Day: August 21, 2024

ဘန်ကောက်၊ ဩဂုတ်-၂၁-၂၀၂၄မျိုးဆက်(VOM)ထိုင်းနိုင်ငံမှာ မျောက်ကျောက်ရောဂါ မျိုးကွဲသစ် ကူးစက်မှု သံသယလူနာတယောက်ကို စတင်တွေ့ရှိထားတယ်လို့ ထိုင်းအာဏာပိုင်တွေက ဒီနေ့မှာ ထုတ်ပြန်ကြေညာလိုက်ပါတယ်။အာဖရိက ဒေသမှာ ကူးစက်မှုတွေမြင့်တက်လာတဲ့ မျောက်ကျောက်ရောဂါကို ကမ္ဘာ့ကျန်းမာရေးအဖွဲ့က နိုင်ငံတကာ ကျန်းမာရေးအရေးပေါ်အခြေအနေအဖြစ် သတိပေးကြေညာထားပြီး လက်ရှိမှာတော့ အာဖရိက ဒေသပြင်ပ နိုင်ငံတချို့မှာ ကူးစက်မှုတွေရှိနေပါတယ်။အာရှဒေသမှာတော့ ပါကစ္စတန်နဲ့ ဖိလစ်ပိုင်တို့မှာ ကူးစက်မှုတွေရှိနေသလို ထိုင်းနိုင်ငံမှာတော့ မျိုးကွဲဗိုင်းရပ်စ်ကူးစက်ခံရဖွယ်ရှိတဲ့ သံသယလူနာတယောက်ကို စတင်တွေ့ရှိခဲ့တာဖြစ်ပါတယ်။သံသယလူနာဟာ အာဖရိကနိုင်ငံတခုကနေ ထိုင်းနိုင်ငံကို ရောက်ရှိလာတဲ့ ဥရောပနိုင်ငံသားတယောက်ဖြစ်တယ်လို့ ထိုင်းနိုင်ငံ ရောဂါထိန်းချုပ်ရေးနဲ့ ကာကွယ်တားဆီးရေး ဌာနက ဆိုပါတယ်။ဒီမျိုးကွဲဟာ ပိုမိုအန္တရာယ်ရှိတဲ့ ဗိုင်းရပ်စ်ဟုတ်မဟုတ် ဓါတ်ခွဲအတည်ပြုမှုရလဒ်တွေကို စောင့်နေတယ်လို့ တာဝန်ရှိသူတွေက ပြောပါတယ်။ မျိုးကွဲဟာ Clade 2 မဟုတ်နိုင်ဘူးလို့ ဆိုပါတယ်။လက်ရှိမှာတော့ မျောက်ကျောက်ရောဂါဟာ အာဖရိကဒေသ ကွန်ဂို၊ ဘူရွန်ဒီ၊ ကင်ညာ ၊ ရဝမ်ဒါ၊ ယူဂန်ဒါတို့မှာ ဖြစ်ပွားနေပြီး ကူးစက်မှုနဲ့ သေဆုံးမှု…

ဝါရှင်တန်၊ ဩဂုတ်-၂၁-၂၀၂၄ရတီ (VOM)ကမ္ဘာကျော် အဆိုတော်နဲ့ သရုပ်ဆောင်မင်းသမီး ဂျီနီဖာလိုပက်ဇ်နဲ့ ခင်ပွန်းဖြစ်သူ ဘန်အက်ဖ်လက်ခ်တို့ဟာ လက်ထပ်ပြီးနောက် နှစ်နှစ်အကြာမှာ ကွာရှင်းပြတ်စဲဖို့ ဂျီနီဖာလိုပက်ဇ်က တရားရုံးမှာ လျှောက်ထားလိုက်ပါတယ်။သူမဟာ ဩဂုတ် ၂၀ ရက်က လော့စ်အိန်ဂျလိစ်ကောင်တီရှိ တရားရုံးမှာ ကွာရှင်းခွင့် လျှောက်ထားခဲ့တာဖြစ်ပြီး ဘန်နီဖာလို့ နာမည်တွင်ခဲ့တဲ့ သူတို့စုံတွဲဟာ ၂၀၂၂ ခုနှစ် ဇူလိုင်လမှာ တရားဝင်လက်ထပ်ခဲ့ပြီး နောက်လအတွင်းမှာတော့ ဂျော်ဂျီယာမှာ မင်္ဂလာပွဲအကြီးအကျယ် ကျင်းပခဲ့ကြပါတယ်။သူတို့နှစ်ယောက်ရဲ့ အချစ်ဇာတ်လမ်းကတော့ ၂၀၀၃ ခုနှစ်အတွင်းက အနုပညာအလုပ်တွေအတူလုပ်ရင် စတင်ခဲ့ကြာတာတဖြစ်ပါတယ်။ အဲဒီနှစ်မှာပဲလက်ထပ်ဖို့ ၂၀၀၄ ခုနှစ်အစောပိုင်းမှာ သူတို့နှစ်ယောက် လမ်းခွဲခဲ့ကြပါသေးတယ်။အဲဒီနောက်မှာတော့ ဆက်ဆံရေးပြန်လည်အဆင်ပြေခဲ့ပြီး လက်ထပ်ခဲ့တာဖြစ်ပါတယ်။ သူတို့နှစ်ယောက်ရဲ့ အိမ်ထောင်ရေးအပေါ် ထင်ကြေးပေးမှုအမျိုးမျိုး ထွက်ပေါ်ခဲ့ပေမယ့် ကွာရှင်းခွင့်လျှောက်ထားတာနဲ့ပတ်သက်ပြီး အသေးစိတ်အချက်အလက်တွေကိုတော့ ထုတ်ဖော်ပြောဆိုတာမျိုးမရှိသေးပါဘူး။အသက် ၅၅ နှစ်အရွယ် လိုပက်ဇ်နဲ့ ၅၂ နှစ်အရွယ် အက်ဖ်လက်တို့ဟာ သူတို့ရဲ့ လက်ရှိဝင်ငွေ၊ အသုံးစရိတ်တွေ၊…

