် ဇန်နဝါရီ ၉ ရက်တွင် မဲခွဲအတည်ပြုခဲ့သည်။