Day: July 24, 2024

  ခတ္တမန္ဒူ ၊ ဇူလိုင်-၂၄-၂၀၂၄ မျိုးဆက်(VOM) နီပေါနိုင်ငံ မြို့တော်ခတ္တမန္ဒူလေဆိပ်ကနေ ဒီနေ့ ဇူလိုင် ၂၄ ရက်က ပျံတက်သွားတဲ့ လေယာဉ်တစင်း ပျက်ကျမီးလောင်မှုကြောင့် လိုက်ပါသူ ၁၈ ယောက် သေဆုံးသွားတယ်လို့ တာဝန်ရှိသူတွေက အတည်ပြုပြောဆိုပါတယ်။ မီးလောင်နေတဲ့ အပျက်အစီးတွေအောက်နေ လေယာဉ်မှူးကိုသာ ကယ်ထုတ်နိုင်ခဲ့ပြီး လက်ရှိမှာတော့ ဆေးရုံမှာ ကုသမှုခံယူနေရပြီး သူဟာ လေယာဉ်ပျက်ကျမှုကနေ အသက်ရှင်လွတ်မြောက်ခဲ့တဲ့ တဦးတည်းသောသူဖြစ်ပါတယ်။ Saurya လေကြောင်းလိုင်းက အဲဒီလေယာဉ်ဟာ နည်းပညာကျွမ်းကျင်သူတွေအပါအဝင် ကုမ္ပဏီဝန်ထမ်း ၁၈ ယောက်နဲ့ လေယာဉ်မှူးနှစ်ယောက်တို့လိုက်ပါပြီး ဟိမ၀န္တာဒေသခရီးသွားလုပ်ငန်း ဗဟိုချက်ဖြစ်တဲ့ နိုင်ငံအနောက်ပိုင်း ပေါ့ပ်ဟာရာကို သွားရောက်စဉ် ပျက်ကျခဲ့တာဖြစ်ပါတယ်။ ပုံမှန်ပြုပြင်ထိန်းသိမ်းရေးလုပ်ငန်းစဉ်ရဲ့တစိတ်တပိုင်းအဖြစ် ပေါ့ပ်ဟာရာကို ဦးတည်နေတဲ့ လေယာဉ်ဟာ ဒီနေ့မနက် ဒေသစံတော်ချိန် ၁၁ နာရီ ၁၅ မိနစ်မှာ ထရစ်ဟူဗန်နိုင်ငံတကာ လေဆိပ်ကနေ ထွက်ခွာပြီး မိနစ်အနည်းငယ်အကြာမှာ ပျက်ကျခဲ့တာပါ။…

Read More

  ဝါရှင်တန် ၊ ဇူလိုင်-၂၄-၂၀၂၄ မျိုးဆက်(VOM) လာမယ့် အမေရိကန်သမ္မတရွေးကောက်ပွဲမှာ သမ္မတဟောင်းဒေါ်နယ်ထရန့်နဲ့ ဒုတိယသမ္မတ ကမလာဟားရစ်တို့ အပေါ် လူထုထောက်ခံမှုနှုန်းဟာ သူမသာကိုယ်မသာ မတိမ်းမယိမ်း ရှိနေကြောင်း ရွေးကောက်ပွဲ သဘောထားစစ်တမ်း နှစ်ရပ်မှာ ဖော်ပြထားပါတယ်။ သမ္မတရွေးကောက်ပွဲကနေ နှုတ်ထွက်ကြောင်း ဂျိုးဘိုင်ကြေညာပြီးနောက် ရိုက်တာသတင်းဌာနနဲ့ Ipsos အဖွဲ့တို့က တနိုင်ငံလုံးအတိုင်းအတာနဲ့ သမ္မတလောင်းတွေအပေါ် လူထုရဲ့ ထောက်ခံမှု သဘောထားစစ်တမ်းတွေ ပြုလုပ်ခဲ့တာဖြစ်ပါတယ်။ စစ်တမ်းတခုမှာတော့ သမ္မတရွေးကောက်ပွဲမှာ ကမလာဟားရစ်ကို မဲပေးမယ်ဆိုသူ ၄၄ ရာခိုင်နှုန်းရှိပြီး ၄၂ ရာခိုင်နှုန်းကတော့ ဒေါ်နယ်ထရန့်ကို မဲပေးမယ်လို့ ဆိုကြပြီး ဟားရစ်ဟာ သူမရဲ့ ဒီမိုကရက်တစ်ပါတီကို လူကြိုက်များအောင် အနည်းငယ်မြှင့်တင်ပေးနိုင်ခဲ့ပါတယ်။ ပီဘီအက်စ်နဲ့အခြားသော စစ်တမ်းတခုမှာတော့ ရွေးကောက်ပွဲမှာ မှတ်ပုံတင်ထားတဲ့ မဲဆန္ဒရှင်တွေရဲ့ ၄၆ ရာခိုင်နှုန်းကတော့ ကမလာဟားရစ်ကို မဲပေးမယ်လို့ ဆိုပါတယ်။ ဒေါ်နယ်ထရန့်ကတော့ ဂျိုးဘိုင်ဒင်ထက် ဟားရစ်ကို…

