Month: August 2024

Voice of Myanmar ဘရာဇီး၏ ပထမဆုံး အမျိုးသမီးသမ္မတ ဒီလ်မာရပ်ဆဲဖ်သည် ၎င်းပြန်လည်ရွေးကောက်ခံရသော ၂၀၁၄ ခုနှစ်ရွေးကောက်ပွဲတွင် ဘက်ဂျက်လိုငွေပြမှုကိုကာမိစေရန် နိုင်ငံပိုင် ရန်ပုံငွေများကို အသုံးပြုခဲ့ကြောင်း လွှတ်တော်ကစွပ်စွဲ ပြစ်တင်ပြီးနောက် ၂၀၁၆ ခုနှစ် ဩဂုတ် ၃၁ ရက်တွင် ရာထူးမှ ဖယ်ရှားခံခဲ့ရသည်။

ကိဗ်ယက်၊ ဩဂုတ်-၃၁-၂၀၂၄မျိုးဆက်(VOM)ရုရှားသမ္မတ ပူတင်ဟာ လာမယ့်သီတင်းပတ်အတွင်းမှာ မွန်ဂိုလီးယားကို သွားရောက်ဖို့ရှိနေပြီး ဒီခရီးစဉ်မှာ ပူတင်ကို ဖမ်းဆီးဖို့ အိုင်စီစီ အဖွဲ့ဝင်ဖြစ်တဲ့ မွန်ဂိုလီးယားကို ယူကရိန်းသမ္မတ ဇီလန်စကီးက တိုက်တွန်း တောင်းဆိုလိုက်ပါတယ်။ဒီခရီးစဉ်ဟာ အိုင်စီစီက ဖမ်း၀ရမ်းထုတ်ပြီးနောက်မှာ အိုင်စီစီအဖွဲ့ဝင်နိုင်ငံတနိုင်ငံကို ရုရှားသမ္မတပူတင် ပထမဆုံးအကြိမ် သွားရောက်ဖို့ စီစဉ်နေတာလည်းဖြစ်ပါတယ်။ ယူကရိန်းစစ်ပွဲ စတင်ပြီးနောက် ယူကရိန်းမှာဖြစ်ပွားခဲ့တဲ့ စစ်ရာဇဝတ်မှုတွေအတွက် ပူတင်မှာတာဝန်ရှိတယ်လို့ အိုင်စီစီက စွပ်စွဲထားပါတယ်။အဖွဲ့ဝင်နိုင်ငံဖြစ်တဲ့ မွန်ဂိုလီးယားဟာ အိုင်စီစီရဲ့စည်းမျဉ်းတွေကို လိုက်နာဖို့ တာဝန်ရှိတယ်လို့ အိုင်စီစီတာဝန်ရှိသူတယောက်က ပြောပါတယ်။ လာမယ့် အင်္ဂါနေ့မှာ စတင်မယ့် ဒီခရီစဉ်အတွက် စိုးရိမ်စရာမရှိဘူးလို့ ရုရှားဘက်က ပြောဆိုထားပါတယ်။“မွန်ဂိုလီးယားက ကျွန်တော်တို့ရဲ့ လု်ပဖော်ကိုင်ဖက်တွေနဲ့ ကောင်းမွန်တဲ့ ဆက်ဆံရေးရှိတယ် ။ သမ္မတရဲ့ခရီးစဉ်ကို အသေအချာပြင်ဆင်ထားတယ် ” လို့ ရုရှားသမ္မတနန်းတော် ပြောရေးဆိုခွင့်ရှိသူ ဒီမီထရီပက်စ်ကော့ဗ်က ပြောပါတယ်။အိုင်စီစီပြောရေးဆိုခွင့်ရှိသူ ဒေါက်တာ ဖာဒီအယ်လ်အဗ္ဗဒယ်လာကတော့ မွန်ဂိုလီးယားအပါအဝင် အဖွဲ့ဝင်နိုင်ငံတွေဟာ…

