Month: March 2024

ဘန်ကောက်၊ မတ်-၂၅-၂၀၂၄ မျိုးဆက်(VOM) ထိုင်းနိုင်ငံဟာ မြန်မာနိုင်ငံအတွက် လူသားချင်းစာနာထောက်ထားမှုဆိုင်ရာ အကူအညီ ပထမအသုတ်ကို မတ် ၂၅ ရက်မှာ စတင်ပေးပို့ခဲ့ကြောင်း ထိုင်းနိုင်ငံခြားရေးဝန်ကြီးဌာနက ပြောပါတယ်။ အကူအညီ ပထမအသုတ်အနေနဲ့ လူနှစ်သောင်းအတွက် ဆန်၊ အစာခြောက်နဲ့ အခြားလိုအပ်တဲ့ပစ္စည်းတွေပါဝင်တဲ့အိတ် လေးထောင်ကို ထိုင်းကြက်ခြေနီဖွဲ့ယာဉ်တန်းနဲ့ မဲဆောက်-မြဝတီ နယ်စပ်ဖြတ်ကျော်ပြီး မြန်မာဘက်ကို ပို့ခဲ့တယ်လို့ ထိုင်းနိုင်ငံခြားရေးဝန်ကြီးဌာနရဲ့ ထုတ်ပြန်ချက်မှာ ဖော်ပြထားပါတယ်။ အကူအညီတွေကို အာဆီယံရဲ့ လူသားချင်းစာနာထောက်ထားမှုနဲ့ သဘာဝဘေးအန္တရာယ်ဆိုင်ရာ အေဂျင်စီက စောင့်ကြည့်လေ့လာခဲ့တဲ့ ကရင်ပြည်နယ်ရှိ နေရာသုံးနေရာမှာ ဖြန့်ဝေသွားမှာဖြစ်ပြီး တခြားနေရာတွေကို ပေးပို့ဖို့ တွေ့ဆုံဆွေးနွေးမှုတွေလုပ်သွားမယ်လို့ ထိုင်းနိုင်ငံခြားရေးဝန်ကြီးဌာနက ထုတ်ပြန်ထားပါတယ်။ ဒီကူညီမှုဟာ အာဆီယံအဖွဲ့ရဲ့ ကျောထောက်နောက်ခံပြုတဲ့ လူသားချင်းစာနာမှုဆိုင်ရာ စင်္ကြ ံတခုထူထောင်ဖို့ ထိုင်းနိုင်ငံရဲ့ ပိုမိုကျယ်ပြန့်တဲ့အစီအစဉ်ရဲ့ တစိတ်တပိုင်းလည်းဖြစ်ပါတယ်။ မြန်မာနိုင်ငံမှာ ဖြစ်ပွားနေတဲ့ ပဋိပက္ခတွေကြောင့် လူ ၂ ဒသမ ၆ သန်းအိုးမဲ့အိမ်မဲ့ဖြစ်ခဲ့ရပြီး…

ပါရီ၊ မတ်-၂၅-၂၀၂၄ မျိုးဆက်(VOM) ရုရှားနိုင်ငံ မော်စကိုမှာ လူ ၁၃၀ ကျော်သေဆုံးခဲ့တဲ့ ပစ်ခတ်မှုဖြစ်ပွားပြီးနောက် ပြင်သစ်နိုင်ငံမှာလည်း အကြမ်းဖက်မှုသတိပေးချက်ကို အစိုးရက အမြင့်ဆုံး တပ်လှန့်လိုက်ပါတယ်။ ပြင်သစ်သမ္မတ မက်ခရိုနဲ့ လုံခြုံရေး၊ ကာကွယ်ရေးဆိုင်ရာ တာဝန်ရှိသူတွေ တွေ့ဆုံဆွေးနွေးပြီးနောက်မှာ အခုလိုက် သတိပေးချက်ကို တိုးမြှင့်လိုက်တာဖြစ်ကြောင် ပြင်သစ်ဝန်ကြီးချုုပ် ဂါဘရီရယ် အက်တယ်လ်က ပြောပါတယ်။ ပါရီမှာ များမကြာခင်ကျင်းပမယ့် အိုလံပစ်ပြိုင်ပွဲမတိုင်ခင် အခုလို ဆုံးဖြတ်လိုက်တာဖြစ်ပြီး မော်စကိုမှ တိုက်ခိုက်ခဲ့တဲ့ အိုင်အက်စ်အဖွဲ့ဟာ ပြင်သစ်မှာလည်း ခြိမ်းခြောက်လာနိုင်ခြေရှိကြောင်း ဝန်ကြီးချုပ်က ပြောပါတယ်။ ပြင်သစ်နိုင်ငံမှာ အကြမ်းဖက်မှု သတိပေးချက်အနေနဲ့ အဆင့်သုံးဆင့်ရှိပြီး ပြင်သစ် သို့မဟုတ် ပြည်ပ သို့မဟုတ် တစုံတရာ ခြိမ်းခြောက်မှုနီးကပ်လာတယ်လို့ ယူဆတဲ့အခါ အမြင့်ဆုံး သတိပေးချက်ကို ထုတ်ပြန်လေ့ရှိပါတယ်။ ဒီလို သတိပေးချက်အဆင့် အမြင့်ဆုံးထားလိုက်ပြီးနောက်မှာ ရထားဘူတာတွေ၊ လေဆိပ်တွေနဲ့ ဘာသာရေးနေရာလိုမျိုး နေရာတွေမှာ…

