Year: 2024

  ဘဂ္ဂဒက်၊ ဩဂုတ်-၆-၂၀၂၄ မျိုးဆက်(VOM) အီရတ်ရှိ အမေရိကန်စစ်အခြေစိုက်စခန်းတခုကို ဒုံးကျည်နဲ့ ပစ်ခတ်တိုက်ခိုက်မှုကြောင့် တပ်ဖွဲ့ဝင်အများအပြား ဒဏ်ရာရရှိခဲ့ကြောင်း အမေရိကန်တာဝန်ရှိသူတွေက ပြောပါတယ်။ ဟားမတ်စ်နဲ့ ဟဇ်ဘိုလာ ထိပ်တန်းခေါင်းဆောင်တွေ မကြာသေးမီက လုပ်ကြံသတ်ဖြတ်ခံရပြီးနောက် အရှေ့အလယ်ပိုင်းဒေသဟာ အကဲဆတ်လာတဲ့ အခိုက်အတန့်ဖြစ်ကြောင်း အမေရိကန်နိုင်ငံခြားရေးဝန်ကြီး ဘလင်ကင်က သတိပေးပြီးနောက် တိုက်ခိုက်မှုဖြစ်ပေါ်လာခဲ့တာဖြစ်ပါတယ်။ အီရတ်နိုင်ငံ အနောက်ပိုင်းရှိ အယ်လ်အာဆက် လေတပ်စခန်း တို်ကခိုက်ခံခဲ့ရပြီး ပျက်စီးမှုတွေကို အကဲဖြတ်နေဆဲဖြစ်တယ်လို့ အမေရိကန်စစ်တပ်တာဝန်ရှိသူတွေက စီဘီအက်စ်သတင်းဌာနကို ပြောပါတယ်။ တိုက်ခိုက်မှုကို ဘယ်အဖွဲ့က ပြုလုပ်ခဲ့တယ်ဆိုတာ ရှင်းရှင်းလင်းလင်း မသိရသေးပါဘူး။ ပစ်ခတ်လိုက်တဲ့ ဒုံးကျည်နှစ်စင်းဟာ ကေတီယူရှား အမျိုးအစားများဖြစ်ပြီး အခြေစိုက်စခန်းအတွင်းကို ကျရောက်ပေါက်ကွဲခဲ့တာဖြစ်ပါတယ်။ အမေရိကန်နဲ့ ဒေသတွင်းမဟာမိတ်တွေကို တိုက်ခိုက်ဖို့ ပြင်ဆင်နေတဲ့ စစ်သွေးကြွတွေကို ကိုယ့်ကိုကိုယ်ခုခံကာကွယ်မှုအရ ပြီးခဲ့တဲ့ သီတင်းပတ်အတွင်းက အီရတ်မှာ စစ်ဆင်ရေးပြုလုပ်ခဲ့ကြောင်း တာဝန်ရှိသူတွေက ထုတ်ဖော်ပြောကြားထားပါတယ်။ Ref:BBC Photo:Reuters #Voiceofmyanmar…

  ‘ဒါကာ၊ ဩဂုတ်-၆-၂၀၂၄ မျိုးဆက်(VOM) ဘင်္ဂလားဒေ့ရှ်နိုင်ငံမှာ ဆန္ဒပြပွဲတွေ ပြင်းထန်လာပြီးနောက် နိုင်ငံကို ကာလရှည်ကြာအုပ်ချုပ်ခဲ့တဲ့ ဝန်ကြီးချုပ် ရှိတ်ဟာစီနာ ရာထူးကနေထွက်ကာ နိုင်ငံကိုနေ ထွက်ပြေးသွားပြီးနောက် နိုင်ငံကို စစ်တပ်က ထိန်းချုပ်ထားပြီး ကြားဖြတ်အစိုးရ ဖွဲ့ပေးမယ်လို့ စစ်တပ်အကြီးအကဲက