Day: February 12, 2024

  တဲလ်အဗစ်၊ ဖေဖော်ဝါရီ-၁၂-၂၀၂၄ မျိုးဆက်(VOM) ဂါဇာကမ်းမြှောင် တောင်ပိုင်းရှိ ဟားမတ်စ်တို့ရဲ့ အမာခံစခန်းတခုရှိတဲ့ ရာဖာမြို့ကို မြေပြင်ထိုးစစ်ဆင်ဖို့ ပြင်ဆင်နေကြောင်း အစ္စရေးဝန်ကြီးချုပ် ဘန်ဂျမင်နေတန်ယာဟုဟာ ထုတ်ဖော်ပြောဆိုလိုက်ပါတယ်။ ရာဖာမြို့ဟာ ဟားမတ်စ်တွေရဲ့ နောက်ဆုံးခံတပ်ဖြစ်ပြီး ဒီမြို့ကို ဝင်ရောက်တိုက်ခိုက်မှုနဲ့ပတ်သက်ပြီး စောဒကတက် အငြင်းပွားနေတာတွေဟာ အခြေခံအားဖြင့် စစ်ပွဲရှုံးနိမ့်မယ့်ကိစ္စဖြစ်တယ်လို့ အေဘီစီ သတင်းဌာနနဲ့ တွေ့ဆုံမေးမြန်းခန်းမှာ ပြောပါတယ်။ ဒါပေမယ့်လည်း ရာဖာမှာရှိတဲ အရပ်သားတွေ ဘေးကင်းရေးကို နေတန်ယာဟုက ကတိပြုထားပါတယ်။ မြေပြင်ထိုးစစ်မစမီ အရပ်သားတွေကို ဘေးလွတ်ရာ ကယ်ထုတ်ဖို့ ပြင်ဆင်ထားရန် အစ္စရေးစစ်တပ်ကို သူက ညွှန်ကြားထားပါတယ်။ အစ္စရေးရဲ့ တိုက်ခိုက်မှုကြောင့် ဂါဇာမြောက်ပိုင်းနဲ့ အလယ်ပိုင်းက ဒေသခံတွေ ထွက်ပြေးပြီးနောက် ရာဖာမြို့ဟာ လူဦးရေတသန်းကျော် ခိုလှုံနေထိုင်နေပြီး အစ္စရေးရဲ့ထိုးစစ်ကြောင့် အရပ်သားသေဆုံးမှု မြင့်တက်လာမှာကို နိုင်ငံတကာက စိုးရိမ်နေကြပါတယ်။ ရာဖာမြို့ ဆင်ခြေဖုံးမှာ ပြီးခဲ့တဲ့နေ့က အစ္စရေးရဲ့ လေကြောင်းတိုက်ခိုက်မှုကြောင့်…

  ဒိုဟာ၊ ဖေဖော်ဝါရီ-၁၂-၂၀၂၄ မျိုးဆက်(VOM) အိန္ဒိယရေတပ် အရာရှိဟောင်း ရှစ်ယောက်ကို ကာတာနိုင်ငံတရားရုံးက သေဒဏ်ချမှတ်ထားရာမှ ပြန်လွှတ်ပေးခဲ့ကြောင်း တာဝန်ရှိသူတွေက ပြောပါတယ်။ သူတို့ထဲက ခုနှစ်ယောက်ဟာ အိန္ဒိယကို ပြန်ရောက်နေပြီဖြစ်တယ်လို့ အိန္ဒိယနိုင်ငံခြားရေးဝန်ကြီးဌာနက ဖေဖော်ဝါရီ ၁၂ ရက် ဒီနေ့မှ ထုတ်ပြန်ထားပါတယ်။ သူတို့ရှစ်ယောက်ကို သေဒဏ်ချမှတ်ခဲ့ပြီးနောက် ပြီးခဲ့တဲ့လမှာ သေဒဏ်ကနေ နှစ်ရှည်ထောင်ဒဏ်လျှော့ပေါ့ပေးပြီးနောက် အခုလို လွှတ်ပေးလိုက်တာဖြစ်ပါတယ်။ သူတို့အပေါ် စွဲချက်တွေကိုတော့ အိန္ဒိယနဲ့ ကာတာတို့က ထုတ်ဖော်ပြောဆိုခြင်းမရှိပါဘူး။ သူတို့ရှစ်ယောက်ဟာ ၂၀၂၂ ခုနှစ်မှာ ဖမ်းဆီးခံရတာဖြစ်ပြီး ဒါပေမယ့် ဖိုင်နယ်ရှယ်တိုင်းမ်နဲ့ ရိုက်တာသတင်းဌာနတို့ရဲ့အဆိုအရ အစ္စရေးအတွက် သူလျှိုလုပ်ခဲ့တာကြောင့်လို့ ဖော်ပြထားပါတယ်။ အိန္ဒိယနိုင်ငံခြားရေးဝန်ကြီးဌာနဟာ သူတို့ရဲ့ ပြစ်ဒဏ်တွေနဲ့ပတ်သက်ပြီး အယူခံဝင်ခဲ့ပြီးနောက် အခုလို လွတ်မြောက်လာတာဖြစ်ပါတယ်။ အိန္ဒိယနဲ့ ကာတာနိုင်ငံတို့ဟာ ရင်းနှီးတဲ့ မဟာမိတ်တွေဖြစ်ပြီး အိန္ဒိယဟာ ၂၀၄၈ ခုနှစ်ထိ ကာတာဆီကနေ သဘာဝဓါတ်ငွေ့တင်သွင်းဖို့ ဒေါ်လာ…

