Day: August 9, 2024

  ဩဂုတ် ၉ – ၂၀၂၄ SS (VOM) မန္တလေးတိုင်း၊ ပြင်ဦးလွင်မြို့နယ်ကို လက်နက်ကိုင်တပ်ဖွဲ့တွေ မကြာခင် တိုက်ခိုက်တော့မယ်ဆိုတဲ့ သတင်းကြောင့် ဒေသခံတွေ အလုံးအရင်းနဲ့ စတင်ပြောင်းရွှေ့ နေကြတဲ့အတွက် မနေ့ ဩဂုတ် ၈ ရက်က ပြင်ဦးလွင် – မန္တလေး ၁၆ မိုင်ဂိတ်မှာ စစ်ဘေးရှောင်လာသူတွေရဲ့ ကားတွေ ရာနဲ့ချီ ပိတ်မိနေခဲ့တယ်လို့ မျက်မြင်တွေ့ရှိသူတွေဆီက သိရပါတယ်။ မန္တလေး – ပြင်ဦးလွင် ပြည်ထောင်စုလမ်းမကြီးတလျှောက် ယာဉ်တန်း ရာနဲ့ချီ ရှိခဲ့ပြီး ၁၆ မိုင် စစ်ဆေးရေးဂိတ်မှာ ဌာနဆိုင်ရာပေါင်းစုံ အထိုင်ချကာ ပြင်ဦးလွင်ကဆင်းလာတဲ့ ကားတွေ၊ ဆိုင်ကယ်တွေကို အစစ်ဆေးတင်းကျပ်နေတာကြောင့် ၃ မိုင်ကျော်လောက်အထိ ယာဉ်တွေ ပိတ်ဆို့ခဲ့တယ်လို့ သိရပါတယ်။ “ပြင်ဦးလွင်မြို့နေ ပြည်သူ ထက်ဝက်ကျော်လောက်ရှိမယ်။ မန္တလေးမြို့ကို ကားကြီး၊ ကားငယ် အသွယ်သွယ်နဲ့…

  ဩဂုတ် ၉ – ၂၀၂၄ SN (VOM) ရခိုင်ပြည်နယ်၊ သံတွဲအကျဉ်းထောင်ကနေ နိုင်ငံရေးအကျဉ်းသား အယောက် ၄၀ ကျော်ကို ကယ်ထုတ်နိုင်ခဲ့တယ်လို့ အာရက္ခတပ်တော် (AA) က မနေ့ ဩဂုတ် ၈ ရက်က သတင်းထုတ်ပြန်ထားပါတယ်။ AA က သံတွဲအကျဥ်းထောင်ကို ပြီးခဲ့တဲ့ ဇူလိုင်လ ၁၆ ရက်နေ့က သိမ်းယူခဲ့တာဖြစ်ပြီး အကျဉ်းသား ၃၇၂ ယောက်ကို ဘေးလွတ်ရာကို ကယ်ထုတ်ခဲ့တာမှာ နိုင်ငံရေးအကျဉ်းသား ၄၃ ယောက်လည်း ပါဝင်ခဲ့တယ်လို့ ဆိုပါတယ်။ ဒါနဲ့ပတ်သက်လို့ စစ်ရေးသတင်းရင်းမြစ်တယောက်က “အကျဉ်းသားတွေထဲမှာ နေမကောင်းတဲ့သူ၊ ဒဏ်ရာ ရထားတဲ့သူတွေလည်း ပါတယ်ကြားတယ်။ အခုကတော့ သံတွဲက တိုက်ပွဲငြိမ်နေတယ်လို့ ပြောရမယ်။ AA က သံတွဲကို မြို့ထဲမှာ တိုက်ပွဲမဖြစ်ဘဲ သိမ်းလိုက်နိုင်တာ။ အခု စစ်သားတွေလည်း မြို့ထဲမှာ…

  ဩဂုတ် ၉ – ၂၀၂၄ SS (VOM) ရှမ်းပြည်အရှေ့ပိုင်း အထူးဒေသ (၄) NDAA မိုင်းလားအဖွဲ့ရဲ့ ဥက္ကဋ္ဌ ဦးစိုင်းလင်းဟာ မနေ့ ဩဂုတ် ၈ ရက် မနက်ပိုင်းက တရုတ်နိုင်ငံမှာ အဆုတ်ကင်ဆာရောဂါနဲ့ ကွယ်လွန်သွားပြီဖြစ်တယ်လို့ အဲဒီ အဖွဲ့နဲ့ နီးစပ်သူတွေဆီက သိရပါတယ်။ အဆုတ်ကင်ဆာရောဂါကို ဒုတိယအကြိမ် ဆေးကုသရင်း ကွယ်လွန်သွားခဲ့တာဖြစ်ပြီး ကွယ်လွန်ချိန်မှာ အသက် ၇၈ နှစ် ရှိပြီဖြစ်တယ်လို့ သိရပါတယ်။ “သူက လွန်ခဲ့တဲ့ အနှစ် ၂၀ လောက်က ဒီရောဂါကြောင့် အဆုတ်တခြမ်း ဖြတ်ထားရတာ။ ဒီတကြိမ် ရောဂါ ပြန်ထလာတော့ အသက်ပါ ပါသွားတာပေါ့။ အခု တရုတ်ပြည်ကနေ မိုင်းလားကို ပြန်သယ်ဖို့ စီစဉ်နေပါတယ်” လို့ NDAA အဖွဲ့နဲ့ နီးစပ်သူတယောက်က ပြောပါတယ်။ ဦးစိုင်းလင်းကွယ်လွန်သွားတဲ့အတွက်…

  ဩဂုတ် ၉ – ၂၀၂၄ SN (VOM) ကုန်သွယ်ရေးလမ်းကြောင်း ပိတ်ဆို့ခံရမှုကြောင့် ရခိုင်ဒေသမှာ HIV ပိုးထိန်းဆေး (ART) ဆေးတွေ လုံးဝပြတ်လပ်နေပြီး ရောဂါပိုးရှိသူတွေ အခက်ကြုံနေရလို့ ကျန်းမာရေး စောင့်ရှောက်မှု ပေးနေသူတွေနဲ့ ဒေသခံတွေဆီက သိရပါတယ်။ ခုခံအားကျဆင်းမှုရောဂါ (Human Immunodeficiency Virus – HIV) ပိုး ကူးစက်ခံရသူတွေဟာ ဝေဒနာကို HIV ပိုးထိန်းဆေး (Antiretroviral Therapy – ART) တွေနဲ့ ထိန်းထားနိုင်တာဖြစ်ပြီး လက်ရှိ ရခိုင်ပြည်မှာ ကုန်းလမ်းနဲ့ ရေလမ်းတွေ ပိတ်ဆို့ထားကာ ဆေးဝါးတင်သွင်းခွင့်ကိုပါ မရရှိအတွက် ဆေးဝါးတွေ ပြတ်လပ်နေတယ်လို့ သိရပါတယ်။ “တီဘီနဲ့ ပတ်သက်တဲ့ ဆေးဝါးတွေ၊ HIV နဲ့ ပတ်သက်တဲ့ ဆေးဝါးဆေးတွေက တခြားဆေးတွေလို အလွယ်တကူဝယ်လို့မရဘူး။ ဈေးနှုန်းအားဖြင့်လည်း အတိုင်းအတာတခုထိ ဈေးကြီးတာမျိုးရှိတယ်။ အရင်တုန်းကတော့…