Day: June 12, 2024

  ကူဝိတ်စီးတီး၊ ဇွန်-၁၂-၂၀၂၄ မျိုးဆက်(VOM) ကူဝိတ်နိုင်ငံတောင်ပိုင်း မန်းဂတ်ဖ်မြို့မှာ အလုပ်သမားထိုင်ကြတဲ့ အဆောက်အအုံ တခုမီးလောင်မှုကြောင့် လူ ၄၁ ယောက်ထက်မနည်းသေဆုံးခဲ့တယ်လို့ ကူဝိတ်တာဝန်ရှိသူတွေက ပြောပါတယ်။ ဒါဟာ အဆောက်အအုံပိုင်ဆိုင်သူ ဘေးကင်းလုံခြုံရေးဆိုင်ရာ ချိုးဖောက်မှုတွေနဲ့ လောဘဇောတိုက်မှုကြောင့် အခုလို မတော်တဆမှုဖြစ်ရတာလို့ ကူဝိတ်ဒုတိယဝန်ကြီးချုပ်က စွပ်စွဲပြောဆိုပါတယ်။ မီးလောင်မှုဟာ ဇွန် ၁၂ ရက် ဒေသစံတော်ချိန် နံနက် ၆ နာရီက ဖြစ်ပွားခဲ့တာဖြစ်ပြီး အခင်းဖြစ်ပွားချိန်မှာ အဆောက်အအုံအတွင်း အလုပ်သမား အများအပြားရှိနေကာ မီးလောင်မှုကို စုံစမ်းစစ်ဆေးမှုတွေလုပ်ဆောင်နေတယ်လို့ တာဝန်ရှိသူတွေက ပြောပါတယ်။ မီးလောင်မှုကနေ အလုပ်သမားအများအပြားကို ကယ်တင်နိုင်ခဲ့ပေမယ့် ကံမကောင်းစွာဖြင့် မီးခိုးငွေ့တွေရှူမိပြီး သေဆုံးခဲ့သူတွေ အများအပြားရှိခဲ့တယ်လို့ ကူဝိတ်ရဲတပ်ဖွဲ့ထိပ်တန်းတာဝန်ရှိသူကပြောပါတယ်။ အလုပ်သမားတွေ လုပ်ကိုင်တဲ့အလုပ်တွေနဲ့ သူတို့ရဲ့ မိခင်နိုင်ငံတွေကို အသေးစိတ်မသိရသေးပေမယ့် အဲဒီအဆောက်အအုံမှာ အလုပ်သမားတွေ ကြိတ်ကြိတ်တိုး နေထိုင်နေကြတာကို သတိပေးမှုများ ပြုလုပ်ခဲ့တယ်လို့ သူကဆိုပါတယ်။…

  ဂါဇာစီးတီး၊ ဇွန်-၁၂-၂၀၂၄ မျိုးဆက်(VOM) ဂါဇာအပစ်အခတ်ရပ်စဲရေးနဲ့ပတ်သက်တဲ့ အဆိုပြုချက်ကို ဟားမတ်စ်တို့က တုံ့ပြန်ခဲ့ပြီး သဘောတူညီချက်တခုခုရရှိဖို့ ကျယ်ပြန်တဲ့လမ်းကြောင်းကို ဖွင့်ပေးထားတယ်လို့ ဟားမတ်စ်အဖွဲ့ နိုင်ငံရေးဗျူရိုအဖွဲ့ဝင် အိုက်ဇက်အယ်လ်ရီရှာက ပြောပါတယ်။ အဆိုပြုချက်အပေါ် အခုလိုတုံ့ပြန်တာဟာ တာဝန်ယူမှု၊ လေးနက်မှုနဲ့ အပြုသဘောဆောင်တယ်လို့ သူကဆိုပါတယ်။ အမေရိကန်ကျောထောက်နောက်ခံပြုထားတဲ့ ဒီသဘောတူညီချက်အပေါ် တုံ့ပြန်ချက်ကို ဖြန်ဖြေသူတွေဆီ ပေးခဲ့တယ်လို့ ပြောပါတယ်။ ဒါပေမယ့် ဒီအဆိုပြုချက်ထဲမှာ ပြင်ဆင်ချက်တချို့ကိုလည်း ရှာတွေ့ခဲ့တယ်လို့ သူကပြောပါတယ်။ အမေရိကန်က တွန်းအားပေးနေတဲ့ ဂါဇာစစ်ပွဲအဆုံးသတ်ရေးကို နှစ်ဘက်စလုံးက လက်ခံမှုနည်းပါးနေသေးပေမယ့် ရှစ်လကြာ စစ်ပွဲကို အဆုံးသတ်ဖို့ ခက်ခဲတဲ့ ညှိနှိုင်းမှုတွေကတော့ ဆက်လက်ရှင်သန်နေသေးပါတယ်။ အမေရိကန်နဲ့အတူ ကြားဝင်ဖြန်ဖြေပေးတဲ့ ကာတာနဲ့ အီဂျစ်တာဝန်ရှိသူတွေကလည်း အဆိုပြုချက်အပေါ် ဟားမတ်စ်တို့ရဲ့ တုံ့ပြန်မှုကို လက်ခံရရှိတယ်လို့ အတည်ပြုပြောဆိုပါတယ်။ တုံ့ပြန်ချက်မှာတော့ အပစ်အခတ်ရပ်စဲရေး၊ တပ်တွေရုပ်သိမ်းရေး၊ ပြန်တည်တည်ဆောက်ရေးနဲ့ အကျဉ်းသားလဲလှယ်ရေးတို့ကို အတည်ပြုတဲ့ ပြင်ဆင်ချက်တွေပါဝင်တယ်လို့ ဟားမတ်စ်ပြောရေးဆိုခွင့်ရှိသူ…

