Day: June 20, 2024

  ပြုံးယမ်း၊ ဇွန်-၂၀-၂၀၂၄ မျိုးဆက်(VOM) ရုရှားသမ္မတပူတင် မြောက်ကိုရီးယားကို လာရောက်ပြီး ကင်ဂျုံအန်နဲ့ ထိပ်သီးဆွေးနွေးပြီးနောက် ရရှိခဲ့တဲ့ အထင်ကရ သဘောတူညီချက်တွေကို မြောက်ကိုရီးယားနိုင်ငံပိုင် သတင်းဌာနက ဒီနေ ဇွန် ၁၉ ရက်မှာ ထုတ်ပြန်ခဲ့ပါတယ်။ ဒီသဘောတူညီချက်ထဲမှာတော့ မြောက်ကိုရီးယားနဲ့ရုရှားတို့အနေနဲ့ လက်နက်ကိုင်ရန်စမှုတွေ ကြုံခဲ့မယ်ဆိုရင် စစ်ရေးအကူအညီ ချက်ချင်းပေးဖို့အချက်လည်း ပါဝင်နေပါတယ်။ ပူတင်ဟာ မြောက်ကိုရီးယားကနေ ဗီယက်နမ်ကို ဆက်လက်ထွက်ခွာပြီးနောက် နာရီပိုင်းအကြာမှာ မြောက်ကိုရီးယား နိုင်ငံပိုင်သတင်းဌာနက အခုလို ထုတ်ပြန်ခဲ့တာဖြစ်ပြီး ၁၉၆၀ ခုနှစ်တွေက ပျက်ပြယ်သွားတဲ့ ရုရှားနဲ့ အပြန်အလှန်ကာကွယ်ရေးသဘောတူညီချက်ကို ပြန်လည်အသက်ဝင်စေတဲ့ ဘက်စုံမဟာဗျူဟာမြောက် မိတ်ဖက်ဆက်ဆံရေးစာချုပ်ကို ထုတ်ပြန်ခဲ့တာဖြစ်ပါတယ်။ ဒီသဘောတူညီချက်ထဲမှာတော့ မြောက်ကိုရီးယား သို့မဟုတ် ရုရှားကို လက်နက်ကိုင်ကျူးကျော်မှုတွေကြောင့် စစ်မက်ဖြစ်ပွားမယ်ဆိုရင် စစ်ရေးနဲ့အခြားအကူအညီတွေ အပြန်အလှန်ပံ့ပိုးပေးရမယ်ဆိုတဲ့ အချက်ပါဝင်ပါတယ်။ သဘောတူညီချက်ကြောင့် ၂၀၂၂ ခုနှစ်မှာစတင်ခဲ့တဲ့ ရုရှား-ယူကရိန်းစစ်ပွဲအပေါ် ဘယ်လောက်ထိ အကျိုးသက်ရောက်မယ်ဆိုတာကိုတော့ ရှင်းလင်းစွာမသိရသေးပါဘူး။…

  တဲလ်အဗစ်၊ ဇွန်-၂၀-၂၀၂၄ မျိုးဆက်(VOM) လက်ဘနွန်ရှိ ဟဇ်ဘိုလာအဖွဲ့နဲ့ နယ်စပ်ဖြတ်ကျော် အပြန်အလှန်တိုက်ခိုက်မှုတွေ ဆက်လက်ဖြစ်ပွားနေချိန်မှာ လက်ဘနွန်မှာ ထိုးစစ်ဆင်ဖို့ စစ်ရေးအစီအစဉ်တွေကို အစ္စရေးစစ်တပ်က အတည်ပြုလိုက်ပါတယ်။ လက်ဘနွန်နယ်စပ်အနီး အစ္စရေးမြောက်ပိုင်းမှာ အစ္စရေးတပ်တွေကို အဆင့်သင့်ထားဖို့ ဆုံးဖြတ်ခဲ့တယ်လို့ အစ္စရေးစစ်တပ်ရဲ့ ထုတ်ပြန်ချက်မှာ ဖော်ပြထားပြီး ဒါဟာ ဟဇ်ဘိုလာတို့အရဲ့ လုပ်ရပ်အပေါ် သိသာထင်ရှားတဲ့ တုံ့ပြန်မှုလည်း ဖြစ်ပါတယ်။ လက်ဘနွန်အခြေစိုက် ဟဇ်ဘိုလာတို့ဟာ ဂါဇာအခြေစိုက် ဟားမတ်စ်တို့ကို ထောက်ခံကြောင်းပြသတဲ့အနေနဲ့ အစ္စရေးကို နယ်စပ်ဖြတ်ကျော်တိုက်ခိုက်နေပြီး ပြီးခဲ့တဲ့နေ့ကတော့ အစ္စရေးရဲ့ စစ်ဘက်ဆိုင်ရာ အဆောက်အအုံတွေကို အစ္စရေးနိုင်ငံကိုဖြတ်ပြီး ဒရုန်းရိုက်ယူခဲ့တာတွေကို ထုတ်ပြန်ခဲ့ပါသေးတ်။ ဂါဇာကမ်းမြှောင်ဒေသမှာတော့ အစ္စရေးဟား ဟားမတ်စ်တွေကို ဆက်လက်တိုက်ခိုက်နေပြီး ပြီးခဲ့တဲ့နေ့က ဂါဇာတောင်ပိုင်းမှာ လေကြောင်းတိုက်ခိုက်မှုကြောင့် ပါလက်စတိုင်း ခုနှစ်ယောက်သေဆုံးခဲ့တယ်လို့ ဟားမတ်စ်အဖွဲ့က ပြောပါတယ်။ လက်ရှိမှာတော့ နှစ်ဘက်အကြား ပစ်အခတ်ရပ်စဲရေးနဲ့ ဓါးစာခံတွေပြန်လည်လွတ်မြောက်ရေးအပါအဝင် ငြိမ်းချမ်းရေးသဘောတူညီချက်အတွက် အမေရိကန်၊ ကာတာနဲ့…