အဘူဂျာ၊ မတ်-၂၅-၂၀၂၄ မျိုးဆက်(VOM) နိုင်ဂျီးရီးယားနိုင်ငံ အနောက်မြောက်ပိုင်း ကူရီဂါမြို့မှာ ယခုလအစောပိုင်းက သေနတ်သမားတွေ အစုလိုက်အပြုံလိုက် ပြန်ပေးဆွဲမှုအတွင်း ဖမ်းဆီးခံရတဲ့ နိုင်ဂျီးရီးယားကျောင်းသားတွေ ထိခိုက်မှုမရှိဘဲ လွတ်မြောက်လာကြောင်း တာဝန်ရှိသူတွေက ပြောပါတယ်။ လုံခြုံရေးတပ်ဖွဲ့တွေရဲ့ ရဲစွမ်းသတ္တိကြောင့် ကယ်တင်နိုင်ခဲ့ကြောင်း ကာဒူနာပြည်နယ် အုပ်ချုပ်ရေးမှူးက ပြောပါတယ်။ ကျောင်းအာဏာပိုင်တွေက ကျောင်းသား ၂၈၀ ကျော်ကို သေနတ်သမားတွေက ခေါ်ဆောင်သွားတယ်လို့ ပြောပေမယ့် လက်ရှိမှာ ဓါးစာခံ ၁၃၇ ယောက်ပြန်လည်လွတ်မြောက်လာတယ်လို့ စစ်တပ်က ပြောပါတယ်။ အခုလို အရေအတွက် ကွာဟမှုနဲ့ပတ်သက်ပြီး တာဝန်ရှိသူတွေက မှတ်ချက်ပြုပြောဆိုခြင်းမရှိပါဘူး။ ပြန်ပေးငွေပေးရမယ့် မတိုင်ခင် စစ်ဆင်ရေးကို မတ် ၂၄ ရက်မှာ ပြုလုပ်ခဲ့တာလို့ တာဝန်ရှိသူတွေက ပြောပါတယ်။ နိုင်ငံအနောက်မြောက်ပိုင်း ကာဒူနာပြည်နယ်နဲ့ နယ်နိမိတ်ထိစပ်နေတဲ့ ဇမ်ဖာရာပြည်နယ်ကနေ မိန်းကလေး ၇၆ ယောက်နဲ့ ယောက်ကျားလေး ၆၁ ယောက်တို့ကို ကယ်တယ်နိုင်ခဲ့တယ်လို့…

Voice of Myanmar စနေဂြိုဟ်၏ အကြီးဆုံးဂြိုဟ်ရံလ ဖြစ်သော တိုက်တန်ကို ဒတ်ချ်လူမျိုး နက္ခတ္တပညာရှင် Christiaan Huygens ဆိုသူက ၁၆၅၅ ခုနှစ် မတ် ၂၅ ရက်တွင် ရှာဖွေတွေ့ရှိခဲ့ပြီး တိုက်တန်သည် လကမ္ဘာထက် ၅၀ ရာခိုင်နှုန်း ပိုမိုကြီးမားသည်။