  ကိုပင်ဟေဂင်၊ ဇွန်-၁၂-၂၀၂၄ မျိုးဆက်(VOM) ဒိန်းမတ်အာဏာပိုင်တွေဟာ တောင်ကိုရီးယားအခြေစိုက် Samyang ကုမ္ပဏီက ထုတ်လုပ်ထားတဲ့ ကိုရီးယားခေါက်ဆွဲအစပ်ထုပ်တွေကို ပြန်လည်သိမ်းယူနေပြီး ဒီထဲမှာပါဝင်တဲ့ အစပ်အရသာ ကက်ပ်ဆိုင်စင်ဓါတ် ပမာဏဟာ စားသုံးသူတွေကို အန္တရာယ်ဖြစ်စေတယ်လို့ ထုတ်ဖော်ပြောဆိုလိုက်ပါတယ်။ Samyang ကုမ္ပဏီကထုတ်တဲ့ ခေါက်ဆွဲအစပ်ထုပ်တွေကတော့ Buldak 3x Spicy & Hot Chicken ၊ 2x Spicy & Hot Chicken နဲ့ Hot Chicken Stew ဆိုတဲ့ သုံးမျိုးဖြစ်တယ်လို့ ဒိန်းမတ်အာဏာပိုင်တွေက ပြောပါတယ်။ ဒီခေါက်ဆွဲခြောက်ထုပ်တွေကို စွန့်ပစ်ဖို့နဲ့ စျေးကွက်ထဲကနေ ပြန်လည်သိမ်းဆည်းဖို့ကို ဇွန် ၁၁ ရက်မှာ တာဝန်ရှိသူတွေက သတိပေးထုတ်ပြန်ခဲ့တာဖြစ်ပါတယ်။ မလိုက်နာရင် ဘယ်လိုအရေးယူမလဲဆိုတာကိုတော့ ရှင်းလင်းစွာ မသိရသေးပါဘူး။ ဒီခေါက်ဆွဲခြောက်တထုပ်ချင်းစီမှာ ပါဝင်တဲ့ ကက်ပ်ဆိုင်စင် ပမာဏဟာ အလွန်မြင့်မားတာကြောင့် စားသုံးသူတွေအတွက်…

