Month: July 2024

ဇူလိုင်လ ၂၇၊ ၂၀၂၄ Shy V (VOM) ရှမ်းပြည်နယ် မြောက်ပိုင်း၊ လားရှိုး မန်ဆူဘက်မှာတော့ ဒီနေ့ ဇူလိုင်လ ၂၇ ရက်နေ့အထိ စစ်ရေးအခြေအနေ တင်းမာနေဆဲဖြစ်ကြောင်း ဒေသခံတွေဆီက သိရပါတယ်။ “လားရှိုး မန်ဆူ ဘုန်ကြီးကျောင်းဝန်းထဲမှာကိုးကန့်တွေ ဝင်ပြီး နေရာယူထားတယ်။နစက တပ်ဘက်ကလည်း မန်ဆူ ဗမာဘုန်းကြီးကျောင်းဝန်းထဲမှာ နေရာယူထားတယ်။ အဲဒီ ကျောင်းနှစ်ကျောင်းက ကားလမ်းမပဲ ခြားတယ်” လို့ ဒေသခံ တယောက်က ပြောပါတယ်။ မြို့ထဲ နှစ်ဖက် တပ်ဖွဲ့တွေက အပြိုင်အဆိုင် နေရာ‌ေတွ နီးနီး ကပ်ကပ် ဝင်ယူ‌ကြတော့ ရှောင်မပြေးနိုင်ပဲ ကျန်နေတဲ့ ပြည်သူတွေက တိုက်ပွဲကြားထဲညှပ် ပိတ်မိ ဒုက္ခရောက် ကြရတယ်လို့ ဒေသခံတွေက ပြောပါတယ်။ “မန်ဆူကနေ အောက်ဖက်ကို ပေးမသွားဘူး လို့သိရတယ်။ မနေ့ကလည်း လက်နက်ကြီးတွေ ကျတယ်လို့ သိရတယ်။…

  ဇူလိုင် ၂၇ – ၂၀၂၄ GG (VOM) ရေနစ်မြုပ်မှုကြောင့် ထိခိုက်ပျက်ဆီးခဲ့ရတဲ့ မိုးစပါးစိုက်ခင်း​ေတွကို စာရင်းကောက်ယူပြီး လိုအပ်တဲ့ မျိုးစပါး ၊ မြေဩဇာနဲ့ စိုက်ပျိုးရေးဆေးတွေ ပံ့ပိုးပေးသွားမယ်လို့ မြန်မာနိုင်ငံဆန်စပါးအသင်းချုပ် MRF က အသိပေးလာပါတယ်။ ဒါပေမယ့်လည်း ရေမကျသေးပါက ကူညီထောက်ပံ့မှုတွေဘာမှလုပ်လို့မရဘဲ ရေကျမှသာ ပျက်စီးထိခိုက်မှုရှိတဲ့ စိုက်ခင်းတွေကို လိုအပ်တဲ့အကူညီထောက်ပံ့တွေပေးနိုင်မှာဖြစ်တယ်လို့ MRF တာဝန်ရှိသူကဆိုပါတယ်။ ” ရေမကျသေးရင် ဘာမှ လုပ်လို့ မရသေးပါဘူး။ပျက်ဆီးထိခိုက်မှု ရှိတဲ့နေရာမှာတော့ သက်တမ်းတို မျိုးတွေ နဲ့ ပြန်စိုက်လို့ ရရင် စိုက်ဖို့ လုပ်ရမှာပါ။ စပါးခင်းရေမြုပ်တာ ၄-၅-၆ ရက်လောက် ရေမြုပ်ပြီး ရေပြန်ကျတဲ့ နေရာမှာတော့ သဘာဝမြေဩဇာ၊ ဓါတ်မြေဩဇာ၊ ဆေးတွေ နဲ့ အထွက်မလျော့အောင် ကူညီရမှာပါ။ ” လို့ ပြောပါတယ်။ လက်ရှိမှာတော့ မိုးရွာသွန်းခြင်း၊မြစ်ရေတက်ခြင်း၊တောင်ကျရေနဲ့ချောင်းရေတက်မှုတွေကြောင့်…

