Day: May 24, 2024

မေ ၂၄ – ၂၀၂၄GG (VOM)ရခိုင်ပြည်နယ်၊ သံတွဲမြို့နယ်ထဲမှာဖြစ်နေတဲ့ တိုက်ပွဲတွေကြောင့် သံတွဲတမြို့လုံးမှာ လျှပ်စစ်မီးပြတ်တောက်နေတာ ရှစ်ရက်အထိ ရှိလာနေပြီဖြစ်လို့ ဒေသခံပြည်သူတွေ ဒုက္ခရောက်နေရတယ်လို့သိရပါတယ်။” တိုက်ပွဲဖြစ်လို့ဓာတ်အားတိုင်တွေကျိုးသွားလို့မီးပြတ်တာလို့သိရတယ်။ဖြစ်တဲ့နေရာလည်းသိရပြီးကြားပေမယ့်တိုက်ပွဲကြောင့်သွားပြင်လို့မရသေးဘူးကြားတယ်။အတိအကျတော့သူတို့ထုတ်ပြန်မှသိရမယ်၊ခုထိထုတ်ပြန်တာမရှိဘူး၊တမြို့လုံးတနယ်လုံးမလာဘူး ” လို့ သံတွဲမြို့ခံတယောက်ကပြောပြပါတယ်။လျှပ်စစ်မီးက မေလ ၁၇ ရက်နေ့ညကစပြီး ပြတ်တောက်နေတာ ဒီနေ့မေလ၂၄ ရက်နေ့အထိဖြစ်ကြောင်း၊ လျှပ်စစ်မီးပြတ်တောက်မှုကြောင့် ပြည်သူတွေဒုက္ခရောက်ရသလို၊ ဘဏ်လုပ်ငန်းတွေနှောင့်နှေးသွားသလို အောက်ဆီဂျင်စက်ရုံတွေလည်းလည်ပတ်နိုင်ခြင်းမရှိလို့ လူနာတွေဒုက္ခရောက်ရကြောင်း၊ လျှပ်စစ်မီးအသုံးပြုရတဲ့လုပ်ငန်းတွေ၊ ဆေးရုံတွေ အားလုံးအဆင်မပြေဖြစ်ကာ ဒုက္ခရောက်နေကြရတာဖြစ်တယ်လို့သိရပါတယ်။“မီးပြတ်တော့လုပ်ငန်းပိုင်းဆိုင်ရာတွေအခက်အခဲဖြစ်တယ်၊ဘဏ်တွေပေါ့။အလုပ်တွေနှောင့်နှေးတာအများကြီးအခက်အခဲတွေကအများကြီးပဲ၊ပိုက်ဆံရှိသူကတော့ မီးစက်လေးနဲ့ဓာတ်ဆီထည့်ရေမောင်းပေါ့၊ လူနာတွေဆိုလည်း ဆေးရုံတင်ဖို့လူနာ၊ဆေးရုံမှာနေမှအဆင်ပြေမယ့်လူနာတွေဆိုလည်း လျှပ်စစ်မီ းမရလို့ ဆေးရုံမတက်ရဘဲကိုယ့်အိမ်မှာကိုဆေးသောက်နေရတယ်၊အောက်ဆီဂျင်စက်ရုံရှိပေမယ့်လည်းမလည်ပတ်နိုင်ဘူး ၊အချက်အပြုတ်ပိုင်းရောအားလုံး အခက်အခဲတွေဖြစ်နေတာပေါ့” လို့ နောက်ထပ်သံတွဲဒေသခံတဦးကပြောပါတယ်။လျှပ်စစ်မီးပြတ်တောက်မှအပေါ် တဖက်တလမ်းကနေ အထောက်အကူပြုတဲ့ သံတွဲမြို့လူမှုကူညီရေးအသင်းအချို့က အချိန်ပိုင်းပြီး မီးစက်မောင်းကာ ဖုန်းအားသွင်းဖို့ စီစဉ်ပေးတာတွေရှိနေပါတယ်။သံတွဲမြို့နယ်ထဲက သူဋ္ဌေးရေအားလျှပ်စစ်စီမံကိန်းရှိရာ ဘက်ခြမ်းအနီးက လင်းသီ၊ ရွှေလှေ စတဲ့ ရွာဘက်တွေမှာတိုက်ပွဲတွေက ဖြစ်ပွားနေတာဖြစ်ပြီး သံတွဲမြို့ပေါ်ကအထိ လက်နက်ကြီးပစ်ခတ်သံတွေကြားနေရတယ်လို့သိရပါတယ်။သံတွဲမြို့နယ်ထဲကရွာတွေမှာ တိုက်ပွဲတွေပြင်းထန်လာတာကြောင့် ကျေးရွာနေဒေသခံပြည်သူတွေ…

