Month: August 2024

  မနီလာ၊ ဩဂုတ်-၁၁-၂၀၂၄ မျိုးဆက်(VOM) ဖိလစ်ပို်ငနဲ့ တရုတ်တိုက်လေယာဉ်တွေဟာ တောင်တရုတ်ပင်လယ်ရှိ အငြင်းပွားဖွယ် ဒေသတခုမှာ အန္တရာယ်မကင်းတဲ့ ထိပ်တိုက်တွေ့ဆုံမှုဖြစ်ပွားခဲ့ပြီး နှစ်နိုင်ငံကြား အပြန်အလှန် ပြစ်တင်စွပ်စွဲမှုတွေ ပြုလုပ်ခဲ့ပါတယ်။ တရုတ်လေတပ်က လေယာဉ်နှစ်စင်းဟာ အန္တရာယ်များပြီး ရန်စတဲ့လုပ်ရပ်တွေကို ပြင်းပြင်းထန်ထန်ရှုတ်ချကြောင်းပြောဆိုထားပြီး တရုတ်စစ်တပ်ကတော့ ပရော်ဖက်ရှင်ဆန်ဆန်နဲ့ ဥပဒေအတိုင်း လုပ်ဆောင်ခဲ့တာလို့ ဆိုပါတယ်။ ဖိလစ်ပိုင်သမ္မတ ဖာဒီနန်မားကို့စ်ဂျူနီယာ ရာထူးတက်လာပြီးနောက်ပိုင်း ၂၀၂၂ ခုနှစ်ကစပြီး ရေတပ် သို့မဟုတ် ကမ်းခြေစောင့်တပ်တွေအပေါ် တရုတ်စစ်တပ်ရဲ့ ပြုမူတာနဲ့ပတ်သက်ပြီး ဖိလစ်ပိုင်က ယခင်ကလည်း ပြင်းပြင်းထန်ထန် ဝေဖန်ခဲ့ပါတယ်။ တရုတ်လေတပ်က တိုက်လေယာဉ်နှစ်စင်းဟာ ဖိလစ်ပိုင်လေတပ် လေယာဉ်တစင်းရဲ့ လမ်းကြောင်းပေါ်မှာ အန္တရာယ်မကင်းတဲ့ ပျံသန်းမှုမျိုး လုပ်ဆောင်ခဲ့ပြီး ဒါဟာ လေကြောင်းဘေးကင်းမှုဆိုင်ရာ နိုင်ငံတကာ ဥပဒေတွေကို ချိုးဖောက်တာလို့ ဖိလစ်ပိုင် စစ်တပ်က ဆိုပါတယ်။ တရုတ်စစ်တပ်ကတော့ ဖိလစ်ပိုင်လေယာဉ်ဟာ အကြိမ်ကြိမ် သတိပေးနေတဲ့ကြားက Huangyan…

  ဩဂုတ် ၁၁ – ၂၀၂၄ SN (VOM) ပြည်ပရောက် လုပ်သားတွေထံကနေ မိသားစုလွှဲပို့ငွေစာရင်းနဲ့ ပတ်သက်လို့ အေဂျင်စီတွေကို အလုပ်သမားဝန်ကြီးဌာန၊ နေပြည်တော်ရုံးကို အလှည့်ကျ ခေါ်ယူစစ်ဆေးသွားမယ်လို့ မြန်မာပြည်ပအလုပ်အကိုင် ဝန်ဆောင်မှုလုပ်ငန်းရှင်များအဖွဲ့ချုပ် (MOEAF) က သိရပါတယ်။ မိမိစေလွှတ်ခဲ့တဲ့ အလုပ်သမားတွေရဲ့ မိသားစုထံလွှဲပို့ငွေကို တရားဝင်ဘဏ်ကနေတဆင့် လွှဲပို့ထားတဲ့ အထောက်အထားတွေကို ယူဆောင်ကာ အလုပ်သမားဝန်ကြီးဌာန၊ နေပြည်တော်ရုံးချုပ်ကို အေဂျင်စီမှ မန်နေဂျင်းဒါရိုက်တာ (ဒါမှမဟုတ်) ဒါရိုက်တာအဖွဲ့ဝင် တယောက်ယောက်က ဩဂုတ်လ ၁၂ ရက် (မနက်ဖြန်) ကစပြီး အလှည့်ကျ သွားရောက်ရမယ် ဖြစ်တယ်လို့ သိရပါတယ်။ “ဒါက ကျွန်တော်တို့ဆီတော့ တိုက်ရိုက် မလာဘူး။ အေဂျင်စီကုမ္ပဏီတွေကို သူတို့ဘာသာသူတို့ ခေါ်တယ်လို့ ပြောတယ်။ ခေါ်တာတော့ သေချာတယ်။ ဘာခေါ်ပြောမလဲ၊ ဘာသတင်းထူးမလဲ ဆိုတာကိုတော့ မနက်ဖြန်ညနေမှ အကျိုးအကြောင်း သေသေချာချာသိရမှာပေါ့”…