ဝါရှင်တန်၊ ဖေဖော်ဝါရီ-၁၂ မျိုးဆက်(VOM) အမေရိကန် ကာကွယ်ရေးဝန်ကြီး လွိုက်အော်စတင်ဟာ ဆီးအိမ်ပြသနာနဲ့ပတ်သက်ပြီး ကုသမှုခံယူဖို့ ဆေးရုံပြန်တက်နေရတယ်လို့ ပင်တဂွန်စစ်ဌာနချုပ်က ထုတ်ပြန်ကြေညာပါတယ်။ လွိုက်အော်စတင်ဟာ ဖေဖော်ဝါရီ ၁၁ ရက် ဒေသစံတော်ချိန် ညနေ ၄ နာရီ ၅၅ မိနစ်မှာ ကာကွယ်ရေးဝန်ကြီးဌာနရဲ့ လုပ်ငန်းဆောင်တာတွေကို လက်ထောက်ကာကွယ်ရေးဝန်ကြီး ကက်သလင်းဟင့်ခ်ကို လွှဲပြောင်းပေးခဲ့တယ်လို့ ပင်တဂွန်က ထုတ်ပြန်ထားပါတယ်။ မစ္စတာ အော်စတင်ဟာ ပြီးခဲ့တဲ့ဒီဇင်ဘာလကတည်း ဆေးရုံလျှို့ဝှက်တက်ခဲ့တာကြောင့် တောင်းပန်ခဲ့ပြီးနောက် တလမပြည့်မီမှာ အခုလိုဆေးရုံတက်ရတာဖြစ်ပါတယ်။ အသက် ၇၀ အရွယ် အော်စတင်ဟာ ဆီးအိမ်ပြသနာကို ညွှန်ပြတဲ့ ရောဂါလက္ခဏာတွေ တွေ့ရှိတာကြောင့် ဝါရှင်တန်အနောက်မြောက်ဘက်ရှိ ဆေးရုံတရုံကို ပို့ဆောင်ခဲ့ရပါတယ်။ သူဟာ ပြီးခဲ့တဲ့နှစ်နှောင်းပိုင်းကလည်း ဆီးကျိတ်ကင်ဆာကို ခွဲစိတ်ခဲ့ရပါသေးတယ်။ အော်စတင်ဟာ ဒီဇင်ဘာလအတွင်းက လျှို့ဝှက်စွာ ဆေးရုံတက်ခဲ့တဲ့ကိစ္စနဲ့ပတ်သက်ပြီး သမ္မတဂျိုးဘိုင်ဒင်နဲ့ အခြားတာဝန်ရှိသူတွေကို အသိမပေးခဲ့တဲ့အပေါ် ကွန်ဂရက်က ဖေဖော်ဝါရီ ၁၄…

Voice of Myanmar မြောက်ကိုရီးယားသည် ကုလသမဂ္ဂ၏ သတိပေးချက်များကို ဆန့်ကျင်ကာ ၂၀၀၉ ခုနှစ်က ပြုလုပ်ခဲ့သော နျူကလီးယားစမ်းသပ်မှုထက် နှစ်ဆပိုမိုပြင်းထန်သော နျူကလီးယားစမ်းသပ်မှုကို ၂၀၁၃ ခုနှစ် ဖေဖော်ဝါရီ ၁၂ ရက်တွင် ပြုလုပ်ခဲ့သည်။