မေ ၂၄ – ၂၀၂၄GG (VOM)ရန်ကုန်-မန္တလေးလမ်းပိုင်း၊ ကညွတ်ကွင်းနဲ့ ညောင်ပင်သာကြားကရထားလမ်း မိုင်းခွဲဖျက်ဆီးခံရလို့ ရထားခရီးစဉ်တွေ ယာယီရပ်ဆိုင်းလိုက်ရတယ်လို့သိရပါတယ်။မေလ ၂၄ ရက်ဒီနေ့ မနက်အစော ၂ နာရီလောက်မှာ ကညွတ်ကွင်းနဲ့ ညောင်ပင်သာကြားမှာရှိတဲ့မိုင်တိုင် ၁၂၆/၇-၈ ကြား၊ ပတ္တာရွာလမ်းကူးအနီးမှာ မိုင်းပေါက်ကွဲခဲ့တာဖြစ်ပြီး အဆန်လမ်းက အတွင်းသံလမ်း ၄ ပေလောက် ပြတ်ထွက်ခဲ့သလို ကွန်ကရစ်ဇလီဖား ၅ တုံးလောက် ပျက်စီးကာ အစုန်လမ်းကလည်း အတွင်းသံလမ်း ၄ ပေလောက် ပြတ်ထွက်ပြီး ကွန်ကရစ်ဇလီဖား ၅ တုံးလောက် ပျက်စီးခဲ့တယ်လို့သိရပါတယ်။” ရထားလမ်းပျက်စီးသွားလို့ခရီးစဥ်တွေရပ်နေတယ်၊ကုန်ရထားနဲ့ကျန်ရထားတွေကို ညောင်လေးပင်နဲ့ ဖြူးဘူတာမှာရပ်ထားရတယ်။ရထားပြင်ဆင်မှုတော့လုပ်နေကြတုန်းပဲ ” လို့ ဖြူးဘူတာမှအမည်မဖော်လိုသူ ရထားဝန်ထမ်းတယောက် ကပြောပါတယ်။ခုမေလ ၁ ရက်နေ့ကလည်း ရန်ကုန် – မန္တလေးလမ်းဟောင်း ကားလမ်းပေါ်၊ ဖြူးမြို့၊ ကညွှတ်ကွင်းမြို့နယ်ထဲက တံတားတစင်းမိုင်းဖောက်ခွဲဖျက်ဆီးခံရသလို ရထားလမ်းလည်းမိုင်းခွဲဖျက်ဆီးခံရမှု ဖြစ်ပွားခဲ့ပါတယ်။အလားတူဇန်နဝါရီလ ၄ ရက်နေ့ကလည်း…

မေ ၊ ၂၄ ၊ ၂၀၂၄SP ( VOM)ကယားပြည်နယ် ၊ လွိုင်ကော်မြို့နယ် ၊ လွိုင်လင်လေးမြို့နယ်ခွဲမှာ မနေ့ မေ ၂၃ ရက်က လွိုင်လင်လေးမီးသတ်ကုန်းနားမှာ ထိတွေ့တိုက်ပွဲဖြစ်ပြီး ထိခိုက်သေဆုံးမှုတွေရှိခဲ့တယ်လို့ ဒေသခံ လူမှုကူညီရေး အဖွဲ့တွေဆီက သိရပါတယ်။” မနေ့က မီးသတ်ကုန်းနားမှာ တိုက်ပွဲဖြစ်တယ် ၊ လူငယ် လေးယောက် သေဆုံးတယ် ၊ အဲ့ဒီ သေဆုံးတဲ့ လူလေးယောက်ဟာ လူငယ်တွေဖြစ်တယ် အသက် ၁၈ နဲ့ ၂၀ ကြားအရွယ်တွေဖြစ်တယ် ၊ နယ်ခံကလေးတွေ မဟုတ်ကြဘူး” လို့ ပြောပါတယ်။ဒါ့အပြင် လွိုင်ကော်ခရိုင် လုံခြုံရေးအဖွဲ့နဲ့ နီးစပ်သူတယောက်က” လွိုင်လင်လေး မီးသတ်ကုန်းနားမှာ မနေ့က လူငယ်ဆယ်လောက်က လာပစ်တာရှိတယ် ၊ အဲ့ဒီနေရာမှာ ထိတွေ့မှုဖြစ်ပြီး အမျိုးသား ရုပ်အလောင်း လေးလောင်းနဲ့ လက်နက်ငယ်တလက် ကျန်ခဲ့တယ်…