  ဩဂုတ် ၁၁ – ၂၀၂၄ CC (VOM) နွားထိုးကြီးမြို့ပေါ်မှာမနေ့က ဖြစ်ပွားခဲ့တဲ့တိုက်ပွဲကြောင့် အစိုးရဌာနဆိုင်ရာ ရုံးအချို့မီးလောင်ပျက်စီးခဲ့သလို KBZ ဘဏ်လည်းထိခိုက်ပျက်စီးပြီး PDF နဲ့ နစကတပ်နှစ်ဘက်စလုံး ထိခိုက်သေဆုံးမှုတွေ ရှိခဲ့တယ်လို့သိရပါတယ်။ အစိုးရရုံးတွေက စည်ပင်ရုံး၊ဆောက်လုပ်ရေးဌာန၊တရားရုံး အပါအဝင်အဆောက်အဦအချို့ ထိခိုက်ပျက်စီးခဲ့တာဖြစ်ကြောင်း ၊ရဲစခန်းလည်း တိုက်ခိုက်ခံခဲ့ရကာ ထိခိုက်ပျက်စီးမှုတွေရှိခဲ့တာဖြစ်တယ်လို့ကနဦးသိရပါတယ်။ ” ကမ္ဘောဇဘဏ်ပျက်စီးတယ်၊တရားရုံးလည်းပါတယ်။အခုမြို့ပေါ်အခြေအနေကတော့ သွားလာလှုပ်ရှားတာရှိပေမယ့်စည်စည်ကားကားမဟုတ်ဘူး။လိုအပ်တာဝယ်အိမ်ပြန်ပေါ့။တချို့လည်း စစ်ရှောင်ဖို့ လုပ်ကြတယ်။ရှောင်ကြတယ်။” လို့ ဒေသခံတယောက်ကပြောပါတယ်။ ဒီနေ့ဩဂုတ်လ ၁၁ ရက်နေ့မှာတော့ နွားထိုးကြီး မြို့ပေါ်မှာ မြေပြင်နှစ်ဘက်ထိတွေ့တိုက်ပွဲရော လက်နက်ကြီးပစ်ခတ်မှုတွေပါမရှိဘဲ ငြိမ်နေတာကြောင့် မြို့ခံအချို့ကတော့ရရာနည်းလမ်းသုံးပြီး မြို့ကနေထွက်ခွာကာစစ်ဘေးရှောင်မှုရှိတယ်လို့လည်းသိရပါတယ်။ လတ်တလောမှာတော့ တိုက်ပွဲဂယက်အပြင် ရုံးပိတ်ရက်ဖြစ်တာကတကြောင်း ၊ အစိုးရဌာနဆိုင်ရာ ရုံးအားလုံးပိတ်ထားပြီး အုပ်ချုပ်ရေးယန္တရားလည်း ယာယီရပ်နေတယ်လို့ဒေသခံတွေကပြောပြချက်အရသိရပါတယ်။ နွားထိုးကြီး မြို့ပေါ်တိုက်ပွဲမှာ နစကတပ်ဖွဲ့ဝင်တွေဘက်ကလည်းကျဆုံးရှိသလို PDF တွေဘက်ကလည်းကျဆုံးရှိကြောင်း နယ်မြေခံ PDF တပ်ဖွဲ့တွေက ပြောဆိုနေတာတွေ့ရပြီး နစကဘက်ကတော့…

  ဩဂုတ် ၉ – ၂၀၂၄ SN (VOM) ပြည်ပရောက် အလုပ်သမားတွေရဲ့ မိသားစုဆီလွှဲပို့တဲ့ လစာငွေလွှဲစာရင်း တင်ပြနိုင်ခြင်းမရှိတဲ့ အေဂျင်စီတွေကို အခု ဩဂုတ်လမှစတင်ကာ လုပ်ငန်းစဉ်တွေ ယာယီ ဆိုင်းငံ့သွားမှာဖြစ်တယ်လို့ အလုပ်သမားဝန်ကြီးဌာနက အသိပေးထားပါတယ်။ အေဂျင်စီတွေအနေနဲ့ မိမိတို့စေလွှတ်တဲ့ အလုပ်သမားတယောက်ချင်းစီရဲ့ မိသားစုဆီ ငွေလွှဲပို့ထားမှု အခြေအနေတွေကို နိုင်ငံအလိုက် အသေးစိတ် ပြုစုတင်ပြရမှာဖြစ်တယ်လို့ သိရပါတယ်။ “အလုပ်သမားတွေက လစာရဲ့ ၂၅ ရာခိုင်နှုန်းကို တရားဝင်ဘဏ်တွေကနေ သူတို့မိသားစုဆီ လွှဲပို့ထားကြောင်း အထောက်အထားတွေကို တောင်းခိုင်းနေတာပါ။ အေဂျင်စီတွေ အကုန်လုံးကိုလည်း ဝန်ကြီးဌာနက စာပို့ထားတယ်။ ဒါပေမယ့် စာရင်းတောင်းဖို့ ဆိုတာက သူတို့ပြောသလောက် မလွယ်ဘူး။ ပြည်ပကို ရောက်သွားတဲ့ အလုပ်သမားတွေက သူ့ပိုက်ဆံ သူ့သဘောနဲ့သူ သုံးကြမှာပဲလေ။ အဲဒါကို ကြားထဲက လိုက်ပြောပေး၊ စာရင်းလိုက်ကောက်ရတာ လွယ်တာမှမဟုတ်ဘဲ။ ဒီကိစ္စကို…