  ဇူလိုင် ၂၇ – ၂၀၂၄ GG (VOM) ပဲခူးတိုင်းအနောက်ပိုင်းအပြင် အရှေ့ပိုင်းကမြို့နယ်တွေမှာပါ ရေကြီးနစ်မြုပ်မှုတွေရှိလာတာကြောင်း ပဲခူးတိုင်းတတိုင်းလုံးက မြို့နယ်အများစုမှာ ရေကြီးနစ်မြုပ်မှုတွေဖြစ်ပွားပြီး ရေဘေးသင့်ပြည်သူတွေလည်း သိန်းချီရှိကာ အစားအသောက်နဲ့အကူအညီတွေလိုအပ်နေတယ်လို့သိရပါတယ်။ ပဲခူးတိုင်းအရှေ့ခြမ်းက ရွှေကျင်၊ပဲခူးမြို့၊မုန်း၊မဒေါက်မြို့နယ်အပါအဝင် မြို့နယ်အချို့က ကျေးရွာတွေ၊ အနိမ့်ပိုင်းရပ်ကွက်တွေမှာရေတွေဝင်ရောက်ပြီး အချို့ရွာတွေမှာ နေအိမ်တွေနစ်မြုပ်တဲ့အထိဖြစ်ပွားနေတဲ့ အပြင် ပဲခူး-ရန်ကုန် ကားလမ်းပေါ်လည်း ရေတွေစတင်ကျော်နေပြီဖြစ်တယ်လို့သိရပါတယ်။ ” ပဲခူး ရန်ကုန်ကားလမ်းရေကျော်နေပြီ။ကားတွေတော့သွားလို့ရနေသေးတယ်။ရပ်ကွက်တွေထဲလည်းရေဝင်နေပြီ။မနှစ်ကလိုရေတက်မကြမ်းဖို့တော့ဆုတောင်းပါတယ်။မနှစ်ကရေကြီးတာတော့ခုချိန်မဟုတ်ဘူး။အခုတော့ပဲခူးကစိုးရိမ်ရေမှတ်ထက်ကျော်နေပြီ။မဒေါက်ဘက်ကတော့ ပိုအတက်ကြမ်းနေတယ်။ ” လို့ပဲခူးမြို့ခံကပြောပါတယ်။ မဒေါက်မြို့နယ်မှာ စစ်တောင်းမြစ်ရေက မြို့ရဲ့စိုးရိမ်ရေမှတ်ထက် ၆ ပေခန့်ကျော်နေပြီး နောက်ထပ်လည်း ၁ ပေလောက်မြင့်တက်လာအုံးမယ်လို့ မိုး/ဇလကအသိပေးထားပါတယ်။ ရွှေကျင်မြို့မှာလည်း ရွှေကျင်မြစ်ရေက မြို့ရဲ့စိုးရိမ်ရေမှတ်ထက် ၄ ပေခွဲကျော်လွန်နေတဲ့အပြင် ထပ်ပြီးလည်း ၂ ပေလောက်မြင့်တက်လာအုံးမယ်လို့ဆိုပါတယ်။ ပဲခူးမြို့နယ်မှာလည်း ပဲခူးမြစ်ရေကမြို့ရဲ့စိုးရိမ်ရေမှတ်ထက် ၂ ပေကျော်လွန်နေပြီးနောက်ထပ် ၂ ပေ မြင့်တက်လာနိုင်တယ်လို့ဆိုပါတယ်။ ” အရင်နှစ်ကမိုးက အောက်တိုဘာလထဲမှာ…

  ဇူလိုင် ၂၇ – ၂၀၂၄ SN (VOM) လက်ရှိမှာ ချင်းပြည်နယ် (မြောက်ပိုင်း)၊ ဖလမ်းမြို့ကို ချင်းညီနောင်အဖွဲ့က တိုက်ခိုက် သိမ်းပိုက်တော့မယ်ဆိုတဲ့ သတင်းတွေ ကျယ်ကျယ်ပြန့်ပြန့် ထွက်ပေါ်လာတာကြောင့် ဒေသခံထောင်နဲ့ချီ မြို့ကိုစွန့်ခွာနေကြတယ်လို့ မြို့ခံတွေဆီက သိရပါတယ်။ ထွက်ပြေး တိမ်းရှောင်သူတွေဟာ ကား၊ ဆိုင်ကယ် အလုံးရင်းနဲ့ ဖလမ်းမြို့နယ်ထဲက ကျေးရွာတွေအပြင် ဟားခါး၊ ရန်ကုန်၊ စစ်ကိုင်းတိုင်း ကလေးမြို့နယ်နဲ့ အိန္ဒိယနိုင်ငံ မီဇိုရမ်ပြည်နယ်တို့အထိ ထွက်ပြေးနေကြတာဖြစ်ပြီး အရေအတွက်အားဖြင့် လူဦးရေ ၅၀၀၀ ကျော် ရှိလာပြီဖြစ်တယ်လို့ သိရပါတယ်။ “မြို့ထဲမှာ ကျန်နေခဲ့တဲ့သူတွေလည်း တိမ်းရှောင်ဖို့ ပြင်ဆင်နေကြပါပြီ။ ဘယ်သူမှလည်း မနေရဲကြတော့ဘူးလေ။ ဒီရက်ပိုင်း မြို့ကလူအကုန် ထွက်ခွာဖြစ်မယ်ထင်တယ်။ ကောလာဟလ သတင်းတွေကတော့ တောက်လျှောက် ထွက်နေတာပါပဲ။ အခုလည်း သတင်းထွက်နေတယ်။ ဒါပေမယ့် ဖလမ်းမြို့မှာတော့ အခုအချိန်အထိ စစ်ရေးဖော်ဆောင်တာ၊…

  ဇူလိုင် ၂၇ – ၂၀၂၄ SN (VOM) ချင်းပြည်နယ်၊ တီးတိန်မြို့မှာ မနေ့ ဇူလိုင် ၂၆ ရက်ကစပြီး လျှပ်စစ်မီးနဲ့ အင်တာနက် ပြန်လည်ရရှိနေပြီဖြစ်တယ်လို့ ဒေသခံတွေက ပြောပါတယ်။ မနေ့ နေ့လယ် ၁၁ နာရီဝန်းကျင်ကစပြီး Hyper Line ရဲ့ Wifi Cable လိုင်းကနေ အင်တာနက် စတင် အသုံးပြုလို့ ရပြီဖြစ်သလို နေ့လယ် ၁၂ နာရီ ဝန်းကျင်မှာလည်း ဇလွီး ရေအားလျှပ်စစ် စက်ရုံမှတဆင့် လျှပ်စစ်မီး ပြန်လည်ရရှိနေပြီ ဖြစ်တယ်လို့ သိရပါတယ်။ “လျှပ်စစ်မီးရော၊ Wifi ရော ပြန်ရနေပြီ။ လျှပ်စစ်မီးကတော့ အရင်က အလှည့်ကျကိုမှ တပတ်ကို နှစ်ရက်ပေးတာ။ အခုတော့ ဘယ်လိုပေးမလဲ မသိသေးဘူး။ Wifi ကလည်း ပြန်ရပေမယ့် အင်တာနက်လိုင်းဆွဲအား သိပ်မကောင်းသေးဘူး”…