အာမခံလိုက်ပါတယ်။ “ တိုင်းပြည်က အများကြီးဒုက္ခအများကြီးရောက်နေတယ်။ စီးပွားရေးလည်းကျဆင်းနေတယ်။ လူအတော်များများ သေကုန်ကြပြီ။ အကြမ်းဖက်မှုတွေကို ရပ်တန့်ဖို့ အချိန်ရောက်ပြီ” လို့ ဘင်္ဂလားဒေ့ရှ် စစ်တပ်အကြီးအကဲ ဗိုလ်ချုပ်ကြီး Waker-Uz-Zaman က ရုပ်မြင်သံကြား မိန့်ခွန်းမှာ ပြောပါတယ်။ ပြီးခဲ့တဲ့လကစတင်ခဲ့တဲ့ အစိုးရဆန့်ကျင်ရေး ဆန္ဒပြပွဲတွေကို ဖြိုခွင်းဖို့ ရဲနဲ့ လုံခြုံရေးတပ်ဖွဲ့ဝင် အင်အားများစွာ အသုံးပြုတာကြောင့် လူသုံးရာနီးပါး သေဆုံးခဲ့ပေမယ့် ဆန္ဒပြသူတွေဟာ ဝန်ကြီးချုပ်နန်းတော်ကို မနေ့က ဝင်ရောက်စီးနှင်းပြီးနောက် ရှိတ်ဟာစီနာဟာ ရာထူးကနေထွက်ပြီး ပြည်ပထွက်ပြေးခဲ့ပါတယ်။ ကြားဖြတ်အစိုးရဖွဲ့မယ်ဆိုတဲ့ စစ်တပ်အကြီးအကဲရဲ့ ကြေညာချက်အပြီးမှာတော့ ဘင်္ဂလားဒေ့ရှ်ပြည်သူ…

  ပြုံးယမ်း၊ ဩဂုတ်-၆-၂၀၂၄ မျိုးဆက်(VOM) မြောက်ကိုရီးယားစစ်တပ်ဟာ တောင်ကိုရီးယားနယ်စပ်အနီးရှိ ရှေ့တန်းစခန်းတွေမှာ နည်းဗျူဟာမြောက် ပဲ့ထိန်းဒုံးကျည်လောင်ချာ ၂၅၀ ်ကြက်သွားမယ်လို့ အာဏာရအလုပ်သမားပါတီရဲ့ ရိုဒေါင်ဆင်မွန်သတင်းစာက ဖော်ပြပါတယ်။ မနေ့က ပြုလုပ်တဲ့ ဒုံးကျည်စနစ်သစ်တွေ စစ်တပ်ကို လွှဲပြောင်းတဲ့အခမ်းအနားကို ခေါင်းဆောင် ကင်ဂျုံအန်တက်ရောက်ခဲ့ပြီး တောင်ကိုရီးယားစစ်တပ်နဲ့ အမေရိကန်အခြေစိုက်စခန်းတွေကို ပစ်မှတ်ထားတိုက်ခိုက်နိုင်တဲ့ ပဲ့ထိန်းဒုံးကျည်တွေအတွက် ဒုံးပစ်လောင်ချာအများအပြား ထုတ်လုပ်ထားတယ်လို့ ဆိုပါတယ်။ အမေရိကန်အပေါ် ထိပ်တိုက်ရင်ဆိုင်ရေးမူအပေါ် ကြိုတင်ပြင်ဆင်ရမှာဖြစ်ပြီး အမေရိကန်နဲ့ တောင်ကိုရီးယားတို့အပေါ် မြောက်ကိုရီးယားရဲ့ အဟန့်အတား ပိုမိုခိုင်မာအားကောင်းဖို့ ကင်ဂျုံအန်က အလေးပေးပြောဆိုခဲ့ပါတယ်။ ဇူလိုင်လအတွင်းက