Year: 2024

သြဂုတ်၂၉ ၊ ၂၀၂၄ Ms(VOM) လာမယ့် စက်တင်ဘာလ ၁ ရက်ကစလို့ နိုင်ငံကူးလက်မှတ် စာအုပ်လျှောက်ထားကြေး တိုးမြှင့်မယ်လို့ မြန်မာနိုင်ငံကူးလက်မှတ် ထုတ်ပေးရေးရုံး က ယနေ့ သြဂုတ်လ၂၉ရက် မှာ စတင်ကြေညာလာပါတယ်။ နိုင်ငံကူးလက်မှတ် (Passport)လျှောက်ထားကြေးများကို မူလက စာအုပ်ဖိုးငွေ ၃၅၀၀၀ကျပ် ကောက်ခံနေရာကနေစက်တင်ဘာ လ ၁ရက် ကစလို့ ငွေကျပ် ၅၀၀၀ နှုန်းထပ်မံတိုးမြှင့်ကာ ငွေကျပ်၄၀၀၀၀နှုန်း ကို စာအုပ်ဖိုးပြောင်းလဲကောက်ခံမယ်လို့ဆိုပါတယ်။ လက်ရှိထုတ်ပြန် လိုက်တဲ့နိုင်ငံကူးလက်မှတ် (Passport) စာအုပ်ကြေးတိုးမြှင့်ကောက်ခံမှုဟာ ပထမဆုံး စာအုပ်လုပ်မယ့် သူသာမာန်နိုင်ငံကူးလက်မှတ်လျှောက်ထားသူများအတွက် နှုန်းထားဖြစ်ပြီး လက်မှတ်ပျောက်ဆုံး ပျက်စီးမှုတွေအတွက် လျှောက်ထားသူတွေအတွက်ကတော့ စက်တင်ဘာ ၁ရက်မှာ အသစ်ပြင်ဆင်လိုက်တဲ့ စာအုပ်ဖိုးငွေ ၄၀၀၀၀ကျပ်နဲ့ ပျောက်ဆုံးပျက်စီးမှု အတွက်ဒဏ်ကြေးငွေ ၆၅၀၀၀ကျပ် စုစုပေါင်း ငွေကျပ် ၁၀၅၀၀၀ကျပ် ကျသင့်မယ်လို့သိရပါတယ်။ ” ပတ်စ်ပို့ ကြေးတိုးလိုက်တာက ဘာလို့လဲဆိုတာတော့…

သြဂုတ် ၂၉ – ၂၀၂၄ KG(VOM) စားအုန်းဆီထုတ်ယူခွင့်စာအုပ်တွေကို လာမယ့်စက်တင်ဘာလဆန်းပိုင်းမှ စတင်ထုတ်ပေးသွားဖို့ရှိနေတယ်လို့ အုပ်ချုပ်ရေးအသိုင်းအဝိုင်းနဲ့ နီးစပ်သူများထံမှ သိရပါတယ်။ “အခုကသင်္ဃန်းကျွန်းမြို့နယ်ရယ် မြောက်ဒဂုံမြို့နယ်ပေါ့၊စာအုပ်ကအခုတော့မရသေးဘူး၊မြောက်ဒဂုံမြို့နယ်အတွက်လကုန်ရင်ရပြီလို့ကြားတယ်။မြို့နယ်/ရပ်ကွက်အချို့မှာတော့ စပြီးထုတ်ပေးနေပြီလို့ သိရတယ်။ ဆီစာအုပ်ကအိမ်ထောင်စုသန်းခေါင်စာရင်းရှိတဲ့သူကိုတစ်အုပ်ရမယ်။ ဧည့်စာရင်းရှိတဲ့သူကိုတအုပ်အဲဒီလိုလုပ်ပေးမှာပါ။ ပေးဖို့အစီအစဥ်ကတော့အခုအထိဘာမှအသေးစိတ်မသိရသေးဘူး။မြန်မာနိုင်ငံဆီကုန်သည်များအသင်းကဒေသဆိုင်ရာမြို့နယ်ကိုယ်စားလှယ်တွေရှိတယ်လေ။ အဲဒီ ဒီမြို့နယ်ကကိုယ်စားလှယ်တွေနဲ့ရပ်ကွက်အုပ်ချုပ်ရေးအဖွဲ့တွေနဲ့ပူးပေါင်းပြီးဆောင်ရွက်သွားဖို့ရှိပါတယ်”လို့ အုပ်ချုပ်ရေးအသိုင်းအဝိုင်းနဲ့ နီးစပ်သူတယောက်က ပြောပါတယ်။ ယခုထုတ်ဝေပေးမယ့် ဆီစာအုပ်မှာပါရှိတဲ့ စည်းကမ်းချက်တွေကတော့ ဆီစာအုပ်တွေကိုတဆင့်ရောင်းချခြင်း၊ပေါင်နှံခြင်းတွေကို(လုံးဝ)မပြုလုပ်ရဘဲ အိမ်ထောင်စုတစုလျှင်ဆီစာအုပ်တစ်အုပ်သာပိုင်ဆိုင်ခွင့်ရှိပြီး ဆီထုတ်ယူရန်သတ်မှတ်ထားသောရက်အတိုင်းထုတ်ယူဖို့နဲ့ပျက်စီးပျောက်ဆုံးပါကရပ်ကွက်အုပ်ချုပ်ရေးမှူးထံချက်ချင်းအကြောင်းကြားရမည်ဖြစ်ကာ အသက် (၁၀)နှစ်အောက်ကလေးငယ်များကိုတော့ လာရောက် ဝယ်ယူခွင့်မပြုဘူးလို့ ဖော်ပြထားပါတယ်။ “အပြင်စျေးကွက်မှာစားဆီတပိဿာကို ၂၃၀၀၀ လောက်အထိစျေးပေါက်ပါတယ်။မနေ့က ကျွန်တော်ကိုယ်တိုင် ၅၀ သားသွားဝယ်တာနှစ်သောင်းစျေး၀ယ်ခဲ့ ရပါတယ်။အဲဒါတောင်လျှို့ ဝှက်ပြီးရောင်းတာ ရင်းနှီးခင်မင်မှရောင်းပေးတာပါ။အခုကဘယ်လိုဖြစ်လဲဆို တော့ဆီခွဲတမ်းရကိုယ်စားလှယ်ကြီးတွေကလည်း စားအုန်းဆီကိုအနည်းငယ်သာ အရောင်းပြတယ်။ အပြင်ကိုမှောင်ခိုလမ်းကြောင်းနဲ့ထုတ်တယ်။ အဓိကလုပ်ရမှာကအရင်လိုစျေးကွက်အတွင်းမှာပေါများစွာဝယ်ယူရရှိနိုင်အောင်လုပ်ပေးရမှာပါ”လို့ ပြည်သူတယောက်က သူရဲ့အမြင်ကို ပြောပြပါတယ်။ ဒါအပြင် စာအုပ်ပိုင်ရှင်မှ ဆီထုတ်ယူဖို့ မအားပါက ကိုယ်စားလှယ်လွဲစာနဲ့ ထုတ်ယူနိုင်သလို စာအုပ်ကုန်တဲ့ အခါအသစ်ထပ်မံထုတ်ပေးမှာဖြစ်ပြီး ရပ်ကွက်ပြောင်းရွှေ့ပါက…