ဘဂ္ဂဒက်၊ ဩဂုတ်-၃၁-၂၀၂၄မျိုးဆက်(VOM)အီရတ်ရှိ အိုင်အက်စ်စစ်သွေးကြွ ပစ်မှတ်တွေကို အမေရိကန်နဲ့အီရတ်တပ်ဖွဲ့တွေရဲ့ ပူးပေါင်းစစ်ဆင်ရေးအတွင်း စစ်သွေးကြွ ၁၅ ယောက်ကို သုတ်သင်နိုင်ခဲ့ကြောင်း အမေရိကန် စစ်တပ်က ထုတ်ပြန်ပါတယ်။ပူးတွဲစစ်ဆင်ရေးအတွင်း လက်နက်တွေ အသေခံဗုံးတပ်ဆင်ထားတဲ့ ဝတ်စုံတွေ ၊ ခဲယမ်းမီးကျောက်အများအပြားနဲ့ အရေးကြီး စာရွက်စာတမ်းတွေကိုလည်း သိမ်းဆည်းရမိခဲ့တယ်လို့ ဆိုပါတယ်။အိုင်အက်စ်စစ်သွေးကြွတွေဟာ အမေရိကန် ၊ အီရတ်နဲ့ ဒေသတွင်း ဒေသပြင်မဟာမိတ်တွေရဲ့ အစီအစဉ် ၊ စုစည်းမှု၊ တိုက်ခိုက်နိုင်စွမ်းကို နှောက်ယှက်ဖို့ကြိုးပမ်းနေတဲ့ အိုင်အက်စ်ဗဟိုဌာနချုပ်မှ အဖွဲ့ဝင်တွေကို ပစ်မှတ်ထားတိုက်ခိုက်ခဲ့တာဖြစ်တယ်လို့ အမေရိကန်စစ်တပ်က ထုတ်ပြန်ထားပါတယ်။စစ်သွေးကြွတွေ ခိုအောင်းနေတဲ့နေရာတွေကို ၊ လှိုဏ်ဂူတွေနဲ့ ပစ်မှတ်တွေကို လေကြောင်းကနေ စစ်ဆင်ရေးတွေ လု်ပဆောင်ခဲ့တယ်လို့ အီရတ်စစ်တပ်က တာဝန်ရှိသူတွေကလည်း ဆိုပါတယ်။တိုက်ခိုက်မှုမှာ အရပ်သားသေဆုံးမှုမရှိဘူးလို့ ပြောပါတယ်။ ဒါပေမယ့်လည်း အမေရိကန် သို့မဟုတ် အီရတ်တပ်ဖွဲ့ဝင်တွေ သေဆုံးဒဏ်ရာရမှုအခြေအနေကိုတော့ ရှင်းရှင်းလင်းလင်း မသိရပါဘူး။လက်ရှိချိန်ထိ အမေရိကန်တပ်ဖွဲ့ဝင် ၂၅၀၀ ဝန်းကျင် အီရတ်မှာ…

တိုင်ပေ ၊ ဩဂုတ်-၃၁-၂၀၂၄မျိုးဆက်(VOM)တရုတ်နိုင်ငံဟာ ထိုင်ဝမ်ကျွန်းကို ကမ်းတက်စစ်ဆင်ရေးတွေအတွက် ဆက်လက်ပြင်ဆင်နေကြောင်း ထိုင်ဝမ်ကာကွယ်ရေးဝန်ကြီးဌာနက ထုတ်ပြန်တဲ့ တရုတ်ရဲ့ စစ်ရေးစွမ်းရည်ဆိုင်ရာ နှစ်ပတ်လည်အစီရင်ခံစာမှာ ရေးသားဖော်ပြထားပါတယ်။မေလမှာ သမ္မတလိုင်ချင်းတီ ရာထူးရယူပြီးနောက်ပိုင်း တရုတ်နိုင်ငံကလုပ်တဲ့ စစ်ရေးလေ့ကျင့်မှုတွေဟာ ထိုင်ဝမ်ကို ခြိမ်းခြောက်ပြီး ထိုင်ဝမ်စစ်တပ်နဲ့ပြည်သူတွေရဲ့ စိတ်ဓါတ်ပျက်ပြားစေဖို့ ရည်ရွယ်တာလို့ ထိုင်ဝမ်ပါလီမန်ကို တင်သွင်းတဲ့ အစီရင်ခံစာမှာ ဖော်ပြထားပါတယ်။တရုတ်စစ်တပ်ဟာ ထိုင်ဝမ်ကို ရေကြောင်းကနေ ပိတ်ဆို့တာတွေကို သေချာစေဖို့အတွက် ထိုင်ဝမ်အရှေ့ဘက် ကမ်းလွန်ရေပြင်ထိ စစ်သင်္ဘောတွေအပြင် ကမ်းခြေစောင့်တပ် သင်္ဘောများပါ စေလွတ်ခဲ့တယ်လို့ ဆိုပါတယ်။တရုတ်စစ်တပ်ဟာ ထိုင်ဝမ်ရေလက်ကြားရဲ့ သဘာ၀ ပထဝီပတ်ဝန်းကျင်နဲ့ထောက်ပံ့နိုင်စွမ်း မလုံလောက်သေးတာကြောင့် ထိုင်ဝမ်ကို အပြည့်အ၀ကျူးကျော်ဖို့တော့ အားနည်းနေသေးတယ်လို့ အစီရင်ခံစာက ဆိုပါတယ်။ဒါပေမယ့်လည်း တရုတ်စစ်တပ်ဟာ ကမ်းတက်စစ်ဆင်ရေးတွေ ပြင်ဆင်ဖို့အတွက် စစ်ဘက်ဆိုင်ရာ နည်းပညာတွေနဲ့ စက်ပစ္စည်းကိရိယာအသစ်တွေကို တီထွင်နေတယ်လို့ ထိုင်ဝမ်ကာကွယ်ရေး ဝန်ကြီးဌာနက ဆိုပါတယ်။ယခုနှစ်အစောပိုင်းမှာ စည်းကမ်းချိုးဖောက်မှုကြောင့် တရုတ်ကွန်မြူနစ်ပါတီကနေ ကာကွယ်ရေးဝန်ကြီးဟောင်းနှစ်ယောက်ကို ထုတ်ပယ်လိုက်တာကိုလည်း အစီရင်ခံစာမှာ…