  ဒေလီ ၊ ဇွန်-၂၀-၂၀၂၄ မျိုးဆက်(VOM) အိန္ဒိယနိုင်ငံတောင်ပိုင်း တမီလ်နာဒူပြည်နယ်မှာ အဆိပ်သင့်ချက်အရက်တွေသောက်ပြီး လူ ၃၄ ယောက်ထက်မနည်း သေဆုံးသွားတယ်လို့ တာဝန်ရှိသူတွေက ပြောပါတယ်။ ဒီလိုသေဆုံးမှုဟာ ကာလာကူရူချီခရိုင်မှာ ဖြစ်ပွားခဲ့တာဖြစ်ပြီး အရက်ပုန်းဆိုင်တွေက ချက်အရက်တွေသောက်ပြီးနောက်မှာ လူအများအပြား နေထိုင်မကောင်းစဖြစ်ခဲ့တယ်လို့ ဆိုပါတယ်။ အလွန်အကျွံဝမ်းလျှောခြင်းအပါအဝင် ဖျားနာမှုတွေကြောင့် လူ ၈၀ ထက်မနည်းကို ဆေးရုံပို့ထားပြီး သေဆုံးသူအရေအတွက် တိုးလာနိုင်တယ်လို့ တာဝန်ရှိသူတွေကပြောပါတယ်။ ဒီဖြစ်စဉ်နဲ့ပတ်သက်ပြီး လူနှစ်ယောက်ကို ဖမ်းဆီးထားပြီး စုံစမ်းစစ်ဆေးနေပါတယ်။ ပြည်နယ်အတွင်းမှာ တရားမဝင်အရက်ရောင်းချမှုတွေကို မျက်ကွယ်ပြုတယ်ဆိုကာ ပြည်နယ်ထိပ်တန်း ရဲအရာရှိတယောက်နဲ့ ပြည်နယ်ထိန်းသိမ်းရေးအဖွဲ့က ၁၀ ယောက်ကို ပေါ့ဆမှုနဲ့ တာဝန်တွေကနေ ဆိုင်းငံ့ထားပါတယ်။ အိနိ္ဒယနိုင်ငံမှာ လမ်းဘေးချက်အရက်တွေသောက်ပြီး နှစ်စဉ်နှစ်တိုင်း လူဒါဇင်ချီသေဆုံးလေ့ရှိပါတယ်။ အရက်ချက်သူတွေဟာ အရက်ထဲမှာ မက်သနောကိုလည်း ထည့်လေ့ရှိကြပြီး မက်သနောဟာ သောက်သုံးမိပါက မျက်စိကွယ်တာ၊ အသည်းပျက်စီးတာနဲ့သေဆုံးမှုကို ဖြစ်ပေါ်စေတတ်ပါတယ်။ Ref:BBC…

  တိုကျို၊ ဇွန်-၂၀-၂၀၂၄ မျိုးဆက်(VOM) ဂျပန်နိုင်ငံအနီး ပစိဖိတ်ဒေသမှာ စစ်သင်္ဘောအစင်း ၄၀ နဲ့ ရေတပ်စစ်ရေးလေ့ကျင့်မယ်လို့ ရုရှားစစ်တပ်က ထုတ်ပြန် ကြေညာပါတယ်။ ဒီစစ်ရေးလေ့ကျင့်မှုကို ပစိဖိတ်သမုဒ္ဒရာ ၊ ဂျပန်ပင်လယ်နဲ့ အိုကာတ်စ်ပင်လယ်တို့မှာ ဇွန် ၁၈ ရက်ကနေ ၂၈ ရက်ထိ စစ်သင်္ဘောအစင်း ၄၀ နဲ့ စစ်ရေးလေ့ကျင့်သွားမှာဖြစ်တယ်လို့ စစ်တပ်ရဲ့ ထုတ်ပြန်ကြေညာချက်မှာ ဖော်ပြထားပါတယ်။ ရုရှားရေတပ်စစ်သင်္ဘောသုံးစင်းဟာ ဂျပန်နိုင်ငံ ဆူဂါရူရေလက်ကြားကို ဖြတ်၍ ပစိဖိတ်သမုဒ္ဒရာကို ပြီးခဲ့တဲ့နေ့က ခုတ်မောင်းသွားခဲ့ကြောင်း ဂျပန်ကာကွယ်ရေးဝန်ကြီးဌာနက ပြောပါတယ်။ ဂျပန်နိုင်ငံအနီးတွင် စစ်ရေးလေ့ကျင့်မယ့်လို့ ရုရှားကကြေညာပြီးနောက်ပိုင်း ဂျပန်စစ်တပ်ဟာ ရုရှားရဲ့ လှုပ်ရှားမှုတွေကို အနီးကပ်စောင့်ကြည့်နေပါတယ်။ ရေတပ်ဖျက်သင်္ဘောတစင်းအပါအဝင် ရုရှားစစ်သင်္ဘောတွေဟာ ဟော့ကိုင်းဒိုးခရိုင်မြောက်ဘက်စွန်း အိုရှီမာကျွန်းရဲ့ အနောက်တောင်ဘက် ၅၀ ကီလိုမီတာအကွာကနေ ဖြတ်သန်းပြီးနောက် ဂျပန်ပင်လယ်အရှေ့ဘက်သို့ ခုတ်မောင်းသွားခဲ့တယ်လို့ ဂျပန်စစ်တပ်က ပြောပါတယ်။ အဲဒီနောက် ဂျပန်နိုင်ငံရဲ့အဓိကကျွန်းဖြစ်တဲ့…