  မနီလာ၊ ဇွန်-၁၂-၂၀၂၄ မျိုးဆက်(VOM) ဖိလစ်ပိုင် တက်ကြွလှုပ်ရှားသူနဲ့ ရာနဲ့ချီတဲ့ ငါးဖမ်းသမားတွေဟာ မနီလာရှိ တရုတ်ကောင်စစ်ဝန်ရုံးပြင်ပမှာ ဆန္ဒပြခဲ့ကြပြီး တောင်တရုတ်ပင်လယ်မှာ တရုတ်နိုင်ငံရဲ့ လုပ်ရပ်တွေကို ဆန့်ကျင်ကန့်ကွက်ခဲ့ကြပါတယ်။ တရုတ်နိုင်ငံရဲ့ လုပ်ရပ်တွေဟာ ဖိလစ်ပိုင်ငါးဖမ်းသမားတွေရဲ့ အသက်အိုးအိမ်စည်းစိမ်ကို ထိခိုက်နေတဲ့အတွက် အငြင်းပွားဖွယ်ရေပြင်ကနေ တရုတ်သင်္ဘောတွေ နှုတ်ထွက်ပေးဖို့ တောင်းဆိုတာလို့ ဆန္ဒပြသူတွေက ပြောပါတယ်။ တရုတ်နိုင်ငံဟာ စတားဘော့သောင်ခုံအပါအဝင် တောင်တရုတ်ပင်လယ်ပြင်တခုလုံးကို ပိုင်ဆိုင်ကြောင်း အခိုင်အမာတောင်းဆိုထားသည်။ အဆိုပါကျောက်တန်းတွေဟာ ဖိလစ်ပိုင်စီးပွားရေးဇုန်အတွင်းနဲ့ ဖိလစ်ပိုင်ငါးဖမ်းသမားတွေ မိရိုးဖလာငါးဖမ်းခဲ့ကြရာနေရာဖြစ်တယ်လို့ ဖိလစ်ပိုင်ကဆိုပါတယ်။ မကြာသေးမီကာလတွေအတွင်း တရုတ်ကမ်းခြေစောင့်တပ် သင်္ဘောတွေဟာ ဖိလစ်ပိုင်အစိုးရရဲ့ ထောက်ပံ့ရေးသင်္ဘောတွေကို ရေအမြှောက်တွေနဲ့ ပစ်ခတ်ခဲ့တာကြောင့် သင်္ဘောသားအများအပြား ဒဏ်ရာရရှိခဲ့ပြီး တင်းမာမှုတွေ မြင့်တက်ခဲ့ပါတယ်။ တောင်တရုတ်ပင်လယ်ရှိ ကင်းစခန်းတခုက ဖျားနာနေတဲ့ ဖိလစ်ပိုင်တပ်ဖွဲ့ဝင်တယောက်ကို ဆေးဝါကုသဖို့ ပြောင်းရွှေ့ရာမှာလည်း တရုတ်သင်္ဘောတွေက ပိတ်ဆို့တားဆီးခဲ့ပြီး ဒါဟာ လူမဆန်တဲ့လုပ်ရပ်လို့ ဖိလစ်ပိုင်က ရှုတ်ချပြောဆိုထားပါတယ်။ Ref:NHK…

  မော်စကို၊ ဇွန်-၁၂-၂၀၂၄ မျိုးဆက်(VOM) ရုရှားသမ္မတ ဗလာဒီမာပူတင်ဟာ မြောက်ကိုရီးယားကို သွားရောက်ဖို့ စီစဉ်နေကြောင်း ရုရှားအစိုးရ တာဝန်ရှိသူတွေက ထုတ်ဖော်ပြောဆိုပါတယ်။ ရုရှားအရှေ့ဖျားပိုင်းကို ပြီးခဲ့တဲ့စက်တင်ဘာလက လာရောက်ခဲ့တဲ့ မြောက်ကိုရီးယားခေါင်းဆောင် ကင်ဂျုံအန်ရဲ့ ဖိတ်ကြားချက်ကို လက်ခံပြီး သွားရောက်ဖို့ စီစဉ်နေတာလို့ ဆိုပါတယ်။ ခရီးစဉ်အသေးစိတ်ကို ရုရှားတာဝန်ရှိသူတွေက အသေးစိတ် ထုတ်ဖော်ပြောဆိုခြင်းမရှိပေမယ့် ပူတင်ဟာ လာမယ့်သီတင်းပတ်အစောပိုင်းမှာ ခရီးစဉ်စတင်မှာဖြစ်ပြီး ဗီယက်နမ်မှာလည်း ခရီးတထောက်နားမယ်လို့ ပြောပါတယ်။ ယူကရိန်းစစ်ပွဲ နှစ်နှစ်ကျော်ကာလအတွင်း ရုရှားဟာ လက်နက်ခဲယမ်းပြတ်လပ်မှုနဲ့ ရင်ဆိုင်နေရပြီး မြောက်ကိုရီးယားဟာ ရုရှားကို ဒုံးကျည်တွေအပါအဝင် လက်နက်ခဲယမ်းတွေ ထောက်ပံ့ပေးနေတယ်လို့ အနောက်အုပ်စုနိုင်ငံတွေက စွပ်စွဲပြောဆိုထားပါတယ်။ ပြီးခဲ့တဲ့လက စစ်ထောက်လှမ်းရေးဂြိုဟ်တု လွှတ်တင်ဖို့ကြိုးပမ်းမှု မအောင်မမြင်ဖြစ်ပြီးနောက် ယခုနှစ်အတွင်းမှာ ဂြိုဟ်တုသုံးလုံးလွှတ်တင်မယ်လို့ ဆိုထားတဲ့ မြောက်ကိုရီးယားကို ရုရှားကလည်း ကူညီပေးနေတယ်လို့ တောင်ကိုရီးယား ထောက်လှမ်းရေးက ပြောပါတယ်။ ပူတင်ဟာ ၂၀၀၀ ပြည့်နှစ်က…