Read More

  ဇူလိုင် ၂၄ – ၂၀၂၄ SN (VOM) ဘဏ်တွေ အရေးယူမယ့်ကိစ္စကြောင့် ဘဏ်နဲ့ချိတ်ဆက် အိမ်ရာဝယ်တဲ့ချေးငွေတွေ ရပ်ဆိုင်းကုန်တဲ့အတွက် အိမ်ခြံမြေဈေးကွက် ထိခိုက်လာတယ်လို့ ဈေးကွက် ကျွမ်းကျင်သူတွေနဲ့ ဆောက်လုပ်ရေး လုပ်ငန်းရှင်တွေက ပြောပါတယ်။ “လတ်တ‌လော အခြေအနေတွေအရ ဘဏ်တွေကနေ ငွေထုတ်လို့ မရတဲ့အပိုင်းနဲ့ ဘဏ်ချိတ်တွေ မရတော့တဲ့ အနေအထားတွေ ဖြစ်လာတယ်။ ထိန်းချုပ်မှုတွေ၊ အရေးယူမှုတွေလည်း ရှိလာတဲ့အခါကျတော့ အဆင်မပြေတော့ဘူး။ မြို့ကြီးတွေမှာက နယ်မြို့တွေထက် ဘဏ်ချိတ်နဲ့ ဝယ်တာ ပိုများလေ့ရှိတာဆိုတော့ ခုနောက်ပိုင်း အရောင်းအဝယ်တွေ ခက်လာတယ်။ အဆင်မပြေတော့ဘူး” လို့ အိမ်ခြံမြေဈေးကွက် ကျွမ်းကျင်သူတယောက်က ပြောပါတယ်။ ဗဟိုဘဏ် သတ်မှတ်ချက်ထက် ကျော်လွန်ပြီး အိမ်ရာချေးငွေ ထုတ်ချေးထားတဲ့ ပြည်တွင်းဘဏ် ခုနစ်ခုရဲ့ တာဝန်ရှိသူတွေကို အရေးယူမယ်လို့ ကြေညာပြီးတဲ့နောက်ပိုင်းမှာ ဘဏ်နဲ့ ချိတ်ဆက် အိမ်ရာဝယ်တဲ့ ချေးငွေတွေ ရပ်ဆိုင်းသွားတာကြောင့်…