  တိုရွန်တို ၊ ဇွန်-၂၀-၂၀၂၄ မျိုးဆက်(VOM) ကနေဒါအတိုက်အခံ အမတ်တွေနဲ့ အီရန်နိုင်ငံသားတချို့ရဲ့ နှစ်ပေါင်းများစွာ ဖိအားပေးခံရပြီးနောက် ကနေဒါအစိုးရဟာ အီရန်တော်လှန်ရေးအစောင့်တပ်ကို အကြမ်းဖက်အဖွဲ့အစည်းအဖြစ် ကြေညာလိုက်ပါတယ်။ အခုလို သတ်မှတ်ကြေညာလိုက်တာဟာ ကမ္ဘာ့အကြမ်းဖက်တိုက်ဖျက်ရေးမှာ အရေးပါတဲ့ ယန္တယားတခုဖြစ်တယ်လို့ ကနေဒါ အများပြည်သူဘေးကင်းလုံခြုံရေးဆိုင်ရာဝန်ကြီး ဒေါမနစ်လီဘလန့်က ပြောပါတယ်။ ကနေဒါအစိုးရရဲ့ အခုလိုသတ်မှတ်ကြေညာလိုက်တာကြောင့် အီရန်တော်လှန်ရေးအစောင့်တပ် ထိပ်တန်းတာဝန်ရှိသူတွေအပါအဝင် အီရန်အစိုးရထိပ်တန်းတာဝန်ရှိသူတွေအနေနဲ့ ကနေဒါနိုင်ငံကို ဝင်ရောက်ခြင်းကို တားမြစ်ခံရမှာဖြစ်ပါတယ်။ အီရန်တော်လှန်ရေးအစောင့်တပ်ဟာ အီရန်ရဲ့ အဓိကစစ်ရေး၊ နိုင်ငံရေးနဲ့ စီးပွားရေးဆိုင်ရာ အဓိကအင်အားစုဖြစ်ပြီး အီရန် ဘာသာရေးခေါင်းဆောင် ခါမေနီနဲ့နီးကပ်တဲ့ဆက်ဆံရေးရှိပါတယ်။ ကနေဒါဟာ အီရန်ရဲ့ ကွပ်ဒ်တပ်ဖွဲ့ကို အကြမ်းဖက်အဖွဲ့အဖြစ် ကြေညာခဲ့ပြီးဖြစ်ပေမယ့် လက်ရှိကြေညာချက်ကတော့ အီရန်တော်လှန်ရေးအစောင့်တပ်တခုလုံးကို အကြမ်းဖက်အဖွဲ့အဖြစ် သတ်မှတ်ခဲ့တာဖြစ်ပါတယ်။ အီရန်ဟာ ဗျူဟာမြောက်လက်နက်တွေကို ကြီးကြပ်ကွပ်ကဲတဲ့ ကြည်းတပ်း၊ လေတပ်နဲ့ လေတပ်မှာ တပ်ဖွဲ့ဝင်ပေါင်း တသိန်းကိုးသောင်းကျော်ရှိပါတယ်။ အီရန်တော်လှန်ရေးအစောင့်တပ်ဟာ ငွေကြေး၊ လက်နက်၊…

  Voice of Myanmar အမေရိကန်နှင့် ဆိုဗီယက်ယူနီယံတို့အကြား နျူကလီးယား မတော်တဆမှုဖြစ်ပွားနိုင်ခြေများကို လျှော့ချရန်အတွက် နှစ်နိုင်ငံအကြား အရေးပေါ်ဆက်သွယ်ရေးလိုင်းထူထောင်ရန် ၁၉၆၃ ခုနှစ် ဇွန် ၂၀ ရက်တွင် သဘောတူခဲ့သည်။ #Voiceofmaynmar #VOM #ThisDayInHistory #June20