တိုကျို၊ ဩဂုတ်-၂၁-၂၀၂၄မျိုးဆက်(VOM)ဂျပန်ဝန်ကြီးချုပ် ကီရှီဒါရဲ့ နေရာကိုဆက်ခံမယ့်သူကို ရွေးချယ်မှုကို လာမယ့် စက်တင်ဘာ ၂၇ ရက်မှာ ပြုလုပ်မယ်လို့ အာဏာရ လစ်ဘရယ်ဒီမိုကရက်တစ်ပါတီက ထုတ်ပြန်ပါတယ်။ဝန်ကြီးချုပ်သစ်ဖြစ်လာမယ့် ပါတီခေါင်ဆောင်သစ်ရွေးပွဲအတွက် ပါတီရွေးကောက်ပွဲကော်မတီ အစည်းအဝေးကို ဩဂုတ် ၂၀ ရက်က ခေါ်ယူခဲ့ပြီးနောက် အခုလို နေ့ရက်အချိန် ထုတ်ပြန်ခဲ့တာဖြစ်ပါတယ်။ပါတီခေါင်းဆောင်နေရာဝင်ပြိုင်မယ့်သူတွေအနေနဲ့ ၁၅ ရက်ကြာ မဲဆွယ်စည်းရုံးခွင့်ရှိမှာဖြစ်ပြီး ဒါဟာ ၁၉၉၅ ခုနှစ်နောက်ပိုင်း အကြာဆုံးသတ်မှတ်ပေးထားတာဖြစ်ပါတယ်။ နိုင်ငံရေးနဲ့ ငွေကြေးဆိုင်ရာ ပါတီတွင်းအရှုပ်တော်ပုံတွေကြောင့် လူထုယုံကြည်မှု ပြန်လည်တည်ဆောက်ဖို့ ရည်ရွယ်တာလို့ အကဲခတ်တွေက ဆိုပါတယ်။လက်ရှိပါတီဥက္ကဌဖြစ်သူ ဝန်ကြီးချုပ် ကီရှီဒါရဲ့ သက်တမ်းဟာ လာမယ့်စက်တင်ဘာလမှာ ကုန်ဆုံးပြီး ရွေးကောက်ပွဲ ကျင်းပမှာဖြစ်ပါတယ်။ ပါလီမန်မှာတော့ အမတ်နေရာ ၇၃၄ နေရာအနက် အာဏာရ လစ်ဘရယ်ဒီမိုကရက်တစ်ပါတီက အမတ်နေရာ ၃၆၇ ယောက်ရှိနေပါတယ်။ဝန်ကြီးချုပ်ကီရှီဒါကတော့ နောက်ထပ်ဝန်ကြီးချုပ်သက်တမ်းအတွက် ပါတီခေါင်းဆောင်နေရာ ဝင်မပြိုင်တော့ဘူးလို့ မကြာသေးမီက ထုတ်ပြန်ကြေညာထားပါတယ်။ လက်ရှိမှာတော့…

