ဝါရှင်တန်၊ အောက်တိုဘာ-၁၄-၂၀၂၄
မျိုးဆက်(VOM)
အီရန်ရဲ့ ဒုံးကျည်တိုက်ခိုက်မှုတွေကို တုံ့ပြန်တဲ့အနေနဲ့ အစ္စရေးဟာ အီရန်စစ်ဘက်နဲ့ စွမ်းအင်ဆိုင်ရာ အဆောက်အအုံတွေကို တိုက်ခိုက်နိုင်ခြေရှိတယ်လို့ အမေရိကန်တာဝန်ရှိသူတွေက ယုံကြည်နေကြောင်း အမေရိကန် အခြေစိုက် သတင်းဌာနတွေက ဖော်ပြထားပါတယ်။
အစ္စရေးအစိုးရဟာ အောက်တိုဘာ ၁ ရက်က အီရန်ရဲ့ ဒုံးကျည်အစင်း ၂၀၀ နီးပါးနဲ့ တိုက်ခိုက်ခံရမှုအပေါ် တုံ့ပြန်မယ့် အစီအစဉ်ကို ချိန်ဆနေကြပြီ ဘယ်အချိန်မှာ တိုက်မယ်ဆိုတာ အပြီးသတ်ဆုံးဖြတ်ချက် မချရသေးပေမယ့် ဘယ်အချိန်မဆို အသင့်လို့ အစ္စရေး စစ်တပ်က ပြောပါတယ်။
အမေရိကန်နဲ့ အရှေ့အလယ်ပိုင်း ရေနံထုတ်လုပ်တဲ့ နိုင်ငံတွေကတော့ အစ္စရေးအနေနဲ့ အီရန်နျူကလီးယားနဲ့ ရေနံချက်စက်ရုံတွေကို ပစ်မှတ်မထားဖို့နဲ့ အခြေအနေတွေ ပိုဆိုးမလာဖို့ကို သံတမန်ရေးအရ ကြိုးပမ်းနေကြပါတယ်။
ဒီလိုတင်းမာနေစဉ် အစ္စရေးမှာ THAAD ဒုံးခွင်းဒုံးစနစ် ဖြန့်ကြက်ချထားမယ်လို့ အမေရိကန်က ပြောပါတယ်။ ဒီဒုံးကျည်တွေဟာ အမြင့်ကနေပျံသန်းလာတဲ့ ဒုံးကျည်တွေကို ကြားဖြတ်ပစ်ချနိုင်စွမ်းရှိပြီး ဒါဟာ အီရန်ရဲ့ နောက်ထပ်ဒုံးကျည်တိုက်ခိုက်မှုတွေကနေ အစ္စရေးကို ကာကွယ်ဖို့ ကတိကဝတ်ဖြစ်တယ်လို့ အမေရိကန်က ဆိုပါတယ်။
အီရန်ကတော့ အမေရိကန်ဟာ ဒုံးကျည်တွေကို အစ္စရေးမှာဖြန့်ကြက်ပြီး အမေရိကန်တပ်ဖွဲ့ဝင်တွေကို အသေခံခိုင်းနေတယ်လို့ အီရန်နိုင်ငံခြားရေး ဝန်ကြီးက ဝေဖန်ပြောဆိုထားပါတယ်။
Ref: NHK
Photo:AP
Related posts
-
ပန်ဝါ လုပီ အခြေစိုက် အမှတ် ၁၀၀၂ နယ်ခြားစောင့်တပ်စခန်းကို KIA နဲ့ ပူးပါင်း တပ်ဖွဲ့သိမ်း
အောက်တိုဘာ ၁၅၊ ၂၀၂၄Shy V (VOM)ကချင်ပြည်နယ် ချီဖွေခရိုင်၊ ချီဖွေမြို့နယ်၊ ပန်ဝါတရုတ် မြန်မာနယ်စပ်မြို့အနီးက... -
ဟဇ်ဘိုလာတွေကို အညှာအတာကင်းကင်း တိုက်ခိုက်တော့မယ်လို့ အစ္စရေးဝန်ကြီးချုပ် ကတိပြု
တဲလ်အဗစ်၊ အောက်တိုဘာ-၁၅-၂၀၂၄မျိုးဆက်(VOM)အစ္စရေးကို ဟဇ်ဘိုလာတွေရဲ့ ဒုံးကျည်တိုက်ခိုက်မှုကြောင့် အစ္စရေးစစ်သား လေးယောက်သေပြီး တခြားလူ ၆၀ ကျော်ဒဏ်ရာရပြီးနောက်မှာ... -
အိန္ဒိယနဲ့ ကနေဒါတို့ သံတမန်တွေကို အပြန်အလှန်နှင်ထုတ်ပြီး ဆက်ဆံရေး ပိုတင်းမာလာ
တိုရွန်တို၊ အောက်တိုဘာ-၁၅-၂၀၂၄မျိုးဆက်(VOM)အိနိ္ဒယသံရုံး မဟာမင်းကြီးအပါအဝင် သံတမန်ခြောက်ယောက်ကို ကနေဒါနိုင်ငံ နှင်ထုတ်လိုက်ပြီး ကနေဒါရောက် ဆစ်ခ်ခွဲထွက်ရေးလှုပ်ရှားမှုနဲ့ အိန္ဒိယအတိုက်အခံတွေကို...