Year: 2024

ဒေလီ၊ အောက်တိုဘာ-၁၀-၂၀၂၄ရတီ (VOM)အိန္ဒိယနိုင်ငံ တာတာစီးပွားရေးလုပ်ငန်းရဲ့ ဥက္ကဋ္ဌဟောင်းဖြစ်သူ သန်းကြွယ်သူဌေး ရာတန်တာတာဟာ အသက် ၈၆ နှစ်အရွယ် အောက်တိုဘာ ၉ ရက်မှာကွယ်လွန်သွားကြောင်း တာတာကုမ္ပဏီက အတည်ပြုထုတ်ပြန်ပါတယ်။သူဟာ ၁၉၉၁ ခုနှစ်မှာ တာတာကုမ္ပဏီဥက္ကဋ္ဌ ဖြစ်လာပြီး ကုမ္ပဏီကို နိုင်ငံတကာလုပ်ငန်းစုကြီးဖြစ်လာအောင် အချိန်တိုအတွင်း လုပ်ဆောင်နိုင်ခဲ့ပြီး နှစ် ၂၀ ကြာဦးဆောင်ခဲ့ကာ တာတာကုမ္ပဏီကို ကမ္ဘာ့ထိပ်တန်းဖြစ်စေခဲ့ပါတယ်။တာတာကုမ္ပဏီဟာ လက်ရှိမှာတော့ စတီးလ်နဲ့ မော်တော်ကားထုတ်လုပ်ရေးအပါအဝင် လုပ်ငန်းများစွာကို လည်ပတ်လုပ်ကိုင်နေပြီး ကုမ္ပဏီရဲ့ တနှစ်တာဝင်ငွေဟာ ဒေါ်လာ ၁၀၀ ဘီလီယံထိ ရှိနေပါတယ်။ရာတန်တာတာလက်ထက်မှာ ကုမ္ပဏီဟာ ဥရောပ စတီးလ်ကုမ္ပဏီနဲ့ ဗြိတိန်အခြေစိုက် မော်တော်ကားကုမ္ပဏီတွေ၊ ကမ္ဘာ့ဒုတိယအကြီးဆုံး လက်ဖက်ခြောက်လုပ်ငန်းအပါအဝင် စီးပွားရေးလုပ်ငန်းများစွာကို ဝယ်ယူမှုပြုလုပ်ခဲ့ပါတယ်။တာတာဟာ ဗြိတိန်စက်မှုလုပ်ငန်းကို ပုံဖော်ရာမှာ ကြီးမားတဲ့အခန်းကဏ္ဍကနေ ပါဝင်ခဲ့တယ်လို့ ဗြိတိန် စီးပွားရေးဝန်ကြီး ဂျိုနသန်ရေးနိုးက ပြောပါတယ်။ သူဟာ အိန္ဒိယနဲ့ နိုင်ငံတကာမှာ ဩဇာရှိတဲ့…

Voice of Myanmarအင်္ဂလိပ်နက္ခတ္တဗေဒေပညာရှင် ဝီလျံလတ်ဆဲလ်သည် နက်ပကျွန်းဂြိုဟ်၏ အကြီးဆုံးဂြိုဟ်ရံလဖြစ်သော ထရီတန်ကို ၁၈၄၆ ခုနှစ် အောက်တိုဘာ ၁၀ ရက်တွင် ရှာဖွေတွေ့ရှိခဲ့သည်။

  ပြုံးယမ်း၊ အောက်တိုဘာ-၉-၂၀၂၄ မျိုးဆက်(VOM) တောင်-မြောက် ကိုရီးယားနှစ်နိုင်ငံကို လုံး၀ခွဲခြားဖို့ လုပ်ဆောင်မှုအဖြစ် တောင်ကိုရီးယားနဲ့ဆက်သွယ်ထားတဲ့ ကားလမ်း၊ ရထားလမ်းအကုန်လုံးကို အ​ပြီးတိုင် ဖြတ်တောက်မယ်လို့ မြောက်ကိုရီးယားက