Read More

  ဝါရှင်တန်၊ ဇူလိုင်-၂၄ မျိုးဆက်(VOM) အမေရိကန်သမ္မတဟောင်း ဒေါ်နယ်ထရန့်ကို လုပ်ကြံသတ်ဖြတ်ဖို့ ကြိုးပမ်းမှုမှာ လုံခြုံရေးဆိုင်ရာ ပျက်ကွက်မှုကြောင့် လျှို့ဝှက်ထောက်လှမ်းရေးဌာန ညွှန်ကြားရေးမှူး ကင်ချီတယ်ဟာ ရာထူးကနေ နုတ်ထွက်ကြောင်း ကြေညာလိုက်ပါတယ်။ ဌာနရဲ့ ညွှန်ကြားရေးမှူးတယောက်အနေနဲ့ အဲဒီဖြစ်စဉ်က လုံခြုံရေးပျက်ကွက်မှုအတွက် မိမိအပြည့်အ၀ တာဝန်ယူကြောင်း မစ္စချီတယ်ရဲ့ နုတ်ထွက်စာမှာ ဖော်ပြထားပါတယ်။ သမ္မတဟောင်းဒေါ်နယ်ထရန့် ပစ်ခတ်ခံရမှုနဲ့ပတ်သက်ပြီး အငြင်းပွားဖွယ် လွှတ်တော်ကြားနာမှုအပြီးမှာ သူမဟာ ် ရီပတ်ဘလီကန်နဲ့ ဒီမိုကရက်တစ်ပါတီ နှစ်ဘက်စလုံးရဲ့ နုတ်ထွက်ဖို့ တောင်းဆိုမှုတွေနဲ့ ရင်ဆိုင်ခဲ့ရပါတယ်။ ဒီဖြစ်ရပ်ဟာ ဆယ်စုနှစ်များစွာအတွင်း လျှို့ဝှက်ထောက်လှမ်းရေးဌာနအတွက် လွန်စွာဆိုးရွားတဲ့ လုံခြုံရေးဆိုင်ရာ ပျက်ကွက်မှုဖြစ်ကြောင်း လွှတ်တော်ကြားနာမှုအတွင်း သူမက ဝန်ခံပြောဆိုပါတယ်။ ဒေါ်နယ်ထရန့်ရှိနေတဲ့ စင်မြင့်မှ မီတာ ၁၃၀ အကွာထိ သေနတ်သမားဘယ်လို ချဉ်းကပ်ခဲ့သည့်ဆိုတဲ့အပေါ် ဝေဖန်မှုတွေကျယ်ကျယ်ပြန့်ပြန့် ထွက်ပေါ်ခဲ့ပြီးနောက် အာဏာပို်ငတွေဟာ ပစ်ခတ်မှုနဲ့ပတ်သက်ပြီး စုံစမ်းစစ်ဆေးမှုတွေ ပြုလုပ်နေပါတယ်။ အဖွဲ့ရဲ့…

Read More

  အာဒစ်အာဘာဘာ၊ ဇူလိုင်-၂၄-၂၀၂၄ မျိုးဆက်(VOM) အီသီယိုးပီးယားနိုင်ငံတောင်ပိုင်းမှာ ဖြစ်ပွားခဲ့တဲ့ မြေပြိုမှုကြောင့် သေဆုံးသူအရေအတွက် မြင့်တက်လာပြီး အလောင်း ၂၃၀ ကိုတွေ့ရှိထားတယ်လို့ တာဝန်ရှိသူတွေက ပြောပါတယ်။ ဂိုဖာဇုန်ရှိ ဝေးလံခေါင်သီတဲ့ တောင်တန်းဒေသမှာ မိုးသည်းထန်စွာရွာသွန်းပြီးနောက် မြေပြိုမှု နှစ်ခုဖြစ်ပွာခဲ့တာဖြစ်ပြီး အသက်ရှင်ကျန်ရစ်သူတွေကို ကယ်ဆယ်ရေးတွေ ဆက်လက်လုပ်ဆောင်နေတယ်လို့ ဆိုပါတယ်။ လက်ရှိမှာတော့ ကယ်ဆယ်နိုင်ခဲ့သူ ၁၀ ယောက်ကို ဆေးရုံပို့ထားပါတယ်။ အခင်းဖြစ်ပွားရာမှာ လူရာချီစုဝေးပြီး ရှာဖွေရေးတွေလုပ်ဆောင်နေကြကာ သေဆုံးသူအရေအတွက် တိုးလာနိုင်တယ်လို့ ပြောပါတယ်။ သေဆုံးသူတွေမှာ အမျိုးသမီး၊ ကလေးငယ်တွေနဲ့ ရဲအရာရှိတွေပါဝင်တယ်လို့ ဆိုပါတယ်။ “ပြီးခဲ့တဲ့နေ့မနက်က မြေပြိုမှုဖြစ်တဲ့နေရာမှာ ကယ်ဆယ်ရေးတွေလုပ်ဖို့ ရဲတွေအပါအဝင် ဒေသခံတွေစုရုံးနေကြချိန်မှာ ဒုတိယအကြိမ်မြေပြိုမှု ထပ်ဖြစ်တယ်။ဒီမှာတင် သေဆုံးသူတွေ ပျောက်ဆုံးသူတွေ တိုးလာတယ်”လို့ ခရိုင်အစိုးရ ပြောရေးဆိုခွင့်ရှိသူကပြောပါတယ်။ ဂိုဖာဒေသဟာ တောင်အီသီယိုးပီးယားပြည်နယ်ရဲ့ အစိတ်အပိုင်းဖြစ်ပြီး မြို့တော် အာဒစ်အာဘာဘာနဲ့ ၃၂၀ ကီလိုမီတာဝေးပါတယ်။ ဒီဒေသဟာ…

Read More