ပေကျင်း၊ ဇန်နဝါရီ-၁၇-၂၀၂၅
မျိုးဆက်(VOM)
ကျားဖြန့်ငွေလိမ်ဂိုဏ်းတွေနဲ့ အွန်လိုင်းလောင်းကစားတွေကို နှိမ်နှင်းရေးအတွက် ထိရောက်တဲ့အစီအမံတွေလုပ်ဖို့ အာဆီယံနိုင်ငံတွေကို တရုတ်နိုင်ငံခြားရေးဝန်ကြီး ဝမ်ယီက တိုက်တွန်းလိုက်ပါတယ်။
ထိုင်း-မြန်မာနယ်စပ်မှာ အွန်လိုင်းလောင်းကစားနဲ့ ကျားဖြန့်လုပ်ငန်းတွေကြီးထွားလာနေပြီး လိမ်လည်မှုတွေ ဆက်တိုက်ဖြစ်ပေါ်နေတာပြီးနောက် ဒါဟာ တရုတ်နဲ့ အခြားနိုင်ငံသားတွေကိုပါ ခြိမ်းခြောက်နေတယ်လို့ တရုတ်နိုင်ငံခြားရေး ဝန်ကြီးဌာနကလည်း ထုတ်ပြန်ပါတယ်။
နိုင်ငံပေါင်းစုံက ခရီးသွားတွေအတွက် ဘေးကင်းလုံခြုံတဲ့ ဝန်းကျင်ဖန်တီးရေးမှာ အာဆီယံနိုင်ငံတွေနဲ့ ပူးပေါင်းဆောင်ရွက်မှု မြှင့်တင်ဖို့ကိုလည်း တရုတ်နိုင်ငံက ဆန္ဒရှိတယ်လို့ ဒေသတွင်း သံတမန်တွေနဲ့ တွေ့ဆုံရာမှာ တရုတ်နိုင်ငံခြားရေးဝန်ကြီး ဝမ်ယီက ပြောပါတယ်။
လုံခြုံရေး ပူးပေါင်းဆောင်ရွက်မှုတိုးမြှင့်ဖို့ တရုတ်နိုင်ငံရဲ့ကမ်းလှမ်းချက်ဟာ အရှေ့တောင်အာရှမှာ ကျားဖြန့်လုပ်ငန်းတွေနဲ့ လူမှောင်ခိုကူးမှုတွေ ကြီးထွားလာတဲ့အပေါ် တရုတ်နိုင်ငံရဲ့ စိုးရိမ်ပူပန်မှုကို ထင်ဟပ်နေတယ်လို့ အကဲခတ်တွေက သုံးသပ်ပါတယ်။
နယ်စပ်ဖြတ်ကျော်မှုခင်းတွေကို ကိုင်တွယ်ဖြေရှင်းရေးမှာ မြန်မာ၊ ထိုင်းအပါအဝင် အာဆီယံနိုင်ငံတွေနဲ့ပူးပေါင်းဆောင်ရွက်မှု အားကောင်းစေဖို့ အရေးတကြီး အကြံပြုချက်သစ်တရပ်ကိုလည်း တရုတ်နိုင်ငံက အကြံပြုခဲ့ပါတယ်။
မကြာသေးမီကလည်း ထိုင်း-မြန်မာနယ်စပ်မှာ တရုတ်သရုပ်ဆောင်တယောက်ကို ကျားဖြန့်ငွေလိမ်ဂိုဏ်းက ဖမ်းဆီးခိုင်းစေမှုကို ပြန်လည်ကယ်ထုတ်နိုင်ခဲ့ပြီးနောက် ကျားဖြန့်လုပ်ငန်းတွေနဲ့ပတ်သက်ပြီး သတိရှိဖို့ တရုတ်နိုင်ငံ သတိပေးထုတ်ပြန်ခဲ့ပါတယ်။
Ref:Asia One
Photo:Bernama
VOM Telegram Channel: https://t.me/VOMNEWS2023/11764
VOM Viber Channel: https://invite.viber.com/…
VOM Youtube Channel: https://www.youtube.com/channel/UCMHge_I_r2t4sISomPm392g
VOM Website Link: http://tinyurl.com/ywyd7eyn.n.