ပြောပါတယ်။ မြောက်ကိုရီးယား တောင်ပိုင်းနယ်စပ်ကို အပြီးပိတ်ဆို့လိုက်တာဟာ အဲဒီဘက်ခြမ်းမှာရှိတဲ့ နယ်မြေတွေရဲ့ လုံခြုံရေး ပိုမိုခိုင်မာစေတယ်လို့ မြောက်ကိုရီးယားစစ်တပ်က ပြောပါတယ်။ ဒါဟာ စစ်ပွဲကိုတားဆီးဖို့ ကိုယ့်ကိုကိုယ် ခုခံကာကွယ်ပို်ငခွင့်လို့ ဆိုပါတယ်။ ဒေသတွင်းမှာ အမေရိကန်နဲ့ တောင်ကိုရီးယားတို့ရဲ့ မဟာမိတ်ဆက်ဆံရေးနဲ့ စစ်ရေးလှုပ်ရှားမှုတွေအပေါ် မြောက်ကိုရီးယားက ကြိမ်ဖန်များစွာ ဝေဖန်ခဲ့ပြီး ကားလမ်းနဲ့ ရထားလမ်းတွေ ဖြတ်တောက်မယ့်အစီအစဉ်က မကြာသေးမီကာလတွေအတွင်း တင်းမာမှုအမြင့်ဆုံးရောက်လာတယ်ဆိုတဲ့ အရိပ်လက္ခဏာလည်းဖြစ်ပါတယ်။ ပြီးခဲ့တဲ့ နှစ်တွေအတွင်းကလည်း မြောက်ကိုရီးယားကနေ တောင်ကိုရီးယားကို ဦးတည်သွားရောက်နိုင်တဲ့ လမ်းတွေကို မြောက်ကိုရီးယား အာဏာပိုင်တွေက တဖြည်းဖြည်း ပိတ်ပင်ဖြတ်တောက်မှုတွေ လုပ်ဆောင်ခဲ့ပါတယ်။ မကြာသေးမီကလည်း အမေရိကန်-တောင်ကိုရီးယား ပူးတွဲစစ်ရေးလေ့ကျင့်မှု ၊ မြောက်ကိုရီးယားရဲ့ ဒုံးကျည်စမ်းသပ်မှုတွေအပြင်…

ဆိုးလ်၊ အောက်တိုဘာ-၉-၂၀၂၄ရတီ (VOM)ယူကရိန်းစစ်မြေပြင်မှာ ရုရှားတပ်တွေကို ကူညီဖို့အတွက် မြောက်ကိုရီးယားတပ်တွေကို စေလွှတ်ဖွယ်ရှိနေတယ်လို့ တောင်ကိုရီးယား ကာကွယ်ရေးဝန်ကြီး ကင်ယောင်ဟွန်းက သတိပေးပြောကြားလိုက်ပါတယ်။မြောက်ကိုရီးယားဟာ ရုရှားအတွက် ဒုံးကျည်နဲ့ ခဲယမ်းမီးကျောက်တွေ ထောက်ပံ့ကူညီနေပြီး နှစ်နိုင်ငံအကြား စစ်ရေး ပူးပေါင်းဆောင်ရွက်မှုကို အလေးထားနေပြီး စစ်ရေးမဟာမိတ်အဆင့်ထိဖြစ်ဖို့ နီးကပ်လာပြီလို့ ကင်ယောင်ဟွန်က ပါလီမန်ကော်မတီမှာ ပြောပါတယ်။ယူကရိန်းနိုင်ငံအရှေ့ပိုင်း ရုရှားထိန်းချုပ်ထားရာဒေသမှာ ယူကရိန်းရဲ့ ဒုံးကျည်တိုက်ခိုက်မှုအတွင်း မြောက်ကိုရီးယားစစ်သား