Month: September 2024

ဘေရွတ်၊ စက်တင်ဘာ-၂၁-၂၀၂၄မျိုးဆက်(VOM)လက်ဘနွန်နိုင်ငံ မြို့တော်ဘေရွတ်မှာ အစ္စရေးရဲ့တိုက်ခိုက်မှုအတွင်း နောက်ထပ် ဟဇ်ဘိုလာထိပ်တန်းတပ်မှူးတယောက် သေဆုံးခဲ့ပြီးနောက် နှစ်ဘက်အကြား အလုံးစုံစစ်ပွဲဖြစ်လာမှာကို စိုးရိမ်မှုတွေ တိုးပွားလာပါတယ်။တိုက်ခိုက်မှုအတွင်း ဟဇ်ဘိုလာထိပ်တန်းတပ်မှူးတွေထဲကတယောက်သေဆုံးခဲ့ကြောင်း အစ္စရေးက ထုတ်ပြန်ပြီးနောက် ဟဇ်ဘိုလာအဖွဲ့ကလည်း သူတို့ရဲ့ ထိပ်တန်းတပ်မှူး အီဘရာဟင်အာကေး သေဆုံးမှုကို အတည်ပြုခဲ့ပါတယ်။မနေ့က အစောပိုင်းမှာ လက်ဘနွန်နိုင်ငံ ဘေရွတ်တောင်ပိုင်းရှိ ဟဇ်ဘိုလာတို့ရဲ့ အမာခံနယ်မြေဖြစ်တဲ့ ဒါဟီဟီဒေသကို အစ္စရေးရဲ့ တိုက်ခိုက်မှုအတွင်း လူ ၁၄ ယောက်သေဆုံးပြီး ဒါဇင်နဲ့ချီဒဏ်ရာရရှိခဲ့ကြောင်း လက်ဘနွန်တာဝန်ရှိသူတွေက ဆိုပါတယ်။ပြီးခဲ့တဲ့ဇူလိုင်လကလည်း ဘေရွတ်မှာ အစ္စရေးရဲ့တိုက်ခိုက်မှုကြောင့် ဟဇ်ဘိုလာထိပ်တန်းတပ်မှူးတယောက် သေဆုံးခဲ့ပါသေးတယ်။ နှစ်ဖက်အကြား အရှေ့အလယ်ပိုင်းမှာဖြစ်ပွားနေတဲ့ ပဋိပက္ခတွေကို ပိုမိုဆိုးရွားသွားစေနိုင်တယ်လို့ ကုလသမဂ္ဂထိပ်တန်းတာဝန်ရှိသူတယောက် သတိပေးထားပါတယ်။ယခုသီတင်းပတ်အတွင်းမှာလည်း လက်ဘနွန်နိုင်ငံတဝန်းမှာ ဆက်သွယ်ရေးစက်တွေ ပေါက်ကွဲမှုကြောင့် လူ ၃၇ ယောက်သေပြီး ထောင်ပေါင်းများစွာ ဒဏ်ရာရရှိခဲ့ပြီး ဒါဟာအစ္စရေးလက်ချက်လို့ ဟဇ်ဘိုလာတို့က စွပ်စွဲထားပြီး လက်တုံ့ပြန်မယ်လို့ ကတိပြုထားပါတယ်။Ref:BBCPhoto:Getty Images

မော်စကို၊ စက်တင်ဘာ-၂၀-၂၀၂၄ မျိုးဆက်(VOM) ရုရှားသမ္မတ ပူတင်ဟာ ယူကရိန်းစစ်ပွဲမှာအသုံးပြုနေတဲ့ ဒရုန်းတွေကို ပြီးခဲ့တဲ့နှစ်ကထက် ၁၀ ဆတိုးမြှင့်ပြီး ၁ ဒသမ ၄ သန်းထိ ထုတ်လုပ်ဖို့ စီစဉ်နေပါတယ်။ ပူတင်ဟာ စိန့်ပီတာစဘတ်မြို့ရှိ ဒရုန်းထုတ်လုပ်ရေးစက်ရုံကို သွားရောက်စစ်ဆေးခဲ့ပြီး ဒရုန်းတွေ တိုးမြှင့်ထုတ်လုပ်ဖို့အတွက် ကာကွယ်ရေးစက်မှုလုပ်ငန်းကော်မရှင် အစည်းအဝေးမှာ ညွှန်ကြားခဲ့တာပါ။ ပြီးခဲ့တဲ့ ၂၀၂၃ ခုနှစ်အတွင်း အမျိုးအစားမျိုးစုံ ဒရုန်းတသိန်းလေးသောင်းခန့်ကို ရုရှားလက်နက်ကိုင်တပ်တွေအတွက် ပေးအပ်နိုင်ခဲ့ပြီး ဒရုန်းထုတ်လုပ်မှုကို အဆများစွာ တိုးမြှင့်ပြီး အထူးသဖြင့် ၁၀ ဆလောက်ထိ ထုတ်လုပ်မှုတိုးလာဖို့ရှိတယ်လို့ ပူတင်ကပြောပါတယ်။ ယူကရိန်းမှာ စစ်ဆင်ရေးဆင်နွှဲနေရာမှာ ဒရုန်းတွေရဲ့ အရေးပါမှုကို ပူတင်ကအလေးပေးပြောကြားခဲ့ပြီး အမျိုးစုံသော ဒရုန်းတွေဟာ ခေတ်သစ်စစ်ပွဲရဲ့ အရေးပါတဲ့ အစိတ်အပိုင်းဖြစ်လာပြီး ရုရှားဟာလည်း စစ်မြေပြင်မှာ ထိရောက်စွာအသုံးပြုနေတယ်လို့ သူက အလေးပေးပြောပါတယ်။ တိုက်ခိုက်ရေးအတွေ့အကြုံပေါ် အခြေခံပြီး ဒရုန်းတွေကို ခေတ်မီအောင်အဆက်မပြတ် နည်းပညာဆန်းသစ်နေစေဖို့လိုအပ်တယ်လို့…