  သြဂုတ် ၁၀ – ၂၀၂၄ KG CNG တက္ကဆီကားတွေ တစ်ရက်အုံနာကြေး ၃၇၀၀၀ အထိစျေးပေးနေရလို့ အငှားယာဥ်မောင်းနှင်သူတွေ အနေနဲ့ နေ့စဥ်အုံနာကြေးပေးသွင်းဖို့အခက်တွေ့နေရတယ်လို့ ရန်ကုန်တက္ကစီအဌားယာဥ်မောင်းနှင်သူတွေထံကနေ သိရပါတယ်။ “အရင်ကဆိုအုံနာကြေးကအဲ့လောက်မရှိဘူးလေ။ CNG ဂတ်စ်ကားမှတနေ့အများဆုံးပေးရ ၁၅၀၀၀ နဲ့ ၁၈၀၀၀ လောက်ပဲရှိတာလေ။အခုကခေတ်စနစ်တွေပြောင်းလာတော့အုံနာကြေးကတဖြေးဖြေးနဲ့တက်လာလိုက်တာအခုအုံနာကြေးနဲ့ ဆီဖိုးတင်တစ်နေ့ လေးသောင်းခွဲလောက်ရှာပြီးမှကျန်တာကိုကိုယ့်မိသားစုနဲ့အိမ်စရိတ်စျေးဖိုးအတွက်ရှာရတာပေါ့။အုံနာကြေးတက်လာတော့ အငှားယူပြီးမောင်းတဲ့သူတွေမှာအခက်အခဲတွေအများကြီးရှိလာပါတယ်။ တခါတလေ ကားဆွဲမကောင်းတဲ့နေ့မျိုးတွေဆိုအုံနာကြေးကကိုယ့်အိတ်ထဲကစိုက်ရတာပေါ့။လဆန်းပိုင်းရက်တွေဆိုရင်တော့တက္ကစီကဆွဲကောင်းတယ်။ဝန်ထမ်းတွေလစာထုတ်တော့သွားကြ၊လာကြနဲ့ လလယ်ပိုင်းနဲ့လကုန်ပိုင်းကျကားဆွဲရတာကပါးသွားတယ်၊ ကားငှားစီးတဲ့သူသိပ်မရှိဘူးပေါ့။ဆီကားကတော့သူကအုံနာကြေးအဲ့လောက်မရှိဘူး။ဒါပေမယ့် သူကဆီဖိုးတော့ပြန်ရှိမယ်။ဆီစျေးတွေကလည်းအခုကတအားတက်နေတော့တက္ကစီအဌားယာဥ်မောင်းတွေအတွက်နေ့စဥ်စားဝတ်နေရေးနဲ့အုံနာကြေးပေးနိုင်ရေးဆိုတာကအတော်လေးအခက်ရှိလာပါတယ်”လို့ ရန်ကုန်မြို့ရှိ တက္ကစီယာဥ်မောင်းတယောက် ကိုထွန်း(အမည်လွဲ)က ပြောပြခဲ့ပါတယ်။ အခုလိုတက္ကစီအငှားယာဥ်တွေရဲ့ အုံနာကြေးစျေးနှုန်း မြင့်တက်လာရခြင်းမှာခေတ်စနစ်အခြေအနေကြောင့်နဲ့ ယာဥ်ပြုပြင်ထိန်းသိမ်းရေးစရိတ်စကတွေဟာ အဆမတန်မြင့်တက်လာတာကြောင့်ဖြစ်တယ်လို့ တက္ကစီအငှားယာဥ်တည်ထောင်ထားသူအုံနာ(ကားပိုင်ရှင်)တွေက အခုလိုဆက်ပြီး ပြောပြပါတယ်။ “အခုကကားပြင်ရတဲ့စရိတ်စကတွေကမတအားတက်လာတယ်။တာယာတစ်လုံးတင်တသိန်းရှစ်သောင်းလောက်စျေးရှိနေတယ်။ယာဥ်ပြုပြင်ထိန်းသိမ်းရတဲ့အပိုင်းမှာအုံနာတွေအတွက်အခက်အခဲရှိလာပါတယ်။အခုကကားပိုင်အုံနာရော၊ယာဥ်မောင်းရောမလွယ်ကူတဲ့အခြေအနေတစ်ရပ်ပါ”လို့ အမည်မဖော်လိုတဲ့ တက္ကစီပိုင်ရှင်တယောက်က ပြောပါတယ်။ လက်ရှိတွင် ရန်ကုန်မြို့ရဲ့ တက္ကစီအငှားယာဥ်စျေးကွက်တွင် CNG ကားဆိုပါက ကားအမျိုးအစားပေါ်မူတည်ပြီးတရက်ကို အုံနာကြေး ၃၅၀၀၀ ကနေ ၃၇၀၀၀ ကျော်အထိရှိနေသလို ဆီကားဆိုပါက တရက်ကို…