ခြောက်ယောက် သေဆုံးခဲ့တယ်လို့ ယူကရိန်းသတင်းဌာနများက မကြာသေးခင်က ရေးသားဖော်ပြထားပါတယ်။ဒီသတင်းဟာ အမှန်ဖြစ်နိုင်တယ်လို့ ကင်ယောင်ဟွန်းကဆိုပါတယ်။ ယူကရိန်းမှာ မြောက်ကိုရီးယားတပ်တွေကို ဖြန့်ကြက်နို်ငခြေရှိမရှိ ပါလီမန်အမတ်တယောက်ရဲ့ မေးမြန်းမှုအပေါ် တောင်ကိုရီးယား ကာကွယ်ရေးဝန်ကြီးက ဒါဟာ ဖြစ်လာနိုင်ခြေ မြင့်မားတယ်လို့ ပြောပါတယ်။ယူကရိန်းစစ်ပွဲ ကာလရှည်လာတာနဲ့အမျှ ရုရှားရဲ့ လက်နက်လိုအပ်ချက်ကြီးမားလားနေပြီး လိုအပ်တဲ့ လက်နက်ခဲယမ်းတွေကို မြောက်ကိုရီးယားအပြင် တရုတ်နဲ့ အီရန်တို့က ထောက်ပံ့နေတယ်လို့ အမေရိကန်အပါအဝင် အနောက်နိုင်ငံတွေက စွပ်စွဲထားပါတယ်။လက်ရှိမှာတော့ ယူကရိန်းတပ်တွေဟာ ရုရှားနိုင်ငံထဲက…

ဝါရှင်တန်၊ အောက်တိုဘာ-၉-၂၀၂၄မျိုးဆက်(VOM)အမေရိကန်နိုင်ငံ ဖလော်ရီဒါပြည်နယ်ကို ဟာရီကိန်းမုန်တိုင်း မီလ်တန်ချဉ်းကပ်လာချိန်မှာ လူ တသန်းကျော်ကို ဘေးလွတ်ရာပြောင်းရွှေ့ဖို့ အာဏာပိုင်တွေက အမိန့်ထုတ်လိုက်တာကြောင့် ပြည်နယ်တွင်း အချို့ဒေသတွေမှာ ယာဉ်ကြောပိတ်ဆို့မှုနဲ့ လောင်စာဆီ ပြတ်လပ်မှုတွေ ဖြစ်ပေါ်ခဲ့ပါတယ်။လူနေထူထပ်တဲ့ တမ်ပါပင်လယ်အော်ကိုဖြတ်ပြီး ကုန်းတွင်းပိုင်းကို ဝင်ရောက်မယ့် အဆင့် ၅ ဟာရီကိန်းမုန်တိုင်း မီလ်တန်ကြောင့် ပြည်နယ်ဒေသခံတွေဟာ အရေးပေါ်ပြင်ဆင်မှုတွေကို အလျင်စလို လုပ်ဆောင်နေကြပါတယ်။မီလ်တန်ဟာ တနာရီ ၁၆၅ မိုင်နှုန်းနဲ့ ဖလော်ရီဒါပြည်နယ်ကို တိုက်ခတ်နေပြီး လူရာကျော်သေဆုံးပြီး ပျက်စီးဆှုံးမှုများစွာ ဖြစ်ပေါ်စေခဲ့တဲ့ ဟာရီကိန်း ဟယ်လင်တိုက်ခတ်ပြီး နှစ်ပတ်မပြည်မီ ဒုတိယမြောက် အင်အားပြင်းမုန်တိုင်းလည်းဖြစ်ပါတယ်။မုန်တိုင်းကြောင့် သောင်တင်နေတဲ့ ဒေသခံတွေကို ကူညီဖိုပ ကယ်ဆယ်ရေးသတ်မှတ်ဇုန်တွေရဲ့ ပြင်ပမှာ ယာယီအမိုးအကာ ဒါဇင်ပေါင်းများစွာ စီစဉ်ထားတယ်လို့ ဖလော်ရီဒါပြည်နယ်အုပ်ချုပ်ရေးမှူး ရွန်ဒီဆန်းတစ်က ပြောပါတယ်။မုန်တိုင်းဟာ ဖလော်ရီဒါပြည်နယ်မှာ ဆယ်စုနှစ်အတွင်း အဆိုးရွားဆုံးမုန်တိုင်းလို့ သမ္မတ ဂျိုးဘိုင်ဒင်က ပြောပါတယ်။ မီလ်တန်မုန်တိုင်း ကြိုတင်ပြင်ဆင်ရေးနဲ့ ဟယ်လင်မုန်တိုင်းဒဏ်ပြန်လည်ထူထောင်ရေးတို့ကြောင့်…

တဲလ်အဗစ်၊ အောက်တိုဘာ-၉-၂၀၂၄မျိုးဆက်(VOM)ဟဇ်ဘိုလာတွေကို မထောက်ခံကြဖို့နဲ့ ဂါဇာမှာဖြစ်သလိုမျိုး ရှောင်ရှားကြဖို့ အစ္စရေးဝန်ကြီးချုပ် နေတန်ယာဟုက လက်ဘနွန်ပြည်သူတွေကို တိုက်ရိုက်ပန်ကြား လိုက်ပါတယ်။အစ္စရေးတပ်တွေဟာ လက်ဘနွန်အနောက်တောင်ပိုင်း ဒေသတခုကို နောက်ထပ်တပ်ဖွဲ့ဝင်ထောင်ပေါင်းများစွာ စေလွှတ်ပြီး မြေပြင်ထိုးစစ်ချဲ့ထွင်နေချိန်မှာ နေတန်ယာဟုက အခုလို တိုက်တွန်းလိုက်တာဖြစ်ပါတယ်။“ဂါဇာမှာ မြင်နေရတဲ့ ပျက်စီးခြင်းနဲ့ ဆင်းရဲဒုက္ခတွေကို ဖြစ်ပေါ်စေတဲ့ ကာလရှည်ကြာစစ်ပွဲထဲမရောက်အောင် လက်ဘနွန်ကို ကယ်တင်ဖို့ သင်တို့မှာအခွင့်အရေးရှိတယ်။ ဟဇ်ဘိုလာတို့လက်က သင်တို့နိုင်ငံ လွတ်မြောက်မှသာ စစ်ပွဲပြီးဆုံးနိုင်လိမ့်မယ် ”လို့ နေတန်ယာဟုက ပြောပါတယ်။အစ္စရေးတပ်တွေဟာ ဟဇ်ဘိုလာခေါင်းဆောင် ဟတ်ဆန်နာဆရယ်လာကို ဆက်ခံမယ့်သူကို သုတ်သင်နိုင်ခဲ့တယ်လို့ အစောပိုင်းက သတင်းတွေထွက်ပေါ်ခဲ့ပေမယ့် နောက်ပိုင်းမှာတော့ သေဆုံးမှုကို အတည်မပြုနိုင်သေးဘူးလို့ အစ္စရေးစစ်တပ်က ထုတ်ပြန်ပါတယ်။ဒီအတောအတွင်း ဟဇ်ဘိုလာတို့ကလည်း အစ္စရေးနိုင်ငံ ဟိုင်ဖာမြို့ကို ဒုံးကျည်တွေနဲ့ သုံးရက်ဆက် တိုက်ခိုက်ခဲ့ရာ လူ ၁၂ ယောက် သေဆုံးခဲ့ပါတယ်။ လက်ဘနွန်မှာတော့ အစ္စရေးရဲ့ သုံးပတ်ကြာ တိုက်ခိုက်မှုအတွင်း လက်ရှိချိန်ထိ လူ…