တဲလ်အဗစ်၊ စက်တင်ဘာ-၂၀-၂၀၂၄ ရတီ(VOM) အစ္စရေးဟာ လက်ဘနွန်တောင်ပိုင်းရှိ ဟဇ်ဘိုလာတို့ရဲ့ ပစ်မှတ်တွေကို လေကြာင်းတိုက်ခိုက်မှု အကြီးအကျယ်ပြုလုပ်ခဲ့ပြီး ဒုံးကျည်လောင်ချာ ၁၀၀ ကျော်နဲ့ လက်နက်သိုလှောင်ရုံတွေကို ဖျက်ဆီးခဲ့တယ်လို့ အစ္စရေးစစ်တပ်က ပြောပါတယ်။ အစ္စရေးအနေနဲ့ ဟဇ်ဘိုလာတွေအပေါ် စစ်ဆင်ရေး အဆင့်သစ်တခု စတင်ပြီလို့ ကာကွယ်ရေးဝန်ကြီး ယော့ဗ်ဂယ်လန့်က ထုတ်ဖော်ပြောဆိုပြီးနောက်မှာ အခုလို လေကြောင်းကနေ အကြီးအကျယ်တိုက်ခိုက်ခဲ့တာဖြစ်ပါတယ်။ ပြီးခဲ့တဲ့နေ့တွေက လက်ဘနွန်ုတဝန်းမှာ ဆက်သွယ်ရေးစက်တွေ ဆက်တိုက်ပေါက်ကွဲပြီး လူ ၃၀ ကျော်သေဆုံးကာ ထောင်ပေါင်းများစွာ ဒဏ်ရာရရှိခဲ့တဲ့ တိုက်ခိုက်မှုဟာ အစ္စရေးလက်ချက်လို့ ဟဇ်ဘိုလာတို့က စွပ်စွဲထားပြီး လက်တုံ့ပြန်မယ်လို့ ဟဇ်ဘိုလာခေါင်းဆောင်က ကတိပြုထားပါတယ်။ လက်ရှိဖြစ်ပွားနေတဲ့ ပဋိပက္ခတွေနဲ့ တိုက်ခိုက်မှုတွေကို နှစ်ဘက်စလုံးအနေနဲ့ ထိန်းထိ်နးသိမ်းသိမ်းလုပ်ဆောင်ဖို့ အမေရိကန်နဲ့ ဗြိတိန်တိုံ တိုက်တွန်းထားပြီး ဒီအကျပ်အတည်းနဲ့ ပတ်သက်ပြီး ကုလသမဂ္ဂလုံခြုံရေးကောင်စီ အစည်းအဝေးကို စက်တင်ဘာ ၂၀ ရက်နှောင်းပိုင်းမှာ ပြုလုပ်ပေးသွားမှာဖြစ်ပါတယ်။ လက်ဘနွန်အခြေစိုက်…