ပေကျင်း၊ ဩဂုတ်-၂၁-၂၀၂၄ မျိုးဆက်(VOM) တရုတ်နိုင်ငံခြားရေးဝန်ကြီး ဝမ်ယီဟာ ကုလသမဂ္ဂအတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးကိုယ်စားလှယ် ဂျူလီဘစ်ရှော့နဲ့ မြန်မာ့အရေး တွေ့ဆုံဆွေးနွေးခဲ့ကြပြီး မြန်မာ့ပြည်တွင်းရေး ဝင်မစွက်ဘူးလို့ ဝမ်ယီက ထပ်မံကတိပြုလိုက်ပါတယ်။ တရုတ်နိုင်ငံဟာ မြန်မာနိုင်ငံရဲ့ အချုပ်အခြာအာဏာ ၊ လွတ်လပ်ရေး၊ အမျိုးသားစီးလုံးညီညွှတ်ရေးနဲ့ နယ်မြေစိုးမိုးရေးကို လေးစားလိုက်နာဖို့ ကတိကဝတ်ပြုထားပြီး ပြည်တွင်းရေးပြသနာမှာ ဝင်မစွက်ဖို့ သန္နိဌာန်ချထားတယ်လို့ ဝမ်ယီက ပြောပါတယ်။ မြန်မာ့အရေးကို မြန်မာကိုယ်တိုင် ဦးဆောင်တဲ့ ငြိမ်းချမ်းရေး လုပ်ငန်းစဉ်နဲ့ အာဆီယံရဲ့ အခန်းကဏ္ဍကို အဓိက လမ်းကြောင်းအဖြစ် တရုတ်နိုင်ငံက ထောက်ခံတယ်လို့ သူကဆိုပါတယ်။ ကုလသမဂ္ဂအထူးကိုယ်စားလှယ်ရဲ့ မြန်မာ့အရေး ပြေလည်ရေးနဲ့ ရေရည်တည်တံ့တဲ့ ငြိမ်းချမ်းရေးကို အကောင်အထည်ဖော်ဖို့ ကြိုးပမ်းအားထုတ်မှုတွေမှာ တရုတ်နို်ငငံက အပြုသဘောဆောင်တဲ့ အခန်းကဏ္ဍကနေ ပါဝင်ဖို့ အသင့်ရှိတယ်လို့လည်း ဝမ်ယီက ပြောပါတယ်။ မြန်မာ့နိုင်ငံမှာ ဖြစ်ပွားနေတဲ့ ပဋိပက္ခတွေကို အဆုံးသတ်နိုင်ရေးမှာ တရုတ်၊…

ဒေလီ၊ ဩဂုတ်-၂၁-၂၀၂၄ မျိုးဆက်(VOM) အိန္ဒိယနိုင်ငံမှာ ကလေးငယ်နှစ်ယောက်ကို လိင်ပိုင်းဆိုင်ရာ စော်ကားမှုပြုလုပ်ခဲ့တာနဲ့ ပတ်သက်ပြီး နိုင်ငံအနောက်ပိုင်း မဟာရာရှာထရာပြည်နယ်က ရထားဘူတာရုံမှာ လူရာပေါင်းများစွာ စုဝေးဆန္ဒပြခဲ့ကြပါတယ်။ ကလေးငယ်တွေဟာ တာနီခရိုင် ဘတ်လာပါမြို့ရှိ မူကြိုကျောင်း အိမ်သာမှာ ပြီးခဲ့တဲ့ သီတင်းပတ်အတွင်းက မဖွယ်မရာပြုလုပ်ခံခဲ့ရတာလို့ စွပ်စွဲထားပြီး ကျောင်းဝန်ထမ်းအမျိုးသားတယောက်ကို ရဲက ဖမ်းဆီးထားပေမယ့် အရေးယူမှု နှောင့်နှေးနေတယ်လို့ ကလေးမိဘတွေက စွပ်စွဲထားပါတယ်။ ဒီကိစ္စနဲ့ပတ်သက်ပြီး အမျက်ဒေါသထွက်နေတဲ့ ဆန္ဒပြသူတွေဟာ ကလေးတွေအတွက် တရားမျှတမှုရရှိရေး တောင်းဆိုခဲ့ပြီး ဘူတာမှာရှိတဲ့ ရထားလမ်းကို ပိတ်ဆို့ဆန္ဒပြမှုတွေ ပြုလုပ်ခဲ့ကြပါတယ်။ အချို့တော့ ရဲတွေကို ကျောက်ခဲတွေနဲ့ ပစ်ပေါက်ခဲ့ကြပါတယ်။ ဒီဖြစ်စဉ်နဲ့ ပတ်သက်ပြီး အထူးစုံစမ်းစစ်ဆေးရေးအဖွဲ့ဖွဲ့ပြီး ကျောင်းတာဝန်ရှိသူတွေကို စစ်ဆေးအရေးယူမယ်လို့ ပြည်နယ်ဝန်ကြီးချုပ် အီခ်ကနက်ရှင်ဒီက ပြောပါတယ်။ ဒီဖြစ်စဉ်ကြောင့် ကျောင်းအုပ်ကြီး၊ အတန်းပိုင်ဆရာမနဲ့ အမျိုးသမီးဝန်ထမ်းတယောက်တို့ကိုလည်း ကျောင်းကနေ ထုတ်ပယ်လိုက်တယ်လို့ အိန္ဒိယအခြေစိုက် သတင်းဌာနတွေက ဖော်ပြထားပါတယ်။…

Voice of Myanmar လီယိုနာဒိုဒါဗင်ချီ၏ မိုနာလီဆာ ပန်းချီကားကို အီတလီနိုင်ငံတွင် ပြန်လည်ထားသင့်သည်ဟု ယူဆနေသော ဝန်ထမ်းတစ်ဦးက ပြင်သစ်နိုင်ငံ ပါရီမြို့ရှိ လူးဗားပြတိုက်မှ ၁၉၁၁ ခုနှစ် ဩဂုတ် ၂၁ ရက်တွင် ခိုးယူသွားခဲ့သည်။