Year: 2024

လန်ဒန်၊ အောက်တိုဘာ-၂၃-၂၀၂၄ရတီ (VOM)ဗြိတိန်နဲ့ ဂျာမနီတို့ဟာ လုံခြုံရေး၊ ရင်းနှီးမြုပ်နှံမှုနဲ့ အလုပ်အကိုင်တွေမြှင့်တင်နိုင်မယ့် အထင်ကရ ကာကွယ်ရေး သဘောတူစာချုပ်ကို လက်မှတ်ရေးထိုးဖို့ရှိနေပါတယ်။နှစ်နိုင်ငံ သဘောတူညီချက်အရ ဂျာမနီကာကွယ်ရေးပစ္စည်းထုတ်လုပ်ရေး ကုမ္ပဏီ ရိုင်မက်တဲလ်ဟာ အမြောက်ကျည်တွေ ထုတ်လုပ်ဖို့ ဗြိတိန်မှာ စက်ရုံဖွင့်လှစ်မှာဖြစ်ပြီး အလုပ်အကိုင်ပေါင်း ၄၀၀ ကျော်ဖန်တီးပေးနိုင်မှာဖြစ်ပါတယ်။နှစ်နိင်ငံစလုံးအနေနဲ့ တာဝေးပစ်ဒုံးကျည်တွေနဲ့ ဒရုန်းတွေထုတ်လုပ်ဖို့ကိုလည်း အတူတကွပူးပေါင်းသွားမှာဖြစ်ပါတယ်။ ဂျာမနီရေကြောင်း စောင့်ကြည့်ရေး လေယာဉ်တွေဟာလည်း စကော့တလန်ကနေ မြောက်အတ္တလန္တိတ်ထိ ကင်းလှည့်မှုတွေကို အခါအားလျော်စွာ ပြုလုပ်သွားမှာဖြစ်ပါတယ်။ဂျာမနီနဲ့ ပိုမိုနီးကပ်သော စစ်ဘက်ဆက်ဆံရေးတည်ဆောက်ဖို့ ဗြိတိန်အာဏာရ လေဘာပါတီက ကတိပြုထားပြီး ဒါဟာ ဘရီဇစ်အလွန်မှာ ဥရောပ အဓိကမဟာမိတ်တွေနဲ့ ဆက်ဆံရေး ပြန်လည်ထူထောင်ဖို့ ဗြိတိန်အစိုးရရဲ့ ပိုမိုကျယ်ပြန်တဲ့ အစီအစဉ်တစိတ်တပိုင်းဖြစ်ပါတယ်။ဒါဟာ ဂျာမနီနဲ့ ဗြိတိန်တို့ရဲ့ စစ်ဘက်နဲ့ ကာကွယ်ရေးလုပ်ငန်းတွေ ပိုမိုနီးကပ်စေမယ့် သမိုင်းဝင်သဘောတူညီချက်ဖြစ်တယ်လို့ ဗြိတိန်ကာကွယ်ရေးဝန်ကြီး ဂျွန်ဟီလေက ပြောပါတယ်။ ဂျာမနီနဲ့ ဗြိတိန်တို့ဟာ ဥရောပမှာ ကာကွယ်ရေးစရိတ်အသုံးအများဆုံးနဲ့…

တဲလ်အဗစ်၊ အောက်တိုဘာ-၁၅-၂၀၂၄မျိုးဆက်(VOM)အစ္စရေးကို ဟဇ်ဘိုလာတွေရဲ့ ဒုံးကျည်တိုက်ခိုက်မှုကြောင့် အစ္စရေးစစ်သား လေးယောက်သေပြီး တခြားလူ ၆၀ ကျော်ဒဏ်ရာရပြီးနောက်မှာ ဟဇ်ဘိုလာတွေကို အညှာအတာကင်းကင်းနဲ့ တိုက်ခိုက်သွားမယ်လို့ အစ္စရေးဝန်ကြီးချုပ် နေတန်ယာဟုက