ဝါရှင်တန်၊ စက်တင်ဘာ-၂၀-၂၀၂၄မျိုးဆက်(VOM)ယူကရိန်းသမ္မတ ဇီလန်စကီးဟာ အမေရိကန်သမ္မတ ဂျိုးဘိုင်ဒင် ၊ ဒုသမ္မတ ကမလာဟားရစ်တို့နဲ့ ဝါရှင်တန်မှာ သီးခြားစီ တွေ့ဆုံဆွေးနွေးသွားမှာဖြစ်ကြောင်း အိမ်ဖြူတော်က အတည်ပြုထုတ်ပြန်ပါတယ်။အဆိုပါတွေ့ဆုံဆွေးနွေးမှုတွေကို စက်တင်ဘာ ၂၆ ရက်မှာ ပြုလုပ်မှာဖြစ်ပြီး အစည်းအဝေးနှစ်ခုစလုံးကို အိမ်ဖြူတော်မှာ လက်ခံကျင်းပမယ်လို့ တာဝန်ရှိသူတွေက ပြောပါတယ်။ရုရှားနဲ့ဖြစ်ပွားနေတဲ့ စစ်ပွဲ အဆုံးသတ်ဖို့အစီအစဉ်ကို ဂျိုးဘိုင်ဒင်ကို တင်ပြဖို့ရှိကြောင်း ယူကရိန်းသမ္မတက ပြီးခဲ့တဲ့လမှ ပြောကြားခဲ့ပါတယ်။ ယူကရိန်းအတွက် မဟာမိတ်တွေက ထောက်ပံ့ပေးထားတဲ့ တာဝေးပစ်လက်နက်တွေ အသုံးပြုမှုအတွက် ကန့်သတ်ချက်တွေ ရုပ်သိမ်းဖို့ကိုလည်း ဆွေးနွေးဖို့ရှိနေပါတယ်။ယူကရိန်းဟာ ရုရှားနိုင်ငံထဲက ပစ်မှတ်တွေကို တိုက်ခိုက်ဖို့အတွက် တာဝေးပစ်လက်နက်တွေ အသုံးပြုခွင့်ပေးဖို့ ကြိမ်ဖန်များစွာ တောင်းဆိုနေခဲ့ပါတယ်။ ဇီလန်စကီးဟာ သူဟာ ရွေးကောက်ပွဲထပ်ဝင်မယ့် သမ္မတဟောင်းထရန့်နဲ့လည်း တွေ့ဆုံဆွေးနွေးနိုင်ခြေရှိနေပါတယ်။ယူကရိန်းသမ္မတ ဇီလန်စကီးဟာ သူ့ရဲ့အမေရိကန်ခရီးစဉ်အတွင်း ယူကရိန်းအပေါ် အမေရိကန်က ဆက်လက်ထောက်ခံဖို့ ရီပတ်ဘလီကန်နဲ့ ဒီမိုကရက်တစ်သမ္မတလောင်းတွေကို တောင်းဆိုသွားမှာဖြစ်တယ်လို့ သိရပါတယ်။Ref:NHKPhoto:CBS

ဘေရွတ်၊ စက်တင်ဘာ-၂၀-၂၀၂၄မျိုးဆက်(VOM)လက်ဘနွန်နိုင်ငံမှာ ကြိုးမဲ့ဆက်သွယ်ရေးစက် ရာပေါင်းများစွာပေါက်ကွဲမှုနဲ့ပတ်သက်ပြီး လက်တုံ့ပြန်အပြစ်ပေးမယ်လို့ ဟဇ်ဘိုလာခေါင်းဆောင် ဟတ်ဆန်နာစရယ်လာက ကတိပြုပြောဆိုလိုက်ပါတယ်။ဒီတိုက်ခိုက်မှုကြောင့် ဟဇ်ဘိုလာတိုက်ခိုက်ရေးသမားတွေအပါအဝင် လူ ၃၇ ယောက်သေပြီး ၃၀၀၀ ကျော်ဒဏ်ရာရရှိခဲ့ပြီး ဒါဟာအစ္စရေး မော့ဆက်ထောက်လှမ်းရေးလက်ချက်လို့ လက်ဘနွန်ဘက်က စွပ်စွဲထားပါတယ်။ဆက်သွယ်ရေးစက်တွေကို ဗုံးထောက်ဖောက်ခွဲတိုက်မှုဟာ နှစ်ဖက်အကြား အနီရောင်မျဉ်းအားလုံးကို ဖြတ်ကျော်လိုက်တာဖြစ်ပြီး ဒါဟာအစ္စရေးက စစ်ကြေညာလိုက်တာလို့ ဟဇ်ဘိုလာခေါင်းဆောင်က ပြောဆိုလိုက်ပြီး မျှတဲ့ပြစ်ဒဏ်ပြန်ပေးမယ်လို့ ဆိုပါတယ်။ဆက်သွယ်ရေးစက်တွေကို လက်ဘနွန်ယူမလာမီ အစ္စရေးထောက်လှမ်းရေးတွေက ဗုံးထောင်ခဲ့တယ်လို့ စွပ်စွဲထားပါတယ်။ ဒီစက်တွေဟာ ထိုင်ဝမ်ကုမ္ပဏီအမှတ်တံဆိပ်ဖြစ်ပေမယ့် လက်ဘနွန်အတွက် ရောင်းချခြင်းမဟုတ်ဘဲ ဟန်ဂေရီကုမ္ပဏီတခုက ဝယ်ယူခဲ့ခြင်းဟု ဆိုသည်။ဂါဇာစစ်ပွဲမှာ ဟားမတ်စ်တို့ကို ထောက်ခံတဲ့ ဟဇ်ဘိုလာတွေနဲ့ အစ္စရေးတို့အကြား တိုက်ခိုက်မှုတွေဟာ ၁၁ ကြာမြင့်လာပြီး လူရာချီသေဆုံးခဲ့ကာ နယ်စပ်ဒေသမှာ လူသောင်းချီ အိုးမဲ့အိမ်မဲ့ ဖြစ်ခဲ့ရပြီး စစ်ပွဲဖြစ်လာမှာကို စိုးရိမ်းပူပန်မှုတွေ မြင့်တက်နေပါတယ်။Ref:BBCPhoto:Al Jazeera