ဒေသတွင်းမှာ အကျပ်ကိုင်တဲ့နည်းလမ်းနဲ့ အပြုအမူတွေကို ပြန်သုံးသပ်ဖို့ တရုတ်ကို အမေရိကန်တိုက်တွန်း

ဝါရှင်တန်၊ စက်တင်ဘာ-၁၀-၂၀၂၄
မျိုးဆက်(VOM)

တရုတ်နဲ့ အမေရိကန်စစ်တပ် ထိပ်တန်းတာဝန်ရှိသူတွေဟာ ဒီနေ့ စက်တင်ဘာ ၁၀ က ဆွေးနွေးခဲ့တယ်လို့ တရုတ်ကာကွယ်ရေးဝန်ကြီးဌာနက ထုတ်ပြန်ပါတယ်။

တောင်တရုတ်ပင်လယ်နဲ့ ဒေသတွင်းမှာ အန္တရာယ်ရှိပြီး အကျပ်ကိုင်တဲ့ နည်းလမ်းတွေ အပြုအမူတွေကို ပြန်လည်သုံးသပ်ဖို့ တရုတ်ဘက်ကို တိုက်တွန်းခဲ့တယ်လို့ အမေရိကန် တာဝန်ရှိသူတွေက ပြောပါတယ်။

အမေရိကန်နဲ့ တရုတ်နိုင်ငံတို့အကြား ကုန်သွယ်ရေး၊ ထိုင်ဝမ်အရေးနဲ့ တောင်တရုတ်ပင်လယ် နယ်မြေပိုင်ဆိုင်မှုတွေနဲ့ပတ်သက်ပြီး သဘောထားကွဲလွဲနေဆဲဖြစ်ပြီး တင်းမာမှုတွေရှိနေချိန်မှာ အခုလို ဆွေးနွေးမှု ထွက်ပေါ်လာတာပါ။

ထိပ်တိုက်ပဋိပက္ခတွေကို ရှောင်ရှားရေးနဲ့ တင်းမာမှုတွေလျှော့ချဖို့အတွက် စစ်ဘိုင်ဆိုင်ရာ ဆွေးနွေးပွဲတွေ ပုံမှန်ပြန်ဖြစ်ဖို့နဲ့ ဘုံစိုးရိမ်ပူပန်မှုတွေကို တားဆီးဖို့ ကြိုးပမ်းနေကြပါတယ်။

ဒီနေ့မှာတော့ တရုတ်စစ်တပ်ရဲ့ တောင်ပိုင်းစစ်ဒေသအကြီးအကဲ ၀ူယန်နန်နဲ့ အမေရိကန် အင်ဒို-ပစိဖိတ်ဒေသတပ်မှူး ဆင်မျူရယ်ပါပါရိုတို့ နှစ်နိုင်ငံအရေးတွေ နက်နက်ရှိုင်းရှိုင်း ဆွေးနွေးခဲ့ကြတယ်လို့ ထုတ်ပြန်ချက်မှာ ဆိုပါတယ်။

နှစ်နိုင်ငံစစ်တပ်အကြား အထင်အမြင်လွဲမှားမှုနဲ့ တွက်ချက်မှုအမှားအယွင်းများကြောင့် ပဋိပက္ခအန္တရာယ်ကို လျှော့ချရန် ဆွေးနွေးပွဲတွေ ဆက်လက်လုပ်ဆောင်ဖို့ လိုတယ်လို့ သူကတိုက်တွန်းပြောဆိုခဲ့ကြောင်း သိရပါတယ်။

Ref:AFP
Photo:AP