ကတိပြုပြောဆိုလိုက်ပါတယ်။အစ္စရေးမြောက်ပိုင်း ဆာဖက်ဒ်မြို့ကို ပြီးခဲ့တဲ့နေ့ ညနေပိုင်းက ဒုံးကျည်တွေနဲ့ မတိုက်ခိုက်ခင် ဟိုင်ဖာအနီး အစ္စရေး ရေတပ်စခန်းကို ဒုံးကျည်တွေနဲ့ ပစ်လွှတ်တိုက်ခိုက်ခဲ့တယ်လို့ အီရန်ကျောထောက်နောက်ခံပြု ဟဇ်ဘိုလာအဖွဲ့က ပြောပါတယ်။ဒါဟာ ဘေရွတ်ကို အစ္စရေးရဲ့ တိုက်ခိုက်မှုကြောင့် လူ ၂၂ ယောက်သေဆုံးခဲ့တဲ့အပေါ် လက်တုံ့ပြန်တာလို့ ဟဇ်ဘိုလာအဖွဲ့က ပြောပါတယ်။ဘေရွတ်အပါအဝင် လက်ဘနွန်အစိတ်အပိုင်းတွေအားလုံးမှာ ဟဇ်ဘိုလာတွေကိူ အညှာအတာ အကင်းကင်းနဲ့ဆက်လက်တိုက်ခိုက်သွားမယ်လို့ ဒုံးကျည်တိုက်ခိုက်ခံရမှုအပြီး ဟိုင်ဖာမြို့တောင်ဘက် စစ်အခြေစိုက်စခန်းကို လာရောက်တဲ့ အစ္စရေးဝန်ကြီးချုပ် နေတန်ယာဟုက ပြောပါတယ်။ဝန်ကြီးချုပ်ရဲ့ မှတ်ချက် မထွက်ပေါ်မီ မနေ့ညကလည်း လက်ဘနွန်နယ်စပ်ရှိ ပစ်မှတ်တွေကို အစ္စရေးရဲ့ လေကြောင်းတိုက်ခိုက်မှုကြောင့် လူ ၂၁ ယောက်သေဆုံးခဲ့ပြီး အောက်တိုဘာ ၂၃…

တိုရွန်တို၊ အောက်တိုဘာ-၁၅-၂၀၂၄မျိုးဆက်(VOM)အိနိ္ဒယသံရုံး မဟာမင်းကြီးအပါအဝင် သံတမန်ခြောက်ယောက်ကို ကနေဒါနိုင်ငံ နှင်ထုတ်လိုက်ပြီး ကနေဒါရောက် ဆစ်ခ်ခွဲထွက်ရေးလှုပ်ရှားမှုနဲ့ အိန္ဒိယအတိုက်အခံတွေကို ပစ်မှတ်ထားမှုတွေကို အိန္ဒိယက ပိုမိုအားထုတ်လာတယ်လို့ ကနေဒါအာဏာပိုင်တွေက စွပ်စွဲလိုက်ပါတယ်။အခုလို သံတမန်တွေကို နှင်ထုတ်တဲ့လုပ်ရပ်အပေါ် အိန္ဒိယက ဝေဖန်လိုက်ပြီး ကနေဒါသံရုံး ယာယီမဟာမင်းကြီးအပါအဝင် ကနေဒါသံတမန်ခြောက်ယောက်ကို နှင်ထုတ်ဖို့ အမိန့်ပေးပြီး လက်တုံ့ပြန်လိုက်ပါတယ်။အိန္ဒိယ ဆစ်ခ်ခွဲထွက်ရေးခေါင်းဆောင်တယောက် ကနေဒါမြေမှာ လုပ်ကြံသတ်ဖြတ်ခံရမှုမှာ အိန္ဒိယထောက်လှမ်းရေးတွေ ပါဝင်ပတ်သက်တဲ့ အထောက်အထားတွေရှိတယ်လို့ ကနေဒါဝန်ချုပ် ဂျက်စတင်ထရူးဒိုးက ပြီးခဲ့တဲ့နှစ်မှာ ထုတ်ဖော်ပြောဆိုခဲ့ပြီးကတည်းက နှစ်နိုင်ငံအကြား သံတမန်ရေးအရာ အငြင်းပွားမှုနဲ့ တင်းမာမှုတွေ ဆက်လက်မြင့်တက်ခဲ့ပါတယ်။လက်ရှိမှာတော့ အိန္ဒိယအစိုးရအေးဂျင့်တွေဟာ အများပြည်သူဘေးကင်းရေးကို သိသိသာသာ ခြိမ်းခြောက်မှုဖြစ်စေတဲ့ လှုပ်ရှားမှုတွေမှာ ဆက်လက်ပါဝင်ပတ်သက်နေတယ်ဆိုတာ ရှင်းလင်းခိုင်လုံတဲ့ သက်သေအထောက်အထားတွေရှိတယ်လို့ ကနေဒါဝန်ကြီးချုပ်က မနေ့က သတင်းစာရှင်းလင်းပွဲမှာ ပြောပါတယ်။ဒီလှုပ်ရှားမှုတွေထဲမှာ လျှို့ဝှက်သတင်းအချက်အလက် စုဆောင်းခြင်း၊ အတင်းအကျပ်ခြိမ်းခြောက်မှုနဲ့ အိန္ဒိယ-ကနေဒါ နိုင်ငံသားတွေကို ပစ်မှတ်ထား သတ်ဖြတ်မှုအပါအဝင် လုပ်ရပ်ပေါင်းတဒါဇင်ကျော်ရှိတယ်လို့ ဝန်ကြီးချုပ်က…

ဝါရှင်တန်၊ အောက်တိုဘာ-၁၅-၂၀၂၄ မျိုးဆက်(VOM) ဂျူပီတာဂြိုဟ်ရဲ့ ဂြိုလ်ရံလတစင်းပေါ်မှာ သက်ရှိတွေရဲ့ အထောက်အထားနဲ့ ရေရှိမရှိရှာဖွေမယ့် မစ်ရှင်ကို အမေရိကန်နိုင်ငံ ဖလော်ရီဒါပြည်နယ်ကနေ နာဆာက လွှတ်တင်လိုက်ပါတယ်။ ဟာရီကိန်းမုန်တိုင်း မီလ်တန်ကြောင့် ဒီမစ်ရှင်ကို ပြီးခဲ့တဲ့သီတင်းပတ်က ရွှေ့ဆိုင်းခဲ့ရပြီး အောက်တိုဘာ ၁၄ ရက်မှာတော့ စပေ့အက်စ်ရဲ့ ဖယ်လ်ကွန်အကြီးစားဒုံးပျံနဲ့ စူးစမ်းလေ့လာရေယာဉ် ယူရိုပါကလစ်ကို တင်ဆောင်ပြီး ဒေသစံတော်ချိန် မွန်းတည့် ၁၂ နာရီမှာ လွှတ်တင်ခဲ့တာပါ။ ယူရိုပါကလစ်ယာဉ်ဟာ လျို့ဝှက်ချက်တွေပြည့်နေတဲ့ ဂျူပီတာဂြိုလ်ရဲ့ ဂြိုလ်ရံလဖြစ်တဲ့ ယူရိုပါကို ရောက်ရှိဖိုပ မိုင်ပေါင်း ၁ ဒသမ ၈ ဘီလီယံခရီးနှင်ရမှာဖြစ်ပြီး အချိန်အားဖြင့် ၂၀၃၀ ခုနှစ်အလွန်မှာ ရောက်ရှိနိုင်ပေမယ့် စူးစမ်းလေ့လာမှုတွေဟာ နေအဖွဲ့အစည်းအတွင်း လူသားတွေသိထားသမျှအရာတွေကို ပိုမိုအထောက်အကူပြု ပြောင်းလဲစေနိုင်ဖွယ်ရှိပါတယ်။ လွှတ်တင်ပြီးနောက် စူးစမ်းလေ့လာရေးယာဉ်နဲ့ အချက်ပြဆက်သွယ်မှု ကောင်းမွန်စွာရရှိထားပြီး ဂြိုဟ်ဝန်းကျင်းမှာ အားနည်းသော နေရောင်ခြည်ကို ရယူနိုင်ဖို့ ကြီးမားသော…