ဩဂုတ် ၂၉ – ၂၀၂၄GG(VOM)ရန်ကုန်တိုင်း၊ ကမာရွတ်မြို့နယ်၊ (၃)ရပ်ကွက်၊ ဗဟိုလမ်း၊ လှည်းတန်းအနီး ဂုံးတံတားမှာ ယာဉ်တိုက်မှုဖြစ်ပြီး နှစ်ယောက်သေကာ သုံးယောက်ဒဏ်ရာပြင်းထန်ရရှိခဲ့တယ်လို့သိရပါတယ်။ဖြစ်စဥ်က ဩဂုတ်လ ၂၈ ရက်နေ့ည ၁၁ နာရီလောက်မှာ အိမ်စီးကားအဖြူရောင်တစီးဟာ အရှိန်များပြီး ဂုံတံတားနံရံကိုဝင်တိုက်မိကာ နှစ်ယောက်ကနေရာမှာပဲ ပွဲချင်းပြီး သေဆုံးခဲ့သလိုဒဏ်ရာရသူတွေရှိခဲ့တာဖြစ်တယ်လို့သိရပါတယ်။” ကားက Honda Fitအဖြူရောင် ပါ။ကျွန်တော်တို့ရောက်တော့ ကား အနောက်ခန်းမှာပါတဲ့လူ သုံးယောက်ထဲက တစ်ယောက်က ဇောက်ထိုးဖြစ်ပြီး သေနေပြီ ။ရှေ့ခေါင်းခန်းဒရိုင်ဘာဘေးက တစ်ယောက်ကလည်း ဆွဲထုတ်တော့ သေနေပြီ။ ကျန်သုံးယောက်ကလည်း သွေးတွေတအားထွက်နေတာတွေ့ရတယ်။ တံတားပေါ်မဟုတ်ဘူး။တံတားအောက် နံရံကိုတိုက်တာ။အသက်ရှင်တဲ့သူသုံးယောက်ကအရက်မူးနေကြတာ ။” လို့ ၃ ရပ်ကွက်နေထိုင်သူတယောက်က ပြောပါတယ်။ယာဥ်တိုက်မှုကြောင့် သေဆုံးသူနဲ့ ထိခိုက်ဒဏ်ရာ ရရှိသူတွေက အမျိုးသားတွေချည်းဖြစ်ပြီး အားလုံးကို လူမှုကူညီရေး အသင်းတွေက ညတွင်းချင်း ရန်ကုန်ပြည်သူ့ဆေးရုံကြီးကို ပို့ဆောင်ထားတယ်လို့သိရပါတယ်။ဩဂုတ်လ ၁၃ ရက်နေ့ကလည်း အလုံမြို့နယ် ၊အောက်ကြည့်မြင်တိုင်လမ်း၊…

ဩဂုတ် ၂၉ ၊ ၂၀၂၄ Shy V (VOM) ကချင်ပြည်နယ်၊ ဗန်းမော် နဲ့ မိုးမောက်ကြား အခုရက်ပိုင်းမှာ တန်ပြန် စစ်ကြောင်းထိုးလာတဲ့ နစက တပ်ဖွဲ့ နဲ့ KIA ပူးပေါင်း တပ်ဖွဲ့ တို့ အကြား တိုက်ပွဲ ပြင်းထန်နေကြောင်း ဒေသခံတွေ ဆီက သိရပါတယ်။ “ဗန်းမော် ၇ မိုင် မရောက်ခင်မှာ တိုက်ပွဲ ပြင်းထန်နေတာ။ တအား ပစ်တယ်။ စစ်တပ်ဘက်က သူတို့ ဆုတ်ခွာထားခဲ့တဲ့ ဒီ ၄၃၇ ဘက်ကို စစ်ကြောင်း ပြန်ထိုးလာတာ” လို့ ဒေသခံ အမျိုးသမီး တယောက်က ပြောပါတယ်။ နှစ်ဖက် အထိအခိုက်တွေ များတယ်လို့ ကြားပြီး ဒေသခံပြည်သူတွေလည်း ရက်ပေါင်းများစွာ စစ်ဘေး ရှောင်ရတာကြောင့် တိုက်ပွဲ မဖြစ်စေချင်တော့ဘူး လို့ သူက…