နိုင်ငံအချို့ဒေသတွေမှာ ရေဘေးသင့်ခဲ့ပေမယ့် ဘယ်လိုအခြေအနေမျိုးမဆို ရပ်နေမှာမဟုတ်ဘဲ ကာကွယ်ရေးစွမ်းရည်ကို ဆက်လက်မြှင့်တင်သွားမယ်လို့ ကင်ဂျုံအန်က ပြောပါတယ်။ မြောက်ကိုရီးယားဟာ သူ့ရဲ့ဖျက်အားပြင်း တာတိုပစ်ဒုံးကျည်ဖြစ်တဲ့ ဟွာဆောင်-၁၁ ကို ဇူလိုင်လအတွင်းမှာ ပစ်ခတ်စမ်းသပ်မယ်လို့ အစောပိုင်းက ပြောကြားထားပေမယ့် ခုချိန်ထိ ပစ်ခတ်ခြင်းမရှိသေးတဲ့ပေါ် အမေရိကန်နဲ့ တောင်ကိုရီးယားတို့က…

  ဒါကာ၊ ဩဂုတ်-၆-၂၀၂၄ မျိုးဆက်(VOM) ဘင်္ဂလားဒေ့ရှ်ဝန်ကြီးချုပ် ရှိတ်စီနာ ရာထူးကနေနုတ်ထွက်ကာ ပြည်ထွက်ပြေးပြီးနောက် စစ်တပ်က နိုင်ငံကို ထိန်းချုပ်ထားပြီး အခြေအနေတွေ ဘယ်လိုဖြစ်လာမယ်ဆိုတာကို ပြည်သူတွေနဲ့ ကမ္ဘာ့နိုင်ငံတွေကု စောင့်ကြည့်နေကြပါတယ်။ မနေ့က ဆန္ဒပြသူတွေဟာ ဝန်ကြီးချုပ်နန်းတော်ကို ဝင်ရောက်စီးနှင်ပြီးနောက် ဝန်ကြီးချုပ် ထွက်ပြေးသွားချိန်မှာ စစ်တပ်က တိုင်းပြည်ကို ထိန်းချုပ်ထားပြီး ယာယီအစိုးရဖွဲ့စည်းပြီး ရွေးကောက်ပွဲလုပ်ပေးမယ်လို့ အာမခံထားပါတယ်။ ဒီနေ့ ဩဂုတ် ၆ ရက်မှာတော့ ပါလီမန်ကို ဖျက်သိမ်းလိုက်ပါတယ်။ ဒါဟာ ဆန္ဒပြသူတွေတောင်းဆိုထားတဲ့အချက်ထဲက တခုဖြစ်ပါတယ်။ န္ဒပြကျောင်းသားခေါင်းဆောင်တွေကတော့ စစ်တပ်ဦးဆောင်တဲ့အစိုးရကို လက်ခံမှာဟုတ်ဘူးလို့ ကြေညာထားပါတယ်။ မနေ့က ဆူပူအုံကြွမှုအတွင်း တရက်တည်း လူ ၁၀၀ ကျော်သေဆုံးခဲ့ပါတယ်။ အစိုးရအလုပ်ခွဲတမ်းနဲ့ပတ်သက်ပြီး ဇူလိုင်လကစတင်ခဲ့တဲ့ ဆန္ဒပြပွဲတွေဟာ တဖြည်းဖြည့် ကျယ်ပြန့်လာပြီး ဝန်ကြးချုပ်ဟာနီနာနုတ်ထွက်ရေးအပါအဝင် အစိုးရဆန့်ကျင်ရေးအသွင် ကျယ်ပြန့်လာခဲ့ပါတယ်။ ကျောင်းသားတွေဟာ စစ်တပ်ဦးဆောင်တဲ့အစိုးရကို လက်မခံကြောင်းနဲ့ နိုဘယ်ငြိမ်းချမ်းရေးဆုရှင် မိုဟာမက်ယူနပ်စ်က…