ပြုံးယမ်း၊ အောက်တိုဘာ-၁၅-၂၀၂၄မျိုးဆက်(VOM)တောင်ကိုရီးယားနဲ့ တင်းမာမှုတွေမြင့်တက်နေချိန် မြောက်ကိုရီးယား အမျိုးသားလုံခြုံရေး ထိပ်သီးအစည်းအဝေး ကျင်းပခဲ့ပြီး ချက်ချင်းလုပ်ဆောင်ရမယ့် စစ်ရေးအစီအစဉ်တရပ်ကို ကင်ဂျုံအန်က ညွှန်ကြားခဲ့ပါတယ်။ပြုံးယမ်းမှာ ပြုလုပ်တဲ့ အဲဒီအစည်းအဝေးကို မြောက်ကိုရီးယားစစ်တပ် အကြီးအကဲ၊ လုံခြုံရေးနဲ့ ကာကွယ်ရေးဝန်ကြီးတွေအပြင် အခြားထိပ်တန်းတာဝန်ရှိသူတွေ တက်ရောက်ခဲ့ကြပါတယ်။အစည်းအဝေးမှာတော့ ကင်ဂျုံအန်ဟာ နိုင်ငံရေးနဲ့ စစ်ရေးအရ တင်းမာတဲ့ ရပ်တည်ချက်တွေကို ထုတ်ဖော်ပြောဆိုခဲ့တယ်လို့ မြောက်ကိုရီးယားနိုင်ငံပိုင် ကေစီအင်န်အေသတင်းဌာနက ဖော်ပြထားပါတယ်။စစ်ရေးအဟန့်အတားနဲ့ ကိုယ့်ကိုကိုယ့် ခုခံကာကွယ်ပိုင်ခွင့်တွေမှာ စစ်ရေးအရ ချက်ချင်းတုံ့ပြန်မှုတွေနဲ့ အရေးကြီးတာဝန်တွေကို ပြီးမြောက်စေဖို့ ညွှန်ကြားခဲ့တယ်လို့ အဲဒီ သတင်းဌာနက ဖော်ပြထားပါတယ်။မကြာသေးမီက မြောက်ကိုရီးယားလေပိုင်နက်ထဲကို တောင်ကိုရီးယားဒရုန်းတွေ ၀င်ရောက်တယ်လို့ စွပ်စွဲထားပြီး နယ်စပ်ကို အင်အားဖြည့်တင်းနေပြီး နောက်ထပ်ဝင်ရောက်လာပါက စစ်ကြေညာခြင်းလို့ သတိပေးထားပါတယ်။ တောင်ကိုရီးယားဘက်ကလည်း မြောက်ကိုရီးယားကို တုံ့ပြန်ဖို့ အသင့်ရှိတယ်လို့ ဆိုပါတယ်။ဒရုန်းတွေ ဝင်ရောက်မှုမှာ ပါဝင်ပတ်သက်ခြင်းမရှိဘူးလို့ တောင်ကိုရီးယားစစ်တပ်က အစောပိုင်းမှာ ထုတ်ပြန်ထားပါတယ်။ တောင်ကိုရီးယားဘက်က တက်ကြွလှုပ်ရှားသူတွေဟာ မြောက်ကိုရီးယားအစိုးရ…